« شرهه العاشق كبيره بس وين اللي تِقدّر ناس تدري عن غلاها لكن اعماها الغرور ».

با رت17

اليوم المنتظر
'زواج سلطان بن منيف على وسن بنت سهيّل'
ضحكت وسن بدهشه تناظر الجُوهرة؛وش كل هالحماس
الجُوهرة؛مشتااقه للزواجات واليوم زواج اختي اكييد بتكون السعادة تغمُرني
سلسبيلا؛دامك مشتاقه وافقي على شادي منها تتزوجين رجال نعرفه وتعرفينه انتي ومنها تعيشين لحظه انك عروس كشرت الجُوهرة من تكرار امها لطاري الزواج من شادي ومثلت عدم السماع
سلسبيلا؛مثلي انك ماتسمعين لكن والله ماتلقين مثل شادي استخيري وفكري في الموضوع بلعت ريقها الجُوهرة وعقد حجاجها وسن؛امي ليش تقولين كذا؟وتغيرين مود الجُوهرة خلاص ماتبيه براحتها في النهايه هي اللي بتتزوجه مشت سلسبيلا متجاهلتهم؛كملي رقص وخليك من امي انسي الموضوع عشاني بالله ضحكت الجُوهرة والتفتت على وسن؛ياروحي ياعايلة مو هامني الموضوع اصلا ابتسمت وسن براحه ودخلت انهار وتنهدت تتامل وسن؛ماطفش من اني اتاملك وش هالجمال؟ابتسمت وسن باحراج وارسلت لانهار بوسه على الجو وضحكت شيرين تشغل السماعة وتتوجه لوسن وتمسك يدها ترقصها؛اليوم يومك ياعروستنا ضحكت وسن ترقص وتتناغم مع شيرين
'
اخذت جوالها تتصل على وسن؛الو وسن وينك مو قادره الاقيك في اي زاويه ولا عارفة من وين ادخلك
ابتسمت وسن؛بتنزل لك الجُوهرة تجيبك لي وتجلسين معاي طول الوقت الله يعينك
ضحكت فاطمة براحه؛والله مافكك الا في يد سلطان عضت شفتها تتنهد وابتسمت فاطمة؛للحين مو قادرة تتعودين عليه؟
هزت راسها وسن بالنفي؛لا بس للحين مو قادرة اخذ راحتي معاه واليوم بنكون لوحدنا ماني قادرة اتخيل وش بيصير
ضحكت بعلو صوتها فاطمة؛وسن كفاييه دلع تدلعتي عليه طول الستة شهور هذي خفي عليه الحين
كشرت وسن؛ماراح تفهميني
فاطمة؛لا فاهمتك وعادي لو تبين اروح معاكم الفُندق
وسن؛يالييتك تقدرين والله مافكك من يديني
فاطمة؛شهر العسل قلتي له ماتبينه الحين ووافق عشانك والحين بعد ماتبين تروحين معاه لوحدكم؟
وسن؛مو مريحتني موافقته الغريبه هذي وراه سر اكيد
فاطمة؛مادري انتي صرتي غبيه مره ولا بس عشانك متوتره اكيد بعد زواج اخوك بتروحون لشهر العسل ولا انتي ناوية ماتسافرين معاه بعد!
بلعت ريقها وسن؛ماابي نكون لوحدنا بيكون اريح لي لو كنا هنا او في الامارات عند اهلي او عند اهله
فاطمة؛وسن حبيبتي مايحتاج كل هذا التوتر ومابيصير الا اللي تبينه وهو بيفهمك بس الجُوهرة جايتني شوي واجيك اتفاهم معك
وسن؛اوكية لاتتاخرين قفلت فاطمة ورفعت انظارها على الجُوهرة وابتسمت الجُوهرة تقترب تضمها؛وسن طول الوقت محتاجتك وتبيك اخيرا جيتي ابتسمت فاطمة؛اجيها وين ماتبيني هزت راسها الجُوهرة وناظرت الكيكة؛واضح مهتمه هزت راسها فاطمة وناظرت القصر ومسكت يدها الجُوهرة؛من هنا الباب اللي يدخلنا على طول لغرفة وسن هزت راسها فاطمة ومشت ورى الجوهر وبعد دقائق معدودة فتحت فاطمة الباب؛انا جيت فزت وسن تضمها براحه وتنهدت تهمس؛مارتحت الا الحين مو متعودة عليهم
الحمدلله جيتي
فاطمة بنفس الهمس؛اجيك يسلم راسي وشلون ماجيك ابتعدت عنها وسن وابتسمت انهار؛ياهلا ياهلا اشوفك جايبه معاك كيكة
ضحكت وسن تناظر الكيكة اللي فوق الطاولة؛نفس التفكير
ضحكت شيرين تاخذ الكيكة من يدها؛زياده الخير خيرين شكلي بخربها مع الدايت
ريوف؛كذابه تبين تعطين منصور معك من الكيكة عضت شفتها شيرين؛يعني مرا مفضوحة مقدر اكذب عليكم هز راسه الجميع وابتسمت شيرين؛حبيبي منصور
فاطمة؛زوجك؟
هزت راسها شيرين وغمزت؛لو تبين اضبطك مع اخوه بلعت ريقها فاطمة بتوتر؛مالي في سوالف الحب
ناظرتها وسن؛فاطمة ما تؤمن في الحب من أول نظرة
‏انهار؛عاد انا من أول نظرة وقعت له والحمدلله تزوجنا
فاطمة؛كان بينكم معرفة؟
هزت راسها بالنفي؛لا بس هو كان صاحب اخوي 
الجُوهرة؛انا الصراحه إيد رأي فاطمة مافي شي اسمه الوقوع من اول نظرة مستحيل!هزت راسها فاطمة وكشرت انهار؛الجُوهرة اخر شخص يتكلم عن الوقوع انتي مو شايفه كيف شادي واقع لك؟
كشرت الجُوهرة؛لاتجيبون طاريه
وسن وهي تناظر الرجال من النافذة؛تاخرتي تعالي شوفيه تحت فزت شيرين ومشت الجُوهرة وفاطمة خلفها ولانت ملامح فاطمة بتوتر من وجوده ساري وضحكت وسن؛هذا ساري اخو سُلطان
شيرين؛افف ياحلوه! هذا كيف للحين محد جايب طارية
الجُوهرة؛ماشاء الله يالطول!كم تتوقعون طولة
انهار؛حتى عُرضة وكتوفة!يييجن يابنات!؟مستحيل طولة ماشاء الله
فاطمة؛ماتعرفونه غثيث وسراق
بققت عيونها بصدمة شيرين؛سراق؟!
الجُوهرة؛ماصدق صراحه انه سراق
ضحكت وسن تناظر فاطمة؛مو سراق بس فاطمة تحب تحطه سراق
انهار؛انتظر احد يقولي السالفة صدت فاطمة وابتسمت وسن؛فاطمة كان عندها صقر وتحبه وابوي عطاه لساري
الجُوهرة؛ماشاء الله كامل هذا ضحكت بعلو صوتها وسن وصدت عنهم فاطمة وقامت تبتعد عن النافذة وتقطع الكيكة؛خلوكم منه وتعالو كلو
هزت راسها وسن وتقدمت لاجل تاكل والبنات خلفها
'
ميثاء؛كيف عرفت بلون فستاني؟
ضحك مسلط يشد على يدها؛معلُمات سرية ضحكت ميثاء؛معلُمات سرية ولا الجُوهرة قالت لك
التفتت عليها مسلط وناظرها؛وش يهمك؟
ابتسمت ميثاء تناظرة؛ليش اخذتني لوحدي وماخذت امي وخالتي معانا
مسلط؛امي وامك يبوننا ناخذ راحتنا والله يسعدهم ماقصرو
ابتسمت ميثاء تناظر الورد؛ممكن توقف السيارة على جنب؟ابي اصور
ابتسم مسلط يهز راسه؛على خشمي ووقف السيارة على جنب واخذت جوالها ميثاء تصور وبلعت ريقها ترفع نظرها له؛لا تناظرين بالنظرات ذي توترني
مسلط؛اتامل خُلقة الله وزوجتي وام عيالي!صرت بنظراتي هذي اوترك؟ بلعت ريقها ميثاء تناظرة؛وش صار عليها؟
عقد حجاجة مسلط؛منهي
صدت عنه ميثاء وتنهدت؛الاكس
ابتسم مسلط وقرب منها ثم مسك فكها؛يهمك؟
التفتت عليه؛من حقي اسال
ابتسم يناظرها؛واذا قلت لك اني انهيت كل اللي بيننا بترجع بسمتك؟
التفتت عليه ميثاء وضحكت براحه تناظره؛رجعت
شغل سيارته واكمل؛الحمدلله عساني ماشوف حزنك تنهدت ميثاء تناظرة بشك وناظرها مسلط بنصف عين ومد جواله؛خذي تاكدي بلعت ريقها وصدت؛
ما يحتاج
مسلط؛براحتك
'
عقدت حجاجها غيم؛وسن هنا؟!
