حكايات السبع بنات

الفصل الثالث عشر

عند البنات يسمعوا صوت صو*يت من غرفه ميار ليجروا عليها سريعا
ليروا شخص ملثم يحاول ان يأخذ ميار واول ما يراهم يمسك السكين ويضعها على رقبه ميار ويقول:
اللى هتتحرك خطوه واحده هقت*لها
لتقول نورهان ببرود:
طب ابقى فكر بس تعملها وشوف هيحصل فيك ايه ثم انك لو عايز تقت*لها كنت عملت كدا من بدرى من قبل ما ندخل فاحسنلك تسيبها لانى عرفت مين اللى بعتك وانت وهو هتترموا فى أقرب ق*سم حالا لاننا اصلا بلغنا
لتقول خلود بهدوء:
ايوه احنا اساسا كنا عارفين ان هيحصل حاجه زى دى وصحبتنا شافتك وانت طالع على المواسير فى الكام دقيقه دول كلمنا الشرطه وزمانها جايه وهتاخدك انت والأستاذ اللى احنا عارفين هو مين وبعتك ليه
ليقول الرجل بالامبالاه:
مهو انا لو مطلعتش من هنا بيها همو*ت بردوا لكن لو الشرطه أمرها سهل هخرج منها بسرعه جدا فأنا هاخدها بردوا
لتقول بوسى بخوف:
احنا هنضمنلك انك متتأذيش هنقول للشرطه كل حاجه وانك متهد*د متقلقش بس سيبها
وكل دا وهو منشغل بالحديث معهم تضر*به ميار برجلها على رجله ليبعد السكي*ن وتضر*ب برأسها فكه ليتوجع وهى تجرى وتذهب إلى جانب البنات
وتقول ميار بضيق:
يلا ي اهطل من هنا قول للى باعتك يبقى يبعت حد متمكن شويه وعقبال ما الشرطه هتيجى هنعمل كدا لينقضوا عليه البنات وهو يصرخ ويظلوا يضربوه جدا إلى أن خارت قواه وبعدها اخذوه نورهان وخلود وراقيه وجروه على السلالم ليتأوه
ويظل يحاول ان يفلت منهم وهم يجروه إلى أن أصبح فى نهايه السلم واخذوه ورموه خارج العماره ووقفت خلود واتصلت بالشرطه وقالت بهدوء:
لو سمحتوا فى واحد دخل بيتنا وكان بيحاول يقت*ل صحبتنا واحنا عارفين مين اللى بعته لو سمحتوا تيجوا بسرعه
وتغلق
لينظر الرجل إليهم بشر بعد ان فهم انهم لم يبلغوا الشرطه إلا الان
لتقول له راقيه بسخريه:
انت مفكر اننا شوفناك بجد وبلغنا الشرطه انت طلعت ساذج اوى عدت عليك دى تفتكر لو شوفتك هسيبك يعنى تطلع عادى ما كان زمانى حدفتك بأى طوبه وكنت لميت عليك الناس غبى زى اللى بعتك
لتقول نورهان ببرود:
خمس دقايق وهتتاخد انت واللى بعتك اللى كنت خايف منه كان ممكن نحميك بس انت اخترت استحمل
ليتجمع الناس ويمسكوه معهم
وتقول ام هاله بتدخل ولؤم:
ايه اللى حصل يا بنات وكان بيحاول يقت*ل مين وليه
لتقول بوسى بعد ان نزلت بضيق:
يعنى لو عرفتى هتعملى ايه فرقت كان عايز يق*تل مين اسكتى يا ام هاله شويه وبطلى تدخلى فى اللى ملكيش فيه لاحسن انا مش نسيالك موقف اخر مره
لتقول ام هاله بضيق:
عيب كدا يا بوسى دانا زى امك بردوا ولا انتى عشان امك مش موجوده ومنعرفش اهلك فين نسيتى الادب دا إذا كان هى علمتهولك اصلا
لتنقض عليها بوسى ويحاولوا البنات ان يفصلوهم ولكن لا جدوى لتصل الشرطه وترى ما يحدث فى ظل هذه الأجواء يهرب الرجل ليلمحه الضابط ويعرف انه المت*هم ليقول بحده:
عسكرى هاته بسرعه
لتقول نورهان بضيق:
