« شرهه العاشق كبيره بس وين اللي تِقدّر ناس تدري عن غلاها لكن اعماها الغرور ».

بارت13

-
منيف بجنون وعصبية؛وووينه!!
تنهد ساري؛مدري مدرري كنت معك
التفت على ساره؛شفتوه؟؟جاكم قالكم شي؟؟
سارة بتوتر؛لاا ماشفته ابدا ولا جانا ولا كلمنا
اديم بهدوء؛اكيد هج وهو اصلاً مايبغى يتزوج
التفت عليها بصدمة منيف ورفع يده وصفعها كف تجمدت ريناد تناظر في جدها وعصبيته بصدمة ونطقت ساره؛خلاص يُبة لاتعصب كل منه اكيد راح مشوار ضروري وبيرجع
منيف التفت عليها بعصبية؛وش تهذرين فيه انتي!!كيف راح مشوار والمُلكة!!وين اودي وجهي عن العُربان!
سارة التفتت على ساري؛دق دق عليه شوف يمكن يرد
التفت عليها ساري بعصبية؛دقيت ودقيت ودقيت مايرد الولد واضح راح انهارت اديم بصدمة وبكت وتنهد ساري يبوس راسها بهدوء ويطبطب على ظهرها؛خلاص تكفين لاتقطعين قلبي تكفى
بكت اديم؛شفيه معصب على الكُل ومايعطي احد فُرصة يتكلم!!
ساري؛معصب معصب خليك منه مشينا انا وانتي
منيف بعصبية؛لاتروح مكان خلك هنيه لين مايجي اخوك ونشوف عذرة
ساري اخذ نفس وزفرة يهدي نفسة؛ماهوب جاي
منيف؛كلمك؟قالك شي!
ساري؛لا بس واضحة
ابتسم منيف باستهزاء؛اذا كذا اجل بنزوجك انت نسرين!
التفتت ساري بصدمة؛ايش!!اصغر منها وماني متوضف
منيف؛مني خاببرك
ساري؛يبة امنعنا من هذي الافكار والله متزوجها
منيف؛منين نجيب لها زوج
ساري بدهشه؛منجدك يُبة بس تفكر فالناس؟قولهم قول هج العريس وانا غاصبة ولاهو راضي وانا السبب فـ
قاطعه كف اخر من منيف؛بتجننوني انت واخوك
مشى ساري متجاهل هواشه واخذ اديم معة؛تكفى ساري واضح اوجعتك الضربة!خدك محمر
ساري؛معليك مني انتي اهم شي جاك شي المك شي؟ليتة فضلوعي عنك
شهقت اديم بصدمة؛استغففر!
تنهد ساري يدق على سلطان لكن ماكان منه اجابة؛بيجلطني اخوك هذا
اديم؛نعم! احسن والله انه كفو سلطان سحب على نسرين البنت هذي مُنافقة وتتمنى لك الشر ماتحب احد
ساري بدهشه؛شعرفك
اديم؛اعرفها وكلنا نعرفها خلك منها الحين الا بوي وش بيسوي ووش بيقول
ساري؛الله يستر لايزوجني اياها
اديم بعصبية؛تخسي تتزوجها الحمدلله ربي ستر وبعدنا عنها
'
مسكة منيف؛ورع انت
التفتت عليه خالد باستغراب؛هلا ياخال تناديني
منيف؛اييه اناديك
خالد؛امر؟
منيف؛روح وقُل للمعازيم العريس مرض
فز خالد بصدمة؛ايش!!وش فيه سلطان وش جاه
منيف بعصبية؛انقلع قلهم اللي قلته وقل انلغت المُلكة مشى خالد وعلامات الدهشه واضحة عليه وسُرعان مانتشر الخبر بسُرعة كبيرة ومشى منيف يدخل للمجلس ويشوف علامات الاستغراب وعلامات الشماتة واضحة وضرب عصاته فالارض والتفتت الجميع عليه؛سلطان نقلوة للمستشفى تعبان،قربو المعازيم يسالون عن حال سُلطان وبعد وقت فضى المجلس من الضيوف
وفز نمر بصدمة؛وش فيه سُلطان علامة ايش جاه؟؟توه كان بخير وصحة وسلامة
منيف؛الزواج هذا خلاص قفلوة انلغى
فز نمر وفز معة نايف بصدمة؛وش تقول انت وين راح سُلطان!!
نايف؛هج؟؟
دخل هايف؛اييه هج ولاعادة موجود سافر
نايف بحدة؛وش تقولون انتو ونسرين!!راح الرخمة هارب؟؟ماهوب رجال ولاهوب قد كلامة ولا ليـ
فز ساري ودف نايف بصدمة؛اانت تقول هذا الكلام لسُلطان ولد عمك!!وش خليت للغُرباء!!
نايف بحدة؛على كيفه هو يمشينا على كلامة دامه ماهو قدها ليش جاء وخطب اختي
قرب منه ساري واحتدت ملامحة يمسكة ويشد على عُنقة؛ثمن كلامك ياكلب
نايف دف ساري لكن ماتحرك ساري كان ثابت وعيونة تطلع شرار؛و. ولد ولد ساري ابـ. ابعد خنقتني
فزو العيال يبعدونهم عن بعض ونطق شادي بصدمة؛ولد انت وياه مانتم ورعان عشان تتهاوشون هنا
ساري؛خله يحترم نفسة ويثمن كلامة ويحترم وجودي
نايف؛ياولد الكلب
التفت الجميع بصدمة على نايف وفز مُسرع ساري يبغى يمكسة لكن سبقة بصدمة هايف وضربة على صدره بصدمة؛عمي كلب يالوصخ!!مارد نايف وتكتف يناظرهم ونطق هادي؛ياشباب هدو الوضع الوضع بسيط
نايف؛اي بسيط!تارك اُختي ومفشلنا!انت ماشفت نظراتهم؟كلها عدم تصديق وشماتة
هادي؛خلاص صار اللي صار!وبعدين الغلط من عمي منيف الله يسامحة كلنا نعرف سُلطان ماوده في اختك مجبور عليها
نايف؛مافيه شي اسمه اجبار مفروض رفض السالفة دامة مابيصمل عليها
سامي بعصبيه؛اقطع واخس انت وياه انطمو ورعان انتم تتهاوشون في المجلس؟دقو عليه
ساري؛دقينا مايُرد
'
الهنوف بصدمة؛ ايش هرب؟؟
تنهدت ساره؛اييه والله ماندي وين راح يمكـ
الهنوف؛ليش يجي يخطب ويملك وهو ماهو قد كلمتة فرط في بنتي؟
ساره؛والله ياخالتي ماندري عنه اكيد شي ضروري خلاه يروح
ناظرتها الهنوف بصدمة وضحكت؛وش المشوار الضروري هذا اللي يخليه يترك المُلكة
اديم بعصبية؛خير خير وش ذا الاسلوب؟احترمينا وكلنا دارين سُلطان مايبغى نسرين بنتك هي السبب وافقت عليه وهي دارية انه مجبور يله خليها تتحمل المسؤولية
الهنوف؛اسكتي واقطعي حستس واحترميني تراني عمتك وام رجلك
ضحكت بدهشه اديم؛واذا؟كلمت الحق تناقل
الهنوف بعصبيه قربت من اديم؛اقطعي واخسي
ضحكت بعلو صوتها اديم؛وش بتسوين؟بتمدين يدك ابكسرها لك مدت يدها الهنوف لكن مسكتها سلطانة بعصبيه؛كسر يكسر ذي اليد الله يفشلتس يالهنوف هذي حركات مرتن عجوز قد عيالها متزوجين؟
اديم؛قدها جده بعد
سلطانة؛والله لاقطع لسانتس واكسر يدتس كان مديتيها على بنات وعيال منيرة
ضحكت الهنوف؛الله يعز الدين بسس خلوني ساكته
تدخلت حصة؛السكوت حلو اسكتي
الهنوف؛اسكتي انتي ياحصه عاني بنتس الحامل ماودي افرق بينها وبين ولدها المولود
حمدة بصدمة؛صادقة انتي؟
الهنوف؛اييه صادقة ولا علي منكم اخذ حفيدي ويطلق ولدي ناظرت حصة؛بنتتس
حصة ضحكت؛اتحداتس ولدتس ميتن في بنتي ولا بتقدرين تفرقين بينهم
عضّت شِفتها السُفلية الهنوف وسكتت
حمدة؛اشوفة انبلع لسانك
نسرين بصدمة؛ وش اللي اسمعة يُمة سُلطان هرب!
التفتت عليها الهنوف بارتباك؛خليتس انتي في غُرفتك لاتتدخلين
نزلت نسرين بصدمة تشوف نظرات الكُل والضحكة المرسومة على اديم والدهشه على سارة وركضت مُبتعدة عنهم تدخل مجلس الرجال وفز الكل بصدمة ونطق بدهشه نمر؛وش جايبك انتي!!
قربت نسرين من عمها منيف؛وش قاعد يصير ياعمي سمعت انه سلطان هرب
منيف؛انقلعي برا ماتشوفين قدامك رجال
نايف وهايف فزو يسحبونها وبعدت عنهم نسرين بصراخ؛وش قاعدين تقولون انتم تركني وراح!!
ساري ضحك بعلو صوتة؛مسويه منصدمة انتي تراه مايبغاك ولا يُمكن يحبك
التفت عليه نايف بغضب؛انثبر
اكمل ساري متجاهلة؛ليش ماخبروك اخوانك؟
تنهد هايف يناظر في الرجال والحريم كلهم ينتظرون الاجابه؛سلطان راح للإمارات
ضحكت فاطمة بفرحة؛والله!!راح لوسن؟؟
فز عبدالعزيز بفرحة؛وسن فالامارات؟
هايف هز راسه بالاجابة؛اييه
نسرين؛ماكان موافق متى امداه يحجز ويروح
هايف؛انا حجزت له وانا قلت له وين تكون حَرمة
التفت نمر بصدمة وناظرته الهنوف بصدمة وناظرة نايف بغضب ونطقت نسرين بحرقة؛انت اخو انت تبي تخرب بيتي!!