ابتسمت اشواق؛ايوا هنا افتحي الباب تقدمت غيم وفتحت الباب وناظرتهم وضحكت فاطمة تفز وتنحني لاجل تضم غيم وبعد ثواني ابتعدت عنها وركضت غيم تتوجه نحو وسن وتضمها وضحكت وسن تحاوطها وابتعدت عنها غيم؛انتي حلوه اتسع ثغر وسن؛
وانتي احلى ونزلت نظرها لفستانها؛وش هالفستان الحلو ووش ذا المكياج الكتكوت ابتسمت غيم تشر على امها؛ماما سوتلي قربت غيم من اذن وسن و همست؛غيث يبي يسلم عليك
وسن بنفس الهمس؛وينه
غيم؛تحت مع بابا
وسن؛شوي ويجيبه زايد ثم نزلتها واخذت جوالها ترد؛عيوني
قمر؛وينك تكفين ضيعت
ضحكت بعلو صوتها وسن؛كيف ضعتي ؟ وينك انتي بالضبط
عقدت حجاجها قمر من الرجل اللي امامها وقفلت من وسن؛نعم؟
عقد حجاجة زايد؛ملبقة ورا سيارتي افتحي الطريق كشرت قمر؛المواقف مو باسم ابوك ماراح اغير مكان سيارتي
تنهد زايد؛ماني فاضي لك ولاودي اتهاوش معك لو سمحتي غيري مكان سيارتك و قاطع حديثه اتصال وسن واخذ جوال يرد؛هلا عالية
وسن؛زاید روح جيب قمر
تنهد زايد من الشمس اللي فوق راسه؛قمر وينه تكفيين الشمس اكلت راسي
وسن؛مو وقت هبالك جيبها
زايد؛وينها صديقتك هذي
وسن؛دقيقة ادق عليها واسالها قفلت وتنهد زايد؛لو سمحتي غيري موقفك للمره المليون
اخذت جوالها قمر متجاهلته وردت على وسن؛هلا وسن وينك؟ التفت عليها بصدمة زايد ورفع صوته؛انتي قمر؟ عقدت حجاجها وسن
وضحكت بصدمة من وصل لها صوت زاید؛زاید؟
قمر؛زاید؟ مین ذا
وسن؛كلمية يوصلك القاعة
رفعت نظرها قمر تناظره وتكتفت؛سبحان الله خلق وفرق انت زايد؟
زايد اشر بيده على القصر؛وسن في الطابق اللي فوق وقبل تروحين لها غيري موقفك مشت قمر متجاهلته وضحك بسُخرية زايد؛ان كان ماندمتك دخل يده في جيبه واخذ مفتاحه وابتسم يتلثم ومد مفتاحة ومشخ سيارتها من اولها لاخرها وضحك بعلو صوته وابتعد عن السيارة واسرع متوجهه لرجال
'
ابتسمت ادخل سارا الغرفة عند وسن والتفتت عليها وسن وابتسمت؛تبارك الرحمن بسم الله عليك احلويتي
هزت راسها وسن؛حبيبتي والله
اديم؛مايكون اسمي اديم اذا ماسحب سلطان على الزواج وسرقك وااه حلوتي تنوكليين
امتلت عيون وسن دموع وفزت اديم تمسح دموعها؛مايصلح  على الرمش هذا التعاسة خليه دايم سعيد واذا بتدمع بتدمع على خبر حملك وغمزت ارتجفت كُل خلية في وسن وتنهدت تصد عن اديم بخجل وتوتر وقربت ريناد ودفت اديم؛عمى يعميك احرجتيها ضحكت اديم تغمز لها؛كلامي بيصير وبنشوف الاسبوع الجاي راح تبشرنا وسنوه بحملها كشرت ريناد في وجهها واقتربت من وسن لاجل تضمها وهمست في اذنها؛احسد خالي سلطان عليك الله لايضرك لو اني ولد تزوجتك
اديم؛ياغبية اسمعك وماخليتي وحده ماقلتي لها ذا الكلام الحمدلله انك مو رجال بتاخذين كل بنات الدنيا عضّت شِفتها ريناد؛البنات كلهم حلووين بس وسن اقولها هل الكلام من اعماق قلبي احسد سلطان صراحه
وسن بتوتر؛تكفون اعتقوني ولاتجيبون طاريه!
نطت قمر وفتحت الباب؛مافي اهلا مافي سهلا؟انا قييت ياجماعة ضحكت بعلو صوتها وسن تناظرها بارتياح وابتسمت اديم تضرب راسها؛ياكلبة من بعد وسن ماصرتي تعرفينا ولا تكلميني
غمزت قمر؛صراحه وسن الاولى في قلبي
كشرت اديم؛ماقول الا حسبي الله ابتسمت قمر تمسك بطنها؛البيبي كم عمره؟
اديم؛اسبوعين والصراحه الله يبلشه ابشلني
قمر بصدمة؛الله لايوفقك ياكذابه لساته حتى ماتكون!
كشرت اديم؛احس في شي جديد فيني عضت شفتها قمر؛الله يعوضه بس وابتسمت تسلم على ريناد وسارا واقتربت من وسن؛اااهخ قمري ياحلى عروس وياطيب واجمل روح ابتسمت تمسك الفستان؛نفس لون قلبك
بكت وسن وابتسمت قمر تهاوشها؛كفايه دموع لاصفقك
وسن والدموع على خدها؛احبك قمراي
ضحكت قمر تبوس خدها؛اموت فيك ياروح وقلب قمراك وغمزت؛جاهزه للفيرست لوك؟
عضّت شِفتها وسن وابتسمت قمر؛اعرف كيف اشغل تفكيرك
'
ابتسم نايف وغمز؛نجدي ولا جنوبي؟
سعد؛لا شمالي
هايف؛اسكت يتورع الشمال اللي اكبر منكم هم اللي يقررون
زايد؛اقول لا هذا ولا هذا اماراتي
ضحك ساري يسكتهم؛فضحتونا انطمو ارقصو بالسيوف عرضة اهل نجد
ابتسم هادي؛ياحبك للنجد انت
عض شفته ساري؛قلبي في نجد العذية ضربه في كتفة سُلطان وغمز؛والله لاتكون حلالك انت بس خلها علي وبعد شهر العسل نتفاهم مع ابوها واحل لك موضوعك في الوظيفة
ابتسم زايد؛حلينها هذي لكن مابعد خذى اللي وده فيها بقق عيونه بصدمة سُلطان وعقد حجاجة وناظر في ساري؛علمتة؟
ساري اشر على زايد؛اقرب لي من روحي
ابتسم زايد؛بس والله ماتنلام لو سحبت عليك وراحت للطيار
ضحك سُلطان؛ياولد والله مالومها لو خذت الطيار
كشر ساري؛ارقصو وانطمو اللي يسد نفوسكم
ضحك بعلو صوته سُلطان ومعه زايد وقرب ساري وهمس؛ارقصو زين وتضحكون عمي سهيّل متفشل منكم انقلب وجهه سُلطان مئة وثلاثين درجة ورفع راسه يناظر في سهيّل ودف زايد عنه واقترب يمسك فك سهيّل ويعرض معه وشهق زايد بصدمة؛الخفيف!
ضحك ساري؛تغير حاله الله يعين على الحب
عض شفته زايد؛عشان عالية
ابتسم ساري وهو يناظر سُلطان؛العضيد لايسمعك تقول اسمها فجر راسك وانا معة بكسر ضلوعك
لانت ملامح زايد؛بسم الله الله لايحطني بين يدينكم
ابتسم ساري؛توك كنت بين يدينه والحين بين يديني التفت عليه زايد وشد على ظهره ساري؛رز نفسك
زايد؛على خشمي هز راسه ساري وبدو في اللعب النجدي
'
-الفيرست لوك-
ابتسم سلطان يتنهد براحة وطمأنينة وضحكت سارا تشر له وهز راسه يُغمض عيونه ويستعد للقاء اعظم حُب واطهر حُب واحسن وافضل انتصارات سُلطان ضحك بسخريه على اول لقاء لهم وماكان عارف وحاسس ان هذي البنت راح تكون حُب وزوجتة وام عياله واليوم صار المُستحيل بلعت ريقها وسن بتوتر وابتسمت قمر تعدل طرحتها وضحكت براحه تشوف فاطمة تصورها وتبتسم لها وكانها تقول'انا موجودة معاك انا اختك لو الام والاب والاهل والوطن مُختلفة اخذت نفس وزفرته براحة من وجود احبابها و اعزائها في هذا المكان وابتسمت المُصورة؛نبداء ياعروسة؟
هزت راسها وسن من دون ماتتكلم ونطقت المصورة بهمس؛تقدمي له هزت راسها وسن وابتسمت براحة وتقدمت بخطوات هادئة ورفعت يدها تضرب كتفة واتسع مبسم سلطان يلتفت عليها وضحك بهدوء يتاملها للثواني بسيطة وفتح كفينه يتقدم لها بخطوات بسيطه ويضمها له كانهم جسد واحد وهمس لها؛ياعظم واحسن انتصاراتي انتي سعادتي واهلي ابتسمت وسن بهدوء؛الله يديمك لي يافضل حُب ابتعد عنها سُلطان وبدون مايشعر انهمرت دموعة وبلعت ريقها وسن تعرف وتشعر باللي يحسه وطاحت دمعتها اولاً عليه ثانيًا لاجل عدم وجود ام سُلطان منيرة صدت اديم تمنع نفسها من البُكاء وبلعت ريقها سارا تبكي من دون صوت ومشت ريناد تخرج من عندهم
ضحك سُلطان يمنع نفسه من البكاء لاجلها ولاجل اهله وابتسم يناظرها وهمس؛دموع فرح رفعت كفها وسن تمسح دموعة واقتربت تضمه من دون تفكير وهمست؛لاتكذب عليه
ضحك سُلطان يشد على خصرها؛دامني اذا ببكي بتسويني فيني كذا اجل بقضي حياتي كلها بكي
ضحكت وسن بخجل تضرب راسه؛بسم الله عليك
ضحكت اديم براحه؛احترمونا يا قليلين الادب
ابتسم سلطان وابتسمت وسن واكملو تصووير
'
عقد حجاجة امجد من منظر الاُنثى اللي امامة؛وش فيك؟
شهقت ريناد وازداد بُكاها ورشح أمجد بصدمة وتوتر من عرفها كيفف مايعرفها وهي سلبت تفكيره وصد عنها بانزعاج من منظرها امامة وماوده يشوفها بهالنظرة الا يوم تكون زوجتة وحلاله؛بسم الله عليك
صدت عنه ريناد بانزعاج؛روح اخذ امجد بشته ومده لها؛خذيه يسترك لايشوفك احد غيري بهالمنظر ومشى وتفكيرة لسا معاها اليوم مُختلفة ومميزة زادت حلواتها بالفستان الاصفر بلعت ريقها ريناد بتوتر وناظرت بشته واخذت بسُرعة بحيث يسترها ومشت بخطوات سريعة ترجع للتصوير وضحكت براحة تشوف سلطان يشر لها وصرخ؛يابنتي تعالي نتصور
ابتسمت ريناد تتامله وضحك سُلطان يسحب لصدرة وهمس؛افا تخليني لحالي في اصعب الاوقات؟
بلعت ريقها ريناد تدور عيونها لاجل ماتبكي وتنهدت؛ماقدرت استحمل هز راسه سُلطان واخذ بشته بحيث يمسح المسكرا اللي ساحت على وجهه ريناد وشهقت ريناد بصدمة؛تحوسه!
