'
-الطعوس-
ضحكت بخفه وسن تضرب رجلين ريناد:بليز ريناد
ريناد:اذا حفيدنا في بطنك ابشري اخليك تنسدحين في حضني بس مشكلتك مو شايله ولدنا في بطنك
ناظرتها ساره بصدمه:ياويلي ياريناد استحي على وجهك وخليها تنسدح على رجولك!
عضت شفتها ريناد ترفض وبشده:لا
ابتسمت فاطمة تسحب وسن:انسدحي عندي وخلي عنك ريناد ابتسمت وسن ترسل لفاطمه بوسه على الجو احتضنت فاطمة راس وسن وباست راسها:احبك
باست كفها وسن وغمزت لها:اول ماتجيني بنت بسميها عليك تستاهلين
ساره:اييه والله تستاهل السماوه فطوم
بققت عيونها بصدمة ريناد وضحكت فاطمة وغطت وجهها وسن تضحك وكشرت ريناد:عمى
لفت وسن الحجاب على وجهها وغطت فيه وجهها وريناد وفاطمة تركيزهم كان على سوالف ساره ونطقت ريناد تغيض وسن:يارب يرزقهم بولد
ضربتها ساره على رجولها:لاتسمعين لها ياوسن تبي تقهرك بس
فزت وسن وصرخت باعلى صوتها التفتت عليها فاطمة وشهقت تسحب وسن:عقرب فز سُلطان يركض لهم وركض وراه ساري بلعت ريقها ريناد تنادي سلطان:ياسلطان ياسلطان تكفى نشف ريق سُلطان يناظر وسن وصرخت وسن باسمه تناديه انحنى يسحبها لحضنه
جلس منيف بجانب سلطان ومسك يدين وسن يهديها:بسم الله عليك يابنتي وين تعورك؟؟ سحب ساري معكاز ابوه وضرب فيها العقرب وصرخ فيهم ينطق:عطوني سكين سحبت فاطمة السكين تعطيه اياها وطاحت بخوف تناظر العقرب يرتفع راسه ويقترب منها ضربه ساري بكل قوته وطاح العقرب ميت اقترب منها ساري وطبطب على ظهرها يهديها:سمي سمي بالله
سحبت وسن شماغ سلطان واخذ شماغه سُلطان يربطه على رجلها ومسك منيف رجولها ضمها سُلطان يحاول يهدي حركتها وعضّت كتفه وسن وشد عليها سُلطان وسمى عليها:بسم الله عليك شالها يرفعها ونطق:يبه لازم من المستشفى
تلثم منيف:ايه بالله لازم من المستشفى نزل سُلطان فروته وحاوط فيها وسن شدت وسن على نحره باظافرها:رجولي
هز راسه سُلطان:بسم الله عليك وعلى قلبك يابنتي
فتح ساري باب السياره وركب سُلطان فيها ووسن في حضنه مسح سُلطان على شعرها وقراء عليها يحاول يهدي فيها بكت وسن و حاوطت راسها سحبها سُلطان يقربها اكثر منه ويحط راسها على صدره وقلبه يتعذب على كل دمعه ورجفه
ركب ساري في الامام وساق فيهم يتوجهه للمستشفى
'
« الشاليه تحديداً | البحــر »
التفتت عليها وضحكت بخفه:كيف الشمس معاك
ابتسم زايد يلتفت عليها:تجيب الهم شهقت ميثاء بصدمة وضحكت بدهشه على كلامه وابتسم مسلط يُكمل كلامه:لكن شوفتك تنسيني الهم
ابتسمت تقوم من الكرسي وتنطق:احبك احبببك مره ركضت تنط في المسبح وعض شفته يرمي نفسه من بعدها ضحكت تبتعد عنه ورفعت راسها تناظر اختفاه وسرعان ما صرخت بفزع من حست فيه يسحبها تحت مسك خصرها يغوص معها ويرجعها تاخذ نفسها ضربت كفه بخوف:خرشتني
ضحك يقترب منها ويبوس خشمها:اسف ابتسمت تمسك كتفه وترميه لتحت وفزت تطلع من المسبح ضحكت بخفه تسحب البطيخ وتاكل نصفه ناظرها وتفجرت ميثاء تضحك وعضّت شفتها تنطق:تبي تاكل ياماما؟
ناظرها مسلط بنصف عين وابتسمت تقترب من المسبح وتمد له البطيخه:مابغى اكلها من بعدك
ناظرته ميثاء بصدمه:وشو؟ ضحك بعلو صوته يسحبها من رجولها وصرخت تضرب صدره سحبها معه وبلعت ريقه بخوف:يالله منك ابعد
مسلط:وين ودك تروحين وتخليني لحالي
ميثاء:ياي يادلوع بس بجيب جوالي نتصور
عض شفته:ابو هيثم انا دلوع؟
ضحكت بخفه تناظره:ايه يابو هيثم دلوع بالحيل طلعت من المسبح وسحبت جوالها ابتسم يشيلها من كتوفه ويسحبها لصدره:كذا وضعيتنا بتكون احلى ابتسمت تلتقط لهم سيلفي وضحك يبوس كتفها:ماشاء الله عليك يأم ميث تتلين القلب اقتربت منه تقبل شفته وابتعدت ابتسم يناظرها:اشوفك ماعاد تتقرفين
ضحكت بخفه تغيضه:انا ماتقرب من الناس الي احبهم
مسلط:اوهوه يعني ماكنتي تحبيني رفعت كتوفها تمثل عدم المعرفه وضحك يفهم حركتها:المهم الحين انك تموتين فيني هزت راسها وطلعت من المسبح وطلع بعدها وضحكت تسحب يده تحطها بجانب يدينها:خييييال!
