« شرهه العاشق كبيره بس وين اللي تِقدّر ناس تدري عن غلاها لكن اعماها الغرور ».

بارت9

اسبوع~
وسن؛جوجو ليش ماتجاوبيني وش جرحك في ظهرك؟الجرح ذا له اسبوع ولسى يوجعك كيف طحتي
الجادل بربكه؛وي وي وسن بس لاني دخلت دوره المياه~يكرم القارئ~وتزحلقت وطحت
وسن؛ياهوه الكلام ذا قوليه للبنات مو لي انا!!عارفه فيك شي ولا مستحيل تطيحين بسبب مويه اعرفك تنتبهين حتى للجراده ومن ذاك اليوم وانتي مو عاجبتني ونزفتي ولقاك نايف عند السرير مو فدوره المياه~يكرم القارئ~كفايه كذب اعرفس مستحيل يصير معاك ذا الدراما وبعدين هايف ذا وينه من اسبوع مختفي اختفى من بعد اخر حدث صار معاك بدال مايكون جانبك والدكتوره صرعت عيشتنا تقول اذا صار معاك شي قوي واذاك علطول حمل مُبكر يعني ممُكن6 وي وي اشفيهم ذولا مستعجلين توك في الاول صح؟؟
عضّت شفِتها السُفلية؛لا في الشهر الثاني اسبوع اسبوعين بالكثير وادخل الثالث
وسن؛طيب جاوبي شصاير معاكي انا عارفه في شي مآذيك
الجادل؛خلاص وسن كفايه!!مابي اتكلم ولا ابي افضفض ولا ابي اقولك او اوضح لك خليني براحتي متى ماحبيت اقولك بقولك،وسن برفعت حاجب؛بسم الله طيب اكلتيني وخليك براحتك اجلسي على حزنك ذا ولاني متدخله ولاشي خذي راحتك والشرهه علي ماخذني التفكير لك عارفه انك مو بخير واجي اواسيك وكذا اسلوبك معاي
الجادل؛هيه وسن مابيننا ذي الاشياء ولا الكلام والزعل هذا!!
وسن؛ايوا ابشري خلاص بخليك براحتك وقامت للبنات،
-
كادي؛يع حبيبي هايف وش هذا لايكون اهلك يعيشون هناا؟؟!
هايف؛خلاص حبيبتي نص ساعه واوريك غرفتنا
كادي بدلع ماصخ؛ووش بتقول عننا زوجتك دي؟
هايف؛ معليك منها انا متزوج عليها ومستحيل تنطق وتتكلم وهي مامعها سند في ذي الحياه الا امها وعلى حافه الموت الموت
كادي؛اممم وطيب ولدها دا وش حتسوي فيه؟؟
هايف؛بخليها تسقطه
دخل هايف المقلط والكل نطق بابتسامه وشوق؛ارحـ..
شهقت ام الجادل؛من ذي اللي معك ياهايف!!
هايف شد على يدها؛هذي زوجتي الثانيه على سنه الله ورسوله وهذي اللي انا ابيها ومتزوجها براضي ولاهي اللي ابوي اختارها ولا في عمري حبيتها
اخذ ابو هايف الفنجال ورماه على وجهه ونطق بغضب؛وش هذا اللي تقوله ياهايف تزوجت على حرمتك!!الجادل بنت اختي ام ولدك
تلاقت عيونها في عيونه وكانت نظراتها عتاب له اما عن هايف كانت نظراته كلها قرف وشفقة،التفتت على الحرمه الي ماسكه يده ونطقت كادي بدلع ؛هذي الجادل؟كويس شكلها في الشهر الرابع يمديها تسقطه
هايف؛ايه يمديها
كادي وهي تسحب هايف وتلعب بخصله من شعرها؛يلا حبيبي هايف وين غرفتنا حدي هلاكانه من القرف دا
طاح ابو هايف مُغماء عليه من شده قهره وصدمته في بكره واكبر عياله
سحب نايف هايف من ثوبه وصفقه كف؛كيف تتزوج عليها كيف؟عشان وش
قامت وسن ودايم وسحبت وسن شعرها ونطقت حصه لكم عليها يابناتي
ضحكتك اديم؛وانتي ياعمتي عطيها كم لسعه وناظرت فيها بقرف وتفلت عليها؛مننن انتي عشانك ياخذك الزق هايف على الجادل؟مممين
وسن وهي تضربها ببطنها ابتعدت من اديم طيحتها وقامت عليها ام الجادل تصفيق وضرب؛العنبوتس كيف ترضين تاخذين واحد متزوج وطلق الاولى والثانيه حامل وبيطلقها ماتخفين يسحب عليتس كيف رضيتي على نفستس تقدمت فاطمه؛ييع شذي الخشه اللي تخرع المسلم
ضحك ساري؛لايجوز ترويع المسلم ياختي
لفت عليه فاطمه غض البصر لاكسر لك عينك ثم التفتت بعدها لـ ابوها؛تسمح لي يالغالي؟
ضحك عبدالعزيز بتعزيز لبناته؛ايييييه وطلعيها من هنا الكلبه هذي
ابتعد الكل عنها وسحبتها فاطمه ودفعتها برا
كادي؛حبيبي هايف ويينك المجانين دول يضربوني الحقني،سحب هايف كادي وخشمه ينزف وخده احمر من الكفوف اللي جاته من نايف واولاد عمه وضربت ابوه اللي بجبهته وابداً ماهدت بل تزداد،
فز نمر ونطق؛وين الجادل بنتي وييينها؟؟؟
قربت الجادل منه وناظرت فيه وهي تحسب ذا كله حلم وفزت من ضمها نمر ونطق وهو يبكي؛يابوي انتي معليك منه ولا تسقطين ولدك عشانه وابشري علي الطلاق بالثلاث لاخليه يطلقلك وانا اسف لك يابنتي اجبرتك عليه سامحيني ماكنت ادري بافعاله وسواياه هذي اللي تسود الوجهه
حصه؛والله ماتوقعتها من هايف ولد اخوي وزوج بنتي وفوق هذا ابو حفيدي يفعل السوايا الفشله هذي!