ضحكت اديم بعلو صوتها؛اي بيت اي بيت!تحمستي انتي تراه ماوقع ولاك حرمتة ولا حلاله اصلاً
بكت نسرين بحرقة؛الله لايوفقكم وينتقم لي منكم
اديم؛صدقت الُاخت ناظرها نايف بغضب؛انثبري انتي ولاسمع صوتك وقرب يسحبها بغضب
وفز ساري يدفة؛الله ياخذك تكلم اُختي بهالاسلوب من اننتتت!جلع لسانك القطع
نايف؛زوجتي
ساري؛انا الغلطان اللي وثقت فيك وزوجتك اياه كنت حاسبك رجال
نايف؛شايفني ماني رجال
سلطانة؛استحو على وجيهكم رجال وتتهاوشون ولا بعد عيال عم وبحسبة اخوان
نايف؛يعقب ماهو اخوي
ساري بصدمة؛مايعقب الا انت ولا اتشرف فيك
منيف بغضب؛انطمو واجلسو واديم بتروح مع رجلها
ضحك نايف يناظر ساري وناظره ساري بغضب؛امشي اديم مشت اديم متجاهلته ومسكت يد ساري تجلس معه وناظرها بصدمة والتفت على شادي؛اختارت اخوها علي
شادي؛متوقعها تختارك يالدلخ وانت بغيت تكسر ايدها تعقب منت رجال!الرجال مايمد يده على اُنثى ناظر نايف في منيف ونطق؛اقدر اخذ حَرمي؟
ناظره منيف؛خذها التفتت عليه بصدمة ثم ناظرت ساري كان بس ينتظر منها تقوله مابي اروح مع نايف ويقضي عليه تنهدت تمشي ومسكها ساري؛تبغين تروحين متأكدة ماهو غاصبك ابوي؟
رجفت تسمع صوت نايف؛لاتدخلل ومسكها وسحبها
وشد عليها ساري يمسكها وناظرتهم بصدمة؛منجدكم انتو؟؟وين الاخوة اللي بينكم راحت
شد على يدها ساري؛يعقب ماهو اخوي
ناظرته بصدمة اديم وبكت وفزو كلهم يمسكونها بدهشه ونطق نايف؛وش يبكيك ياروح وشريانه الله ياخذني دامني بكيتك ونزل راسه
فزت اديم ورفعت راسه؛بسم الله!خليك مابغاك تدعي على نفسك ابغاك انا وسحبها نايف يجلسها في حضنه وحط عينك فعينها؛اوجعتك انا صح؟الله يجعل يدي الكسر
فزت اديم تحاوطه؛لالا ماوجعتني بس ماتوقعتها منك قرب نايف منها وفز ساري؛الله يقلعكم احترموني يافضحي
وهج تاركهم التفتو عليهم بصدمة ثم التفتو على بعض وضحك وطاح وضحكت اديم تطيح فوقه
-
صحى بانزعاج من جواله اللي ماقوف اتصالات من امس مد يدة يتلمس فيها جواله وزفر براحة يتحسسه وسحبة بهدوء وكشر؛هااا
ساري؛وينك
سُلطان؛في ابوظبي
ساري؛عندي علم وماصدقت هايف لكنك سويتها
سُلطان ابتسم؛وشوفني رايح لها
ضحك ساري؛والله بتروح لها وصوتك كله نوم
سُلطان غمز بسُخرية؛متعودة المدام
ضحك بعلو صوتة بصدمة ساري؛شكلها والله متعودة بالخافي
سُلطان؛يلا عاد لاتخرب يومي مفروض اصحى على صوتها وابتسامتها واخر شي اصحى على صوتك صوت البعير
عض شِيفتة السُفلية بدهشه؛انا بعير؟الله حسيبك سُلطان ممداء تبداء تتغير علي شكلي بفكرش زواجكم
سُلطان؛عليك بالقوة خلك فطين وفركشها
ساري بتكشيرة باينه على صوتة؛رُحت وابوي بغى يزوجني اياها
فز سُلطان بصدمة؛ايش!!
ساري تنهد يجلس ويفتح ازارير ثوبة من ضيقتة اللي حاسس فيها؛مدري مدري سُلطان لاتسالني اسال ابوك
سُلطان؛ماهي لهذي الدرجة عاد يحبها ولا يحب عمي
ساري؛والله العظيم ماحنا من اهتماماته كل هذي الاشياء اللي مسويها عشان الناس عشان مايقولون عنك ولا عن حَرمك انها هجت وزوجك بنت عمك وشافك هجيت وبغى يلصقني فيها لكن الحمدلله تلاحقت عُمري وماقدر يزوجني لكن والله معصبين اهل نايف تنهد من ذكر اسمة؛تهاوشت انا وياه
سُلطان بصدمة؛كل هذي الاشياء صارت في غيابي؟
ساري؛اوووه ماشفت صراخ وهواش نسرين وبكت دموع تماسيح
سُلطان؛مايهم
ساري؛وعمي نمر جلس يهاوش ابوي وماهو مصدق فيك الشينة وعمتي الهنوف بغت تفرق بين الجادل وهايف وتهاوشت مع عماتي واديم ونايف الرخمة اخذ اديم وكشر ساري يتذكر قُربهم قدامة
عقد حجاجة سُلطان؛الله اكبر الشينة ذي خله يصدقها فيني ماني طاق لهم خبر في ستين داهيه اهم شي عندي وسن وانت وكل اللي عندك عارفين بهذا الشيء لو يكلفني اتركهم تركتهم
ساري بصدمة؛تترُكنا وتترك ابوي والديرة وقبيلتك واهلك
تنهد سُلطان؛اي اب تتكلم عنه يحدد مصيرنا من دون مانعرف ويزوج ويطلق اللي يبي بغى يطلقني منها وماعطيته اللي ابي ولوى يدي وخطب من دون علمي علم العريس وقبيلتك اللي تتكلم عنها كلهم منافقين وفاجرين والعياذ بالله خلني ساكت بسس
ساري؛كل هذا وتقول ساكت!!
اكمل سُلطان؛وانت بوضفك في مكان مرموق وتجي تعيش فالرياض وساره وريناد باخذهم معي بيتي
ساري؛اشوفك ثاني مره تجحدني
ضحك سُلطان؛عاد تعرف راحة المدام مُهمه ضحك بدهشه ساري يقفل على وجهه يتدعي الزعل..
-
ضحك بهدوء يشوف رسالة هايف ومشى يتتبع الطريق بفرحة وحماس وشوق وعتاب وحُب ومتيقن رجوعها وده يشوفها ويشوف حالها يسال عن اهلها ويتعرف عليهم هو انصدم من قاله هايف قبل دقائق انها لقت اهلها وضحك ثم كشر يفكر؛يمكن نسته؟يمكن تخطته..اصلاً هي ماقالت له احبك او سوت شي يدل على ذالك تنهد يعبس من جاته دوامه تفكير يمكن ماتحتاجة خلاص هو ماضي وانتهى بنسبة لها تنهد ينزل من الباب وبيده باقة مِن الورد تزيينت بالون الاحمر وفي وسطها خاتم الألماس وكرت مكتوب فيه مُبتغاة-أبيك حُب ما إمتلك قلب انسان
وابيك قلب مانبض غير فيني
وابيييك شعر غامض دون عنوان
محده قراه الا رمـوشي وعيـني-ترك الهدية واخذ نفس طويل وزفرة يسمي بالله ويدخل بخطوات سريعة ومشى وفتح باب المطعم وابتسم ثغرة يسمع الصوت اللي مُستحيل ينساة؛الجُوهرة خلصيني تعالي
ابتسم بهدوء يرقى الدرج بخطوات ساريعة وناظر فيها صاده عنة ومعطيته مقفاها ومنشغله في الورد؛اختاري الياسمين او الجُوري؟الياسمين افضل احس يعني بتجذب الزوار من منظـ التفتت بدهشه ورجف كل جسمها تحلف اللي قدامها مو حقيقي ناظرته بدموع وميلت راسها تحبس دموعها ضحك يقرب منها وغمضت عيونها تسمع صدى صوت ضحكته وقرب منها؛الحياة من دونك صارت نفس السّواد الحياة من دونك ماهي حياة ولا تنتسمى حياه تنتسمى كابوس مدت يدها تمنعه يُكمل وناظرها بدهشه تجتمع كل الأفكار اللي يخاف منها؛نسـ،ارتمت في حُضنة باِندفاع وحاوطها سُلطان يشد عليها ماكان يحس الا في رجفتها؛وش صار معك؟بعدت عنه وشاف لمعة عيونها
وسن؛وش صار معك انت!
تنهد سُلطان؛توها رجعت لي روحي حياتي من دونك اشد كوابيسي وأسوأها!
تنهدت وسن وقرب منها بهدوء يبوس راسها؛لقيت اهلي
سُلطان؛عندي خبر
وسن؛خطبت!
سُلطان؛تركتهم وتركتها كلهم وراي وانتي بس اللي قدامي واشوفك وارسم اجمل ايام حياتي برفقتك
وسن؛وش جابك
عقد حجاجة باستغراب؛رجعت عـ
'
ابتسمت بحياء واحراج وعضّت شِفتها السُفلية تتأمل الورد وكلامة والخاتم وضحكت وحمرت خدودها بخجل تتذكر كيف تجاهلها تساله ويسولف لها عن شوقه ويعاتبها بانغم وانعم الكلام وناظرت في الجوال من قاطع تفكيرها اتصال ورفعت راسها باستغراب؛الو
ابتسم؛سجلي رقمي طيب!واكتبي ابو عياليي
ضحكت تمييز صوته؛تراقبني؟
سُلطان ضحك بسُخرية؛ايييه واحبك واحب امشي وراك
وسن باحراج؛اوف كفايه سُلطان وقفلت وضحكت تسجله-حبيبي-وابتسمت تقراء رسالته'بيننا لقاء قريب واشوف وين بتهربين مني وقتها'ضحكت بحُب تقوم تطلع لاهلها والكل ملاحظ ابتسامتها وطاقتها العجيبة اللي كلها فرح~
-
استغرب فرحتها بهدوء وتمنى ماتطلع اُخته افعالها تنزل الراس وحررام وتنهد يناديها؛عالية
التفتت وسن بابتسامة؛عيوني؟
مِسلط؛اطلعي ابيك
فز زايد؛انا بعد ابيها عقدت حواجبها باستغراب ونطقت بابتسامة؛تعالو مشو بهدوء وتنهد مِسلط يشوف نظراتهم؛عالية جاك احد اليوم في مطعم زايد؟
وسن عقدت حجاجة تتذكر؛لا
تنهد مِسلط؛ليش تكذبين؟انا اخوك عضيدك وقولي لي وفهميني بس لاتكسريني
وسن بسم الله مِسلط شفيك خوفتني!محد جاني ماذكر
مِسلط بغضب؛والرجال اللي جاك وحضنك من وين تعرفينه؟؟
عض شِفتة زايد؛عالية تكفينا لاتفعلين شي مُحرم
وسن ؛افا تفكرون فيني بالحرام!