مسلط:دامها اعجبتك انا بعد والله اعجبتني ابتسمت ميثاء تنحني وتشيل البطيخ وشال مسلط معاها دخلت ودخل بعدها ارتمت على الكنب واخذ مسلط من الشمام ياكله ونطق:وين ودك نروح مشوار في الليل؟
ميثاء:البحر
مسلط:ابشري من عيوني ضحكت ترسل له بوسه وقامت:بروح اخذ لي شور وانت اطلب لنا غداء اوكيه؟
ناظر ساعته مسلط وهز راسه:ابشري طلعت ميثاء لطابق الي فوق ودخلت دورة المياه'يكرم القارئ' تستحم
'
سلطان:تنويم؟
الدكتوره:ايه لازم
سلطان:طيب كيف حالتها تأذت؟
الدكتوره:لالا الحمدلله مو شي خطير اخذ نفس وزفره براحه وتوجه لها داخل الغرفه فتح الباب وسكره من بعده ورفعت نظرها عليها ابتسم يطمنها واقترب من جبهتها يبوسها:الحمدلله على سلامتك يأغلاي بكت وسن وحاوطت كفينه دخلت ريناد وارتعشت من المنظر الي امامها:اوبسي ضحك سُلطان ينتبه لصوتها وباس يدين وسن وابتعد عنها دخل ساري بعد وصرخ سُلطان فيه وصد عنها وهو اصلاً مو لامح شي منها:الحمدلله على سلامتك وماتشوفين شر
ابتسمت وسن تسمح دموعها:الله يسلمك طلع ساري من الغرفه وطلع من بعده سُلطان ابتسمت ريناد تناظر وسن:يعني الحمدلله الحفيد جايي؟ضربتها وسن ونطقت بحده:مو وقتك باست ريناد خدها:امزح والله ابي اغير جوك وتضحكين تربعت ريناد على السرير بجانب وسن وضحكت بخفه تغيضها:ياليل النشبه
ضربت فخذها ريناد وعضت شفتها وسن بالم:ااه جمد وجهه ريناد وناظرته وسن بصدمه من رده فعلها المبالغ فيها وضحكت بعلو صوتها من ملامح ريناد الي تدل على الخوف
ابتسمت ريناد براحه من ضحك وسن:تصدقين؟
وسن:وشو
ريناد:عمي عبدالعزيز يسال عنك ويبي يتكلم معاك صدت عنها وسن تناظر الشباك ولفت وجهها ريناد:امس يسالني عنك ويبكي سكتت وسن وتنهدت ريناد من حالتهم وضحكت تحاول تغير جو وسن ومدت لها جوالها:صوري لي
عقد حجاجها وسن:ليش؟
ريناد:عشان الاكس ميلت راسها وسن وسرعان ما فهمتها وعضت شفتها وهي تضحك:حسبي الله عليك ياحيوانه دخلت فاطمة واسرعت تناظر وسن وافتقدت رجولها ابتسمت وسن:هلا هلا
بلعت ريقها فاطمة ترجف كُل خليه فيها :كيف رجولك؟ وش صار
ابتسمت وسن:حصل خير سحبت فاطمة الكرسي تجلس عليه وتضرب وسن: كيف حصل خير! هذا مو خير ابداً عضت شفتها وسن تضحك بخفه ودخلت عليهم ساره وجلست على الاريكه: ماتشوفين شر بققت عيونها فاطمه بصدمه عليها والفتت على وسن ضحكت وسن تهز راسها واكملت ساره كلامها:سعاد بنت حازم انخطبت
فزت وسن ومعاها ريناد:وش
ناظرتها فاطمه بحده : اجلسي لا تتعبين رجولك
ریناد: امي مين خطبها
ساره : مدري والله لكنهم يعرفونه سكتت ريناد تصد عن امها وتاخذها الهواجيس لكلامها مع سعاد وحبها لخطيبها السابق «هشام»
ساره : اذا ودكم تسالونها خلوها لـ بكره ماهي فاضيه البنيه هالحين اخذت جوالها ريناد ترد على ساري وتفتح سبيكر: الو
ساري: كيفكم
ریناد: بخير انت وينك
ساري: تعالو السياره ودي سلطان ياخذ راحته مع زوجته من يوم جيت وهو مبتلش ووده يجيكم ولا يبغى يحرج بنت عبدالعزیز رفعت نظرها ريناد تناظر فاطمة ونطقت فاطمه : انا بتنوم مع وسن
اغمض عيونه من شده تعبه وعدم ارتياحه: عطيني اكلم بنت عبد العزيز مدت جوالها ريناد واخذته فاطمة ترد: الو؟
ساري: اختك و زوجها يبون بعض والافضل نخليهم ياخذون راحتهم سوا مانبي نضايقهم في شي!
کشرت فاطمه:ماشوف ان جلوسي مع اختي يضايق!
فك ساري ازارير ثوبة وبعثر شعره بشكل عشوائي:
يابنتي الله يصلحك ماقصد شي، لكن سُلطان وده في زوجته خليهم على راحتهم وبكره ابشري بي اوديك لهم سته الصباح
ضحكت فاطمه بسخريه:مشكور مابيك توديني وروحه من عند اختي ماني رايحه قفلت الخط في وجهه ومدت الجوال لريناد قامت ريناد وباست وسن تودعها وطلعت من الغرفه وساره معاها
وسن:قفلتي الخط في وجهه؟
نزلت عبايتها فاطمه واخذت ربطتها ترفع شعرها:الله ياخذه يقولي اني اضايقكم! عمى يعميه
وسن:انتي تدورين فيه العيب والصراحه مفروض ما تقفلين في وجهه دفعتها فاطمه وضحكت بسخريه وسن تناظر غضبها انسدحت فاطمة بجانب وسن وباست وسن راسها:نامي وارتاحي امس مانمتي عندهم صح؟
فاطمه:لا مارتاحت في النومه عندهم، انتي قولي
لسلطان لايجي انا بنام معاك
وسن:اكيد عطاه خبر ساري مسحت على شعر فاطمه وابتسمت فاطمه:محظوظين عيالك على كل هالحنان والطف ضحكت وسن بخفه: بنتي العوده في حضني حاليا
فاطمه:وحشني صوتك في البيت ومنادتك لي وتنسيبك لي ببنتك
بلعت غصتها وسن تشد على يدين فاطمه:انتي مو بنت تربيت معاها وافترقنا انتي بنسبه لي اختي وبنتي وروحي واعزّ من عرفت انتي ثمينه جداً
احتضنتها فاطمه وشدت عليها وسن تبوس وجنتيها
'
تكتف ساري يناظرهم:ماجات
ريناد:لا بتنام مع اختها
ساره:مالها داعي مفروض تترك اختها مع زوجها! وشوله تنشب بينهم طلع ساري مسبحته من جيبه يلعب فيها وتوجهه يطلع من المستشفى وساره وراه ونطقت ريناد وهي تناظر سُلطان:اذا ودك تجي تنام معانا
ابتسم سلطان يقترب منها ويبوس راسها:من عيوني
ضحكت تحتضن خصره وحاوطها يحتضن كتفها:فاطمه تحتاج وسن و وسن بعد تحتاجها وعبدالعزيز بعد يحتاجهم الافضل نتركهم يتفاهمون بدون اي تدخل بيننا
سلطان:هذا الي سويته التفتت عليه ريناد بصدمه وشهقت:كلمت ابوهم!
هز راسه سلطان: سالني عنهم وعلمته ووده يجي يشوفهم خليهم يتفاهمون
ريناد:وسن طيب!يمكن
ضحك سُلطان يقطع كلامها:متوقعه اسوي شي يضرها! انا اصلا عايش عشان ارضيها
ضحكت ريناد تناظره:العشاء عليك؟
هز راسه سُلطان وناظر الساعه:وين ودك تتعشين انتي بس قولي وابشري بالمطعم الي تبينه
ضحكت بخفه تبوس خده:اكل هندي!