متبريه منه ولاني عمته ولاهو ولد اخوي
نطق نمر وهو منزل راسه؛وش سويت فيني يابكر ابوك واول ظنا
قربو منه اخوانه كلهم ونطق ابو سلطان؛وانا اخو نمر لاتنزل راسكك!وماينزل راسك وخشمي يشم الهواء واما هايف وسواياه الشنعيه هذي معليك منه بيرجع لك وبيحاول فيك وبيعرف بغلطته وهو طايش الحين خلك منه واراح المستشفى نتطمن عليك..
-
~بيت ام الجادل~
طاحت الجادل على الارض وشهقت شهقه كانتت قويه عليها على قلبها وتبكي من شده قهرها وكيف قلبه خلاه يسوي كل ذا فيها؟كيف يسوي كل ذا بعد ماحبته وعشقته يطلع لها بابشع قرار وماتنسى ابداء نظراته اللي قطعت قلبها وكيف كان ساكت وماتكلم وتكلم وليته ماتكلم تسقط ولده؟؟مو ولدها لحالها ولده بعد هو كيف تخلى عنها وعن ولده ذا الشهرين فقط! كيف بتكبر ولدها من دون اب وكمان ابوه مايبيه يبيها تقتله اخذت المفرش وحطت بين شفايفه لأجل ماتصحي امها وتقلقها عليها وماتقدر تنام امها مرتاحه..
-
وسن؛اهخ ياقبي على جوجو حسبي الله على هايف كيف قدر يسوي فيها كذااا!ماني مستوعبه ويقول طيحيه
اديم؛يع خليك من هايف الا تشوفون الدلع الماصخ في زوجته الثانيه وكيف تتصنع يييع تقرف يابنات ابيها اصفقها
فاطمه؛وبعطيك هايف واسدحيه معها
ريناد؛حسبي الله عليه الله لايوفقه كيف يقوله تطيح ولده ااهخ يارب يموت
نجد؛يابنت يقرفون وشفتو نظرات الوصخه للجادل كيف كلها قرف وحقد وغيرره!!
شادن؛كفو عليكي ياديم وربي بطله جلدتيها جلد ينسيها حليب اُمها معاها
امجاد؛وربي ياعمتي ان صفقتها صفقتها لين ماتت البنت كلهم عليها فاطمه وريناد وام الجادل ووسن
شيهانه؛ياكثر ماقهرني الزق حتى خالي من الصدمه طاح ولا واحد فالميه فكرت انه بيتزوج على الجادل
اريج؛اصلاً ماتوقعتو حيجي بس فجعني يوم شفتو
سُعاد؛بنات الجادل ماكنت متسوعبه كل اللي صاير ساكته وتناظر في هايف الزق كانها تقوله يصحيها من حلمها
اديم؛صدمممه..
-
مسلط؛ارحبو ثم ارحبو تو مانور البيييت ياهلي
ابتسمت الجُوهرة؛تو كان مايبيكم والله
ام الجوهرة؛ها الصدق يامسلط!
ابستم مسلط بخرشه؛افاااا اكل تبن اذا كنت جاد في كلامي ذا
ابتسمت ام الجوهره؛هيه هالكلام الصح
مسلط؛يوهه تكلمي سعودي
التفتت الجوهره؛كلها نفس المعنى ونفس المقصد عاد اذا مافهمت فانت غبي مو شي جديد
مسلط؛يمُااه تشوفي كلام جوجو مُحترم
ام الجوهره؛كفايه كفايه هواش والتفت بابتسامه لمسلط
انخرش مسلط؛يمه وش ذي الابتسامه مخططه لشي انتي
ام الجوهره؛خطبت لك بنت خالتك ميثاء
مسلط؛افا يمه وانا ماتاخذين رايي في شي جماد!انا اللي بتزوجها مو انتي يمه
ام الجوهره بغضب؛مالك خص انا اللي اختار لك وانتي تاخذها وتذلف معها
الجوهره؛يُمه شدعوه عاد بكيفها مو انا ولا انتي اللي نقرر
مسلط؛يُمه تكفين لاتغصبيني على شي ماودي فيه!