هز راسه سُلطان؛يفداك الثوب وراعية
ريناد؛حرام عليك كيف بتتصور الحين؟
ابتسمت وسن تدخل في النقاش؛عاد من اول ادورك ياخي التصوير والمكان من دونك شينه اشتقت لمدحك
عضّت شِفتها ريناد وناظرت وسن بتدقيق والتفتت على سلطان؛احسدك ياخي
ضحك سُلطان يحاوط خصر وسن وهمست ريناد بصوت خافت لاجل مايمسع غيرهم؛لو جاتنا وسن وهي مهمومة او اشتكت منك تعرف وش بسوي فيك؟
ضحك بعلو صوته سُلطان وعضّت شِفتها وسن تسمع ضحكتها وابتسمت ريناد بـ ملاحظه لحركة وابتسامه وسن؛خلاص لاتضحك كثير تطيح بناتنا في غرام ضحكتك عاد مافي اخف منك الا هي بلعت ريقها وسن ولانت ملامح سُلطان بصدمة من كلام ريناد واحراج وسن وتدخلت فاطمة في اخر لحظة؛خلاص احنا البنات بنخرج ونترك وسن تتصور مع اهلها وبعد دقائق معدوده رحل الكل وابتسمت المصوره وهي تناظر نظرات سلطان لوسن ويده اللي محاوطة خصرها واحراج وسن وعدلت الكاميرا بحيث تصورهم؛واوو!اصوره حنونه جدا صدت وسن من دون رد وابعدت يد سلطان اللي محاوطتها واقترب منها سُلطان وناظرها؛صدق اللي سمعته
هزت راسها بالنفي؛مو صدق وبعدين محد ياخذ من ريناد كلام حقيقي!ضحك بهدوء وهز راسه يناظر الباب اللي امامهم وضحك بعلو صوته زايد يفتح الباب ويمشي بسرعة لاجل وسن وضحك يضمها ويشد عليها؛ياااعيون اخوك انتي ماقول الا الله يرزقني بمثلك ويازين حظ سليطان دامك صرتي له حلاله ناظره بنصف عين سُلطان وضحك زايد يغمز له وصد عنه سُلطان بانزعاج من قربة وابتسم سهيّل يبوس راس وسن ويضحك؛بنتي واغلى بناتي عضت شفتها وسن تمنع نفسها من البُكاء وضحك زايد يطبطب على ظهرها؛مايحتاج لكل هذا البكاء باقيك بنتي وفي قلبي قبل تكونين في عيني ورفع نظره يناظر سُلطان بحدة وضحك سُلطان يضرب له تحيه؛اي اوامر ثانيه؟
ابتسم سهيّل يمسك يده وسن وبدات الاحضان مابين وسن واخونها والتوصيات الكثيرة منهم لسلطان وضحك سُلطان؛ياجماعه وش كل هالقبيلة ماشاء الله
بدوء تصوير باجمال الضحكات واسعاد الحظات
ابتسمت سلسبيلا تناظر سُلطان وهمست لها؛والله لا اسود عيشتك لو سويت لبنتي شي فاهم بقق عيونه سُلطان بصدمة؛افا ياخالتي اعقب بس ماشاء الله عليك تعرفين تهرجين اكثر من عيالك ضربت ظهره سلسبيلا؛امارتيه من امه جنوبيه ضحك سُلطان؛عشان كذاا تميلون للسعودي اكثر هزت راسها سلسبيلا وابتسمت سُلطان؛ماشاء الله عليك ياخالتي ظلم لك اني اناديك خالتي
ابتسمت سلسبيلا ترفع نظرها له؛صرت انت التب من بين كل لزواج بناتي ابتسم سُلطان وهز راسه براحه من ناحيه سلسبيلا واهل وسن جميعهم
'
ضحكت وسن براحه وشدت على الورد اللي بيدها وبدت زفتها تبداء و ينفتح بابها وتشتغل اضواء التصوير القوية اخذت نفس طويل وزفرتة بهدوء وبدت تمشي مع زفتها متجاهله جميع الحضور وتركيزها كله على اخوانها وابوها اللي امامها يحاولون يخففون توترها وابتسم سُلطان يمشي لها واقترب منها ومسك يدها يشد عليها وهمس؛نفس ماقلت لك كل ماحسيت بتوتر وخوف شدي على يدي وارتاحي باخذ همومك كلها واحطها في ضلوعي رفعت نظرها عليه وابتسمت تناظره وترجع نظرها لابوها واخوانها وابتسم سهيّل بهدوء يتاملها تسولف مع اخوانها وترقص معاهم وعضّت شِفتها وسن تناظر جميل؛وااه ياحلوك
ضحك جميل يناظرها؛انتي بعد حلوه
بققت عيونه بصدمة؛طلع يعرف يتكلم!؟
ضحكت مهره؛كانت منحرج منك في الاول بس الحين خلاص تعود عليك ضحكت بهدوء تتامل رحيل سلطان وبجانبة ابوها ومسلط والباقي خلفهم ورجفت وسن؛بسم الله
ضربت ضهرها الجادل؛ياحيوانه تسمين مني؟هزت راسها بنفي وسن وضحكت الجادل بسخريه تناظر اختفائه؛اوييلاه البنت هذي خفيفة وعبيطه
ضحكت ريناد؛ااايه بالله عطيها دروس في الثقل
كشرت وسن تتجاهلهم وغمزت الجادل؛مازعلتي؟
وسن؛الا زعلت
الجادل؛من لمحتُوه صارت علومي علوم لعنَبو حيوه تمركز في حشاي
ضحكت وسن باعجاب؛لاخلاص رضيت
الجادل؛اعرف اجيب راسك اتسع ثغر وسن براحه من وجود الجادل؛وين كنتي طول الوقت ذا؟
الجادل؛نمر لعنبو حيه
ضحكت وسن؛ويينه هو الحين؟
كشرت الجادل؛هايف اخذه مني يبيه يعرض معهم
وسن؛بالله خليه يصوره هزت راسها وسن ومسكت يد وسن وبداو الشلة كلها بالرقص والاستمتاع وتشجيع مدينتين مختلفه عن بعضها لكن القلوب تتشابه
'
ركبت جوا السياره وسكرت الباب وتنهدت؛ابي انام
ضحك هايف يناظرها وصد يناظر نمر اللي في حضنه؛ان شاء الله في بيتنا بتنامين اليوم
بققت عيونها بصدمة ثم ضربت راسه؛ماجهزت الاغراض نسيت
هايف؛ليش
تنهدت الجادل؛ماقدرت اجهزها منهد حيلي
هايف؛وكيف اهلي معاك؟
صدت الجادل تناظر يدها؛كويسين
ضحك بسُخرية؛نص يوم ماقدرتي ترتاحين عندهم
بلعت ريقها الجادل؛قلت لك مابي تطلع من الفندق خلنا نجلس فيه لين مايخلص بيتنا
هايف؛امي ودها فيكم
هزت راسها الجادل؛ودها فيك انتي لا اني ولا ولدي ودها فينا ادري ترا وسكت عشانك بس
هايف؛امي كان ودها فيكم وتنامون عندها فالبيت قبل نسكن في بيتنا
ضحكت بسخريه؛ودها فينا؟ويوم دخلت عندهم ماعترفت لاقيني ولا في ولدك؟حفيدها!متفشله مننا ماودها اهلها يشوفننا ولو على قولتك تبينا ماراحت تجيب اهلها واطفالهم النوم ماقدرت انامه بسببهم وانت مقضيها مع سلطان
بلع ريقه هايف من حركات وكذب امه؛جيت في الليل
الجادل؛والله وسلمت على خالاتك بعد؟صح
سكت هايف من دون اي اجابه وطول طريقهم للبيت كان الصمت مسيطر عليهم والهدوء مو مفارقهم وابتسم يناظر الحي اللي دخلوه؛وصلنا هزت راسها من دون اجابه ومدت يدها تبي تاخذ نمر ومسك يدها هايف وصدت عنه لاجل ماتلتقي عيونهم
هايف؛ماني ساحب على امي عشانك ولاني ساحب عليك عشان احد
ضحكت بسخرية؛انا قلت لك اسحب عليها؟اللي ابيه منك ماتوديني لبيتها ابدا ولا ودي فيه اصلاً تجي هي بيت ولدها الله يحيها وبسوي الواجب اللي علي لكن بنتها لاشوفها داخل بيتي كسرت رجولها
ضحك هايف يبوس كتفها؛انا فدا عيونك
ابتسمت الجادل؛مجار،بس جيب هايف
هايف؛لا خليه باخذه انا وانتي شيلي شنطتك سكر السيارة بيده اليسار ويده اليمين تحت رقبه نمر ونزل وسكر الباب وهمس؛بسم الله عليك
صرخت الجادل بصوت هامس؛وش ذا تكفى ياهايف
ابتسم هايف يناظر بشت نمر اللي في يدها؛جابه له عمة سلطان بمناسبه زواجه
عضّت شِفتها الجادل؛ماني قادره استحمل الحجم ضحك هايف يمد يده ويضغط زر البوابه لاجل تفتح وهمست الجادل؛ماشاء الله
ضحك هايف يشر على المسبح؛عشانك بس ضحكت الجادل تفصخ عبايتها وتمشي للمسبح وتغطس رجولها وبعد دقائق جاء هايف وناظرته؛ماصحى؟
هايف غطس رجوله معها في المسبح ومسك يدها؛لا
الجادل؛كويس ابتسم هايف يمد يده ويحاوطها بسبب اشتياقه وبادلته الجادل الحُضن
'
سكت يناظر سلسبيلا وسهيّل ونطق سهيّل؛انتبه على بنتي هز راسه سُلطان وهو ينحني لاجل يشيل فستانها وعدلت سلسبيلا على عبايتها وابتعدت وابتسم سُلطان؛هذي ماهي عبايه يكذبون علينا التفتت عليه وسن بدهشه؛تبيني البس عبايه؟تكفي العبايه ذي امي مصممتها عشاني عباية عروس
سُلطان؛براحتك
صدت عنه وسن تتجاهله وتتجاهل خجلها ونطقت سارا وهي تترقب وسن؛ودعتكم الله ركبت وسن السيارة بمساعدة سلطان والخادمة ونطق سلطان؛خلاص مشت الخادمة تبتعد عنهم وسكر سُلطان الباب ومشى متوجهه لبابه
وعقدت حجاجها وسن؛ليش جايب سواق؟
ضحك سُلطان يسكر الباب ويمسك يدها؛ودك نعيش جو الرومنسيه؟ونطلب لنا قهوه واشغلك اهداء؟بلعت ريقها وسن واخذت نفس وزفرته بتوتر؛انت هذي حركات واليوم في زواجنا جايب سواق!ضحك بعلو صوته وصدت عنه وسن وسحبت يدها وبسرعة من سلطان مسك يدها مره اخرى؛والله اني ودي نفس اللي انتي ودك فيه لكن ريناد واديم نشبو في حلقي الا اني اخذ سواق ومانشغل عنك بسوالف مايدرون حتى عيون دقايق معك وثواني مع الطريق بس التفتت عليها سُلطان وبقق عيونه بصدمة يشوفها تمسح دموعها وفز بسُرعة منه يلفها عليه وتالمت وسن من رقبتها؛عشان السواق؟؟؟؟!