سلطان:اوهووه اشتقت قدلي شهور ماكلت اكل هندي
ريناد:انا بعد
ركبت السياره وركب سُلطان بجانبها وتوجههو للمطعم ابتسمت تناظر زحمه الناس وضحك ينزل ويفتح لها الباب ويمد يده:يله يا أميرة الـ عبدالله؟
غطت وجهها تمثل الخجل وضحكت بخفه تمسك يدينه ومشو يدخلون التفت عليها سُلطان ونطق:تختارين لنا جلسه ولا تنتظريني؟
ريناد:لا مالي خلق انتظر بختار جلسه وبرسلك كم رقمها
سلطان:على هواك مشت تركب الدراج وابتسمت تناظر الجلسه الي مو بعيده فتحت جوالها ودخلت ترسله رقمها ابتسمت تدخلها وجلست على الكرسي
وبعد دقائق دخل عليها سُلطان وضحك:اختيار موفق جلس امامها ونطق:قفلي جوالك ودي اخذ شورك قفلت جوالها ريناد وناظرته بانتباه واكمل سُلطان:مدري اخذلهم اكل هندي او وجبه
عضت شفتها تستغبي:مين ذولا
ضحك بسخريه ينطق:حرمتي واختها
ابتسمت ريناد تنطق:برقر وجبه كامله
سلطان:شورك وهدايه الله
'
المستشفى| جناح الغرفه
صحت تزيح شعرها الي انتثر بشكل عشوائي، كشرت تناظر الساعه وعقدت حجاجها:العشاء! تنحنحت تقوم تتوجهه لدور المياه وغسلت وجهها ويدينها فكت الغذايه تتحجب وتلبس عبايتها وتصلي انهت صلاتها وقامت تصحي فاطمه مسحت على وجهها وصحت فاطمه بفزع ضحكت بسخريه تناظرها:اشوفك انتي انقرصتي مو انا
تنحنت فاطمه تنزل من السرير وناظرت السجاده الي امامها:اذن العشاء؟
هزت راسها وسن تنسدح على السرير وتسحب جوالها التفتت عليها فاطمه:وش تبين عشاء
وسن:مشتهيه قهوه
ضحكت فاطمه:لايكون الحفيد مشتهيها هو بعد؟
رمت عليها وسن المخده وضحكت فاطمه بعلو صوتها ومشت تدخل دوره المياه 'يكرم القارئ' وتوضأت ثم طلعت وسحبت عبايتها تلبسها وتلف حجابها وتكبر
ابتسمت تناظر رسالته وترد:اي
ضحك يناظر ردها وسحب جواله يرد عليها:صحت الدنيا ،جبت لكم عشاء
وسن:الله يكثر خيرك
سلطان:يله الله يحفظك شوي وجاييك
وسن:اوكيه
انهت صلاتها فاطمه والتفتت على وسن:مايحتاج اخمن وش سبب كل هالابتسامات كلمتي سُلطان صح؟
وسن:اي وجاب لنا عشاء لاتطلبين
ناظرت جوالها فاطمه وسحبت ترد صرخت قمر بغضب:وينك يااازفت
فاطمه:في المستشفى انا ووسن
فزت قمر بصدمه وصرخت فاطمه بخرشه تسمع صوت السياره:بنت وينك انتي
قمر:ليش عسى ماشر
تنهدت فاطمه براحه:وسن قرصتها العقرب
صرخت ريناد بصدمه :وش!!!
تافافت فاطمه:قطعتي سير الناس برسلك موقعنا وتعالي ولاتنسين تجيبين معاك قهوه قطعت الخط معها وناظرتها وسن:مين
فاطمه:قمر
ابتسمت وسن:عاد والله مشتاقه لها مرره
فاطمه:ايه توجهت تجلس مع وسن في سريرها ونطقت:وش حاب لنا حضره السُلطان
وسن:ماعرف ماسالته
هزت راسها فاطمه تلتفت وتناظر الستاره:بيجيب لنا شي زين اكيد مو نفس اخوه
التفتت عليها وسن بصدمه وضربت راسها:حرام عليك
فاطمه:الحرام والله انك ماترضين عليه
وسن:انتي ماتعرفينه كثر ما انا اعرفه انسان محترم ويقدر وجميل ورجال ماشاء الله عليه
فاطمه:ذاك الورع صار رجال!
وسن:رغم صغر سنه صار رجال ماشاء الله عليك وبعدين تراك اصغر منه
فاطمه:مايعجبني احسه غبي
وسن:تدرين انه كان عايش لوحده في ديرتهم؟ودرس فيها وتوه جاء الرياض
تركز نظر فاطمه على وسن:مايهمني
وسن:ماكمل دراسه راح توظف على طول ماشاء الله عليه
صدت عنها فاطمه:ماهتم
ميلت راسها وسن تناظر شتاتها:يعني مو حابه تقولين لي؟
فاطمه:اقولك وش
ضحكت بسخريه وسن وهزت راسها:بكيفك دامك ماتبين تقولين لي وحابه تقولين لغيري
شتت نظرها فاطمه ورجعت نظرها لوسن:حاسه بشي مو قادره اقوله لك مو اني مابي انا ماعرفت اقوله
ابتسمت وسن تقترب منها وتمسك خدينها:حُب وفراشات في قلبك او ماتشوفينه؟ او كلهم
كشرت فاطمه:مو منجدك ضحكت وسن تغمز لها وغطت فاطمه وجهها بشعرها تخفي احمرار خدينها ضحكت بعلو صوتها وسن ودخلت عليهم قمر وهي تتنفس بسرعه:انا الي انقرصت مو وسن شهقت فاطمه بخوف من دخول قمر ألمفاجئ واكملت ضحكها وسن عقدت حجاجها فاطمه:كيف عرفتي رقم ال
قاطعتها قمر تسكر الباب وتتوجه نحوهم:سُلطان سكتت وسن ثواني واتسع مبسمها:والله؟وينه؟؟
طرحت القهوه و الدونات الي بيدها؛يالخفيفه استني اسلم عليك واعطيك الورد وبعدها اسالي عنه نزلت وسن من السرير ولبست سليبرها ومشت و الغذايه بيدها ضحكت قمر تبوس خدينها وتمسك يدينها:فيني ولا فيك
ضربتها وسن بخفه:من غير شر
فاطمه:البنت مندفعه تبي تشوف زوجها قوليلها وينه لاتختبرين صبرها عضت شتفها قمر تسحب الطرحه الي على كتفها وتحطها على شعر وسن: برا
شدت على طرحتها بيدها اليمين وطلعت من الجناح ابتسمت ماتقدر تخفي هالابتسامه ضحك يقوم من كرسي الانتظار ويتقدم لها ويضمها ابتسمت تشد عليه بيد وحده وابتعد عنها بهدوء:جايب لك هديه
عضت شفتها تناظر الورد الي على الكرسي وضحك ينطق:غمضي عيونك غمضت عيونها ومشى يسحب الورد والي بداخله فتحت عيونها بعد ماقالها تفتحها ضحكت وابتسم يتامل غمزاتها وفرحتها سحب الخاتم والسلسال الي وسط الورد رفع شعرها بيدينه ومسكت شعرها لاجل يلبسها السلسال ضحك بخفه يبوس كتفه:مايليق الا عليك ضحكت تلتفت عليه وتبوس خده ابعد عنها ورجع يبوسها في شفتها ابتعدت عنه تطلب النفس وابتسم بهدوء؛جايب لك برقر هزت راسها تناظر الكيسه: شكراً
سلطان:انا الي بشكرك على وجودك في حياتي شتت عيونها بسبب الخجل الي اجتاحها ضحك بخفه ينطق لاجل يخفف خجلها:بينامون عندك هالفيران
ضحكت بصدمه تناظره:حرام عليك
عض شفته:تعودت على النومه في حضنك
ضربت صدره:كفايه دلع
سلطان:بوسه قبل ماروح؟
رفعت راسها تبوس راسه وتبتعد:الله يحفظك ابتسم يبوس يدينها وينطق:بجيب لك فطور في الصباح
وسن:المستشفى يجيب لي ارتاح
سلطان:عيب عليك كلشي اسويه لك اعتبريه راحه صدت عنه تشيل الورد وتدخل بسبب احراجها ضحك يفتل شاربه ويمشي يتوجهه للمصعد ويروح،
فاطمه:وين العشاء!