مِسلط رص على اسنانة؛حاضنه ولد ومانعرفه ومتوقعة مانفكر فيك كذا؟
وسن بدهشه؛لا عادي قول مانعرفك ولا عشنا معاك اصلاً
مِسلط مسك كتفها؛فهميني طيب
شد على يده زايد وافلت يدين مِسلط؛تكلم معها باسلوب يالخسيس ثم التفتت عليها؛عالية تعرفين ماهو قصده كذا
وسن؛ماهتميت له ولا لقصدة لكن اللي تتكلمون فيه هذا وشاكين فيني اني افعل الحرام زوجي
فز مِسلط بصدمة؛متزوجة؟؟
وسن؛اييه متزوجة
زايد؛ليش توه يجيك موب من شهر انتي فالامارات؟
وسن؛ايوا بس هو ماكان يعرف انا وين واليوم عرف وجاء اعجب حضرتك مِسلط؟
مِسلط؛تكفين عاليه تعرفين ماهو قصدي او افكر حتى بس الشيطان خسيـ مشت متجاهلته ورجعت بخطواتها لاهلها واخذت نفس وزفرته طالع فيها باستغراب من تغيُر حالها؛ياعيون ابوك
ابتسمت وسن؛سمّ
سهيّل ضحك يفتح يده ومشت تضمه بهدوء؛تغيرر حالك قالو لك شي هذول؟
تنهدت وسن؛لا لاتشغل بالك
سهيّل؛بنتي الغالية وماتبين اشغل بالي عليك؟
وسن؛بابا بليز مافيني اتكلم واقولك حاليًا
سهيّل؛خذي راحتك بس ماني مطول وبعرف وش فيك
-
ابتسم بهدوء يفتح الباب ويدخل الغُرفة فتح الانوار وعقد حجاجة يشوفها نايمة ونمر نايم في حضنها وضحك بدهشه ينزل ثوبه ويدخل دورة المياه'يكرم القارئ'وبدل ملابسه وانسدح يسحب المفرش؛اخذ مكاني الحرامي
الجادل؛بتنام هنا؟
ابتسم هايف يقرب منها وهمس؛اُم نمر؟مشتاق لك اسبوع بدونك محرميني منك
تنهدت الجادل؛كنت بنام معا اُمي بس راحت للديرة
هايف؛معليك بهتم فيك وعندي اجازة اصلاً
الجادل؛تاخذ لنا بيت؟اخذ راحتي فيه
هايف اشر على خشمة؛على خشمي
همست الجادل والتفتت تناظر فوق؛علية الشحم
هايف؛تعبانة؟ولا بُكرة نروح ندور لنا بيت
الجادل التفتت عليه وهمست؛بيت لنا؟
ضحك هايف ومسك خدها؛اييوا الشيخة اُم نمر وابو نمر ونمر
الجادل ابتسمت بدون ماتبين اسنانها؛شُكراً زوجي العزيز
ضحك بعلو صوته يفز ويقرب يبوس خدها؛تعبت عشان اسمع هذي الكلمة
ضحكت الجادل؛بعد بعد لساتني زعلانه
هايف؛والله اجل ابشري بالرضاوة غمضت عيونها وعضّت شِيفتها السُفلية؛كله بسببك وتنهدت تشيل نمر وصاح نمر يبكي وقام هايف؛عطيني عطيني بنومة وانتي نامي ارتاحي
الجادل؛هايف امك بتهـ قاطع حديثها فتح الباب؛ماتعرفون تسكتون ولدكم؟مايخلينا ننام اشغلنا والتفتت على الجادل؛انتي ليش ماترضعينه كليوم يقوم علينا ويبكي سكتيه سوي اي شي اشغلنا الله يشغله
هايف قرب وباس راس نمر والتفت على اُمة؛انا اللي صحيته يُمة الجادل نومته وانا اللي صحيته وطبيعي طفل توه ماكمل اسبوعين اكيد بيبكي
الهنوف؛ماتعرف له الجادل ولا يديمها تسكته ارضعي ولدك ارضعيه
هايف؛ابشري قفلت الهنوف بغضب ومشت ترجع لغرفتها والتفتت الجادل عليه؛هذا كلام اُمك دايم تجي تسفل في ولدك وتهاوشني ماسمعت منها كلمة طيبه
هايف قرب منها وجلس على الكُرسي؛كبيرة سن يالجادل طبيعي بيكون كذا اسلوبها وامي على عيني وراسي مابي منك ولا منها تتهاوشون وابشري بُكرة اخذلنا بيت ونرتاح فيه
الجادل؛طيب التفتت تبي تنسدح وسحبها هايف وضحك يشدها وماكان بينهم الا نمر؛شوفيه يضحك
ابتسمت ومسكت خده ورفعت عيونها على هايف؛يحبك
ضحك هايف يبوس راسه؛حتى انا احبه والله واحب امه
ابتسمت تشوفهم يلعبون وتنهدت تنسدح وتنام براحة..
-
ابتسم سهيّل؛لك يومين زعلانه وش فيك
وسن؛جيت هنا عشان اقولك
سهيّل؛وانا بسمعك وبفهمك
ابتسمت وسن بارتباك تجلس على الكرسي واخذت نفس وزفرته؛انا قبل ماعرف اني مو بنت عبدالعزيز عضّت شِفتها السُفلية وبدت تقرض في يدها؛كنت مخطوبة وبعد معرفتي انتي مو بنتهم رحت بدون ماكلم خطيبي وبودن ماعطيه خبر
تنهد سهيّل؛ووينه خطيبك مايدورك
وسن؛دورني كثيير فالسعودية ماكان يعرف اني في الامارات وانا قطعت التواصل فيهم وابوه راح وخطب له بدون علمة
عقد حجاجة سهيّل باستغراب؛وش هالناس الغريبة كيف يخطب لولدة؟بدون معرفته
اكملت وسن وشدت على يدها تجرحها؛وخطب له بنت عمة وانا كنت بس متواصله في اثنين منهم صديقتي قريبه مني واختي ابتسم بهدوء واكملت؛وبعدين عرف اني في الامارات وترك الخطوبة وهي ماتمت اصلاً وجاء لعندي وتكلم معاي
سهيّل؛تبيه تحبينه؟
ابتسمت ونطقت بإحراج؛ابيه
ضحك سهيّل؛خلاص انا عرفت كلشي بس ماقلتي لي من اول؟
وسن؛هو يبي يشوفك ويتعرف عليك ويخطبني ثاني مرا
ضحك سهيّل؛تطمنت دامه جاك ويبي يخطبك ثاني مره رجال من ظهر رجال
ابتسمت وسن براحة؛بس ابوي زايد ومِسلط شكو فيني
سهيّل؛معليك فيهم بس خايفين عليك عشان كذا ولاهم واثقين وعارفينك بعد لكن تعرفين الشيطان ومسك يدها وباس كفّ يدها؛الحين نروح نقول لاهلك
وسن تنهدت بخوف؛بس احس ماراح يتقبلون
سهيّل؛مالهم دخل اهم شي راحتك انتي وهذا اللي ابيه وبشوفه انا وبتعرف عليه وبعلمه اننا كلنا معاك ولو غلط في شي معك مابنعجبه وبنسوي العجايب عشان بنتنا وحبيبتنا
بكت وسن؛ماكنت اعرف وش راح اسوي من دونك ابوي
ضحك سهيّل يقبل راسها؛ياعيوني ابوك انتي ومسح دموعها بكفوفة وتمسكت فيه ومشو للصالة وضحك بهدوء؛وسن عندها لكم كلام
التفتت سلسبيلا وقامت تبوس خدها بعدهم تصديق؛بنتي وروحيي وفلذت كبدي انتي نامي مصدقه للحين
ضحكت بهدوء تناظرهم ماكانت متوقعه كل هالحب وكل هالشعور بتحسه معاهم ومشت بهدوء تجلس ونطق جراح؛نسمعك
اخذت نفس وزفرت ونظراتهم؛انا قبل اعرف اني مو بنت عبدالعزيز اللي رباني كنت مخطوبه
فزت الجُوهرة بفرحة؛والله؟؟يعني بيكون زواجين اثنين
ضحك مِسلط؛لا ثلاث انا وانتي وعالية كشرت الجُوهرة وضحكت بامتنان لفرحتهم؛ودورني ولقاني وقالي يبي يرجع يخطبني ثاني مرا من عندكم
ضحك سِراج؛لا ماشاء الله رجال تطمنت
ابتسمت بهدوء ونطقت سلسبيلا؛ومتى حدتو زواجكم؟والله لاسوي زواج تتكلم فيه الخليج كلها
ضحكت ريوف؛لا ماما واضح متحمسه
سلسبيلا؛وكيف ماتبيني اتحمس في زواج اغلى بناتي
شموخ؛لا يجماعة بديت اغار منك عالية
ضحك عالية بهدوء وتشوف فرحتهم فيها؛عاليه ياُمي وين تبين زواج
عقدت حجاجها وسن؛ماعرف لسى مافكرت
مِسلط قرب منها؛انا وعالية نبي نسوي زواجنا في السعودية مو افضل
همست وسن؛لسى زعلانه
مِسلط؛الله ياخذني زعلتك بس تكفين عطيني فُرصه الشيطان ياخي
ابتسمت وسن؛هذي المره بس
وضحك مِسلط بعلو صوته؛يالوموني في حُبي لها
ضحت سلسبيلا بهدوء ثم التفتت على سهيّل؛بيخطب ثاني مره؟
التفتت سهيّل على وسن وفهم من نظراتها؛لا مايحتاج لا انا ابي ولا وسن ابتسمت بهدوء وسن تشوف الفرحة عليهم وبداوء من الحين يفكرون في التجهيزات قامت بهدوء تبتعد عنهم واخذت جوالها تتصل ومامرت دقائق وردت؛لاتقولين وحشتيني لانك انتي بعد وحشتيني وببكي لو قلتيها
ضحكت فاطمة؛اهخ وسن عشقي سلطان سحب على الكل وعلى كلام ابوه وراح لك
ابتسمت وسن؛اهخ ماتوقعت والله بنتلاقى ولا كنت جاهزه جاني وانا كنت فمطعم زايد عضّت شِيفتها السُفلية واكملت كلامة؛ماقدر اقولك وش قالي كل ماتذكر اموت احراج
ضحكت بعلو صوتها فاطمة؛جنتل
ابتسمت وسن؛يلا اجهزي جايتك بعد كم يوم
فزت فاطمة بصدمة ونطقت بصوت راجف؛والله؟؟
ابتسمت وسن؛والله
فاطمة؛تكفين وسن!ببكي وقسم بالله البيت بدونك خرا
ضحكت وسن؛اجيك ونقضي اليوم كله كلام وفضفضه واعرفك على اخواتي وامي واهلي
ابتسمت فاطمة؛حماس!