ام الجوهره؛ليش في احد ببألك مثلاً
مسلط؛ايه فيه وابيها وشاريها واحبها واعشقها
ام الجوهره بغضب؛وتعرفها هاه!!
مسلط؛اييييه صح عليك
ام الجوهره فزت؛تعقب وتخسي والله ماتتزوج وحده باعت ثقة اهلها لأجل رجال غريب عليها!ولاهو محرم عليها
الجوهره؛يُمه تكفين!!خليه ياخذ اللي يبي
قامت اُم الجوهره وصفقت بنتها كف ونطقت؛عشان بكره تدخل رجال غريبين البيت وتفشل اخوك ويموت من القهر
الجوهر ببكي؛ليش تضربيني طيب شمسويه انا!!عشاني قلت انك بتضلمين اخوي وبنت خالتي؟اعز الناس لي
مسلط؛يُمه خلاص هدي لاتضربين الجوهر!خلاص بتزوج ميثاء..
ام الجوهره بخُبث؛ايه ايه كويس هذا هو ولدي ياخذ ويتزوج اللي ابيها،واخذت القهوه وتلذذت فيها
مسلط؛متى بيجي ابوي والباقي
ام الجوهره؛بكره
مسلط؛طيب،بس لاعاد اشوفك يمه تضربين الجوهره هذي جوهرت بيتنا واحب واعز الناس لي،وبعدين هي ماسوت شي غلط ولا شين قالت الصدق انه ظلم بنسبه لميثاء وهي تحب وتعز ميثاء فاكيد ماراح ترضى عليها
الجوهر وهي تشهق؛اخذتو رايي ميثاء؟؟،ام الجوهر انقطع لسانها ونطقت؛من من متى للبنت رايي مالها راييي،الجوهره؛اهخ يمه ياويلك من ربي انتي وخالتي تضلمُنها عشان ماعندها اب!طيب هي شاطره ومتوظفه وانتي اكثر الناس اللي تعرف وش عانت منه ميثاء!لحتى صارت دكتوره وش ذا الظلم يمه يييع ماتوقعتك كذا!!وش غيرك
سحبها هايف وهي تصارخ على اُمها وليش ماياخذون رايي ميثاء؛خلاص هدي هدي شفيك ماراح اقصر معها فشي واما عن شروق بتزوجها ويكون عندي اثنين وبصرف على ميثاء ومابقصر عليها بشي
دفعته الجوهره؛اطلع برا انقلع انت نفس اُمي نسخه مُصغره منها ضف وجهك
مسلط؛برجع لك لما تهدئين
-
ابتسم نايف؛ومثل ماقلت لك يابيه
ابتسم ابو هايف؛ايه وننعم في ولدي الله يحفظك،وبنروح نخطبها وناخذ شورها وان شاءالله تجي منها الموافقه والله يوفقك ويوفقها ويسرر امُركم
الهنوف؛اهخ طيب وولدك وبكرك واول ظنا ليش ساحب عليه وتبي تزوج اخوه؟؟!وهو مو موجود انت صاحين
ابو هايف بغضب؛لاعاد تجيبين طاريه قدله ايام ماهو داري عننا ولا داري عن هوانا خلاص انسييه نفس ماهو نساك بسبب وحده ويقول لزوجته تسقط ولده!!منجدك انتي وتبين اروح وادور عنه حتى مافكر ولا تعب نفسه وسأل عني ساهي مع المقرفه ذيك
نايف؛يُمه!!الجادل تأذت من ولدك مره اول شي زوجتوها وهي ماتدري مادرت الا من الناس ماهو منها!والشي الثاني زوجتوهم غصب والثالث ولدك غلطان في حقها وتبين نرجعهم ونرجع ولدك!خلاص هايف انتهى بنسبه لي وطاحت دمعه نايف وطلع من الصاله ونطق؛اهخ يُمه ماقررتي تفتحين الجروح الا الحين بدال ماتنسيني هم اخوي وشوقي له
قامت الهنوف مع نايف؛والله هايف فيه شي ولا انت مالاحظت تغيُره!توه كان فرحان في ضناها وماغير يوصيني عليها وفجاه كذا تزوج عليها؟؟!فيه شي مغيره علينا حسبي الله ونعم الوكيل بسس ياُمك على كل ظالم
نايف؛فيه شي براسك تبين اسويه اكييد
ابتسمت الهنوف؛ايه والله ياولدي إنك ذكي طالع لي
ابتسم نايف ونطق؛امري؟وش تبين اسوي
الهنوف؛بعد خطبتك راح لهايف ونـ........