نزلت الورد الي في يدها وتحاول تهف على نفسها ضحكت قمر بسخريه:الواضح من شكلك انه احرجك ضحكت بعلو صوتها فاطمه:والعشاء حسبي الله
وسن:شوفيه برا طلعت فاطمه وناظرت الكيس ابتسمت تسحبها وتدخل:يمي تشكن
قمر:اشتهيت
جلست فاطمه بجانبها وغمزت لها:انا وانتي نقسم بالنص البرجر حقي ووسن ياقلبي عليها ماتقدر تعطيك نصه لان البيبي بعد يبي ياكل شهقت قمر والتفتت عليها وسن بغضب:كل تبن انتي الثانيه
فاطمه:ليش الاول مين
كشرت وسن:ريناد
قمر:ستوب انتي وياها! وسن انتي فعلا حامل؟
تافافت وسن من الطاري:لا بس ريناد وفاطمه مُصرين اني حامل
تنهدت قمر براحه:حسيت بخيانه انك ماعلمتيني
فاطمه وهي تاكل:وسن اهلك يعرفون؟
وسن:لا ماقلت لهم
ضحكت قمر بصدمه:ياحمير ليش جالسين على الارض في كنب وفي سرير
ضربت فاطمه على الفرشه:مافيه مثلها
ضحكت بخفه وسن:صحيح
قمر:انتو بنات عزّ ماني مصدقه!
ضحكت فاطمه:كل تبن قامت قمر من الاريكه وسحبت قهوتها وجلست معاهم؛معاكم معاكم ضحكت وسن بعلو صوتها وابتسمت فاطمه:بتجي سهره لا بطله
وسن:ماتوقع الزياره مسموحه كيف جيتي
ضحكت قمر ينعاد عليها السيناريو: حاولت انا وسلطان بالواسطات بس ماقدرنا وهربنا لكم
غصت وسن وضربت ظهرها قمر:وش؟؟؟كيف هربتو
قمر:ساعدتنا دكتوره الله يسعدها
ضحكت فاطمه بصدمه:كفو عليكم تنحنت وسن ومسحت على ظهرها فاطمه:خرشتي امي عيب عليك!
ضمت قمر وسن وضحكت وسن عليهم:تقمصتو الدور
ابتسمت فاطمه تبتعد ونطقت:خياله!
قمر:تقدرين تقولين
عضت شفتها وسن بفخر:احب ثقتك وغرورك هذا!
معماريه وخياله!ووواو
قمر:وحابه اخذ خيلي في مزرعتك
سكتت وسن تتذكر شريطهم في المزرعه الخاصه فيهم وضحكت فاطمه:تنوريناا
قمر:عارفه ياحبيبتي اقتربت قمر تضم وسن وابتسمت وسن تحاوطها:من الافضل تتناقشون سوا
وسن:مو مستعده لهالحظه
قمر:لقيته هو وسلطان سوا! ماكذب عليك انصدمت بس هو كان متوتر وفي اخر لحظه رفض يجي معانا
سكتت وسن وابتعدت عنه قمر تشتت نظرها
فاطمه:بنات نلعب اونو؟
قمر:تم اقتربت قمر
والتفتت فاطمه على وسن:تعالي
هزت راسها بالنفي وصدت عنهم ياخذها التفكير ل عبدالعزيز
'
ناظرته تشوف الغضب الواضح على وجهه:مو بكيفك ولا بكيفنا انت مُلزم على هالدواء
تامر:اعرف لمصلحتي اكثر منك وماودي فيه ضربته سميره على كتفه وناظرته بحده والتفتت على الجُوهرة:وش لازم له يادكتوره؟
الجوهره:الدواء هذا متوفر في الصيدليه لازم منه
هزت راسها سميره ونطق تامر:متى اطلع؟
الجوهره:بكره ،ولازم تجدد الشاش كل اسبوعين تقريبا
ناظر تامر رجوله ونطقت الجُوهرة تحاول تخفف من حزنه:ان شاء الله الي صار خيره رفع نظره عليه وصدت عنه تبتعد عنه ودخلت مكتبها بققت عيونه بغضب على زايد الي جالس رجل على رجل صرخت بغضب:برا مكتبي
ابتسم زايد يبعثر شعره:ماودي تزورين اختك؟
الجُوهرة:وش
زايد:عاليه انقرصت من عقرب شهقت تغطي شفايفها واكمل كلامه زايد:عطاني خبر سلطان وقالي ماعطي خبر لاهلي الا بكره برغبه من وسن
الجُوهرة:وعاليه كيفها وش صار عليها؟ وين انقرصت؟
زايد:الحمدلله بخير وصحه وتوني كلمتها وعطيتها خبر عن قدومنا تقدمت للطاوله حقتها وسحبت شنطتها:هيا
ابتسم زايد يناظر زيها:يله يادكتورتنا كشرت تطلع من المكتب واسرع وراها زايد يمسك يدها:وش نجيب لها هديه
الجُوهرة:مو مهمه الهديه اهمشي نروح نتطمن عليها بتنوم معاها
زايد:اختها وصاحبتها نايمين عندها بنروح نتطمن عليها ونرجع بدون اي ازعاج؟
ناظرت الساعه الجُوهرة:متاخر الوقت على الزياره
ضرب صدره زايد:اخوك معروف وبسبب الواسطات بندخل ضحكت تضرب راسه:امشي ياطباخ
زايد:لو سمحتي
قاطعته الجُوهرة تنطق:بسيارتك مشت متجاهله مناداته وضحك يمشي وراها فتحت الباب وناظرته بغضب:ياعبيط
سحب بوكيه الورد وحطه في حضنه:اهمشي ورد عاليه حتى اهم منك
سكرت الباب ونطقت:عاليه ماتحب الورد الاصفر الفتت عليها بصدمه:صادقه؟
ضحكت تضرب فخذه:مشينا مشينا حرك سيارته يفتح الموقع الي ارسلته وسن له ويتوجهه للمستشفى
وقف سيارته وتنهدت تنزل بتعب:ساعه وربع في السياره تكسرت عظامي
زايد:يهون عشان عاليه مسكت صدره وابتسمت:خييال الثوب السعودي عليه
ضحك يلبس كابه وصرخت الجُوهرة:واااو ابتسم يمسك يدينه ويبوسها:اختي العزيزه دكتوره العائله ضحكت تمسك يدينه:اخوي العزيز الشيف والمعروف في كل دول الخليج
زايد:تعجبيني مشو يتقدمون للمستشفى ويركبون المصعد ويُسمح لهم بـ الزياره بسبب الواسطات
فتحت الباب الجُوهرة ودخلت تُسرع في المشي وتضم وسن:بسم الله عليك ياااروحي توني اعرف والله بسبب زايد
ابتسم زايد يدخل والبوكيه بيده:طهور واجر وعافيه
صفقت بيدينها الجُوهرة:دايم غبي صد عنها يتجاهلها ويتوجهه لوسن:ماتشوفين شر ياوخيتي
ضربت كتفه وسن:وش كل هالكشخه
الجُوهرة:كشخت طباخ كشر يصد عنها
وضحكت بعلو صوتها الجُوهرة:وين البنات؟
وسن:قمر راحت تجيب لنا من السوبر ماركت كم سناك وفاطمه في دوره المياه هزت راسها وسن وابتسم زايد من طاري قمر دخلت قمر وهي تشهق وضحكت بخفه وسن:قمر ياغبيه
بققت عيونها قمر بصدمه:هاه ضحكت بعلو صوتها الجُوهرة والتفت بصدمه زايد عليها:قمر!!
تجاهلت مناداته وابتسمت تطرح الاكيس على الطاولة وتسلم على الجُوهرة:ياهلا ياهلا
الجُوهرة:من اليوم ادور عليك
ابتسمت قمر:كنت اجازف لاجل وسن
الجُوهرة:داخله بالسر؟
قمر:مايدرون بوجودي ضحكت الجُوهرة بصدمه
وابتعدو الاثنين عن وسن وزايد وجلسو بجانب النافذه على الكنب وبدت سوالفهم التفت زايد على وسن:هذي قمر!!