وسن؛لا بس رمشي دخل في عيني
سلطان؛هذي تلعبينها على غيري
تنهدت وسن؛مو عشان السواق
بلع ريقه يناظرها؛زعلتك بشي؟
وسن؛لالا بس كان ودي نقضيها شوي سوا في السيارة مو في الاوتيل وبس
سلطان؛مايصير الا اللي يرضيك وبعد دقائق من كلام سلطان عم الصمت ووقف السياره السواق وتوجهه لشباك سُلطان واخذ شماغة سُلطان ومد لوسن؛غطي فيه وجهك اخذته وسن ونزلت نظرها تناظر شماغة مابين يدينها
السواق؛خلاص هذا مكان انت قولي نزل فيه
هز راسه سلطان وابتسم؛ماقصرت وعطاه الفلوس
عقد حجاجة السواق؛انا حساب خمسين ريال
سلطان؛هذي هديه عشان انا زواج ضحك السواق يصافح يدينه؛ان شاء الله مدام يجيب بيبي اتسع مبسم سلطان بهدوء وهز راسه ومشى متوجهه لباب وسن وفتح بابها؛مايصير الا اللي ودك فيها
وسن بصدمة؛انت قايله ينزلنا هنا من اول؟
ضحك سُلطان؛اجل اوديك الاوتيل وتجلسين تتصددين عني وتلقين لك فرصه تهجين؟خليك هنا في سيارتي ومعي وبجانبي ناظرت وسن لثواني وضحك سُلطان ينحني ويشيلها وشهقت وسن بصدمة؛عندي رجول امشي فيها
سلطان؛ادري لكن من يوم ورايح معد من رجلينك فايده خليني انا اشيلك طول الوقت سكتت وسن تناظر صدره وشدت على عُنقه بحيث مايقدر يتنفس ونزل نظره سلطان وابتسم ينزلها؛ليش كل هالدراما؟بعودك ترا على اني اشيلك فتحت الباب وسن متجاهلته ومسك الباب يبي يسكره وناظرته بحدة؛عندي يدين سلطان؛عارف سكر الباب ومشى للباب الثاني وركبه وبعد دقائق ابتسم براحه يناظرها؛الحين اختلينا لوحدنا
بلعت ريقها وسن تصد عنه وهز راسه سُلطان؛اخذلك قهوه من ذوقي يعني؟ولا تسولفين مع زوجك وتعلميني وش تبين قهوه؟
وسن؛مابي
سلطان؛غطي شعرك
وسن؛سلطان تراني مرات افك الحجاب
سلطان هز راسه؛مني داري لكن الحين خلاص انتي معي
وسن؛ماراح اغطيه
ضحك بسخريه يناظرها وفتح الشباك؛الحمدلله التفتت عليه بدهشه تناظره يكلم الموظفة وبلعت غصتها تسمعهم سلطان؛جيبي***و***
ابتمست الموظفة؛مبروك عسى السعادة تدوم
سكت سُلطان يلتفت عليها وناظر عيونها وصد؛الله يبارك فيك
الموظفة؛لك من عندي شاي
سلطان؛لا ماودنا فيه
ناظرت وسن وابتسمت بسخرية من دموع وسن اللي بدت تطيح على خدها ونطقت باصرار؛لازم اهديك
ضحك سُلطان؛ماتقصرين
شدت وسن على القُبعة وصدت تناظر الطريق وهدوء الرياض وعم الصمت عليهم وبعد نصف ساعة ابتسم سلطان؛شكرا
الموظفة؛العفو
نزل القهوه والشاي وابتسم يشد على يدها؛الغيرة تحرق
وسن؛مو غيرة بس ودني الاوتيل
رفع حجاجة بسخريه؛افا والله مانروح الا لمنا تضحكين واشوف ضحكتك سكتت وسن من دون اجابة ومشى سلطان متوجهه للاوتيل
'
عقدت حجاجها بصدمة وصرخت بقهر؛حسبي الله
شهقت فاطمة؛مين مسوي كذا؟
عضّت شِفتها قمر بقهر؛والله مايسلم مني ولد الكلب
ابتسم زايد يناظرها من بعيد والتفت عليه ساري بدهشه؛انت اللي مسوي كذا
زايد؛افا!انا اسوي كذا؟مستحيل كشر ساري ومشى زايد لي عندهم وفتح شباكة؛اي مساعدة ياختي؟
قمر؛وش حركات الاطفال هذي
فاطمة؛انت اللي مسوي كذا؟
زايد؛الله يعين قرب ساري من شباك زايد بحيث يتاكد من انها فاطمة وارتخت كتوفة بصدمة من غضبها وصرخت فاطمة بقهر؛انت معاه؟
ساري ناظر زايد وهز راسه بالنفي؛لاوالله
قمر؛والله لاشتكي عليك ياحيوان
زايد رفع كتفه وتنهد؛مايبون المساعدة ويتهموننا يلا الله يرزقكم الصبر وترا تقدرين تسوقين مجرد خدوش
وسكر شباكك ومشى انحنت قمر واخذت غار ورمته عليهم
'
ضحك بعلو صوته زايد؛مجنونه مجنونه
ساري؛اخو العيال تخسي منت رجال وش هل الفعول اللي سويتها
ابتسم زايد؛تحمد ربها اني ماعدمت سيارتها بس خدوش تكلفها اربعه الاف بسيطه اخذ ساري شوزه وصحكها في راس زايد؛الله لايوفقك نكبتني معك ولا ماعلي فيك تطيح في مصايب مايهمني
كشر زايد؛افا؟تحامي مع الحماره ذيك هي عندك اهم مني؟
حرك رجولة بتوتر؛الله لايوفقك والله ماتوافق علي
شد على الفرامل بصدمة زايد والتفت عليه؛هي اللي في بالك؟هز راسه ساري وطبطب على كتفه زايد؛الله يكفيك الشر الحمدلله انها لولد عمها ياولد اللي يعينه عليها مجنونه ماينعاش معها هذي
'
التفتت عليها فاطمة؛ساري مسوي في سيارتك كذا؟
حيوان
هزت راسها قمر بالنفي؛لا مو ساري اتوقع اسمه زياد او زايد شي نفس كذا
تنهدت فاطمة براحه والتفتت عليها قمر بصدمة؛اي والله اني عارفة ماخاب ضني
فاطمة بتوتر؛اي ضن؟؟
ضحكت قمر بسخريه؛تراني قمر ماني ريناد اللي توها عارفتك! اعرف وش اللي يدور في عقلك
فاطمة؛وش
قمر؛بس انك ذويقة عرفتني تختارين لكن مافي اي شي مشترك بينكم هو عايش بين النياق و انتي دلوعة
فاطمة؛مو متاكدة من احساسه
ضحكت بسخريه قمر؛لا تسوين نفسك مو شايفته كيف فز اول ماسمع صوتك وارتخت كتوفه هذي كلها وتقولين مو متاكده؟اذا بتكذبين نفسك بكيفك بس لاتكذبين عيوني!تنهدت فاطمة بتوتر وابتسمت قمر تناظرها؛بنروح لمطعم تتغير نفسيتك شوي اوكية؟
فاطمة؛ماودي
قمر؛لازم والله يعينك بنام معك التفتت عليها فاطمة؛اغلى من بينام معاي والله ارسلت لها قمر بوسه في الجو وبعد نصف ساعة ناظرت قمر المطعم وابتسمت براحه؛الذ الطباخين موجودين هنا
'
سلطان؛ودك في عشاء هزت راسها وسن بالنفي؛لا اطلب لك انت انا بغير فستاني
هز راسه سُلطان؛خذي راحتك مشت وسن ورفعت فستانها بحيث تقدر تمشي براحتها وتوجهت لدورة المياة 'يكرم القارئ' لوت يدها وشدت على الفستان وسحبت السحاب وتنفست براحه؛الحمدلله رمت فستانها بعيد عنها وبدت تشيل الطرحة ورفعت شعرها وبدت تسمح مكياجها و تاخذ كريم وعطر لجسمها وتنفست تشم ريحه الورد ثم رجعت تحط مسكرا وروج وفكت شعرها وبدت تعدله ولبست روب قصير وسكتت تناظر الروب وضحكت بسخريه من تخيلها لنظراته وفتحت نصف الباب؛سُلطان
التفت سلطان على ظلها اللي بينه نور الحمام الخافت؛سمي
بلعت ريقها بتوتر؛تقدر تطلع من الغرفة؟ابي ابدل ملابسي
ضحك سُلطان وكشرت من ضحكته وسكرت الباب بغضب ورفع صوته سُلطان؛خلاص طلعت خذي راحتك ابتسمت وسن براحه من وصلها صوت طلُع سُلطان من الغرفه وفتحت نصف الباب تتاكد من عدم وجوده ثم طلعت وسكرت الباب بعدها مشت متوجهه لإحدى شنطتها وفتحتها مدت يدها تاخذ بجامة وابتسمت تلبسها وتناظر شكلها وجسمها على المرايه وعقدت حجاجها مباشره من البلوزة العاريه الاكتاف وتوجهت لشنطة صغير وفتحتها واخذت وشاح لاجل تغطي يدينها واخذت المسك تدهنه بيدينها وتحطه خلف اذنها وعند عروق يدينها وابتسمت تتعطر وتتوجه خارج الغرفة رفع نظره عليها وغص في اكلة وفزت وسن تمد له ماء ومد يده ياخذ الماء ويمسك اصابعها وسحبت اصبعها بخجل وبلع ريقه والتفتت عليه وسن وعضت شفتها تمسك ضحتها وتحط يدينها عند مبسمها مد يده سُلطان يشيل يدها ويناظرها؛اضحكي لاتحرميني من شوفتها
ضحكت وسن وصدت تناظر الطاولة اللي امامها؛اقدر اقول كلمه بس ماتزعل
سلطان؛لا والله مازعل منك
وسن؛انت خروف
ناظرها سُلطان بنصف عين والتفتت عليها وسن وضحكت بخجل من نظراته؛ماصير فاهي الا عندك انتي بس