-
ابتسم ابو هايف؛نطلب بنتك اديم على سنه الله ورسوله زوجه لولدي نايف
ابتسم ابو سلطان بحُب؛والله ونعم فيك وفيه وبنتي للقريب افضل من البعيد
ابتسم نايف؛كلن يبي النسب منكم ياعم
ابتسم ابو سلطان؛الله يسلمك وانا مبدئيا موافق لكن شور البنت لازم نسمعه،شد على يده خُفا من الرفض ونطق ابو هايف؛يلا خذو راحتكم وننتظر الرد والموافقه بأذن الله فزو ساري وسلطان لابوهم ثم اتجهو لاديم اما عن اديم كان شكلها يُرثى له مبهذل ولابسه قميص الروز ومسويه سدر لشعرها ووجهها مفقع نوم وجالسه تشرب مويه؛بسم الله اللهم سكنهم مساكنهم بتروع الضعيف نايف
سلطان؛شايف كيف؟يخرع شكلك
اخذت المنديل ورمته عليهم؛حسبي الله عليكم وش انتو اخوان له وبعدين من نايف هذا سعيد الحظ اللي بيشوفون عشان تقولو بينخرع؟
لف ابو سلطان بنظره تهديد وشده للعيال وهجدو من بعد نظرته واكتفو بالصمت والنظر لاديم؛ابد والله يابنيتي العلم سلامتك نايف ولد نمر نبي زوجه له ونطق ساري؛والنعم والله
ونبي ناخذ رايك،احمر وجهها بالكامل وبدت ترجف،تقدم ساري يحتظنها؛بسم الله عليك ياريحه اُمي ليش كل هالتوتر والرجفه ذي معليك منه علي الطلاق بالثلاث لو ماتبينه ابشري بنرفضه ولاعليك منه اهم شي راحتك ورايك،ثم بعدت عن اديم نطقت؛لالا انا مابي ابعد عنكم كيف بخليكم من دون احد يسوي لكم اكلات وينضف تقدم سلطان؛ياحبيبتي ياديمي معليك مننا اهم شي راييك وكلكم بتتزوجون وانا بتزوج وساري وريناد وكلنا وعادي بجلس انا هنا مع ساره وابوي وزوجتي تعزب فيهم
ونطق ساري؛ياهوه هد عطبتها انت خل تعزب اذا بتشتغل تشتغل لك انتي يالهطف مو لساره!ثم التفت لاديم ونطق؛وقولي حتى انك ماتبين تفارقيني وتفارقين مناقرتنا وهواشنا،اردفت تمسح دموعها ونطقت؛ياخي انتي ماتخلي الانسان بحاله لازم تضحكه باصعب الاوقات والتفت لسلطان وانت هد شذنب زوجتك تسوي ذا كله انا ماقدرت خل عاد هي وضحك سلطان ونطق؛وتتوقعين ياطويله العمر انا بتكون نفسك!لا طبعا بتكون افضل منك،خذت الشبشب تبي تضربه لكن قاطعها ابوها من نطق بابتسامه؛خلاص اخذت الاجابه"موافقة"ابتسمت اديم؛ايوا يالغالي
ساري؛شف شف عساس منحرجه ترا ذا ابوي ماهو عمي نمر هههههههههههههههههههه
التفت وتغيرت ملامحها؛يلا يلا انت وياه ضفو وجيهكم لا..وممداء تتكلم من شالها ساري وسلطان يطقطق عليها
-
ثلاثة اشهُر~
ابتسمت بحُب؛اوف كفايه مدح يانايف!
ابتسم نايف؛كيف متجهزه يوم زواجنا اردف بابتسامه من نطق بـ زواجنا
اديم؛لا تضغط انت ياخي!اكيد مرتبكه ابدا مو متجهزه
نايف؛هههههههههههههههههههه والله اني خفيف كنت بقول باجله عشانك بس انتظرت شهرين ونص وجلس ابوي يقنعكم لين واافقتو واخيرا
اديم؛ماكنت بسوي زواج بس ابوي قالي لازم لازم زواج مع اني ماكنت ابي يصير زواج عشان اُمي بس ابوي وساره غصبوني
نايف؛اسويلك زواج ويكون اطلق زواج واطلق واحلى عروس انتي،وعمتي الله يرحمها مُستحيل ترضى انك ماتفرحين بسببها المطلوب منك ياروحي تترحمين عليها وتتصدقين عنها،وانتي سويتي هذا كله ماينقصك شي اي شي تبينه انتي بس ارسليه لي ضحكت ونطقت ابي حصان ابتسم وعارفها تطقطق وكمل حكيه شيخه بنت شيخ وامها شيخه ماشاء الله والله يرحم عمتي ويجعل مثواها الجنه يارب ياعالمين
اديم بابتسامه؛يلا عادي عطيتك وجهه زياده تدزها وقفلت وفزت من السرير تطلع تسولف مع اهلها،الله يحفظك وابشري بالحصان دامك حرمي والله ماينقصك شي يارفيقه عُمري،وقام يتناقش مع امه عن موضوع هايف
الهنوف؛ونبي نروح للشيخ سلمان بن ملفي خابره؟
نايف؛ليش وش نبي بالشيخ
الهنوف؛مدري انا شاكتن في هايف انه مسحور ولا فيه بلوه ودق عليه على اساس انك تبيه يحظر زواجك ولطف الجو
نايف؛ابشري بكلمه وفتح جواله ودق
هايف؛هلا
نايف؛كيفك شخبارك وينك ماتجينا
هايف؛بوي مطلعني وداردني قدام الجميع متوقع ارجع مُستحيل اهم شي عندي كرامتي بس اخلص ها وش تبي
نايف؛يابوي هد،ابدا والله بس خطبت وزواجي بعد بكره وابيك تجيني اليوم
هايف؛ايه طيب طيب ان شاء الله بمشي الحين،وان شاء الله اوصل لكم الساعه9الصباح
اخذت الهنوف الجوال؛ولاتنسى تجيب حرمتك الجديده
هايف؛او من يحضر هي وقفل من دون مايسمع اي كلمه ثانيه من اُمه اول يلقي عليها السلام ويشوف كيفها وكيف حالها من بعد فرقاه..