وسن؛دقيت عليك عشان اقولك بجيتي وعشان ابي اطلبك طلب
فاطمة؛سمّي
وسن؛عطيني كل حسابات قمر اشتقت لها ياخي
فاطمة؛اووه قمر! خمس شهور ماتلاقينا فيها الصراحة اشتقت لها
ضحكت وسن؛ايوا مو فاضية لنا المُحامية قمر بنت راكان
ضحكت فاطمة؛ابشري الحين ارسله وابتسمت بهدوء تقفل وتشوف رسالة فاطمة واخذته تدق ومكان منها رد وقفلت جوالها والتفتت وضحكت تشوفها تتصل؛قمري!!
فزت قمر من مكتبها بصدمة؛وسنو؟؟
ضحكت وسن وجلست على السرير؛وينك كيف وحشتيني
قمر؛انتي وينك مالك حس ماتنزلين ولا ترسلين لي شي مرا جربت اتصل عليك قبل اسبوع مالقيت منك رد
وسن؛اووه والله صارت سوالف ماتصدقينها وطلعت موب بنت عبدالعزيز
قمر بصدمة؛ايش؟؟!
ضحكت وسن؛ولا بعد طلعت اماراتيه
قمر بدهشه؛وسن فكيني من مقالبك المخيسه هذي
وسن؛والله العظيم طلع رباني
قمر؛وانا اخر من يعرف؟وليش مغيره رقمك وحساباتك كلهم مبندتها ليش ليش تدرين خفت عليك
وسن؛ياحبيبي انتي اجي السعودية واحكيلك كلشي
ابتسمت قمر؛ولا بعد ماقلتي لي عن زواجك وانتي خلاص بايعه العشره
ضحكت بعلو صوتها وتلعب في اظافيرها؛ميت علي
ابتسمت قمر وغمزت؛اوهوووه تلومينه وسنو؟انتي الكل يبيك ويتمناك
ابتسمت وبانت غُمزاتها باحراج؛أحُبَك قمراي
قمر؛عاد هو ماشاء الله صاروخ وانتي صاروخ متمحسه للإنجاب
سكتت وسن باحراج وعضّت شِيفتها تسمع ضحكت قمر؛انقلعي وقفلت باحراج وناظرت جوالها وابتمست تدخُل واحمر وجهها بالكامل من رساله قمر
'
سُلطان؛والله؟
وسن؛اييه اليوم يقولي ابوي تجي معانا فالطياره
سُلطان؛ماحجزت
وسن؛لالا طيارة ابوي الخاصه
سُلطان؛ابشر الساع9م اكون جاهز؟
وسن؛اييوا وماراح تشوفين بعد ذا اليوم
ضحك سُلطان فاهم مقصدها ك؛افا ليش!
وسن باحراج؛تعرق يعني لين زواجنا
ابتسمت من صوتها؛طيب حلالي انتي؟
وسن؛اوف منك سُلطان بكلامك ذا تبي تحرجني يعني؟عبالك انحرجت!
ضحك بعلو صوته وعضّت شِيفتها السُفلية من ضحكتها اللي دومًا تجذبها؛صوتك يبين انحراجك
ابتسمت وسن واخفت ابتسامتها بهدوء؛الشرهه علي اكلمك ومعطيتك وجهه وقفلت فوجهها وصرخت باحراج من ارسل لها على طول'البسي هديتي وبيني للعالم انك حليلتي'
-
مِسلط؛حتى واحنا مسافرين مناشبتنا هذي!!
الجُوهرة بحدة؛اهم منك ومن سفرتك هذي لو مو عشان عاليه جلست فالامارات
مِسلط؛شفيك تهاوشين
الجُوهرة؛مناشبني
غمز مِسلط؛ولا عشان يعني مخطوبة ولازم تتقمصين الشخصيه؟
الجُوهرة؛ياشيخ طيري مابيه ولاني موافقه
ناظر يدها مِسلط؛شكله بيهج لاشاف اللي بيدك ذي تقولين هي زوجتك ملازمتك في كل مكان وزمان
ابتسمت الجُوهرة وقربت تبوسها؛هذي كاتي اغلى منكم كلكم
سهيّل؛افا اغلى مني انا؟
ضحكت الجُوهرة؛لا انت اغلى منها طبعا بس بنسبه لمِسلط هي اغلى
هوش لها مِسلط وطاحت على الارض؛اجل خلي الحيوانه هذي تنفعك
الجُوهرة فزت تشيل كاتي؛ويع مِسلط منجدك انت تغار منها كلشوي تضربها ولا لاكلم ابوي يهاوشك
ابتسمت سلسبيلا؛يلا بس انتي وياه اركبو الله يخلف عليك بالله هذي اشكال وعقول ناس مخطوبه؟
الجُوهرة؛ماما!مو منجدكم ماخذتو رايي ونشبتوني فيه
ضحك بعلو صوته مِسلط يبوس راسها؛هذي الغاليه وتحبني وتسمع رايي وبنزوجك وبنفتك منك التفتت عليه سلسبيلا وضحكت بدهشه وناظرتهم الجُوهرة بحرقة وبكت وفز مِسلط بصدمة يشوفها تبك وقرب يضمها ودفته بحرقة؛الله ياخدك ابعد عني قربت وسن وناظرت الجُوهرة تبكي وضربت مِسلط؛غبي غبي انت وش مسوي فيها الله يقلعك
مشى زايد وهو شايل بيده المفتاح؛يوووه بكت الدلوعه وش يسكتها الحين
التفتت وسن بحدة؛انطم انت ولا اسمع لك نفس
فز زايد ودق لها تحية؛ابشري حضرة الاميرة عاليه
وجات ريوف من خلف زايد وناظرت الجُوهرة؛اوهه جوجو معليك فيهم ذولا بس يمزحون تعرفين مزحمه ثقيل وزاد بُكاء الجُوهرة والتفتت وسن؛مِسلط نفس مازعلتها جيبها معك خمس دقائق تراضيها وتركب السيارة ولا بسحب عليكم
زايد؛والله اليوم انتي حضرة العقيد موب عالية تمشين الكُل على كيفك
وغمزت ريوف؛اكيد عشان بتقابل حبيب القلب شعرفك انت في ذي الحركات
وضحك زايد؛خفي علينا يالي مجربة
عضّت شِيفتها باحراج من كلامهم وركبو زايد وريوف يضحكون وبعد دقائق معدوده ركبت الجُوهرة ومِسلط وابتسمت وسن؛اكتملنا
ريوف بحماس؛الله بنجرب سواقتك
ضحكت بعلو صوتها؛معليك اعجبك
ريوف؛ياحلو ضحكتك عاليه اضحك دايم
ابتسم زايد؛والله صدق أنيابك تجذب واكتفاء مِسلط بالابتسامة والتفت عليهم وسن واعطتهم بوسه؛طبعا هالحين نشغل ذوق حبيبتنا الجُوهرة
كشرت الجُوهرة تشوف ضحكت العيال؛لا مابي
زايد؛الحمدلله الحمدلله ذوقها افشل ذوق
ناظرته الجُوهرة بحدة؛بطلت عاليه شغلي لهُم حماقي
ضحكت بعلو صوتها؛ابششري
زايد؛لاع كبدي من ذوقها
الجُوهرة؛احسسن اكثر شي تكرهه بغثك فيه
ضحك بعلو صوته مِسلط؛كفاية كفاية يهال انتم
ريوف؛يهال؟؟اشوفك حنيت للإمارات
ابتسم مِسلط؛شفيكم يدتي سعوديه وابوي امارتيي اكيد بيكون مكس
ابتسمت ريوف؛بس تميل للسعودية اكثر
مِسلط؛لانني عايش فيها
ريوف؛صحح
زايد ضرب راسها؛يادلخه حتى انتي تتكلمين سعودي
ابتمست وسن؛واحلى احلى احلى ماتشاء لاحلى جوجو
ابتسمت الجُوهرة بشُكر؛حبيبتي عالية والتفتت تناظرهم بحدة؛ماكنت اعرف وش بيكون صاير بدونك
ناظرها مِسلط؛يعني مفروض نخاف من النظره ذي؟
وسن؛مِسلط انكتم
ابتسم زايد؛والله لادفع الحساب انا وبجيب الطلب
وسن؛لا والله انا بدفعـ
قاطعها زايد ينزل من السياره متجاهلها وبعد دقائق ضحكت ريوف؛وصل الماتشاء
ابتمست وسن؛تعبتك
زايد؛لا واجبي
وسن؛ابي اشوف خطيبة مِسلط متحمسه
فزت الجُوهرة؛بتحبينها وبنصير ثُلاثي
ضحكت وسن؛والله؟
الجُوهرة؛هي قريبه مني مرهه وعسل بتحبينها ااكد لك
ضحك مِسلط؛حتى انا
وفزت ريوف؛اح اح ياعزتي له سُلطان
التفتت وسن؛وينه؟
ضحكت ريوف؛شوفيه مع ابوي
الجُوهرة؛يخوف ههههههه مايقدر يزعلك عندك خمس اخوان وبابا السادس
ضحكت ريوف؛ابتلش الرجال
وابتسمت وسن تناظره وضحكت ريوف؛بس تصدقون زوين
الجُوهرة بققت فيه؛صادقه وربي حلو ماشاء الله
زايد؛هيه انتي وياها احترمونا ترانا معاكم في السياره
مِسلط كشر؛انطمو بس لاسمع نفس
ريوف؛يياي قلك غيرة
ضحكت الجُوهرة وغمزت لزايد والتفتت ريوف تشوف معاهم نظرات وسن وناظرها بصدمة مِسلط وضرب يدها بخفه؛الخفه الخفه خليك ثقيله
التفتت وسن باحراج تشوف ضحكهم وكلام مِسلط وغطت وجهها باحراج ومامرت دقائق وانفتح باباها والتفتت بدهشه واتسع مبسمها براحة واخذت نفس وزفرته بتوتر وضحكت ريوف وهمست؛شكلها تحسب سُلطان اللي جاي يفتح الباب
عضّت شِفتها تشوف طنازت البنات وزايد ومِسلط يسكتُنهم وتقدم سُلطان؛ارحب
ضحك مِسلط؛ابقه!سُلطان!!