هزت راسها وسن ومد يده سُلطان يعطيها عصير؛خذي
هزت راسها؛مابي والله بروح انام
كشر سُلطان؛تنامين يالظالمة؟ اجلسي خلينا نسولف
وغمز لها؛وخلي عيوني ترتوي لو شوي بققت عيونها وسن عليه بصدمة وفزت تبتعد عنه وتمشي للغرافه اخذ نفس وزفره براحه من رحيلها ولا كان تهور معاها
وبعد نصف ساعة نفض يدينه؛الله يديمها من نعمة ومشى للغرفة وابتسم بسخريه من حركاتها وتكتف يناظر الهدوء والظلام ونور المصباح الخافت وتنهد من ابتعاد اغراضها عن اغراضه ومشى يشيل فستانها ويحطها بجانب بشته ويشيل بشته ويطرحهم على
الكنبة وياخذ اغراضه واغراضها ويحطهم بجانب بعض ومدد يدينه بتعب ومشى للسرير وبقق عيونه بصدمة من اخذ وسن لاحد المخاد وحطتها بينهم وكتم ضحكته وانسدح يشيل المخده ويرميها على الارض وتنهد يشم ريحه شعرها ومد يده يمسكه وابتسم بنذاله يحس برجفتها
'
ضحكتها بعلو صوتها قمر بصدمة تناظر زايد متوجه لهم وبيده المنيو التفتت فاطمة على مكان عيون قمر وشهقت بصدمة وكتمة ضحكتها بسخريه عقد حجاجة زايد من صوت الضحك ورفع نظره على الطاولة اللي متوجه لهم ورفع حجاجها بصدمة من سرعه معرفته بقمر ومشى بسرعة متوجه لهم؛وش جابكم انتو هنا؟!
ابتسمت قمر؛مافي ياحبيبي هالكلام ياتدفع حساب اكلنا وحساب سيارتي يا افشلك واخرب سمعتك قدام زباينك التفتت على الزباين وضحكت بسخريه؛عاد ماشاءالله واضح معروفيين عرق جبين زايد بتوتر والتفت على زباينه وبلع ريقه؛كم؟
جلست قمر وتكتفت ترفع نظرها عليه؛والله انت اللي حستها اكيد انك اعرف بكم
تنهد زايد؛وش تبين طيب اشرت بيدها على فاطمة والتفت عليها زايد ثم صد وناظرتها فاطمة من فوق لتحت وضحكت تغمز لقمر وصدت عنها قمر بانزعاج
ثم ابتسمت تقرب من فاطمة وزايد بينهم؛وش ودك فيه
ابتسمت فاطمة تراقب نظراتهم لبعض؛اغلى شي
ضحكت قمر بعلو صوتها والتفت عليها زايد بحده؛قصري حسك لاتزعجين الزباين ومشى وهمست قمر؛ابي الطبخ من يدينك الحلوه ياطباخي كشر زايد بانزعاج من حركاتها ومشى للطابق اللي فوق فاطمة؛قال قصري حسك قال متى الزواج؟عشان من الحين افكر وش لون الفستان التفتت عليها قمر بصدمة وعضّت شفتها تتجاهل فاطمة والحاحها وبعد ساعة جاهم النادل وبيده الاكل وعقد حجاجها فاطمة؛مو ذا اللي طلبناه
قمر؛وش ذ!
النادل؛الشيف زايد سوا هذا الاكل مخصوص للانسة قمر ابتسمت قمر تسحب منه البشاميل وتاخذ الملعقه بحماس؛خليني اشوف هو فعلا على قد المدح
ابتسم النادل يناظرها وفاطمة ايضا يراقبون ملامحها
ابتسمت قمر من طعم الاكل ولذاذته واخفت ابتسامتها وكشرت تبعد الصحن عنها؛الله يديم النعمة
فاطمة؛مسويه مو عاجبتك؟اعترفي
النادل هز راسه؛اقدر ابشر الشيف ومشى يتركهم كشرت قمر وناظرتها فاطمة؛لاتكابرين هزت راسها قمر بالنفي وبدت فاطمة بالاكل وتحاول تغري قمر بالاكل وصدت عنها قمر وابتسم زايد يتقدم لهم؛اعجب حضرتكم؟
فاطمة؛لذيذ
هز راسه زايد بثقه؛هذا اللي اعرفه
كشرت قمر؛لا مو لذي قاطع كلامها صوت بطنها وشهقت تمسك بطنها بصدمة وضحك بعلو صوته زايد؛مشكوك في وضعك انتي
اخذت قمر شنطتها بغضب وضربتها في صدرة وابتسم يرفع يدينه؛مستسلم مشت قمر والغضب معمي عيونها وناظرها زايد؛الله يعينها على نفسها
فاطمة؛لاتنسى الدين اللي عليك
زايد؛اعطيني رقم حسابها
ابتسمت فاطمة براحه من شافتها فرصه؛اخذ رقمها انت و اسالها
'
‎زايد؛ماودي مشت فاطمة تلاحق قمر متجاهله رده
‎وابتسم زايد بنصر ومشى للطابق الثالث عند ساري وفتح الباب وابتسم يناظر ساري وانتباهه الشديد على الاوراق اللي بيده وضحك يجلس امامه في الكرسي؛ماشاء الله عليك
‎ساري؛باعجبك
‎ناظره زاید؛توقع من جانا ؟ عقد حجاجة ساري يرفع نظره نحوه زاید؛
‎حبيبه قلبك
‎فز ساري بصدمة؛لحقوك ؟
‎هز راسه زاید؛اتوقع ، لكن حبيبتك كابرت وماكلت من الاكل لين صارلها موقف لا تحسد عليه وصديقتها الثانية اعجبها الاكل وما كذبت
ناظره ساري بغضب؛انكتم ولاعاد تقول حبيبتك حبتك القراد كشرت زايد واخذ مفتاح سيارته وطلع متوجهه لسيارته وعض شفته بصدمة من منظر سيارته وضحك بعلو صوتها يناظرها كاتبه بروجها في الزجاج الامامي رقمها ركب سيارته واخذ رقمها يمليه على جواله واتصل عليها مرت دقائق وردت؛مين؟
زايد؛ليش حستي سيارتي بروجك؟
قمر؛انا مو جايه اتكلم معاك بهذا الموضوع انا جايه اتكلم معك بسالفة سيارتي وحركتك البايخه
ابتسم زايد يناظر رقمها امامه؛ماراح امسحه
قمر؛مو مهم هذا الموضوع!المهم تجيب الفلوس ريال ورا ريال
زايد؛بكم طيب؟
قمر؛مدري عنك انت اعرف مني بهالاشياءوشكلك متعود على حركاتك هذي
زايد؛اوكية لاتكثرين كلام ارسلي رقم حسابك
قمر؛طيب
زايد؛لاتقفلين ابسالك عن لانت ملامح زايد بصدمة من الجمت كلامه قمر وقفلت في وجهها وتنهد بتعب منها وعقل حجاجة من الرساله اللي واضحه امامه'لاتهرج كثير وهذا هو رقم حسابي ارسل الفلوس ولاعاد اشوفك'؛داهيه شهق بصدمة زايد من الدباب اللي متوجهه باقصى سرعة ممكنه اتجاهه واغمض عيونه بخوف واصتدم الدباب عند باب زايد شهق تامر بصدمة من منظر الناس وتجمعهم حولهم وزحف بتعب وصرخ بالم من الدباب الطايح على ظهره وفز احدهم وسحب الدباب وناظر تامر؛في شي؟
نطق تامر بـ اهات؛اااه
الرجل؛اوديك المستشفى وش صار فيك؟
تامر؛رجلي انسكرت انحنى الرجل يحاول يشيل تامر وتقدم رجل اخر يساعده بلع ريقه زايد من اصوات الناس واجتماعهم وفتح الباب ورمى نفسه على الشارع تجمعو الناس حوله وناظر زايد الدم اللي تلطخ على ثوبه واغمض عليه اخذه نفس الرجل اللي اخذ تامر واسرع متوجهه لاقرب مستشفى
'المستشفى'
التفتت شادي على اصوات رجلين شايلين رجل وفز يركض لهم واخذ كرسي كان موجود بجانب الباب للحالات الطارئة والتفتت عليهم باستغراب؛في احد غيره؟
الرجل١؛فيه
ناظر شادي الرجل الاخر؛انتظر انت هنا وانا بساعده في الثاني هز راسه بالايجاب واسرع شادي والرجل بجانبه سحبه شادي وشاله واسرع في للمستشفى ناظرتهم احد الطبيبات ومشت مسرعه لهم وناظرت شادي؛وش الحالات؟
شادي؛اللي على الكرسي منكسر رجله اليمنى واللي معي حالته بسيطه مجرد جرح بسيط على راسه هزت راسه الدكتوره وسحبت الكرسي متوجهه لاحدى الغرف مشى زايد لاحدى الكراسي وسدح زايد فيها واخذ قفلز يلبسه ويبداء في تمسيح الدم وتنهد بتعب؛الله يصلحك وش بنقول لاختك عشان تقتنع مالي ذنب فالموضوع همست الطبيبة؛يحتاج جراحه؟
شادي؛لا مايحتاج،فقط اعقم الجرح والفه بشاش وانحلت المشكلة،من اخذ المريض الثاني؟
الطبيبه؛دكتوره شاطره وتعرف بهالاشياء هز راسه شادي ومشى يغسل يده ثم رجع يضمد راس زايد بالشاش وناظر الطبيبه؛وديه هزت راسها الطبيبه وسحبت الكرسي واخذت لاحدى الغرف العاديه
تنهد شادي ينزل القفلز ويمشي للمريض الثاني وفتح الباب وناظرته الدكتوره؛وش صار؟
شادي؛علمي علمك حتى الناس اللي جابوهم راحو