ابتسمت بحزن؛ياقلبي عليك ياهايف حسبي الله على من فعل ذي الفعلة الشينه فيك
التفت نايف عليها؛يمه تبين تخربين زواجي!!ليش تقولين له يجيب الوصخه معه!
الهنوف؛شفيك ابغاها تشوف الجادل وتنقهر
نايف؛يُمه انا اعز الجادل ومابيها تزعل عشاني عازم حرمه خوي!اللي يصير اخوي طليقها!وتغير عنها بدون اي سبب وفوق هذا مايبغى ولده!!يبغاها تموتة متوقعته بتزعل؟يكفي اني مابي الزواج في الديره وغصبتيني انتي وابوي ورضيت
الهنوف؛معليك الجادل ماهي داريه عن هوا دارهم!لاهو ولا هي لي وابغى الجادل تحضر وتكشخ وتشوف كيف بنفرق حنا بينها وبين الجادل في المُعاملة والحُب وكلشي
نايف؛يُمه والله ياعليك افكار اووف ابوس راسك وقام يبوس راسها
الهنوف بغمزه والتجاعيد وضحت فيها؛شفيك انتي مايجي مني الا كل علمن زين
نايف؛واقول وانا طالع على مين ياتُرى اثاريني طالع عليك ههههههههههههههههههههههه
الهنوف بابتسامه؛قُم عطيتك وجهه وشكلك بديت تمون
-
نايف؛ارحب ارحب ونزلت دمعتهم من شده شوقه لشقيقة
هايف؛هلا هلا
وسمعو صوت صراخ ابو هايف وهو ينطق؛وش جايب العاق هذا في بيتي!
التفت هايف لنايف ونطق نايف بربكه؛امش امس اراح نطلع عندي مشاويير وودي نروحها سوى
تقريبًا نصف ساعه ووصل للشيخ ومسك هايف وسحبه للشيخ وبداء الشيخ يقراء عليه وقام الجني يتكلم ويقول؛ااسسكت ويصارخ،اكمل الشيخ القراه
ونطق؛ابغى افرق بينه وبينها
نطق الشيخ؛ليش تبغى تفرق بينهم
الجني؛مو بكيفي
الشيخ بصراخ؛من قايلك تسوي كذا ولا تبي احرقك بالقران
الجني؛خلاص بقولك بس وقف قِراة
وقف الشيخ قِراه ونطق؛من؟؟
الجني؛نوره قايلة لي ادخل فيه بمفول السحر
الشيخ؛بنت من
الجني؛نوره بنت *******الـ*****
الشيخ؛كذاب!
الجني؛السحر في مزرعتهم عند شجره التوت
-
اديم سوت حفله لأجل زواجها~
قامت نسرين تهز وتتمايل والكل يصفق ويطبل ويشجعها وابتسمت اديم ونطقت؛دور الجادل
الجادل؛ودي بس انا في6 احس اني لازم اهجد
نسرين؛اووه يلا الجادل قومي
ابتمست الجادل بتحدي؛بتندمين ترا؟؟
نسرين؛قومي طيب خليني نشوف مين راح يندم
قامت الجادل وبدات تتمايل مع النغم وتهز خصرها بشكل مُلفت ومُميز قامت حصه تشجع بنتها وتزغرط والباقي يصفق واما عن نسرين انهزمت اشد هزيمه وهي مخططه لكل هذا معى اُمها واخذت جوالها وصورت الجادل وابتسمت ترسلها لهايف وطفت جوالها وبدت في تشجيع الجادل والتصفيق معاهم
,هايف طلقها طلقه وحده فقط ورجعها وتحل له بس هو مو معتبرها عايشه اصلاً،
ضحكت من جلست وغمزت لنسرين؛كيف طعم الخساره
ابتسمت نسرين؛ماش طعمها ماجاز لي
الجادل؛عشان تسذا اقولك ماتصلحين تكونين ضدي ههههههههههههه
ريناد؛اوف يالثيقه
نسرين وهي قربت من الجادل وسمت عليها ونطقت؛يحق لها اُم نمر
الجادل؛يالله مو متعوده ع الاسم بس عاجبني
دقت وسن الجادل؛احه عرفتيها؟؟!