عقد حجاجها وسن:ايوا ليش؟
زايد:اجل منهي فاطمه
وسن:فاطمه اختي وقمر بحسبه اختي وقريبه مني واعتبرها عائلتي بس ليش تسال
زايد:كنت ملخبط بينهم
ضحكت وسن وهزت راسها:اييه ،شوف هاذي هي فاطمه ابتسمت فاطمه تمشي نحو الجوهرة وتسلم عليها ضحك زايد بارياحيه من معرفته بان قمر مو الي يحبها ساري وجاته الفرصه رفع راسه يناظر فيها ونطق وهو يتامل جلستها الي تدل على الثقه والغرور :وش تشتغل
ضحكت بسخريه وسن:عصافير حب جداد؟
زايد: ودي بس هي ماودها فيني وبخليها تحبني بققت عيونها وسن وسرعان ما ضحكت بعلو صوتها والتفتت عليها قمر وناظرت زايد الي باقي مركز عليها كشرت تتجاهل نظراته ونطقت:وسن اكل من الي جبت له هزت راسها وسن:اوكيه فتحت الكيسه تاخذ منها شبس وعصير
ضحك بخفه زايد:النسيب ماقصر في الاختيار
ابتسمت تناظر الطقم الي جابه لها هديه لسلامتها:كيف عرفت اشر بيدينه على بوكس الذهب هزت راسها وابتسمت تسحب البوكيه الي جايبه له:ماقصرت ياحبيبي
زايد:بسيطه بسيطه
'
بـيـت حـاتم | المـجلـس
تجمعو الـ سابر بـ مناسبه خطبه بنتهم والـ عبدالله بـ مناسبه خطبه سُعاد بنت اختهم الي تعد بنتهم ، عدل جلسته هشام يلتفت على الشيخ الي بجانبه من نطق:جاهز ياعريس؟
استهل وجهه هشام: جاهر
أمجد:الله يكتب الي فيه الخير
ضحك هشام ينطق:امين يانسيبي واخو حليلتي رفع نظره عليه سعد يناظره بحده وصد عنه هشام يتجاهله :عساك موب مبطل وبتثبت كلمتك هالمره مثل الرجال رفع نظره هشام يناظره وسرعان ما نطق الشيخ:بسم الله نبداء
بدأت مراسم عقد القرآن وكان هشام يردد ورا الشيخ ونفس الشي مع حاتم ،
أنتهوا من نطق حاتم وهو يبتسم :زوجتك ابنتي على سنة الله ورسوله يـ الهاشم بن متعب
اتسع مبّسم هشام: قبلت هذا الزواج وقبلت بها زوجة لي
ابتسم الشيخ يوقف ويوقف كل من في المجلس من بعده:الحمدلله على التمام وحسن الختام تقدرون تكملون ليلتكم والله يرزقك الذرية الصالحه ياولدي
سعد:الله يكتب الي في الخيير هز راسه هشام يتجاهل سعد وكلامه اقترب هشام يسلم على حاتم ثم نطق؛ ابغى اشوفها
ضحك بسخريه سعد:متعود
سحب ياقته هشام يخنقه وفز ساري يسحب يدينه ويدفع سعد:ولد استح على وجهك من يوم جاء الرجال وانت تدقه في الحكي
تفل عليه سُلطان ينطق:الله يفشلك صد عنه سُلطان يلتفت على هشام وابتسم:مبروك يالهاشم!كذا يقالك؟
ابتسم هاشم يصافحه:الله يبارك فيك يـ
سُلطان:يقالي سُلطان ولد منيف
هشام:والله والنعم
سلطان:ماعليك زّود ابتعدو عن بعض والتفت هشام يراقب الباب الي بيدخل منه وبيشوفها فيه ضحك يتخيل خجلها ،
تقدم سعد ينطق بصوت الجمهوري: ياسُعاد تعالي
عضت شفتها سعاد وضحكت وسن تضرب رجلينها:هيا وقفت ماتحس الدنيا سايعتها فرحًا بالتمام تقدمت تفتح الباب وبجانبها دانة مدت يدينها وانحنى يعض اصبعها:والله وتحقق منايا شوفوا حبيبي معايا؟ يأهل الحسد و الوشايـة سعادة القلب وياه والماء يعود المجراه ثم غمز: الحسـاد جاو؟
عضت شفتها بتوتر بسبب وجود دانة: جاو
فتح الباب ينطق:غصبا عنها وعن جد
ضربته سُعاد بحده ثم دفعته ناظرها سعد وباس كفها:ماودي فيه والله ولاودي تتأذين بسبب امه لكن وش نسوي لك
ضحكت تضرب راسه:غصبا عليك تجي تعتذر لي
ابتسم سعد:بجي اخطفك كل يوم من هِشام ضحكت بخفه واقترب يفتح الباب صرخت سعاد والتفت بدهشه على الي تسكن بجانب سعاد دانتة الي شافها وماعاد راحت من باله غطى وجهه بشماغه ورجفت دانة تركض تطلع من المقلط وصوت كعبها كان يسمعه ويرجف قلبه معى ركضها بلع ريقه يمد لسعاد الكتاب وبلعت ريقها تناظر توتر اخوها سحبت القلم تفتحه وتضغط عليه ومدته للمكان الي فيه إسمها توقع رفعت نظرها على سعد الي نطق:أبيها
زفرت سعاد تنطق: دانة بنت ام هشام وأخته متاكد توافق عليك وانت توك شاتم اهلها؟
بلع ريقه ومدت له الكتب: اتمنى تفكر بعلقك مو مُجرد شوفتها تسوي فيك كذا! وأطلعو رفعت يدينها ترجّع شعرها وراء، طلع سعد ومد الكتاب لامجد وتقدم هشام يفتح الباب ويدخل كشرت سعاد تنطق: ياحمار مو لذي الدرجة شُفتها تهز كيانك فزت بهلع من محاوطتة لظهرها:اي والله شوفتك هزت كيآني ضحك يبتعد عنها ويبوس رأسها ابتسمت تبوس خده وسحب يدها: الله يحفظك لي ويحفظني لك ويوفقنا ويرزقنا الذرية الصالحة
ابتسمت بتوتر من اخر كلامه ونطقت بصوت يُكاد يسمع:أمين سحبت الخاتم تلبسه وضحكت:
صوره
هشام: ياحظي صوره تجمعني فيك! هو طبيعي اني أحسد نفسي اني بقربك!
ضربت كفه باحراج: من أمس وانت كلامك معسول
ضحك يضرب راسه:فجرتي راسي من كلامك وانك ماراح تصيرين لي!
سعاد:حركاتك ماتنسى
هشام:ماوعدتك؟ بكر بنفس هالوقت بتكونين حليلتي
عضت شفتها تُحمر خدودها:وفيت بوعدك
هشام:والحين بأخذك معي لبيتنا وتقضين يومك كله على حضني زفرت تبتعد عنه وتدفعه تركض تطلع من عنده ضحك بعلو صوته وزفرت تسمع كلامه:ساعتين وتكونين جاهزة
فزت وسن تنطق بصدمه :بتروحين الحين!