الدكتوره؛حتى جوالات مو معاهم؟
شادي؛بتصرف انا معليك
اقتربت الدكتوره منه وناظرته؛وش بتسوي
شادي؛اكلم الدكتوره الجُوهرة سهيّل اخت احد الممرضين
ابتعدت عنه الدكتوره وطلع شادي من الغرفه واخذ جواله وارسل لها؛اخوك زايد عندنا وحالته مو خطيرة ناظر استلامها السريع للرساله وتنهد يشوف اتصالها واخذ يرد وعم الصمت وبلعت ريقها الجُوهرة؛شادي انت جاد؟ولا بس تبي تشوفني
عرق جبين شادي بخوف من صوتها الواضح عليه التوتر؛لا ابدا مامزح في هالاشياء انا صارله حادث بسيط والواضح انه طلع منه سليم لكن الرجل الاخر انسكرت يده شهقت الجُوهرة؛تكفى شادي قول الصدق
شادي؛هذا الصدق تعالي شوفيه
الجُوهرة؛صاحي هو الحين؟
شادي؛بيصحى بعد شوي بس شكلة اغمى عليه اقفلت الخط الجُوهرة وسحبت عبايتها باستعجال متوجهه لسيارتها وناظرها مسلط ومسكها؛وشبك التفتت عليه الجُوهرة وبكت بضعف وضمها بصدمة مسلط؛الله يمنك وش فيك؟
ابتعدت الجُوهرة وناظرته ؛زايد في المستشفى
هزها مسلط بصدمة؛الجُوهرة!؟متاكدة انتي زايد في مطعمه انا متاكد
الجُوهرة هزت راسها بالنفي؛قالي شادي قالي شد عليها مسلط من وقفها؛وش تنتضرين؟امشي بسرعه
'
بلع ريقه شادي من دخولهم وفز زايد وشهقت الجُوهرة ومشت مسرعة تضمه وتبكي في حضنه وتنهد زايد يطبطب على ظهرها؛مافيني الا العافية ضربته الجُوهرة على راسه بحدة؛حمار انت كم مره اقولك لاتسوق بسرعة كم مره انسكرت رجلك وتنومت في المستشفى مافيك دم انا ماتحس
مسك زايد راسه؛صدعتي في راسي حسبي الله عليك
شادي؛كذاب مجرد جرح بسيط ومايعور احمد ربك ماجاك مثل ماجاء المريض الثاني التفتت الجُوهرة على شادي ثم رجعت تناظر زايد بصدم وقضيت اذنه؛الله يحرقك
زايد بالم؛اه توك كنتي تبغين علي
مشى مسلط وسحب شادي معه وطلعو برا المستشفى؛معليش عطلناك عن شغلك،لكن وش صار على المريض الثاني؟
تنهد شادي؛حالته حاليا الحمدلله مو مره منحرجة لكن رضوض في الكتف والرقبة وكسر في الرجل سود وجهه مسلط؛تكفى! قاطعهم خروج زايد ومشى نحو شادي وهزه بقوه؛وش صار عليه؟
مسلط؛وش سويت فيه
ناظره شادي بحده ودفه يبعده عنه؛ورع عندكم انا؟الاول سحبني وسكت والثاني يهزني التفتت على زايد؛وانت تحمل مسؤليه المريض ودعاء اهله عليك
زايد؛تكفون والله انه هو الغلطان اللي جايني يمين الطريق وباقصى سرعة
التفت عليه شادي بانتباه؛ورجله وش كسرها؟
زايد؛الدباب السبب ماهو انا
تنهد شادي؛هذا اللي توقعته تكتفت الجُوهرة تناظر شادي وطبطب شادي على كتف زايد؛تقدر تطلع من المستشفى من يوم صحيت وانت صاجنا الله يعين عليك
مسلط؛ايه والله الله يعين عليه طايش كرشتهم الجُوهرة؛تصرفو في السالفه وحلوها زايد ماهو فاضي لكم وابوي لو عرف بيرجع له الضغط المسؤلية على مسلط تنهد مِسلط وناظره شادي؛امش نشوف حالته
'
صباح اليوم الثاني صحت وسن مع عمق نومها وتنهدت من حر الرياض التفتت على سلطان وبلعت ريقها تشوف قربه لها وابتسم سلطان ينفث على وجهها اللي مغطية شعرها فزت وسن وابتعدت عنه؛صاحي؟
هز راسه سلطان؛لا نايم انتي تتخيلين والتفت على الجهه الاخرى کشرت وسن وناظرت الاعراض وصرخت بقهر؛حست الاعراض
سلطان؛ليش تبعدين اغراضي عن اغراضك وش هالحركات صرخت وسن بقهر؛مو قصدي اني ابعدها عنك انا ماعرف اي وحدة فيها فستاني اللي ابي البسه اليوم
سلطان؛مايهم اللي تلبسينه اهمشي انتي تحلين البس هذا المهم اخذت وسن المخدة اللي مرميه على الارض ورمتها على ظهره واكتفى سلطان بالضحك؛هذي اللي ابيها تتعامل معي مو اللي امس التفتت عليه وسن وشهقت بصدمة من قوة ملاحظته وعضت شفتها بخجل ودخلت دوره المياه تتروش وصرخ سلطان؛تهربي تهربي لمت شعرها متجاهلته وغسلت جسمها وبدت ترطيب ثم اخذت الاستشوار تجفف شعرها وابتسمت تسمع صراخه؛الله يرضالي عليك طفيه
عضت شفتها تكتم ضحكتها وعلت اكثر وتنهد سلطان يقوم من النوم ويفصخ ملابسه وياخذ المنشفه ينتظرها تخلص الازعاج اللي قاعده تسویه ضحكت بخفه وابتسم يسمع ضحكتها؛شكله نام البعير بقق عيونه بصدمة وضحك بسخريه يتكتف طفت الاستشوار واخذت شنطتها الصغير وشدت على رباط مشفتها وفتحت الباب وابتسمت تناظر السرير بلعت ريقها والتفتت يمينها وشهقت بصدمة تشوفه امامها متكتف ومن دون ملابسه فقط مشفة اخذت الشنطه وغطت وجهها فيها وابتسم سُلطان ينزل نظره لرجولها العارية؛خذي راحتك بلعت ريقها وابتسم يدخل ويسكر الباب خلفه ناظر الحمام واغراضها المتواجده وشعور جدا جميل بنسبه لسلطان وابتسم براحه؛الله يحفظك لي ولا يبعدني الله عنك تنفست وسن براحه من رحيله ومشت للمرايه وناظرت وجهها ولانت ملامحه تتذكر شكله وعبس وجهها من صوته؛ابغى مشفة
وسن؛معاك المشفة
سلطان باستمرار؛ما معي الا وحده ماتكفي اخذت وسن احدى المكرات ولفت خصله من شعرها واكملت حكيها بتعب من استماراه؛ما في غيرها
سلطان؛جيبي لي وحدة من حقاتك ناظرت وسن المشفه اللي امامها وبلعت ريقها تتخيله ياخذها من بعدها ونطق سُلطان يقطع كامل تفكيرها؛لبستي ملابسك ؟
وسن؛ايه
سلطان؛اجل هاتي اللي كانت عليك شهقت وسن وابتسم يسمع شهقتها؛بتجيبينها ولا اطلع
وسن؛بعطيك غيرها طيب
سلطان؛مابي غيرها عطيني اياها وريحيني وريحي نفسك اخذت مشفتها وناظرتها ثواني ومشت متوجهه لدورة المياه 'يكرم القارئ' ومدتها له رفع يده ومسك كفها وسحبها داخل الحمام صرخت وسن وحاوطها عرق جبين وسن من حست في صدره العاري وضحك بعلو صوته سُلطان يبعدها عنه ويناظر رياكشنها؛متوقعة وش؟ تنفست وسن براحه تشوف لابس مشفته وناظرته بحده؛مريض ومشت تبي تطلع لكن شدها سُلطان وسحبها وسكتت تناظر وابتسم سُلطان ينحني ويبوس نصف شفتها ورجفت كُل خليه في وسن وبعدته عنها وطلعت وطلع سلطان من خلفها وابتسم يناظرها مجهزة ثوبة وملابسه على السرير؛يجعلني مافقدك نزلت نظرها وسن تناظر انعكاسه على المرايه وصدت عنه تكمل مكياجها طلع سلطان من الغرفة لاجل يلبس ملابسه رمى نفسه على الكنبه واخذ جواله يرد على التباريك والاسئله'بعد نصف ساعة'تحرك سلاطن بانزعاج من جلسته اللي اتعبته وقام متوجهه للغرفة وتوقف ثواني يناظر الباب ثم فتحه التفتت عليه وسن اللي كانت تبخر شعرها وصدت عنه عض شفته سُلطان من منظرها واقترب منها لكن ابعدته وسن واخذت عبايتها و من الغرفة تجلس تنتظره وتنهد سُلطان ياخذ مفتاحة ويعدل شماغة وطلع من الغرفة ورفع نظرها عليها ناظرت وسن بانتباه تنتظر اللي ودها يقوله لها من غزل واعجاب في شكلها لكن كسر كل خيلاتها؛الغداء عند اهلي والعشاء عند اهلك صح؟ لانت ملامح وسن بصدمة من كلامه اللي ماكان في الحسبان وتكتف سُلطان يعرف وش تفكر فيه ووش ودها فيه ناظر العباية اللي جنبها ؛اديم توها متصله علي وتبينا نستعجل بلعت ريقها وسن واخذت عبايتها تلبسها وتطلع خلف سُلطان ركب سُلطان وشغل السيارة ووسن بجانبه؛نص ساعة ونوصل تبين اجيبلك فطور؟