ابتسم سُلطان؛اجل طلعت نسيبي المجهول
ابتسم زايد يصافحة؛بينكم معرفه واحنا ماندري؟
التفتت وسن بدهشه؛صدق!!مِسلط تعرفه
ابتسم مِسلط؛اييه الرفيق دايم مقابله في استراحتنا وعرفني عليه هايف
وسن؛تعرف هايف بعد!!صدمة والله
ابتسم سهيّل يشد على وسن وناظر سُلطان؛سمعت توصياتي!لو بس زعلتها اول من بيقابلك ويخليك تعض الارض من الندم ابوها
ضحك سُلطان؛على خشمي والله ماقصر معها وانها في قلبي قبل تكون في عيني
ابتسم بهدوء سهيّل يتطمن على بنته وضحك سُلطان يشوف نظراتهم وضربه مِسلط بخفة؛هد علينا يالرومنسي واحترم وجود اخوانها
ضحك بعلو صوته سُلطان؛اشتبون ياخي زوجتي!اشبلاكم
زايد؛ياهوه فليتها بنتي ترا
سِراج؛لا بس نسيت اذكرك تراك اصغر منها
زايد؛لا بنتي
ضحك عمار؛خلوه ياخذ راحته تراها حرمته
عضّت شِفتها تمشي تتجاهلهم باحراج وابتسمت تشوف حماس خواتها شموخ؛واو بيصير حرب الحين
ضحكت انهار؛مريضين هذول زوجته قبل لاتعرفهم
الجُوهرة؛مِسلط الرجُل الشرقي
ضحكت شيرين؛حبيييت من الحين بدو النسايب يتهاوشون
ابتسمت وسن؛ذا زوجك!
ابتسمت شيرين وعيونها تلمع بحُب؛فهد حبيبي
ضحكت سلسبيلا؛طلع فهد وسُلطان ومِسلط يعرفون بعض
ابتمست وسن؛يعني مافي قرابه فيك لفهد؟
شيرين؛لا
ريوف؛شوفو شوفو الحُب كيف يغير نفسيتك ويحلي ووجهك وابتسامتك صارت مُشرقة من بعد ماشفتيه
ضحكت الجُوهرة؛خسساره خواتي كلهم خفاف
ضحكت وسن؛بيجيك الدور وبتطنز  عليك
الجُوهرة؛ماما هذول بيزوجوني مندون مايخذوني رايي
ضربتها سلسبيلا؛انتي بس جربي!وشبلاك شوفيه يمكن يعجبك
عضت شفتها ريوف؛يعني نظره شرعيه؟
سلسبيلا؛ايوا ومتاكده انا انها بتحبه
كشرت الجُوهرة؛عشان مِسلط اختاره حبيتيه
ضحكت سلسبيلا؛حبيته من حُبي لمِسلط
وسن؛افا وانا وشيرين
ضحكت سلسبيلا؛عيونك وحالتك تغيرت بسببه وتقولين ماحبه؟عشانك بعد بيكون بحسبه ولدي مو زوج بنتي
ضحكت بعلو صوتها انهار وطبطبت على كف شيرين؛ياعزتي لنا احنا
-
ابتسم بهدوء؛اعجبك!
ضحكت الجادل؛عساس بيت جبتني للفلا
ضحك هايف؛تستاهلينها يالشيخه اُم نمر
ضحكت الجادل؛كفاية هايف
ابتسم من دون مايبين اسنانة؛على خشمي وانتي بس  اعجبك او لا
الجادل؛اعجبني صراحة كلشي فيه جاهز وقريب من الفايبز حقي ناقص الأثاث
ابتسم هايف؛نجيبه ولا يهمك
ابتسمت الجادل ثم كشرت؛يعني بنرجع بيت اهلك؟
التفتت عليها هايف وهو شايل نمر؛موب مرتاحة في بيت اهلي
الجادل؛صراحة اييه والمشاكل كل مالها تكثر نبي نطلع
هايف:تامريني بناخذ لنا شقة على ما نخلص البيت
الجادل؛لا بيما انو الفلا من داخل وبرا جاهزة ومصممينها وانا وانت عاجبتنا نبداء اول شي نخلصه غُرفتنا وانا طالبة لنمر سرير بُكرة جاي ناخذ لنا اشياء خفيفه عشان ننام فيها لين مايخلص
هايف؛يعني تبين تجلسين فالبيت حتى وهو فاضي
الجادل؛ايوا ارتحت فيه صراحة وناخذ الكنبة اللي في غُرفتنا ببيت اهلك ونجلس فيها لين مانخلص الصاله وناخذ الكنب ووحدة وحدة نخلصة كامل
ابتسم بهدوء؛ابشري تصممين الأثاث كيف ماتبين وبقولهم يخلصون الكنب في اسبوع
ابتسمت تخرج من البيت براحة؛الحمدلله
ضحك هايف بخفة؛ونسبح نمر هنا يتعلم السباحة
ابتسمت بهدوء؛تتوقع بيحبها؟
رفع عيونه لها؛امه وابوها يحبونها اكيد بيحبها
ضحكت تركب السياره وركب بعدها ومد يده لاجل تاخذ نمر وشالته الجادل ثم التفتت له؛وين تبي تودينا طال عُمرك؟
عض شفتة؛مفاجاة
الجادل؛الله يستر من مُفاجاتك
'
ضحك بهدوء يجهز الدلال والشاهي والتمر وجميع اصناف الحلا والمُكسرات والعودة والعطور وناظرة بحدة؛كل هذا عشانه الفاشل؟مايستاهل
ابتسم ساري؛افا يُبة والله محد يستهل كثر سُلطان الغالي
مشى بمعكازة لصدر المجلس؛اييه اييه الله يستر منه ومنك انت بعد
ضحك ساري؛تمون يجلعني فداك يالغالي صد منيف بنظراتها يستغفر وبعد دقائق التفتت عليه؛متاكد بيجي
رفع نظراته ساري للقهوجيين؛اييه يُبة عازمين عُماني كلهم وهو بعد بيجيب اهل حَُرمة
منيف؛ارب اليوم هذا يعدي بسلام وهدوء
مشى واخذ جواله يدق على سُلطان؛ارحب
سُلطان؛حي ذا الصوت وحي راعية
ابتسم ساري؛الله يحيك القابلة عندنا نفس ماقلت لك وجيب اهل حَـرمك معك!عشان ماتفشلني عند ابوي وعسى عمي يستحي ومايجلس يبثر ابوي فالكلام
التفتت سُلطان يناظر سهيّل اللي جالس بينه وبين وسن ويضحك ويسولف معاها؛ابشر بقولهم
ساري باصرار؛لزم عليهم لاتجي الا وهم معك فاهم!
تنحنح سُلطان؛ابشر وقفل المُكالمة  والتفتت عليه سهيّل؛علامك
ابتسم سلطان يدخل جوالة في جيبة يرفع عيونة عليها وصد يناظر في سهيّل؛العشاء عند اهلي اليوم
سهيّل؛ لا والله ماودي اتعبكم
كشر سُلطان؛اي تعب يعمي!واجبك علي بطلق ان تجي انت والاهل جميع
كشر سهيّل؛اشوفك من الحين تطلق
ابتسم سُلطان يناظر فيها؛اعقب
ضحك سهيّل؛قربنا على الهُبوط شكل القابلة بتكون عندكم وفي مجلسكم
ابتسم سُلطان براحة؛اعز واغلى من بيجي والله
قام سهيّل؛اكلم الاهل واجيك
ضحك بخفة سُلطان؛خذ راحتك ياعمي وقرب بهدوء وجلس جنبها؛ابوك ماعرف علامة مناشبني فيك
ابتسمت وسن؛جد؟عمي منيف ماهاوش
عدل جلسته وابتسم من دون مايبين اسنانة وقرب منها؛وش تتوقعين
ابتسمت وسن من قربه ورفعت يدها؛ماعرف
ضحك سُلطان؛الشيخ منيف اذا ماهواش مايكون منيف
ابتسمت بهدوء؛تدري؟
سُلطان؛تدرين انتي؟ضحكتك هذي وأنيابك وغُمازتك وشامتك وملامحك وين توديني!وكيف ادوخ منها؟
ابتسمت بهدوء؛توديك للجنون
ضحك سُلطان واشر على راسه بالجنون وابتسمت واخفت ابتسامتها؛ليش تخفينها؟خليني أتامل شوي
تجاهلت كلامة؛ماتوقعت ابوك يعزمنا او يذبح
سُلطان بدهشه؛لا عاد ابوي كريم مُستحيل مايسوي لكم ذبايح مهمًا كان
تنهدت وسن؛خايفه خايف اجيه واقابله ويكرهني بسبب خطبتك اللي تركتها
سُلطان؛كل ماخفتي امسكي يدي وتطمني
تنهدت بهدوء تمسك يده وضحك بدهشه يلتفت لها؛اقدر اقول المسكة هذي تعني احبك؟ابتسمت وماردت وناظرهم سهيّل وضحك؛يعني المسكة هذي والابتسامات اللي مافرقت سلطان معناها خلنا على راحتنا فز سُلطان؛المكان مكانك يعمي
ضحك سهيّل؛لالا انت خذ راحتك مع عالية وخبر اهلك اننا جايين القابلة
ابتسم سُلطان؛والله انها مليون مرحبا مشى سهيّل وابتسم يرجع لها ويجلس بجانبها ويبوس كفوف يدها؛اجل عالية؟اييه والله عالية والاولى عندي في كل شي ابتسمت بتوتر من قُربة وصدت تناظر الهبوط واليل وقمراها
'
كشرت الجادل؛منجدك هايف؟مودينا للطعوس وتقول مُفاجاة!
ابتسم هايف وهو يشيل من يدها نمر النايم ويحطة في المرتبة اللي ورا وتاكد من سلامته وسكر الباب واخذ الكراسي والعزبة وجهز القهوة وشغل على النار وجلس بهدوء يهوجس
ونزلت بغضب وراة من تجاهُلة لها؛علامك!
ابتسم يرفع راسه يناظرها وبعد مقبض الكرسي وحاوط خصرها يقربها منه وباس رقبتها بشّدة
توترت الجادل تبعدة عنها؛وخر
ضحك يناظرها؛قلت الكُرسي ماجاز لك واخترتي حضني
كشرت تدفة وتجلس على الكُرسي؛ياشينك هايف
ابتسم يرشف من القهوة ويناظر امامة؛بالله الجو ماهو حلو؟
ابتسمت تنحني تجيب لها قهوة وترجع تجلس في كُرسيها؛حلو لو مانت موجود
هايف؛ليش كل هذا الصدود؟مسحور مسحور كنت!
ضحكت تتجاهل كلامة والتفت عليها؛يعني كذا دربك؟الصد والبُعد استوعبي تكفيين انا ابيك اللي كان يكلمك جني جني
ابتسمت ترشف من القهوة؛طيب علامك تعيد الكلام فهمت فهمت
تنهد يصد عنها وبعد دقايق ابتسم والتفتت عليه تلاحظ ابتسامتة؛وش الشاعر هايف جاء في باله بيت يوصف حالتنا؟
انحنى ياخذ من الشاهي و‏رشف منه ثم التفتت عليها؛
ليت الزمن بمحبتك ماخذلني
وليت الهجر من طيب خاطرك ورضاك
لـو أن قربك والوصل بـالتمني
ماغبت عن عيني كثر مااتمناك
خايف يطول البعد وتسج مني
ويآخذ مكانك شخص ماهو بيسواك
وش عاد اسوي يومك تسج عني
لا أنا اتبع المقفي ولا احب فرقاك!