الجادل التفت؛ماعرف شكلها مو غريب
اديم؛ايه ايه هذي السلقه زوجت هايف
ضحكت نسرين؛فرق السماء عن الارض انتي قمراي وهي حتى تكون نجمة!كثيره عليها
ابتسمت الجادل ترفع خصله من شعرها وتلعب فيها بغنج؛اوف حبييباتي انتو بخليكم ابوانا نمر
فاطمه؛عههههههههههههههههههههههههههههه بنت ارفعي علومك ماهي علومي وحرام اصلاً حركات قوم لوط
ضربتها الجادل؛كلي تبن مو هذا مقصدين ماعرفت اعبر
اريج؛عارفينك مفهيه
الجادل؛ايه ايه مشكوك في معرفتكم
فزت الجادل؛اااااررحبي!وينك يالقاطعه لك وحشه فز الكل يسلم عليها ونطقت ام هايف؛ارحبي يا اشوق مرحبا مليون تو مانور البيت وتو مازانت الجلسه
فاطمه وهي تبوس في غّيم؛ووواه يمامي شدا تدنن وووحشتني
اشواق بضحكه؛بس انا اكثر منها اشتقتيلي صح
فاطمه؛الصراحه؟
اشواق؛ايوا
فاطمه؛هي،فزت تاخذ قاروره وترميها عليها بضحكه؛افا بالخيانه زعلت الصراحه راضيني
ضحكت فاطمه تغمز لها وكلمها قروبو من الجادل بمزح لاجل يرفعون فستانها
اديم؛ليتني ماني عروس قمت اساعدهم واسحبه
واعتلى صوت صراخ الجادل والبعض يصور والجنب الثاني يدافع ويتضاربون بمزح تقريبًا بعد5دقائق
الجادل بضحك؛اهخ حسبي الله عليك تخوفون
نجد بمزح؛ييياي خرشتو بنتنا
الجادل؛انطمي يالتبن سحبتي علي وقمتي تساعدينهم بدال ماتفزعين لي حي عين عمتي الهنوف جلدتكم
الهنوف؛افزع لك واصفقهمم لك يالغالية زوجت الغالي كشرت من طاريه وتجاهلت كلام عمتها الهنوف وهي فاهمه تلميحاتها اللي توضح لها انها للحين تُعتبر زوجه هايف وبيرجعون..
نظرات الحقد الحسد اللي باينه في عيونها وودها تقوم تتصافق مع الجادل من الغيره ودقت على هايف ورمت الجوال بغضب بعد ماسحب عليها ومارد والجوال كان عند نايف..
-
التفت ورد ونطق؛مين
كادي؛حبيبي هايف وينك!الجادل المجنونه ذي!مرا اوفر ويع مرا مرا اقرفتني هيا واديم ووسن وكتير معاهم تعالي اخدني ماعجبني المكان دا وامُك كمانه مرا اسلوبها زق معاي!!ماما افضل بكثير من اسلوب اُمك
ابتسم نايف وهو صوته مُشابة لهايف ومايمدي يفرق بينهم الا اهلهم؛ليش!شفيها امي وبعدين مامتك ذي مين
كادي؛وي وي هايف حبيبي اشبك من دحين بديت تتغير لسى تونا واصلين!امي نُوره!
ابتسم وعلى طول عرف كل السالفة وقفل في وجهها وبلكها وحذف رقمها وناظر في هايف اللي طايح من التعب والإرهاق ونايم بِكل طمأنينة؛اهخ ياحبيب اخوك انت يالعضيد حسبي الله عليهم الله يرد كيدهم في نحرهم يارب كيف قدر قلبهم يطاوعهم ويفرقون بين عوائل!لسبب تافهه الله لايبلانا ولا يبتلينا ابتسم يبوس راس اخوه وينسدح معاه،
-
كادي بتصنع احترام للهنوف؛خاله الهنوف هايف حبيبي مدري اشفيه!مايرد عليا ومقفل جواله واتصالي مايوصل لُه؟ابي اروح للبيت دحين مابي اجلس مع دول وشمقت للجادل
ابتسمت الهنوف وهي تبوس الجادل وصدت ولاردت ولا اعطت كادي وجهه؛الجادل حبيبتي تروحي معاي اليوم للبيت
الجادل باستغراب؛ايش وامي!
الهنوف؛مو انتي زوجت ولدي الكبير وحبيبي هايف؟روحي سلمي عليه وجهزت لكم الغرفه ونظفتها
الجادل بصدمه؛ايش كيف ارو..قاطعتها من لسعتها اُمها بضربه؛ايه طبعا بتروح معكم بس مين بيجي ياخذكم؟
الهنوف؛مدري والله يمكن حبيبي هايف~وهي نطقت حبيبي تقليد للكادي عشان تقهرها وفعلا كادي جدا حقدت عليهم الاثنين وتبي تموتهم بس للإسف الشديد ماتقدر على قتلهم~او نايف ماعرف
الجادل؛نايف اشوا منه
كادي بدق حكي؛ايوو مرا قرف!منجدكي انتي تبي تروحي مع واحد مرتو جالسه معاكي صدق انك قليله ادب!مايبيك زوجك ورحتي تتلصقي في اخوه!