سعاد:للأسف
ضربت ريناد رجولها:احمدي ربك بس
ضحكت سُعاد تركب درج بيتها وتتوجه لغرفتها تجهز باقي أغراضها للذهاب معاه ابتسمت تناظر شكلها على المرأيه كانت لابسه فستان أبيض هادي عاري الكتفين وماسك لتحت ركبتها ونفشته من تحت خفيفه وهادئه واللؤلؤ يزينه و ماحتاجت طرحه او زواج خاص فيها يكفيها الهدوء والراحه وعدم تدخل امه بينهم
«البنات»
وسن:فستان أصفر مفتوح من عند الصدر وكسره من عند الركبه
أمجاد:فستان سُكري عاري الكتفين ومن تحت منفوش
فاطمه:فستان بنك مفتوح من عند الظهر فتحه كبيرة ويزينة وشاحها
ريناد:فستان فوشي تُزين بالورد وطبقتين من عند الخصر
أديم:فستان عنابي ومن ورا له ذيل طويل
ترف:فستان بكتف واحد ومن عند الفخذ الى اصابع الرجل مفتوح بقصه بسيطة
'الباقين من تخيُلاتكم'
'
ضحك يمسك يدينها:ليش ودك فيه لهاذي الدرجة
كشرت وسن:كنت ابي انومه معاي بس الجادل نشبت
ضحك بعلو صوته:معليك انا بنام معك وفي حضنك
صدت عنه بملل وابتسم يرفع يدينها ويبوسها:ودك بفعاليه
وسن:وش فعالياتك
سُلطان:تعرفين للدباب؟
وسن:هذي فعليتك؟
سُلطان:هذي أيام مراهقتي وهالحين أبيك تجربين وانا معاك وانتي مابين احضاني ودك؟
وسن:اخاف
سُلطان:انا معك
وسن:اوكي بس وينه!
ابتسم سلطان:في بيت اهلي هزت راسها وسن وضحكت تلفت عليه:اغراضنا جبتها معاك؟
سلطان:كلها في بيت اهلي
ابتسمت وسن:كويس ابي اغير فستاني التفتت عليه تراقب ملامحه:الشنطتين الي قلت لك عليهم وديتها لبيت اهلي
كشر سلطان:الله يعين ودي بك وانتي ماودك بي
وسن:المفروض تحمد ربك مفروض انام معاهم من اليوم بس بنام معاك وعشانك
غمز لها سُلطان:بعدها اختلي فيك وماعاد فيه الجادل ولا اهلي ولا قمر ولاغيرهم ضحكت بعلو صوته وضربت فخذه بخفه:حراام عليك
ابتسم سلطان يغير الموضوع:كيف المناسبه
وسن:صدمه صدمه كبيره امس يقولون انخطبت واليوم صارت حلاله كلشي صار بسرعه
هز راسه سُلطان:اهمشي راحتهم
وسن:تعبت سُعاد كثير والحمدلله الحين بدت ترتاح معاه
سُلطان:والله ماشاء الله علية رجال أجودي
تنحنت وسن:والله!كيف شكله واسلوبه وطوله و كح بصدمه سُلطان يلتفت عليها ويوقف سواقته بلعت ريقها وسن بتوتر من نظراته وصدمته:انتي صادقه!
كحت وسن بتوتر:لا لا امزح معاك صد عنها سُلطان ينزعج وجدا من شعور الغيرة الي تجتاحه بسبب سوالها ويكرهه سكتت وسن وانفتحت بوابه بيت منيف لبق سيارته ينزل منها وشدت على شنطتها تسحبها وتنزل التفتت عليه ونطقت:ببدل وراجعه
هز راسه يبتعد عنها وسكتت بأنزعاج من تصرفة مشت تتوجه نحو البيت وفتحت لها الخادمه:في احد صاحي؟
الخادمة:بابا ومدام ساره نوم وريناد وساري مافي موجود هزت راسها وانحنت تنزل كعبها وتركب الدرج عقدت حجاجها تنادي الخدامه واسرعت الخدامه نحوها:وين غرفة سلطان
اشرت بيدينها على الغرفة الي تقبع في الزاوية مشت تدخلها وضحكت بخفه تلاحظ تغييرها الجذري فتحت سحاب فستانها ونزلت وتوجهت تفتح الشناط الي فوق السرير سحبت جامبسوت تلبسه وابتسمت تاخذ الشنطه الصغيره الي فيها عنايتها سحبت مزيل المكياج واخذته تسكبه على القطنه مسحت وجهها وسحبت الربطة تربط شعرها دخلت الحمام تغسل وجهها بسرعة وطلعت سحبت عبايتها تلبسها وتلبس شبشبها طلعت من الغرفة تسكر بابها ونزلت من الدرج تطلع من القصر باكملة وتوجهت نحوه وعقدت حجاجها:بدلت؟
هز راسه سُلطان وأقترب منها يلبسها الخوذة ضحكت تسحب خوذته ونطقت:البسك اياها انا هز راسه ورفعت نفسها وسن تلبسه ضحك بخفة يبوس ثغرها وصدت عنه بخجل ركب وركبت وراه شغل الدباب وابتسم يحس فيها تشد عليه:جاهزة؟
بلعت ريقها وسن:خايفه
سلطان:لاتخافين وانا معاك انتي في وجهي ابتسمت بهدوء واحتضنت ظهره تشد عليه ابتسم سُلطان يحرك الدباب ويطلع من عند البوابة ضحكت بخفة تشعر في شعرها الي يلامس وجنتيه ويضرب نحرها:يضايقك؟
هز راسه بالنفي:اول مره يعجبني الضرب على خدي سحبت خوذته تنزلها وشهقت بسبب قوة الهواء التفتت تناظر خوذته الي طاحت وانعدمت بسبب قوة الهواء ونطق سلطان :حصل خير
وسن:وقف هنا
التفت يمين ويسار ونطق:الذيابة والكلاب هذا مكانهم
وسن:شوي بس وقف الدباب ونزلت نزل من بعدها يشوف ركضها بققت عيونها بصدمة:تكسر
حاوط كتفها ينطق:عساها فداك تنهدت تفك خوذتها وترميها مع خوذته ضحك بصدمه يحاوط راسها ويحطه عند صدره:انا متعود بدون الخوذة!انتي بتوجعك اذنك
ابتسمت تشد على وشاحها:الحمدلله هذا بعد ماطار ضحك بعلو صوته:عشانه كان معي دفعته بخجل بسبب انها هي الي نزلت خوذته ضحك يسحبها ويمسك يدينها:نرجع مشي؟
وسن:مو بعيد صح؟
سلطان:لا قريبن من البيت
اشرت بيدينها الى الدباب:وذا؟
سُلطان:انتي اركبي عليه وانا بمشي جنبك ابتسمت تعجبها فكرته وركبت واخذت المفتاح تشغل الدباب اخذت نفس وزفرته بتوتر وبدت تتعداه وتبتعد عنه ضحك بعلو صوته يلحقها وابتسمت تلف الدباب وتناظر قدومه