تنهدت الجادل بضيقة من وضعة وغمضت عيونها تسمع وتحس بانفاسة ونظراته لها وتنهدت بعد دقائق؛اليوم ساري عازمنا بمُناسبة رجوع سلطان وحَرمة
التفتت عليه بصدمة؛كذاب!
هايف؛والله اليوم بعد
الجادل بغضب؛وليش ماتقولي هايف؟؟مو منجدك جايبني هنا واحنا عندنا عشاء!وبعد جايه وسن
وضحك هايف؛وبعد ازيدك من الشعر بيت اهلها جايين
التفتت علية بعصبيه وكشرت من برودة؛ماقلت لي؟ماعندي فستان طيب؟ونمر مو مجهزة له شي يكشخ فيه
عض شفته؛لو تلبسين خيشة بتطلع عليك حلوه
الجادل؛فُكني من كلامك ذا يجيب موتي
ضحك بعلو صوته من اعترافها وعضّت شِفتها باحراج تركب السيارة ابتسم يشيل الاغراض ويحطها فالسياره؛مجهز لكم هدية انتي ونمر
كشرت الجادل؛وش بعد لايكون بتاكلنا من الكبدة
ابتسم يلتفت عليها؛فكرة حلوه كيف مافكرت فيها
الجادل؛ركز في سيارتك وفكني ابتسم بعد وقت يوصل لبيت اهله ونزلت الجادل بسُرعة عشان تجهز وشغل الانوار ومالقى احد وعرف انهم راحو للعزيمة وركب فوق لغرفتهم وابتسم يشوف نظراته والتفتت عليه؛وش ذا؟
هايف؛ذهب وفستان لزوجتي الغالية
ابتسمت الجادل؛يعني هذي هديتك؟
هايف؛ليش ماعجبتك صدت باحراج وابتسم؛ابشري نروح بُكرة نختار ذهب من ذوقك
الجادل؛اهخخ منك ياهايف ضحك بهدوء وناظر نمر اللي مكشر في وجهه؛جهزي النمر عشان يشوف عمة سُلطان
فزت الجادل تقوم تجهز نمر معها وابتسم بهدوء يناظرها تتبخر وقرب منها؛وش ذا الزين؟يُام نمر
عضّت شِفتها من قرب منها واخذ العودة يتبخرون سوا والتفتت تضحك وهي تشيل عبايتها؛شوف شوف يمد يده يبيك تبخرة
ابتسم هايف يشيل نمر ويقبل راسة؛يبشر بها النمر
'
وسن؛انتظر ماما انزل شنطتي
كشرت سلسبيلا؛اجلسي مع رجلك وخليه يشيلها
ابتسم سُلطان يقرب يبوس راس سلسبيلا؛الحمدلله على السلامة ياعمتي
ضحكت سلسبيلا؛الله يسلمك
ناظر وسن ثم ناظرها؛عادي اخذ حرمتي معي صح؟
سلسبيلا؛من دون ماتسأذن ياحبيبي خُذها معاك
وسن؛ماما!!منجدك؟
سلسبيلا؛ايوا اجلسي معاه زوجك ومتلهف عليه
اتسع مبسمة؛ياحلو خالتي اللي تفهم
ضحكت تمسح على دقنة؛وياحلوك يلعبون خالتك ومشت للفُندق امام نظرات وسن
انحنى يقرب لاذنها؛وش يمنعك مني الحين؟اخوانك وشوفيهم اشر بيده على الفُندق؛وعمتي وقالت اخذها يلا يازوجتي الغالية اركبي ومشيناء
وسن بصدمة؛سُلطان منجدك؟؟ابي اروح معا اهلي اجهز معا البنات بلييز!
عض شفتة من ترجيها؛ماكنت افكر اخذك بس حبيت اشوف وش ردك يمكن ولاهنه علي مثل مانا عليك ملهوف احبك وحُبي لك عنوان أصيل ويذكر المعروف
كشرت وسن؛قلبتها اغنية
انحنى يبوس خدها بقوة؛انتظرك يازوجتي باخذك معي لبيت اهلي
مشت تتجاهله وابتسم يركب سيارته ويروح للفُندق اللي حجز فيه
'
الجُوهرة؛واو!!تاخذين العقل عالية كل الانظار بتكون عليك
فزت ريوف بحماس ومسكت خدود وسن؛واه واه حلوتي بتخطفين عيون الكُل
دخلت الغُرفة انهار وناظرتها باعجاب؛بسم الله عليك وش ذي الطعامة؟والحلاوه اقري اذكارك
ابتسمت سلسبيلا تدخل بعد انهار؛ياحلو بناتي حلاوه تبهلون تعالو اقراء عليكم جلست سلسبيلا على السرير وحُطوها البنات وبدت تقراء عليهم وابتسمت شيرين تناظر في وسن؛كيف بيصبر سلطان متأكدة ماراح ترجعين معانا
كشرت وسن من طاريه وصدت وضحكت شموخ؛شكل في هوشات خفيفه بينهم
ابرار رفعت عيونها على وسن؛صدق؟
وسن؛لالا بس شدعوه ياخذني واحنا لسى ماسوينا زواج
سلسبيلا؛يحل لك ورجلك عادي لو اخذك
فزت وسن؛بليز ماما شفيك ضدي ومعاه
شيرين؛الله يعينك بدايات خطبتي تدبسني معاه وياخذني معاه لين ماتعودت عليه وماصارت تتدخل
وسن؛بس سُلطان غير
ابرار؛اوهه بديينا الحركات ذي
وسن؛لا قصدي يعني جرييئ كلشي عنده عادي ومايستحي
ابتسمت الجُوهرة؛عاد ابوي مايصير له كلمة بعد اُمي دايم سمعاً وطاعة
عضّت شِفتها شموخ؛حتى ابوي كان بيجلس معاكم بس لو تشوفينها اول ماجاء جلست تهاوشه ليش يجلس بينكم
طاحت الجُوهرة تضحك وطاحت فوقها ريوف وكشرت سلسبيلا؛معليك منهم انتي بس جهزي شنطتك عشان اذا يبيك تنامين معها
ناظرتها وسن؛امي منجدك؟
سلسبيلا؛طبعاً وانتو هيا اجهزو عشان نروح لاهل رجلك ونتعرف عليهم
ابتسمت ابرار بحماس؛ياربب الاقي بنات واستانس معهم
ضحكت وسن تجلس وتناديهم وجلسو كلهم حولها؛في فاطمة وريناد والجادل واديم وشادن وشيهانة واريج وسُعاد وامجاد وترف ونجد وكشرت؛ونسرين
انهار؛نسرين اللي كان بيخطبها سلطان؟
وسن؛اييه بنات مرا يع دايم كلامها غيير عننا وجوها غير وتنقد دايم ومحد يحبها
غمزت الجُوهرة لشيرين؛ولا عشان يعني كان بيخطبها سلطان؟
التفتت عليها وسن؛لا والله بس هي دايم تنمم علينا وتفكيرها مُقرف
ضحكت ريوف تناظر ابرار؛ايييه فهمنا فهمنا
قامت وسن؛انقلعو نروح لهم وتعرفونها وتصدقوني
ابتسمت انهار؛متاكدة انتي احلى وافضل واجمل منها
لعبت باظافرها وسن بغرور؛طبععاً
الجُوهرة؛كنت بقول نرجسيه بس النرجسيه تحق لك
ضحكت ابرار بحماس؛يعني في اكل وفي هواشه واو
كشرت ريوف؛همك بطنك
ناظرتها ابرار؛فعلا مافي اهم من بطني
تحجبت وسن وطلعت وابتسمت تشوف اهلها ولفتت؛اسمعي ريوف انا بروح معا زايد وانتي روحي معـ!سلطان
ابتسم بهدوء؛زوجتي العزيزة؟وش ذا الجمال؟
ضحكت وسن؛طلعت خفيف
ابتسم من ضحكتها؛معك بس ولا شوفيني مع الناس الباقيين ثقيل
ضحكت وسن وبانت غُمزاتها وقبل غُمزاتها ونصف شِفتها احمر ووجه وسن بصدمة والتفتت تناظر في اهلها محد كان منتبه ونطق بهدوء؛اراح معي
كشرت وسن؛منجدك تقول؟
سُلطان؛تحسبيني امزح والله اني جاد ابي اخذك معي من اول مادخلنا الرياض
وسن؛سُلطان فكني ابي اروح معا اهلي
سلسبيلا؛هلا هلا سُلطان
سُلطان؛ارحبي عمتي وقرب يبوس راسها
سلسبيلا ناظرت وسن بحدة؛يلا خذ عالية معاك وبنمشي احنا وراك تنهدت وسن بقل حيلة وتشوف نظرات سُلطان كُلها فرحة وابتسم مِسلط يطق الطاقة وفتحها سُلطان وتنهد بتمثيل؛يليل البلشة جاء البثر
ابتسم مِسلط؛وين وين ياطيب ماخذ اختي معك؟
سُلطان ناظرة بحدة؛زوجتي يالطيب ولا ناسي اذكرك
ابتسم جراح؛اشوفك ماخذ اختي
كشر سُلطان؛جاك البثر الثاني ياخي زوجتي ز و ج ت ي مثل ماهي اختكم هي زوجتي
مِسلط؛يوه بيصيح علينا
سُلطان؛تخسي
تنهد زايد؛لو امي ماهي مهدتتنا كان اخذناها لكن اُمها حالفة لو نجيب وسن تذبحنا
سُلطان؛اللهم سكنهم مساكنهم كلشوي جايني واحد
ابتسم عمار وهو خلف مِسلط؛عشان تعرف عندها عزوة وقبل لاتزعلها تعرف وراك5يحاربونك
ابتسم سُلطان؛بيجي ساري وبيهد فيكم كلكم مبزرة قسم بالله ورفع الطاقة ومشى وكشرو بعصبيه وضحك بعلو صوته يشوف اشكالهم وعضّت شِيفتها تسمع ضحكتة والتفتت عليها يمسك يدها ويقبلها وشغل الاغُنية المُفضلة ويردد مع راشد الماجد؛والله وتحقق مُنايا شوفوا حبيبي معايا يا أهل الحسد والوشاية سعادة القلب وياه والماء يعُود لمجراة'
ابتسم بهدوء يشوف بيتهم وناظرها ومسك يدها وشد عليها؛نفس ماقلت لك طيب؟
ابتسمت وسن؛طيب
التفتت عليها؛خابرة بيتنا صح؟
التفتت تناظر الباب ثم ناظرته؛شهر بس موب سنين
ابتسم بهدوء؛كويس وري اهلك
'