وقفت اديم وصفعت كادي بكف؛لاتسحبين نوايانا نفسك ونفس قلبك الوصخ!وتفكيرك الوصخ!انا راضيه اتم الرضا!ويع انشغلي في نفسك يالمنبوذه
دقت الهنوف على جوال هايف؛هلا
ابتسمت من عرفت انه نايف لكن نطقت لاجل تقهر كادي؛تعال اخذني انا وعمتك حصه وزوجتك الجادل
ابتسم نايف وهو عارف حركات امُه؛من عيوني واسمعي يمه
الهنوف؛امر
نايف؛مايامر عليك عدو انتبهي للجادل حبيبتي
انكتمت كادي من كلمه "حبيبتي" والتفت على الهنوف من نطقت؛يلا ابشر..
-
الجادل؛يمه شفيكم تكذبون على كادي!!ليش تبون تخربون بينهم خلوهم يتهنون حرام عليكم!
ضربتها حصه؛اصحي يابنت انا اقولك هايف مسحور من كادي وامها والهنوف شاكه من زمان واليوم اكدت لنا وخوالك وخالاتك الخبر وصلهم وتوك كنتي معانا وسمعتي انه مسحور ليش للحين تقولين لاتفرقون بين كادي وهايف!واصلاً هايف مايبيها مسحور ومغصوب عليها وانتي بلسانك قلتي لي انه فجاة تغير عليك من دون سابق انذار!
الجادل؛ماني راجعه له فاهمه!مابيه
حصه؛ايييه اما عن ذي السالفه خليها لبعدين
الجادل؛يمه ليتك خليتيني اروح لاديم انام معاها دام زواجها بكره!ساحبتني انتي وخالتي الهنوف معاكم وتتناقشون في هايف التبن ذا!
حصه؛استني بكلم الهنوف
الجادل بصدمه؛لايكون قصدك اني اروح معه!ويوديني لاديم!!!
حصه بنظره حاده لبنتها؛ايه!رجلتس تراه وتحلين له
ماطلقك
الجادل؛النِقاش معك ماينفع اكلم عمي ابو نايف افضل منكم
حصه؛ايه ايه هو إللي مزعجني من زمان وهو يبيك لولده متوقعه الحين بيسمع لك وبيطلقك من ولده؟؟
الجادل؛يُمه روحي نامي وشيلي الفكره من راسك ولاعاد تجيبين طاريها!كانه هو ولدك وانا البطه السوداء
حصه؛لا
الجادل؛ايه ايه ماشاءالله واضح تحبين بنتك
ابتسمت حصه تبوس الجادل بخدها وتنطق؛تصبحين على خير واحلام سعيده ان شاء الله مع حبيب القلب وغمزت وقفلت باب غرفتها
ضحكت الجادل من حركات امها؛يالله الله يحفظك لي ياحلى اُوم،ثم دخلت غرفتها ونامت..
-
الهنوف؛ماني اقوله لك من زمان!ولدي متغير ولدي بوه شي مستحيل انه شي طبيعي تغيُرة هذا علينا وعلى حرمته
ابو هايف؛طيب وش بيسوي الشيخ في السحر دامنا اعطيناه اياه
الهنوف؛لا تتهتم لذا الامر بعد ايام بيرجعلنا هايف وان شاء الله اليوم الساعه8الصباح نوديه يقراء عليه الشيخ وبيتعافئ باذن الله الحي القيوم
ابو هايف بتردد؛ماضنتي انها الجادل بترضى بسرعه عليه ويمكن تكلمني اخليه يطلقها وانا ماودي اني اغصبها على شي ماودها فيه
قاطعته الهنوف بنظره حاده؛لايكون تبي هايف ولدك يموت من قهره عليها!هو يبغى حرمته!وام ولده وشفيك انت تبي تفرق بينهم اغصبها اكيد!
