بسم الله الرحمن الرحيم
.
.
.
.
مروه
بقيت مصدومه لمن شفت امي صيح وتلطم على وجها وخدودها كلها دم وبواحدها وحسن ماكو مو وياها بس خالي ابو عدنان لازمها ويهدي بيها بس اريد احرك رجليه واروح ليها اتلاكاها مااكدر وحنين كعدت على ركبها ترجف والدموع صب وتصيح
حنين -انكتل اخوي انكتل راح من ادينه راح
زكيه راحتلها وحضنت امي اخذتها من يد خالي وحنه على نفس الصدمه مابينه نتحرك
من مكانه لمن وصلت لباب البيت اجو ولد زكيه يركضون ويسلون عل صار بس هيهات امي نهارت وكعت تجالها خالي من جها وزكيه من جها وفوتوها للبيت سحلت حنين من يدها وجريتها للبيت ورا امي بس اريد اعرف السالفه من جها حنين الفرفحت ومن جها امي الفاقده وخالي محتار باامي يريد بس يرجع وعيها قطرت دم مابقت بيه من الخوف اصنمت مكاني حضنت حنين على كلبي بس اريدها تسكت اريد افتهم شكو صاير ولد زكيه
واكفين باب الصاله لمن جومانه حجت وهيه ترجف والدموع تتسابق
جومانه
-صاير عمو وين حسن شكو احجي عفيه
ابو عدنان
-بويه ماكو شي والله العظيم ماكو شي بس ام حسن ماتنطي مجال عبالك ابنها استشهد
كل الي صار من فاتو للمستشفى يم التفتيش صارت طلابه بين الحارس وبين واحد يريد يفوت سيارته للساحه مال المستشفى غصب والحارس يكله ممنوع تفوت سيارتك وكبت العركه بين ابو السياره وبين الحارس السالفه مو يم حسن بس الخ ما فات ليجوه بقه واكف ويتفرج عل طلابه لمن علكت اجت الشرطه شالت ابو السياره وشكو واحد واكف يم الطلابه ومن ضمنهم حسن الي ماانطه بروحه
كام يعاتت بيهم ويصيح مالي علاقه بلشو الشرطه بي جلاليق وراجديات وكلبجو وصعدوه بل بدي مال السياره
جومانه-لعد عمو ماتدخلت وكلتلهم ماله علاقه لاتاخذوه
ابو عدنان
-جا عمي شسويله قابل زعطوط اجت امه باب الطوارئ بقينه منتضرينه صحنه عليه هوه واكف باب الساحه مال المستشفى يتفرج
لمن سحلته الشرطه بقه يترادم وياهم وحتاريت بامه الي ملخت روحها كوه جبتها لهنا هسه اني رايح اطلعه من المركز
انداريت على صوت ولد بل باب حسان ابن عم حسن
حسان -خير شصاير؟
سولفله بختصار ابو عدنان عن السالف رجع ندار على حنين نتر بيها
حسان
-حنين البشي شي على راسج كومي يلا وانتم شباب شكو طابيت لهنا مكانكم بل مضيف روحو للمضيف
طلعو اخوتي راحو للمضيف الخارجي وابو عدنان وحسان راحو يشوفون سالفت حسن
احس العبره خنكتني بصدري والرجفه اخذت حيلي امي محتاره ب امي حسن وحنين بعدها تفرفح اخذتها مروه وفوتتها للغرفه مالتهن ورجعت اخذت امها فوتتها لغرفه ثانيه
اباوع واني ساكته بس العبره تتكسر بصدري
وين انطي وجهي من شفت الصاله فرغت رحت ركض لغرفته طبيت وسديت الباب بل خنسه اباوع جربايه ام نفر وكنتور ابو بابين على جها ومرايه بل جها الثانيه عليها شسوار وعطر وشغلات ثانيه رحت فتحت باب الكنتور اخذن تشيرت حضنته وبقيت اشم بي
كعدت على جربايته دنكت اشم بمخدته مره واشم بتشيرتا ااخ يا ريحتك الترد الروح بجيت لمن مليت على الهبطه الكلتها عبالي مات من ورا امه اجتنه شايطه بزعتنه العافيه
فرفحت من كيفي ذكرت من فاتو علينه بل صالون وهمه يفشرون عليه وعلى امي والنسوان صيح كسرو الجام وحركو كلشي اجه بعقلي انهاريت وزدتت بجي اريد اطلع العبره البصدري فزيت من امي صاحت عليه شمرت التشيرت على الجربايه مسحت دموعي ويما فتحت باب الغرفه لاكتني مروه وجه بوجه