طق بوري سُلطان وفز كل من في المجلس يرحب فيهم ونطق ساري بصوتة الجمهوري؛ارحبو ثم ارحبو تو مانورت نجدالعذية باهلها
ابتسم سهيّل يمشي وخلفه عياله كلهم وبجانبه سُلطان؛الله يبقيك الديار منورة باهلها
ابتسم ساري يقرب يسلم عليك ويبوس خشمة؛الله يطول في عُمرك
ابتسم سهيّل؛ماتقصر وقرب يسلم على منيف والباقين
هايف بصدمة؛اخو العيال!مِسلط انت اخت وسن
ضربة في راسه مِسلط؛لاتنطق اسامي محارمنا
وكشر سُلطان فوجهه؛وهو الصادق لاتنطق اسمها دفنتك
ابتسم شادي يسلم على سهيّل ونطق مِسلط؛هذا اللي خطب عندنا يُبة
ابتسم سهيّل؛والنعم والنعم رجال من ظهر رجال
شادي؛معليك زود ياعمي والنعم فيك
قرب مِسلط يهمس في اذنة؛لازم ترد لي الجميل جلست امدحك عند امي وابوي لين ماخليتك في راسهم
ابتسم شادي؛ماتقصر
سُلطان؛اقلطو اقلطو
ابتسم سهيّل يناظره باعجاب ومشوا عيال سهيّل وراة بهيبة وابتسم سامي يهمس في اذن منيف؛ماشاء الله ماشاء الله شايفهم؟
منيف؛ايه والله ماشاء الله
زايد وفي يدة القهوة؛ان كان ماخاب ضني هذا هو اللي كان بيزوجك بنته؟بدال عالية
كشر سُلطان وناظر نمر وهمس لساري؛حشى ماشل عينة
تنهد ساري؛فشلنا
تجاهله سُلطان وابتسم يتقدم ويجلس بجانب سهيّل وضحك سهيّل يناظرة؛منور النسيب
ابتسم سُلطان يغيض نمر؛والله النور تشع منك ياعمي
ابتسم سهيّل؛الله يبارك لك يامنيف جايب رجال
ابتسم منيف بفخر؛ويبارك لك في عيالك ان شاء الله
اخذ من القهوة وهو يرشفها وقرب منه راجح؛يُبة
سهيّل؛هلا
جلس بجانبة راجح؛شايف الرجال ذاك؟ماهوب شايل عينة عنك حشى من اول ماجينا
التفتت عليه سهيّل؛تجاهله ولا تعطيه اكبر من حجمة ووش بينفعنا او بيضرنا هذا فيه خله اهم شي عندي سلطان واهله اما ذا الرجال ماندري عنه
راجح؛هذا عم سُلطان
كشر سهيّل؛اني والله حسيت بقعى لاتناظرة صد
راجح؛سمّ
تنهد بفرحة يناظر سهيّل يشابهها يشاببه بنته اللي رباها قرب منه سُلطان بهدوء يقطع تفكيرة؛يشبهه!
التفت عليه وتنهد يرجع يناظر سهيّل؛عز الله
سُلطان؛تعال ياعمي سلم عليه مشى بهدوء وبجانبة سُلطان وابتسم سُلطان يناظر سهيّل؛عبدالعزيز اللي ربى عالية
قام سهيّل؛وسلم عليه وصافحة وجلس معه ومشى سُلطان لاجل ياخذون راحتهم
سهيّل؛بغيت اشكُرك ماقصرت مع بنتي في شي وعديتها بنتك
عبدالعزيز؛مابغك تشكرني اللي ابغاه ماتبعدني عن بنتي وسن وهي للحين في حسبه بنتي
سهيّل؛افا ماني مبعدك عنها وهي بنفسها بتجيك
هز راسه عبدالعزيز
-
ابتسمت ادخل سلسبيلا وفزت سُلطانة ترحب فيها وبجانبها اديم وسارة؛ارحبي ثُم ارحبي
اتسع مبسم سلسبيلا؛الله يبقيكم
قربت تسلم عليها اديم ثم فزت تسحب وسن ضحكت وسن؛وحشتيييني
كشرت اديم؛والله لاداويك تروحين من دون علمي والحين ادري انك تتواصلين مع الجادل وفاطمة وانا لا زعلت
ابتسمت وسن؛خلي الزعل بعدين اسلم على الحريم واثبت وجودي واخليهم يتأملوني ويحسدون اخوك على النعمة اللي انحطت عنده
ضحكت بعلو صوتها اديم تضرُبها ثم ناظرت البنات؛مابعرفيننا
تقدمت انهار تسلم عليها ثم بعدها شيرين وشموخ والجُوهرة وريوف وابرار
همست اديم؛بتنصدم فاطمة يوم تشوفهم
عضّت شِفتها بحماس؛اكثر شي متحمسه له تقدم مع بعض ونطقت حصة تغيض الهنوف؛ارحبيي مليون يالغالية يازوجة الغالي بسم الله عليك وشهي من حلاوه وطعامه ورفعت يدها تدعي؛الحمدلله على النعمة اللي بغينا نتُركها ونروح للدجاجة
ابتسمت بوسع ثغرها تشوف نظرات الكُل وقربت تسلم على صحه؛الله يبقيك ياعمتي الديار والله منوره باهلها
ناظروها الحريم اللي في المجلس من اعجاب،وحسد،ودهشه،وانفتحت نفسيه وسن من مدح عمان سُلطان فيها وغرورهم قدام الحريم فيها
وجلست بجنب حصة من اصرار حصه على جلوس وسن بجانبها وناظرت اشواق؛شوشو!!كيفك؟؟
ابتسم اشواق؛ياروحي ياوسن والله اني ضقت بعد ماعرفت سالفتك من ياسر وخفت ماترجعين الحمدلله ربي كتب لنا لقاء جديد سوا
ابتسمت بهدوء تناظر اشواق؛عاد لازم اتعود عليك
غمزت لها اشواق؛صح بيتي بنفس حي بيتكم
ناظرتها وسن بصدمة وضحكت اشوف نظراتها اشواق؛زوجي وزوجي شُركاء ولازم انا وانتي في نفس الحيّ
ابتسمت بهدوء وسن تشوف حماس اشواق؛والله ياخي طفش طفش بتجين وبتنورين وقسم بيصير كليوم مسنتره عندك
وسن؛اغلى من يجي والله
ضحكت الجادل تدق وسن والتفت عليها وسن وفزت تضمها؛طولتي الغيبة كبر نمر ماشفتيه
كشرت وسن؛بتجيبين الطاري هذا دايم؟عطيني اشوفه
قربت فاطمة؛كفو كفو وسن
ضربتها بخفه الجادل وضحكت ومن رده فعل فاطمة؛عيونه عليك حاقده
ناظرتها اشواق وصدت تناظرهم؛تلومينها قربت تبغى تسلم وكرشتها وسن
ابتمست وسن؛عارفه السلام هذا وراه شي
ابتمست ريناد تدخل الجلسة وضحكت؛حي عينك وسن لاسلمتي على الهنوف ولا على بنتها
قربت الجُوهرة تجلس معاها؛البنت وامها عيونهم عليك صدت وسن عن نظراتهم وابتسمت الجُوهرة؛اعرف بس شادن والجادل ذولا شفتهم مرا
ضحكت شادن؛الجادل من اول ماشافتك شبهتك في وسن بسم الله تخوف
ضحكت الجادل؛بسم الله علي فطينة وغمزت ضربتها فاطمة وضحكت تبعدها
فاطمة؛بنات طلعنا من هنا؟
كشرت اديم؛لالا نجلس عشان وسن
انهار؛مايصلح وسن تطلع احس شكلها بايخ خل تجلس هنا وترفع راسها بغرور
ابتمست تناظرها وسن بدهشه؛وبعد جلوسنا حول وسن ماش ماهوب حلو حتى نمروه مايبيننا كثر
شيرين؛والله!بعدو خلونا نجلس جانبها موب دائرة حولها ابتسمو البنات وبدات السوالف وطقطقه وابتسمت سلطانة تسحب وسن ترقص معها وعضت شفتها باحراج وتجاهلت نظراتهم وبدات تتمايل مع الأنغام بكُل تناغُم ابتسمت تشوف تشجيع وتصفيق الحريم وزاد انحنأها وبعد دقائق طويله جلست وابتسمت تشوف الانظار عليها وكُلها اعجاب وتصفيق وطلبتها الجادل تقوم تعيدها وترقص لكنها رفضت باحراج من نظراتهم وبعد دقائق قامت لهُم سارا ترحب فيهم على العشاء
•بعد العشاء•
الهنوف وهي تسوك؛لاهنتي يابنيتي
اريج؛هلا خالتي
قامت الهنوف وسحبت نسرين؛شغلينا شوط خاص لي ولبنيتي
اريج ناظرت عمتها حصة وكانت بترفض بس شافت نظرات اُمها وفهمت عليها انها تبيهم يرقصون؛سميّ
همست نسرين؛امي تكفين مابغى ماعرف
الهنوف بحدة؛لاتفشليني قومي ارقصي وفكيينا من الشماتيين اكسري عينهم وانا اُمك التفتت نسرين تناظر وسن اندهشت تشوف نظرات الشماتة والضحك من وسن اولاً والبنات جميعهم ثانيًا شغلت لهم اريج وجلست والجوال في يدها وماتت ضحك شموخ؛بنات شفيها ذي تلوح فيدها
ضحكت فاطمة؛ماتعرف ترقص
ريوف؛بنات والله العظيم على بالي تبيني
البنات؛هههههههههههههههههههههههههههههههههههههههههههههههههه
اخذت الجوال نهار وضحكت بشماته؛اريج حبيبتي عطيني
اريج؛وش ناوية عليه؟
ابتسمت تناظرهم؛ابد والله نبي نضحك
ابتسمت اريج تناظرهم؛على حسابهم؟تم ومدت الجوال
ابتسمت انهار تاخذ الجوال وتقفل الاغنيه التفتت عليها الهنوف والاستغراب في ملامحها؛خير؟
ابتسمت نهار؛الخير والله في وجهك ياُم هايف ثم رفعت يدها بعدم معرفة؛ماعرف الاغنية تقطع
رصت على اسنانها بغضب الهنوف ومشت؛عطيني انا اسويها مدت الجوال لنجد وابتسمت؛نجد حبيبتي امسكية انتي
مشت وبدت ترقص نسرين وامها معاها وتشجعها؛...