بس بقا يا بوسى اهو الراجل اتزفت هرب مترديش عليها انتى كدا بتعمليلها قيمه وهى بلا قيمه اهدى شويه
ليتدخل الضابط ويقول بحده:
ايه اللى بيحصل ده قومى انتى وهى
لتقف بوسى وام هاله وينظروا لبعضهم بضيق
لتقول ام هاله بلؤم:
يا باشا انا معملتش حاجه هى اللى ضر*بتنى زى مانت شايف كدا وانا كنت بقولها تتعلم الادب بس عشان بترد عليا
لتتدخل ميار وتقول:
هى اللى غلطانه يا باشا صحبتى مغلطتش وبتدافع عن نفسها لانها جابت سيره أهلها وقالت كلام مش كويس
ليقول الضابط بضيق وحده:
بااااس اسكتوا انتى وهى انتوا هتطلعوا معايا انتى يا انسه بوسى انتى والمدام
لتدخل خلود وتقول بضيق:
ايه اللى حضرتك بتقوله ده تاخدها ليه يعنى خلاص خناقه حصلت وخلاص احنا كلمنا حضرتك عشان المت*هم اللى هرب
ليقول الضابظ بالامبالاه:
اديكى قولتى اللى هرب هرب بسبب مين بسبب الخناقه اللى حصلت وبعدين المدام دى لو مش عايزه تعمل محضر يبقى هى اللى تقول قولى يا مدام عايزه تعملى محضر فيها
لتقول ام هاله بضيق:
ايوه طبعا حضرتك مش شايف عملت فيا ايه
ليقول الضابط بهدوء:
خلاص كدا يلا بينا انتى وهى
لتقول بوسى ببرود:
مش فارقه وكدا كدا هطلع فيلا
ليقول الضابط بسخريه:
وانتى واثقه اوى كدا ليه طب عشان كلمتك دى مش هتطلعى خالص
لتقول بوسى ببرود:
هنشوف يا حضرة الضابظ يلا
لتطلع معهم والبنات يحاولوا ان يأخذوها لتنظر لهم بوسى بإطمئنان
وتطلع البوكس والبنات يسألوا الضابط قسم ايه ويطلعوا وراها بتاكسي
لتقول راقيه بإستغراب:
هى مالها بوسى غريبه كدا ليه عادى كدا تروح ومش هاممها وعارفه انها هتطلع عادى البت اتعودت على القس*م ولا ايه
لتقول نورهان بضحك:
لا ياختى الهيرو بتاعها هينقذها اومال هى عايزه تروح عشان تشوف عامر وتشوف هيعمل ايه ما البت وقعت
لتقول ميار بضحك:
حب من اول بوكس ولا لا استنى حب عبر البوكس او عبر الزنزانة ليضحكوا جميعا
ويوصلوا ويروا بوسى وهى تنزل وتدخل ويدخلوا معها
واول ما تدخل القسم ترى عامر
ليقول عامر بإستغراب:
بوسى انتى بتعملى ايه هنا انتى وجماعتك
لتقول بوسى ببرود:
اسأل الضابط اللى جابنى وقوله ازاى يكلمنى ويجبنى هنا
لينظر عامر بضيق إلى الضابظ نبيل ويقول له:
انت جايب المدام اقصد الانسه وجاى هنا ليه
ليقول نبيل بضيق:
متقدم فيها بلاغ يا عامر انت تعرفها ولا ايه
ليقول عامر بغضب:
دى خطيبتى مستقبلا يا زفت بلا بلاغ بلا بتاع يلا يا بوسى ارجعى انتى والبنات البيت
لتقول بوسى بطاعه:
حاضر يا عمورى
لينظر لها كل من البنات وعامر ونبيل بصدمه
لتقول بسرعه:
اقصد يا حبيبى اقصد يا يا الاه جرا ايه يا جماعه محدش له دعوه خطيبى وانا حره فيه مش صح يا عمورتى
ليقول عامر بتوهان:
ايه ليفيق ويقول بحب:
صح يا حبيبتى حبيبتى تقول اللى هى عايزاه
لتقول بوسى بحب:
ميرسى يا روحى يلا بقا هنمشى انا والبنات عشان سايبين بيتنا والبنات وراهم مشاغل عن اذنك
ليقول عامر بغمزه:
اذنك معاكى يا بسبوستى