وسن؛لا عم الصمت عليهم والتفتت عليها سُلطان وتنهد؛وش يشغلك عني
التفتت عليه وفتحت شنطتها واخذت منها علك ومدت له؛اخذ
سلطان؛يعني خذ العلك وانكتم
وسن؛لا مو قصدي بس عشان تتغير ريحة فمك
سلطان؛غسلت اسناني وافطرت من الساع11
وسن هزت راسها؛طيب اخذ معاي مافي مشكلة قرب سُلطان فمك وناظرتها وسن وابتسم وضحكت وسن من حركاته ومدت العلكة في فمة
'
فتح عيونه تامر بالم من التعب والاجهاد اللي حاسس فيه وفز شادي؛تحتاج شي؟
غمض عيونه بالم من الإضاءة؛وين انا؟
شادي؛في المستشفى صدمت حادث والمتسبب فيها انت
تنهد تامر
؛ووش صار على الدباب
ضحك بسخريه شادي؛يهمك الدباب؟طيب والانسان اللي تسببت في حادثة؟
تامر؛مايهمني وماصر فيه شي انا اسالك عن الدباب هذا الاهم
شادي؛انعدم ماعاد منه نفعه
تامر؛وجوالي؟
شادي؛مالقيناه
تامر؛عطني جوالك او جوال المستشفى
اخذ جواله اللي بجيبه ومده له؛اتصل على اهلك وطمنهم اتصل تامر على امه وردت بسرعه منها؛لبيه يامك؟وينك ماجيتني اليوم
تألم تامر ممن الجلسته؛انا صدمت حادث شهقت امه بصدمة وبكت؛كله من هالدباب ماتسمع لكلام امك اتركة عشاني
تامر؛رجلي انسكرت وفي رضوض في جسمي
بكت امه على حال ولدها؛وينك فيه؟
ابعد الجوال عن اذنه وسال شادي؛شسم المستشفى
شادي؛مستشفى ال******
تامر؛في مستشفى ال******
تنهدت امه بتعب من حال ولدها؛تودعين تتركه اذا مو عشانك عشان قلب امك تكفى طلبت
لانت ملامح تامر بغضب؛ارجوك امي مو وقت الترجي تعالي المستشفى خذيني قفل الجوال والتفتت عليه شادي؛خايفه عليك!دايم الام قلبها رهيف على ولدها وانت بعد خلك لين معها مايصلح تكمل هالصوت والغضب اخرشي على امك اللي تعبت فيك؟
تامر؛دكتور انتي سويت اللي عليك وانا صحيت تقدر تطلع وتفكني من صوتك
هز راسه شادي بالنفي؛ماروح لين مايجون اهلك
تامر؛متى افكة؟ ضحك شادي بسخريه وضرب رجله بحده؛اقل شي6شهور عرق جبين تامر وناظره بحده؛جلع يدك بالحريقة طبطب على كتفة شادي؛واضح عليك صغير اللي يصلح ويحفظك لامك كم تدرس يابطل؟
التفت على تامر بحدة؛تخسي يالورع
ضحك شادي بعلو صوته؛متأسفين والله
التفت عليه تامر والقلق باين على عيونه؛مابي منك الا انك تقولي الصدق انا بقدر ارجع لدباب؟
تكتف شادي؛والله علمي علمك ماني انا اللي اشرفت عليك وشفت جروك ورجلك
تامر؛اجل وش مجلسك معي؟
ابتسم شادي؛يعني وجودي موترك؟
تامر؛ووين اللي اشوف علي على قولتك
شادي؛الدكتورة ندئ بنت يوسف
تامر؛يعني حرمة؟ هز راسه شادي بالاجابه وبعد دقائق من الصمت دخلت ام تامر وهي تبكي وفز تامر من حضورها والتفتت عليه شادي وسحبه يعدل جلسته؛بتكسر ظهرك اجلس نفس الخلق اقتربت ام تامر وضمته بقهر على حال ولدها اللي وصل له كله بسبب هالدباب والتفت على شادي؛ماتقصر يالنشمي
ابتسم شادي يصد عنها؛واجبي،والله يعافيك طلع من عندهم وبداء هواش ام تامر على ولدها وتحذيراتها الكثيرة
'
ابتسم سلطان يدخل حوش اهله ولبق سيارته نزل ومشى متوجهه يفتح لها الباب صرخت وسن بفزع وعض شفته يسمع صوت الطلق وضم وسن نحوه وحط يدينه عند اذانيها؛بسم الله عليك
بلعت ريقها وسن؛ساري؟
ابتسم ساري بتوجهه نحوهم؛ارحبو ثم ارحبو على الطلاق تو مازن الجو بوجودكم ابتسم سُلطان يقرب منه ويسلم عليه ضحك ساري يضرب كفه؛وش كل هالابتسامات لا واضح مرتاح ماشاء الله عساها دوم
غمز له سلطان؛دورك جاي ان شاءلله هز راسه ساري وصد عنه؛كيفك ياحَـرم سلطان
وسن؛الحمدلله كيفك انت
ساري؛تدومين لسلطان ياحَـرمة ،انكان بغيتي شي ولا احتجتي شي وسلطان ماهوب موجود انا بجيبه لك وتراني بحسبه اخوك
ابتسمت وسن بامتنان؛ماتقصر والله واعتبرك بحسبه زايد
وسن؛سُلطان اساله اهلي جاو؟؟
سُلطان؛ولد ساري نسايبي جاو؟
ساري؛لا بعدهم ماجاو مافيه الا هلي مشى ساري راجع للمجلس عند بوه وابتسم منيف؛العرسان جاو؟
ضحك ساري وجلس بجانب ابوه؛والله ياسعاده ماهي مفارقة وجهه ولدك
ابتسم منيف براحة؛ياعساها ماتفارقه،كل شي جاهز للعربان؟
ابتسم ساري وهز راسه؛كلشي اقترب القهوجي وصب لـ ساري القهوه وهز راسه ساري بالنفي؛بوي قبلي
منيف؛ماودي فالقوه الحين هز راسه ساري واخذ الفنجان يرتشف منه واخذته الافكار لـ محبوبتة
'
زغرطت سارا؛ياهلا ومرحبا بعرسان الدهر كله ضحك سُلطان واقترب يضمها؛ياعساني مافقدك
صرخت ريناد وركضت من الدرج تتوجهه لسلطان ابتسم سلطان يبتعد عن سارا ويقترب من ريناد وضحكت تبتعد عنه؛وش هالوجه البشوش لا ماشاء الله واضح مرتاح ضربها سُلطان وضحكت بسخريه تبتعد عنه وتناظر وسن؛كليوم يزيد زينك زين ضحكت وسن تبوسها وبادلتها ريناد واقتربت سارا تبخر وسن؛اجلسو خلونا نسولف هز راسه سُلطان والتفت على وسن تنهد براحه من سعادتها وراحتها مع اهله ومسك يدها شدت وسن على يده وتوجهو للكنب يجلسون فيه وعض شفته سُلطان؛الخاينه وينها
ريناد؛والله كان ودها تنام عندنا لكن نايف الله ياخذه نشب بحلقها
ضحك سلطان؛والله لا تنام معنا بكره وخليني اشوف وش بيقول نايف
شهقت سارا؛الله يصلحكم وش تهذرون فيه انتو رجلها  وبكيفهم يتفاهمون بينهم
عضت شفتها ريناد؛لاتسحبون علي انتو بعد
سلطان؛مابعد خلص بيتي احمدي ربك بجلس معكم شهر
ريناد؛الله يصبرك علي ياسلطان بتشارك معك في وسن
وسن؛لعبة بين يدينكم انا؟
سارا؛عاد الله يعينك جيتي بين اخوان
ضحكت ريناد تغمز لها؛تنامين معي يومين ومع سُلطان ثلاث ايام ناظرها سُلطان بدهشه وضربتها سارا؛استحي على وجهك يابنت تناشبين الرجال في حرمته؟عضّت شِفتها ريناد تناظر وسن وتتجاهل هواش امها ونظرات خالها؛وسنوه موافقه صح؟
ضحكت وسن بعلو صوتها؛ماعندي مشكلة
سلطان؛ماودي اخرب عليكم فرحتكم لكن كلها اسبوع بنجلس هنا لين مايجي زواج مسلط ثم نقضي الشهر الباقي في سفرتنا وانتي خليك على دراستك
شهقت ريناد تناظر وسن؛صادق هذا؟
وسن؛شكله صادق
سلامي؛اكرمكم الله انا بروح اسلم على ابوي
سارا؛الله يحفظكم
ريناد؛دربك خضر هوشلها سلطان وضحكت ريناد تبعده عنها وتجلس مكانه'بجانب وسن'
'
كشرت الجادل من كثر الوراعين؛وش كل هالودغان حسبي الله ازعجونا
ضربت فخذها اشواق؛تراك ام
الجادل؛طفشت ياخي كلشوي عايدين هالكمة؟؟؟
وسن؛عاد الله يصبرك
اديم؛اخ مو طبيعي حر الرياض ليت ابوي خلاها فالليل
وسن؛الليل عند اهل
اديم؛ماضنتي اجي
ضربتها وسن؛تجين غصب ابتسمت
الجُوهرة؛بنات كلكم مدعويين لاشوف وحده تعتذر بزعل
اشرت الجادل على عينها؛من عيوني
ابتسم شادن؛اجيك يسلم راسي وشلون ماجيك؟؟ عضّت شِفتها الجُوهرة وضحكت شادن بعلو صوتها  وضمتها
ريناد؛ياحلو شوفت البنات
سعاد؛تكفين ريناد لاحد يسمعك بيشك في ميولك
ضحكت بعلو صوتها ريناد وغمزت؛الحمدلله حلال  علي اتامل اي بنوته
ناظرت امجاد سعاد وهزت راسها بالنفي سعاد لكن تكلمت امجاد وناظرت ريناد؛بنات مشتاقين ياخي للزواجات نبي زواج ثاني
ريناد؛قصدك ردح ثاني
ابتسمت ميثاء؛زواجي؟الاسبوع الجاي كلكم تجون!