فاطمة؛ههههههههههههههههههه بنات تكفون اعلان!
عضّت شِفتها اشواق؛فشلة
ضحكت الجُوهرة؛ياعزتي لهم والتفت الكُل على صوت ضحكت الجُوهرة وناظرتهم ورفعت حواجبهم وابتسمت
وهمست وحدة من الحريم؛ماشاء الله منهي بنيتة هذي؟
الحُرمة الاُخرئ؛بسم الله عليها واشرت على سلسبيلا؛جايين من الامارات
قربو الحرمتين من سلسبيلا وطلبوها رقمها وكشرت سُلطانة من فهمت نيتهم وجلست بجانبهم؛هذي الجُوهرة خطيبة ولدي شادي
العجوزة؛ماشاء الله الدكتور؟؟
ابتمست سُلطانة؛اييه والله واشرت للجُوهرة وتقدمت الجُوهرة باستغراب؛سمي عمتي؟
جلستها جنبها سُلطانة ولعبت بشعرها بغرور؛هذي هي حُرمة شادي ولدي وبسم الله عليهم الله لايظرهم كلهم دكاترة
شهقت الحُرمة؛والله كان ودنا في القُرب بس عسى الله يهنيهم
العجوزة؛ومن متى خطيبته؟ماعزمتونا للخُطبة
ابتسمت سُلطانة؛حبينا نسويها عائلية بس ابشرو اعزمكم في زواجهم ان شاء الله
ناظرت الحُرمة في الجُوهرة؛بس شكل البنت ماتدري
تقدمت سلسبيلا؛كيف ماتدري؟الا تدري بس تعرفين بنات هذي الايام ينحرجون
مشو بفشلة راجعين لمكانهم والتفتت الجُوهرة بصدمة على اُمها وشافت في عيونها الصدمة وقربت تبوسها؛انتبهي على نفسك يازوجة ولدي "شادي"ومشت
كشرت الجُوهرة؛والله مامشيها لكُم حددتو من دون اذني وزوجتوني قدام الحريم ذولا صدت عن اُمها ترجع للبنات
نجد؛اكمل ياعمتي؟
تسحبت نسرين ترجع لمكنها باحراج وفشلة من نظرات الحريم ومشت وراها الهنوف بغضب منهم
ابتسمت سُلطانة؛كملي ياحبيبتي يانجد وناظرت الجُوهرة اللي مصدية؛قومي يابنتي خلينا نسكتهم
رفعت انظارها الجُوهرة بصدمة؛انا!عمتي بليز مابي
ضحكت اديم؛قومك تتشمتين في نسرين ربي رجعها لك
كشرت الجُوهرة؛مابي ارو...
قاطعتها سُلطانة؛بالله عليك تشبهين الياسمين في الشوك!اتسع مبسم الجُوهرة بخجل واحراج من مدح سُلطانة وضحكت ريوف؛كلهم في الاخر نباتات ياعمتي
اشرت لهُم سُلطانة؛انا اقوم ارقص مع زوجة ولدي انطمو انتو ولا تدخللون رفعت انظارها الجُوهرة وشافت نظرات وسن؛جوجو قومي هيا صدت عن وسن وناظرت اُمها واخذت نفس وزفرته وقامت ومسكت يد سُلطانة وبدت تتمايل وترقص معا سُلطانة وضحكت تسمع التصفيق والهُتاف من البنات والحريم وصدت باحراج وحست بانزعاج من خُصل شعرها اللي غطت على وجهها وابعدتها وابتسمت تكمل رقص مع اُم شادي..عضّت شِفتها وهي تصور؛شوفة شرعية؟؟اي اي عادي لو وريتة احس حرام..اوف منك شادنن وقاطع تفكيرها اتصال شادي وكشرت تبتعد عنهم؛صورتي نفس ماقلت لك؟
كشرت شادن؛حرامم شادي..!بطلت ماراح اوريك
شادي بعصبية؛شوفة شرررعيية عادي
شادن؛وش يثبت لي انك موب كذاب؟
شادي؛اُمي سالتها واذا ودك اساليها
شادن؛سالت اُمي..!بوريك اياها في البيت بس اللي اقدر اقوله'بتدخل في عالم الحُب والغرام'
ابتسمت شادي؛دخلتني اياه من اول
شادن ضحكت؛ماتحبك هي والله يعين قلبك وعقلك على ماتحبك
شادي؛تتعود علي موب لازم تحبني
ضحكت تقفل في وجهه وترجع للحريم..
،
كشر مِسلط؛لايكون امس رحتي للناس بذا الشكل!
الجُوهرة؛شدخلك؟طلبت رايك؟انطم
مِسلط؛فلافل
الجُوهرة؛مايضحك ومافي شببه
كشرت فوجهه شموخ وقربت من الجُوهرة تلعب في شعرها؛ياغبي اسمة كيرلي وربي يجنن جوجو
ريوف؛شفيك مصحيه كيتي
انحنت تشيلها:تعبانه اليوم وقلت بوديها المستوصف
مِسلط بنصف عين؛لو انا ماهتميتي لي كثرها
مشت الجُوهرة متجاهلته وهي متحلطمة
انهار؛بسك مِسلط لا تعصب البنت!تعرف هي كانت مخططه تجلس فالامارات وتشتغل فيها جات هنا عشانك وعشان ميثاء
ريوف حاطة رجل على رجل؛يلا بس كلواحد على دوامة مِسلط؛انهد حيلي في شركة ابوي الحمدلله جيتو وفكيتوني
شموخ؛نايمين مافي الا انا وسِراج وراجح وانت مداومين بس
مِسلط؛راجح وينة؟
شيرين؛راح من الساع7
ريوف؛حشى شفيه ذا متحمس
انهار؛اكيد راح معا بابا
مِسلط تكتف؛انتو وش مصحيكم
ابتسمت ريوف؛ماما اليوم عازمتنا على فطور
مِسلط؛ههههههههه وانا اقول شفيها الجُوهرة منفسه اثارية عشان الاكل
نزلت وسن؛تبشر بالعوض جوجو
شموخ؛لالا زعلت وانا؟
قربت تبوس خدها؛وشموخ بعد
شموخ؛عالية احبجج اكتفت بالابتسامة ومشت تجلس بجانب ريوف وبدو يسولفون عن امس ونطقت انهار؛متاكدة متاكدة ماما ماراح تفطرنا بتودينا للاسواق عشان زواجكم
وسن؛اوففف قهررر ماخذت فستان لزواج مِسلط
التفتت عليها شيرين؛ليش تصميم افضل
تنهدت وسن؛فستان زواجي من ثاني يوم مُلكة بديت احجز واجهز فيه وخلاص خلص بس مِسلط يمديني تسحون
ريوف؛للاسف احس مايمديك اسبوع ويجي زواجة
تدخلت سلسبيلا؛كلمي سُلطان
التفتتو عليها البنات بصدمة ونطقت وسن؛شدخله
ابتسمت سلسبيلا تجلس رجل على رجل؛رجلك! عندي لك مُصممة هنا هي اللي صممت فستاني حق زواج شيرين
فزت شيرين؛صح والله عالية
وسن؛يمديني؟
سلسبيلا؛يمديك وخلي زوجك يوديك
وسن؛اُمي!قولي مابيك وخلصينا مشت سلسبيلا من دون در ثم ناظرتهم؛امشو ولا ناسين موعدنا
ريوف؛ابدل ملابسي وانزل
سلسبيلا؛ننتظرك
-
شادي؛اهلاً زوجتي العزيزة
فزت الجُوهرة والتفتت وراها وكشرت تشوفه وكملت مشي؛ماني زوجتك افهم
شادي؛قريبًا بس اجي واخطبك ونحدد الزواج وبس
ضحكت بشماتة ووقفت مشي تلتفت عليه؛ومن قال لحضرتك اني راح اوافق؟وش كل هالثقة
تلاقت عيونهم وغمض عيونة وعض شفتة بتذكر شكلها وميلانها ورقصها مع اُمه جميلة وجذابة وناعمة والأنوثه طيرت عقله كما المُج وفستانها الاصفر!الكيرلي الُمرتب والتان اللي ماعجبها وشكت لشادن وشادن قالت له وهو اكثر شي ذكر نفسه فيها التان!لونة نفس لونها وفتح عيونة؛عاد الله يعينك زوجك نرجسي
ناظرته بحدة؛امحق ومشت
شادي مشى وراها؛مستعجلة؟
الجُوهرة؛ماني فاضيه لك الحديث معك مُجرد تضييع وقت
شادي؛ياحلو الوقت معك
احد الدكتورات مشت لنحوهم؛دكتورة جُوهرة مالقيت قطوتك
عضّت شِفتها بتوتر؛الجُوهرة ومشت بسُرعة تدور لكيتي
شادي؛وش تدورون
الدكتورة؛جابت قطوتها وضاعت وابلشتنا
مشى شادي باستغراب وطلع برا يدور لها وضحك بدهشه يشوفها عند كفر سيارت الجُوهرة؛وهذي الغبيه مادورتك عند سيارتها يارب مايطلعون عيالي اغبياء نفسها وضحك يتخيل وبعد دقائق حس فيها تخدش في رجله وابتسم ينحني يشيلها ومشى فيها لسيارتة وعض شفتة من قبصت يده وبعدها عنه بالم؛نفسها تشبهينها شغل السيارة وكيتي بجنبة تناظرة والتفت يناظرها؛ذابح ولدك انا وش كل هالنظرات ومد يده يمسح عليها وبسرعه منها خدشتة ضحك يشيل يده بدهشه والتفت عليها واتسع مبسمة يشوفها ماده لسانها؛ههههههههههههههههههههههه وضرب الدركسون؛والله نفس الاسلوب ونفس العُنف الله يصبرني شكلي بجيب لك قطو يفكني منك واكون انا وياها بس وبعد نص ساعة شاف السوق قدامة وشالها بهدوء واستغرب سكوتها لكن كمل مشي وهو شايلها ودخل؛السلام عليكم
الموظف/وعليكم السلام،امر
شادي ناظر في كيتي وابتسم؛نبي سلسال الماس لكيتي
ضحك بدهشه المُوظف/للبسة؟
التفتت عليه شادي وابتسم؛ايه جب اثنين نفس الشكل ابتسم بهدوء يطلع من السوق وفي يده الكيس وناظر كيتي؛مايلُوق الا عليها وعليك
ومشى راجع للمستشفى وقفل السيارة ودخل ومشى يدورها في عيونة واندهش من اللي دفتة؛مريض انت مريض ماتعقل
ابتسم يناظرها؛لـ