لتضحك بوسى والبنات يبتسموا ويغمزوا إليها وهى تضحك ويطلعوا وينتظرون تاكسى إلى أن يروا تاكسى ويركبوا ويمشوا
عند مازن ومروان وعمر
كانوا يحاولوا ان يسيطروا على الموقف وان يوقفوا مروان ولا يعرفوا ان يسيطروا على السياره إلى أن تظهر فتاه أمامهم فيحاولوا ان يوقفوا السياره ولكن فات الأوان والسياره تضرب البنت بقوه وتدفعها للخلف وتقع وتنزف كثيرا
كل ذلك حدث فى ثوانى وهم لا يستوعبون وينزل كلا من مازن وعمر ومروان ويروا البنت وهى تنز*ف
ليقول عمر بخوف:
يا نهار ابيض البت بتتصفى تعالوا نلحقها بسرعه
ليقطع مروان قميصه سريعا ويربط به دماغ الفتاه ولا يرى وجهها من كثرة الد*ماء
ليحملها مروان بهدوء حتى لا يحدث اى حركه خطأ فتأدى إلى مشكله اكبر ويمشى ببطئ ويأخذها للعربيه ويجلس خلف ويضعها على رجله
ويطلع مازن وعمر فى الامام
ليقول مروان بضيق:
انا السبب انا اللى غلطان مفيش حد بيسلم منى انا السبب
ليقول عمر بهدوء:
متحملش نفسك الغلط يا مروان اهدى كله هيبقى كويس دا قدرها ومكتوب وهى هتبقى كويسه بإذن الله
ليقول مازن بسرعه وينزل:
خلاص وصلنا تعالى يا عمر نجيب نقاله نحطها عليها
لينزلوا ويظل مروان كحالته ويقول:
يارب تبقى كويسه يارب
ويأتى مازن وعمر بنقاله والممرضين
ويأخذوها بالراحه
وينظر إليها مروان بتوتر وينزل خلفهم ويمشوا بها ويدخلوا إلى غرفه العمليات ويجهز مروان ايضا ليدخل غرفه العمليات
ليقول مازن لعمر بتذكر:
فين شنطه البنت اللى وقعت منها صحيح
ليقول عمر بتذكر:
اخدتها وانا بطلع هى فى العربيه هروح اجيبها واجى
ليؤمئ له مازن
بعد خمس دقايق يأتى عمر ويقول:
اهى
ليبحثوا بداخلها عن هاتفها ويجدوه
ليحاولوا ان يفتحوه ولكن يوجد رقم سرى ليقول عمر:
احنا نجرب خمس مرات ولو منفعش خلاص
ليجربوا كل الارقام ليفتح اخيرا
ويقول مازن بسخريه:
فيه حد يعمل الباسورد العبيط دا ايه1234 دى لو عيل هيعرفها
ليقول عمر:
هى عشان عارفه انها سهله فقالت مش هتخطر على بال حد فتعملها بس كويس اهو نتصل بحد من اهلها
ليقول مازن بعمليه:
ايوه ويبحث فى الاسماء ليرى اسم نورهان وبوسى وميار وراقيه وخلود وداليا ليقول بضيق:
الاه مش لاقى رقم ابوها او امها حتى خلاص هتصل على الرقم اللى بترن عليه كتير هشوف السجل ليرى اسم نورهان ليرن وينتظر
لترد وتقول بضحك:
فينك يا بت يا هموسه فاتك كتير اوى وقصه حب بوسى وعامر وياختاى بجد انتى والبت داليا و
ليقاطعها مازن ويقول بضيق:
فى ايه يا انسه مش تستنى لما اتكلم مش مديه فرصه للى قدامك يتكلم خالص عموما اختك ولا صحبتك عملت حادثه وفى مستشفى... اتفضلى تعالى شوفيها وقفل
ليقول عمر بإستغراب:
مالك يا عم فى ايه فى حد يقول لحد الخبر كدا
ليقول مازن بضيق:
لا كنت اقولها براحه وتقعد تتصدم وترغى يابنى دى مش سيبالى فرصه اتكلم اقول حاجه كدا احسن
ليقول عمر بهدوء:
ماشى اللى انت شايفه تعالى نقعد
ليذهبوا ويقعدوا على المقاعد
عند البنات
نورهان مصدومه وتقول بعدم استيعاب:
همسه فى مستشفى... وعملت حادثه