سُلطان:ممكن اركب؟خايف عليك لاتتهورين هزت راسها ثم رفعت اصبعها:وراي هز راسه يركب وراها ويحاوط ظهرها بالكامل حط يدينه بجانب يدينها وكشرت تنطق:ماتفقنا على كذا شهقت من اسرع فيها وبلعت ريقها تتمسك في يدينه وتترك القيادة له ابتسمت براحة لانها شافت البوابة امامها وفتحها لهم سالم وضحك بخفة لانه يسمع انفاسها قبصت كفه وضحك بصدمه ينزل نظره على كفه يشوف احمراره والتفتت عليه من هداء السرعة: ليش
لبق الدباب بجانب سيارته ونزل يشيلها وضربت ظهره بغضب:ياحيوان ضحك يحاول يخفي ضحكته وحاوطت رقبته وسرعان ما شهقت:يدك!؟
التفت عليها سُلطان:عساها فداك انحنى ينزلها ومسكت كفه:توجعك؟
سلطان:لا
بلعت ريقها تناظره وابتسم يبوس عيونها:انا كلي فداك بتوقف على يدي يعني؟ لاتشيلين هم سكتت تمسك كفة وابتسم يشد على كفها ويتوجهون لداخل البيت فتحت الباب ريناد وضحكت:ماصدقت امي وابوي يوم قالو انكم بتجون ضحك سُلطان يفك يدينها ويقترب من ريناد ويضمها ابتسمت تحاوطه وضحك يبتعد عنها:وكيف عرفتي
غمزت له ريناد:شفت غرفتك مولع مصباحها ابتعدت عنه والتفت عليها سُلطان يعرف وش بتسوي فزت ريناد تضم وسن وهمست في اذنها:عندي هنا فلم اوف بطل لازم نتابعه
ضحكت وسن تناظر في عيونه الي تراقبها:من عيوني كشر يشر على عيونها ثم على نفسه بمعنى ان عيونها له بس مو لغيرة صدت عنه وابتعدت عنها ريناد تمسك كفها وتناظر سُلطان:روح نام بكره وراك دوام
اشر بيدينه على عيونه:سمي ومن عيوني هزت راسها ريناد تركب فوق وبجانبها وسن دخلت ريناد ودخلت بعدها وسن ابتسمت وسن تنزل عبايتها وعضّت شفتها ريناد تتامل جسمها:ياوييلي ويلاه انتي طالعة لسلطان كذا؟كيف خلاكِ تروحين معاي؟
تخصرت وسن ثم غمزت لها:طول الوقت كنت لابسه عبايه ماشافني ضحكت بعلو صوتها ريناد وابتسمت وسن تناظر التلفزيون:وين بنتابع؟
ريناد:مدري شرايك نتابع على الابتوب او التلفزيون
وسن:التلفزيون
هزت راسها ريناد تتوجه نحو الدرج المخصص للسناكات فتحته والتفتت على وسن الي تشغل التلفزيون:في شي ببالك
وسن:جيبي لي من ذوقك هزت راسها ريناد والتفت وسن على دق الباب:مين
الخادمة=سوسان:ريناد؟
ريناد:ادخلي ادخلي
عضت شفتها وسن تناظر الي بيد سوسان؛يحيوانه من اول مخططه شكلك؟ ضحكت بخفه ريناد تشر بيدينها على الطاولة:اتركيها هنا واطلعي سحبت عدة القهوة v60 تنزلها بجانب المشروبات والاكل:ببدل وارجع
هزت راسها وسن تسحب الشبس:اوكيه وانا بجهز الفلم
'
ساري:عرفته؟
هز راسه سُلطان:طيار جوي ،ضابط اول
شحب وجه ساري وتنهد سُلطان يناظره
قبـل سـاعة| الـمطـعم
تكتفت تناظره:بتتكلم؟ كشرت تسمع الصمت ورفعت كمّها تبداء تاكل أخذت الخبزة تقطعها وتغمصها في الشوربة مدت له الشاي:اذا ماراح تتكلم على الاقل اكل اخذ منها الشاي يطرحه ويرفع نظره عليها:تكلمت معك عني؟
ريناد:لا ماتجيب طاريك اصلاً
ساري:مو على قولتك تحبني وتبيني؟
ريناد:اكيد ماراح تجي وتعترف لي وهي ماكانت تطيقك قبل
ضحك بسخريه:عشان شِيهان
ريناد:ايه
ساري:كلميها عني وقولي لها وظيفتي وشوفي وش ردها
رفعت نظرها تناظره:منجدك؟
ساري:ايه من جدي مامزح معك حتى اني فتحت قرض عشانها غصت بصدمه ومد لها المويه:اشربي
ريناد:ليش ومتى وكيف!؟
ساري:بشويش بشويش
ضربت راسه:يادلخ أكيد بتوافق على ولد عمها وش تبي فيك انت ووش فيك ووش مافي ولد عمها!ساري لاتستهبل فوق راسي البنت مستحيل توافق عليك!جاملناك وقلنا بيكبر ويعقل وينضج لكن اشوفك استخفيت انا ماني متأكده من مشاعر البنت
كيف بتسوي لها بيت وكيف بتصرف عليها وتجيب كل شي هي تحبه!
تنهد ساري:بقدر على هذا كله
ضحكت بسخريه تناظره:بعمر ال20 تسوي هذا كله؟
البنت من يوم انخلقت وهي متعوده على الدلال والدلع
قاطعها ساري ينطق:وانتي بعد نفسها!مابيينا فرق
ضربت راسه:صحصح ابوها يبيها لولد عمها!وولد عمها يقدر يعيشها حياة هنيئه وحلوه لكن انت ماتقدر هذا انت شايف نسبتك كيف؟انت حتى جامعة مادرستها تقارن نفسك في طيار؟سكت يناظرها وتنهدت تنطق:وش سويت في القرض
ساري:شريت لها بيت
اقتربت منه تضربه كف وصرخت فيه بقهر:لاتحرق قلبك عشانها وتبني خيالات واحلام معاها انساها بقق عيونه ساري بصدمه يناظر انفعالها وكلامها طلعت من المطعم وركض يلحقها ناظرته بحده:افتح
فتح السياره وركبت وركب بجانبها ثم التفت عليها يناظرها:فهميني وش صار صدت عنها تتجاهله وتحرك رجولها بتوتر وعم الصمت عليهم لحد نزولهم وتوجهها لغرفتها
«حاليــا»
سُلطان:انت في عقلك؟
ساري:ياخي ليش كلكم ضدي
سُلطان:انا ماني ضدك انا خايف على اشر بيدينه على قلب ساري ومسح عليه:خايف عليه لا يتاذا او يتأثر
تافاف ساري:انت بتوقف معي ولا لا
ضحك سُلطان يضرب راسه:ياولد انت صادق ولا تستهبل
ساري:لا والله شريت
ضحك سُلطان يهز راسه:والله وطحنا بسبب بنات عبدالعزيز
عض شفته ساري:قصدك طحنا ومحد سما علينا ابتسم سُلطان يضم ساري ومسح على ظهره:استند علي وابشر بالي يبشر قلبك ويطمنه
ضحك ساري يبوس خشمه:اوريك البيت
رمى مفتاح سيارته عليه ونطق:مشينا هز راسه ساري يسحب المفتاح ويطلعون
'
شهقت تلتفت عليها:تمزحين!
رفعت كتوفها:هذا كلامه
مسكت راسها تصدع وسن وتنهدت ريناد:فاطمة فعلا تحبه لكن ماراح تتزوج بهذا العُمر!لسى ماكلمت جامعة منجده ساري ولا قاعد يستهبل!