بلعت ريقها امجاد وناظرت سعاد وضحكت سعاد بسخريه؛ابشري ياروحي قامت وسن واخذت جوالها ترد وضحك سُلطان؛باقيك على الحركات هذي؟
وسن؛تبي شي
هز راسه سُلطان؛ودي في قهوه من يدينك ابتسمت وسن؛اوكية متى ودك اخلصها؟
سلطان؛انتي الحين سويها وبجيك بعدين هزت راسها وسن؛اوكية قفلت ومشت تتوجه للمطبخ ولحقتها ريناد ومسكت يدها بصدمة؛وش جايبك هنا
وسن؛سلطان يبي قهوه
كشرت ريناد؛حلاله من صفق المطفوق هذا اجل يبيك تسوين قهوه وانتي توك عروسه؟ارتاحي بسويها عنك
احمرت خدود وسن؛يبيها من يديني التفتت عليها ريناد بنصف عين وضحكت؛طيب ليش كل هالخجل؟تراك حرمته وحلاله لاتستحين تكفين سُلطان نجس وبينشب لك لين ماعاد تخجلين منه لانت ملامح وسن تتذكر شكله في المنشفة وحركاته وصرخت ريناد؛شسوا فيك الحيوان؟غطت وجهها وسن باحراج من ريناد وشهقت ريناد؛الله حسيبه الكلب سُلطان ضحكت وسن؛ماسوا شي يخسي يسوي شي وانا بنت سهيّل
ضحكت ريناد؛اييه خليك كذا معاه هزت راسها وسن ومشت ريناد تسوي القهوه ومعاها وسن؛كيفك مع الجامعة؟
تنهدت ريناد؛انا الوحيده اللي مو ضامنه مستقبلي لبعدين
وسن؛لا متاكده بترفعين راسك اولاً ثم راس امك ابتسمت ريناد ثم عبست؛وفاطمة صايره مغير تهوجس وبالها مشغول مدري بوش مشغول
وسن؛ملاحظه تغيرها انتي؟
ريناد؛جداً ونفسيتها خرا وماصارت فاطمة العسل واللي دايم تسولف صارت هادئة وطول الوقت جالسه مع امها
رفعت كتفونا وسن؛خايفه عليها ومابي احسسها اننا ملاحظين التغير الكبير هذا
ريناد؛اقول شي بس ماتزعلين؟
وسن؛قولي
ريناد:تغار من خواتك وعلاقتك القويه فيهم وتركك لها حسسها بالضعف والوحده والصراحه مالومها دايم معي اختي ومتعوده عليها وماودي نبتعد عن بعض دقيقه وحده وفجاه من دون سابق انذار تطلع مو اختي اصلاً!وتبتعد عني واشوفها مع بنات غيري بمثل علاقتنا قبل ومازعل؟!مستحيل!وانتي صايره منشغلة عنها
بلعت ريقها وسن؛مالي اي تبرير والله عارغه لكن اللي بقوله لك اني احب واغلي وماحس بالراحه والطمانينة الا مع فاطمة هي الاهم والاحب لقلبي تقدرين تقولين تؤامي الروحي
ابتسمت ريناد؛محد يقدر يطلع الي مشغل بالها غيرك شوفي وش فيها
ابتسمت وسن؛قريب جداً هزت راسها ريناد وابتسمت تطفي على النار وتحط القهوه في الدلة؛تقدرين تاخذينها عساس مسويتها اخذت جوالها وسن وارسلت لسلطان ثم تركت جوالها واخذت القهوه من يدين ريناد وطلعت من الباب تنتظره كشرت بانزعاج من الشمس وتنهدت تنتظر قدوم سلطان ابتسمت تلمح ظهور احد جاي نحوها واقتربت تنادي وصرخت بفزع من قدوم الرجل الغريب اللي يطالعها وطاحت القهوه من يدينها وانكسرت بلع ريقه الرجل بتوتر من وجودها ومناداتها لـ 'سُلطان' ومشى راجع للرجال طلع سلطان من عند الرجال وناظر مقَرن وابتسم؛علامك
التفتت عليه مقرن ولانت ملامحه بتوتر؛كنت ادور المغاسل
سلامي؛ادلك عليها؟
هز راسه مقَرن بالنفي؛لا لقيتها ودخل المجلس وجلس بجانب ياسر ناظره يسار باستغراب؛علامك
ناظره مقَرن؛شفت لي على غزاله لا والله ماهيب غزاله شين ماينوصف حظ سُلطان بها  بقق عيونه ياسر بصدمة وشد على ياقة مقَرن بحده؛جاي لبيت خويك وعيونك زايغة على هله
مقَرن؛اخته
ياسر؛اقطع الشر يامقرن وعين من الله خيره انت تعجبك الحمامة لاتتهور
مقَرن؛اقولك شين ماينوصف تقولي حمامة؟دفه ياسر بقرف من حركاته الدائمة وابتعد عنه يجلس بجانب ساري
'
مشى سُلطان متوجهه لباب المطبخ الخارجي وفز بصدمة من منظر الدلة المنكسره امامه وبلعت ريقها وسن؛طاحت من يديني بسبب ثقلها
سكت سلطان ومشى نحوها ومسك يدها؛اهمشي انتي ماجاك شي؟
بعدت وسن يدينها عن يده؛لالا ماصار شي
زفر سُلطان بغضب من الافكار اللي سيطرت على عقله والشك اللي صاب مقَرن ومنظره وتوتره وانكسار القهوه القريبه من المغاسل مشى مسرع للمجلس عند الرجال وفركت يدينها وسن بخوف من غضبه الواضح على وجهه
'
ابتسم منيف؛اقلطو الله يحيكم على الغداء بمناسبة زواج ولدي سلطان على كريمة سهيّل ردود الكل كانت معتادة ومتوقعة؛الله يكرمك،الله يبقيك امتلى المكان رجال وطلع سلطان لاجل مايسبب زحمه ويعطي الضيفان حقهم لعق يده مقَرن واسرع في التوجه نحو سُلطان التفت سُلطان عليه وابتسم مقَرن يغسل يده؛الله يكثر خيركم وعسى الله يرزقك بالذرية الصالحة لكن ابيك تسمعني ياسلطان وتفهم كلامي
التفت علية سلطان بانتباه؛انطق
مقَرن؛جاي اطلب اختك على سنة الله ورسوله خنق ياقتة سُلطان بقهر؛كسر يكسر عيونك جلعها النار يالوصخ جاي تخطبها مني بكل ثقة؟؟؟
مسك يدينه مقَرن؛استهدي بالله ياسلطان
جن جنون سُلطان بقهر وشد على ياقته؛اثاريك يالكلب شفتها
مقَرن؛بالغلط
سود وجهه سُلطان بقهر على وسن؛انقلع الله يقلعك
مقَرن؛افا ياسلطان تطرد خويك؟دفه سُلطان بقهر واحمر وجه سُلطان من الغضب؛ والله لاذبحك فز مقَرن يركض نحو سيارته ويركبها ويسرع في الرجوع لبيته اخذ جواله سُلطان واتصل على وسن؛اطلعي برا
ارتخت كتوف وسن من صوتها الواضح عليه الغضب؛لسا ماتغديت
قاطعها سُلطان؛اطلعي الله يرحملي والديك لاتزيديني غضب بلعت ريقها وسن وانهى سُلطان الاتصال ومشى ونيرانه تفور ركب سيارته ينتظر قدومها وناظره ساري ومشى بتاجه سيارته؛علامك
بلع سُلطان القهر في جوفه؛ماودي اطول هنا ابغى انام مانمت من امس
ضحك ساري بسخريه؛الكذبه هذي تكذبها على غيري
سلطان؛ساري انقلع عني لاصب كل الغضب عليك
شد ساري على ثوبه؛صبه علي ولا تصحبه على المسكينه وسن!اخو سلطان انتبه لاتخسرها في وقت الغضب مسيطر عليك
سلطان؛اهخ ياخوك شافها وجاء يخطبها مني وتبيني ماعصب؟مابي احد يشوفها غيري ولا يعجب فيها غيري مسح ساري على وجهه سُلطان؛يخسي ابن الكلب منهو؟ ركبت وسن بجانب سلطان ومسكت يدها شد على يدها سلطان وبلع ريقها ساري؛تكفى ياخوك!
سلطان؛بعدين نتكلم سكت يطلع من بيت اهله ويتوجه للفُندق؛ليش ماتقولين لي؟ليش تخليني اسمعها منه
وسن؛سُلطان والله مو قصدي
سُلطان؛هذا اللي محرق جوفي شافك واعجبتيه
وسن؛سُلطان انسى
ضرب سلطان الدركسون بغضب؛كيف تبيني انسى وهو جايني يخطبك تنهدت وسن تشوف غضبه الواضح على وجهه مسكت وسن كفة وحطت راسها عليه وقف سيارته ونزل نزلت وسن خلقة وركبو المصعد ونطقت وسن؛سلطان سكت وصد عنها يعرف نفسه لو جلست تناظره بيضعف وقف المصعد ومسكت يدينه وسن لكن قاطع كل توقعاتها؛هاك ادخلي
شهقت وسن؛جايبني هنا وبتروح وتتركني ؟؟؟