ليشهقوا جميعا
وتقول خلود بسرعه:
لو سمحت خدنا على المستشفى بسرعه
لتقول بوسى بخوف:
نورهان فوقى فوقى بإذن الله هتبقى كويسه احنا رايحين اهو
لتؤمئ لها نورهان بنعم وتصمت
ليسكتوا جميعا ويدعوا ان تصبح بخير
وبعد ربع ساعه وصلوا ودخلوا يسألوا
لتقول ميار بخوف:
لو سمحتى يا انسه فيه حاله هنا دخلت كانت عامله حادثه ولسه جايه من شويه
لتقول البنت بعمليه:
ايوه الدور التانى اول اوضه على ايدك الشمال
ليطلعوا بسرعه
ويقفوا أمام غرفه العمليات ويظلوا يبكوا
لينظر لهم مازن وعمر ويصدم مازن ان ميار وخلود من ضمن عائله الفتاه التى خبطوها
ليقول مازن بسرعه:
عمر عارف البنت اللى لابسه ابيض فى ازرق دى هى دى اللى اتجوزها محمد
لينظر عمر ويقول بتفكير:
يا عينى دى شكلها هتتعبه جدا بس احسن هو يستاهل لانه عمل فيها كدا
ليقول مازن بسخريه:
دى شكلها ناوياله على نية سودا بتقول مش عايزه تطلق
ليقول عمر بضحك:
الواد محمد دا مرزق من يومه شكلها هتطلع عليه اللى كان بيعمله فى البنات وهتعدله
ليقول مازن بضحك:
ايوه انا حاسس كدا المهم بلاش دلوقتى نقول اننا اللى خبطناها هنعمل نفسنا جايين نشوف مروان وكدا ماشى
ليقول عمر:
تمام كويس انك عرفتنى
لتنظر ميار بجانبها وترى مازن فهى تعرفه هى وخلود وانه صاحب اخو جوزها لتستغرب هى وخلود وينظروا لبعض وبعدها يسكتوا
ليخرج مروان من غرفه العمليات ويقول:......
عند داليا
وصلت الدرس وقعدت
لقيت اللى داخل عليها وقالتله بضيق:
هو انت نعم حضرتك عايز ايه
ليقول الشاب بضيق:
يا شيخه يخربيت الصدف اللى بتخلينى اشوفك هكون عايز ايه متنيل عايز اخد بنت اختى من عندك
لتقول داليا بضيق:
قال يعنى انا اللى حابه الصدف دى دانت متنيل شايف الحرامى المفروض تجرى وراه لا ازاى لولا انى قولتلك مكنتش روحت اسم بنت اختك ايه
ليقول الشاب ببرود:
سندس وننجز عشان مش فاضى
لتقول داليا بضيق:
هو انت خال سندس وانا اقول البت باظت منين اكيد منك
ليقول الشاب بغضب:
بقولك ايه اهدى شويه على نفسك كدا هو انا دايسلك على طرف يا بت انتى ومالك ببنت اختى اوعى تجيبى سيرتها احسن منك يا بت وروحى اندهيلى المس يلا بلاش كتر كلام
لتقول داليا بغضب:
بقولك ايه يالا انت متتكلمش معايا كدا ثم انا المس اصلا انت مبتشوفش ولا ايه اتفضل خد بنت اختك ومتجيش عندنا تانى
ليقول الشاب بسخريه:
ليه من جمال عيونك هرجع تانى ليأخذ سندس ويمشى
وسندس تقول له بضيق:
خالو علفكرة انا مش بايظه مس داليا هى اللى مدايقه منى عشان كريم بيقولها متزعقيش لسندس
ليقول أسامه بضيق:
كريم مين يا بت انتى دانا هنفخك بس اما نرجع البيت خليتى اللى متسواش دى تقول عليكى بايظه
تصبر عليا بس هطلع العيال من عندها كلهم و ليحدث....
اسامه الشاذلى يبلغ من العمر30عاما وسيم وخلقه ضيق وهو دكتور صيدلى
متنسوش تقولولى رأيكوا وتوقعاتكوا ومتنسوش تصلوا على النبى استنوني البارت القادم إن شاء الله
يتبع...
#حكايات_السبع_بنات
#بقلمى_Noura