كشرت ريناد:و بعيدا عن فاطمه ابوها ماراح يوافق عليه وهي محجوزه لولد عمها
تنهدت وسن تناظرها والتفتت عليها ريناد:انتي كان عندك خبر؟
هزت راسها بالنفي:اهلي دايم يلمحون بس ماكانت فاطمه تعطي تلميحاتهم اهميه لان كان برايي ورايها انها قاعدين يمزحون
ريناد:عمي عبدالعزيز ممكن يوقف ضد بنته؟حتى لو على حساب سعادتها
وسن:لا ماراح يوقف ضدها بيدعم هالعلاقه بس نوره اكيدا راح تتدخل و بتتمكن من تغيير راي فاطمه
ريناد:حسبي الله عليها العجوز
ضربتها وسن وسكتت ريناد تلتفت عليها:احترام للعشره يعني؟صدت عنها وسن تبعد البطانيه عنها وشهقت ريناد تنطق بصدمه:ماراح تكملين الفلم!؟
وسن:بروح اغير الجامبسوت والبس بجامه مارتحت فيه هزت راسها ريناد وسحبت الفشار تاكل منه طلعت وسن من جناح ريناد وتوجهت لجناحها فتحت الباب تدخله وابتسمت براحه من عدم وجوده مشتت تفتح شنطتها وتاخذ منه بجامتها مشت تدخل غرفه التبدل وصرخت بفزع من منظر سلطان امامها ضحك سلطان ومشى نحوها صدت عنه ومدت يدها تبعده عنها وارتعشت من حست في يدينه تلامس صدره ضحك بخفه يمسك يدينها:ادخلي، انا ببدل في الحمام ابتعدت عن الباب عشان يطلع وصرخت فيه تهاوشه:ثاني مره البس ملابسك في دوره المياه'يكرم القارئ' لاتطلع من دون ملابس ضحك بخفه يسحب التيشيرت حقه الي مرمي على الكرسي ارتمى على السرير وسحب جواله يشوف اتصال ساري:هلا
ساري:ابيعه يعني؟
ضحك سلطان بخفه:خذ لها فلا بتعجبها
كشرت ساري:والبيت الي اختره ماهو عاجبك؟
سلطان:قصدك الكوخ؟
ساري:حرام عليك
رفعت نظره يناظرها طلعت من غرفه التبديل وتشر له يدينها يفتح السبيكر هز راسه يفتح السبيكر وتوجهت تجلس معاه في الكرسي:ياخوك ماهو حلو ولا بيعجبها
ساري:حديقته حلوه!
سلطان:احلى شي فيه الحديقه ماختلفنا لكن البيت ماهو حلو خذ شوري
هز راسه ساري:شورك وهاديه الله
سلطان:تامر على شي؟
ساري:ايه بكره برسل لك الفله الي بروح لها وابيك توريها ام منيف وتاخذ شورها لانهم خوات ويعرفون اذواق بعض
فتل شاربه سلطان يناظر فيها ويقفل السبيكر ويقوم من السرير ويتوجهه نحو الشرفة ضحكت بخفه تقوم وتروح وراه انهى الاتصال سلطان والتفت عليها ضحك بخفه من ابتسامتها الب مزينّه ثغرها حاوطها بيدينه يسحبها صدره ضحكت تبتعد عنه وتضرب كتفه:هذي غيره الحين؟
سلطان:لا لكن ساري يحسبك حامل وصار ينادينا ب ام وابو منيف ضحك بسخريه يقترب منها ويبوس خشمها:مايدري انك لين الحينه بنيه مابعد قربت منك احمر وجهها بالكامل وغطت وجهها تتمنى الارض تنشق وتبلعها تمنت انها مانحطت في هذا الموقف وماجات الغرفه اساسا
'
شهقت تلتفت عليها:تمزحين!
رفعت كتوفها:هذا كلامه
مسكت راسها تصدع وسن وتنهدت ريناد:فاطمة فعلا تحبه لكن ماراح تتزوج بهذا العُمر!لسى ماكلمت جامعة منجده ساري ولا قاعد يستهبل!
كشرت ريناد:و بعيدا عن فاطمه ابوها ماراح يوافق عليه وهي محجوزه لولد عمها
تنهدت وسن تناظرها والتفتت عليها ريناد:انتي كان عندك خبر؟
هزت راسها بالنفي:اهلي دايم يلمحون بس ماكانت فاطمه تعطي تلميحاتهم اهميه لان كان برايي ورايها انها قاعدين يمزحون
ريناد:عمي عبدالعزيز ممكن يوقف ضد بنته؟حتى لو على حساب سعادتها
وسن:لا ماراح يوقف ضدها بيدعم هالعلاقه بس نوره اكيدا راح تتدخل و بتتمكن من تغيير راي فاطمه
ريناد:حسبي الله عليها العجوز
ضربتها وسن وسكتت ريناد تلتفت عليها:احترام للعشره يعني؟صدت عنها وسن تبعد البطانيه عنها وشهقت ريناد تنطق بصدمه:ماراح تكملين الفلم!؟
وسن:بروح اغير الجامبسوت والبس بجامه مارتحت فيه هزت راسها ريناد وسحبت الفشار تاكل منه طلعت وسن من جناح ريناد وتوجهت لجناحها فتحت الباب تدخله وابتسمت براحه من عدم وجوده مشتت تفتح شنطتها وتاخذ منه بجامتها مشت تدخل غرفه التبدل وصرخت بفزع من منظر سلطان امامها ضحك سلطان ومشى نحوها صدت عنه ومدت يدها تبعده عنها وارتعشت من حست في يدينه تلامس صدره ضحك بخفه يمسك يدينها:ادخلي، انا ببدل في الحمام ابتعدت عن الباب عشان يطلع وصرخت فيه تهاوشه:ثاني مره البس ملابسك في دوره المياه'يكرم القارئ' لاتطلع من دون ملابس ضحك بخفه يسحب التيشيرت حقه الي مرمي على الكرسي ارتمى على السرير وسحب جواله يشوف اتصال ساري:هلا
ساري:ابيعه يعني؟
ضحك سلطان بخفه:خذ لها فلا بتعجبها
كشرت ساري:والبيت الي اختره ماهو عاجبك؟
سلطان:قصدك الكوخ؟
ساري:حرام عليك
رفعت نظره يناظرها طلعت من غرفه التبديل وتشر له يدينها يفتح السبيكر هز راسه يفتح السبيكر وتوجهت تجلس معاه في الكرسي:ياخوك ماهو حلو ولا بيعجبها
ساري:حديقته حلوه!
سلطان:احلى شي فيه الحديقه ماختلفنا لكن البيت ماهو حلو خذ شوري
هز راسه ساري:شورك وهاديه الله
سلطان:تامر على شي؟
ساري:ايه بكره برسل لك الفله الي بروح لها وابيك توريها ام منيف وتاخذ شورها لانهم خوات ويعرفون اذواق بعض
فتل شاربه سلطان يناظر فيها ويقفل السبيكر ويقوم من السرير ويتوجهه نحو الشرفة ضحكت بخفه تقوم وتروح وراه انهى الاتصال سلطان والتفت عليها ضحك بخفه من ابتسامتها الب مزينّه ثغرها حاوطها بيدينه يسحبها صدره ضحكت تبتعد عنه وتضرب كتفه:هذي غيره الحين؟
سلطان:لا لكن ساري يحسبك حامل وصار ينادينا ب ام وابو منيف ضحك بسخريه يقترب منها ويبوس خشمها:مايدري انك لين الحينه بنيه مابعد قربت منك احمر وجهها بالكامل وغطت وجهها تتمنى الارض تنشق وتبلعها تمنت انها مانحطت في هذا الموقف وماجات الغرفه اساسا
'
أنت تقرأ
« شرهه العاشق كبيره بس وين اللي تِقدّر ناس تدري عن غلاها لكن اعماها الغرور ».
Poesíaاول روايه لي كُتبت بواسطة : الكـاتبه مثايل🇸🇦