ابو هايف؛والله اني ابغاهم لبعض وتذكريني انتي اصلاً
لكن ماودي الجادل تزعل علي وانا والله اني احبها واغليها واهتم لها حتى اكثر من ولدي هايف!الجادل غير من يوم عرفت الحياه وانا احب حصه اوخيتي ثم تزوجت وخاويت زوجها وزانت علاقتنا وجابو بنتهم والبنت وداعه من ابوها الغالي!ماودي افرط فيها وودي من قبل لا تتزوج هايف اني اكون ابو زوجها بس السحر اللي جاء ولدك فجاه خرب كلشي
الهنوف؛انت تعرف بحُب هايف لها!وماراح يقصر معها بشي ولا نسيت قبل السحر كيف كانو مرتاحين مع بعضهم والحب في عيونهم فاضحهم لازم نخطي خطوه ونرجعهم لبعض
ابو هايف؛ان شاء الله ان شاء الله،وش ناويه تسوين في زوجته الثانيه؟
الهنوف؛معليك بيطلقها اليوم ان شاء الله في عرس نايف وبكون فرحانه مرتين
ضحك ابو هايف؛حي والله حرمتي الغاليه وام عيالي،والله ياعليك خُطط تجيب راسي
الهنوف بغرور؛انا اصلاً طيحتك بحُبي من اول مره شفتني طالعين عليك عيالك خروفين
ضحك ابو هايف ونطق؛تذكرين!!يالله حبيتك يوم جيتينا
الهنوف؛جيت عساس استنانس مع خواتك وماكنت عارفه اني بعيش الدهر كله باذن الله مع اخوهم
ضحك ابو هايف؛ياحلوها من ايام!كنا بعز الشباب
فزت الهنوف؛يايويل ويلي ويلاه!ماني كبيره انا باقي في عز شبابي
ضحك ابو هايف؛ههههههههههههههههه تاثر فيك الكلمه لذي الدرجه!؟
الهنوف؛ايه والله ماحبها
ابو هايف بابتسامه؛ابشري والله ماعودها
ابتسمت الهنوف تقرب منه وضمها ثم نامو كل اللي في بيت ابو هايف~
-
البيت يضُج باصوات الاطفال وصراخ البنات واللي لسى ماخصلت ميكب وضحك ورقص العيال والكل يبارك لنايف واديم والجميع سعيد ومُبسوط ابتسمت فاطمه تدق على سلطان؛سلطان ولد وينك!تعال خذني انا والبنات
سلطان بعجله؛طيب طيب كثير اللي معاك؟؟
التفت ريناد تعدهم؛لالا5
سلطان؛كويس يله جايكم،وصل هايف للبيت وجلس تحت ينتظرهم تقريبًا ساعه ونِصف دق وهو منُزج من تاخرهم؛الوو بنت وينكم!
ريناد بربكه؛يالله وسن لسى ماخلصت!
سلطان؛خلاص جيبي معك الباقي خليني اوديهم ثم ارجع لوسن خليها تاخذ راحتها
ريناد؛طيب طيب واغلقت الجوال وبدات تقول للبنات ينزلون لأجل يوديهم سلطان للقاعة ويخلص من بعضهم،سلطان؛السلام عليكم،كيفكم جميعًا
الكُل؛هلا هلا وعليكم السلام بخير الحمدلله
فك زر ثوبه الاعلى من حر الرياض ونطق؛خلصتو كلكم جاهزين؟؟تبون نجيب شي او على طول للقاعه
فاطمه التفت على الكل؛لالا كلنا خالصين بس انت حرك عشان متاخرين الساعه7
حرك سلطان للقاعه ونزل الكل ومسك سلطان
ريناد؛بنت لايكون قصدك اني اجلس معاها لحالنا في السياره!
ريناد بتضجُر؛ييييووه ياسلطان بتلطعنا وسن الحين ساعتين
سلطان؛دقي عليها شوفي يمكن خلصت
ريناد؛الوه بنت خلصتي نجيك؟؟
وسن وهي منسجمه وتغني؛ايه ايه على بال ماتجون بكون خلصت
ريناد باستعجال؛يلا جايينك انا وسلطان
وسن؛يع سلطان!
ريناد؛قولي الحين انك ماتبين تروحين معاه عشان اذبحك!
وسن؛مغصوبه ولا من يبي يروح مع اخوك الزق
ضحكت تركب السياره وتحرك يدها له بمعنى يلا روح ونطقت؛يمه وسن تخوفين لاحكدتي على احد!
وسن؛وش تبي من اول موقف حركاته تضغط
ريناد؛بقره لو انا بدالك استناست لانه اكلتي بلوشي وفوق ذا شفتيك صحبتك
وسن؛ماش حسيت اني ذليت نفسي ونضراته ويع تخوف ماعرف هو ناقد او مُعجب
ريناد بتعزيز لنرجسية وسن اللي تجذبها؛اوف!اكيد مُعجب تطيحن الطير من السماء بسم الله عليك
وسن؛طبعا ياحبيبي من مايشوفني ويموت ويحيى من جمالي الاخذ
ريناد؛اهخ هههههههههههههههههههههههه احبك ياخي يحق لك والله يابعدي
ابتمست وسن ونطقت بمزح؛يلا بس عطيتك من وقتي
وقفلت في وجهها
ضحكت ريناد بأندهاش؛شُف الكلبة
ابتسم سلطان؛اشفيها؟؟
ابتسمت وسن تخزه؛يهمك وغمزت
سلطان ضحك علينا وهو رافع حواجبه؛افكار كبيره ياريناد قومك المسلسلات اللي تتابعينه
ريناد؛يالي ذا الشياب اوف استقعد! قاطعها اتصال من وسن ثم دقت عليها وسن؛بنت اريج وسُعاد و شادن وشيِهانة وامجاد بيروحون معانا
ريناد؛تمام
ابتسمت تركب وسلمت بهدوء؛السلام عليكم كيفك ياسلطان 
ابتسم يرفع عيونه لها وميزها من بينهم كلهم <وهي مُحجبه فقط لكن كانت رافعه الحجاب عليها وانكشف ووضح نِصف وجهها ونطق بابتسامه عذبة؛
وأني لأنظر في الوجودِ بأسره
لأٓرى الوجوه فلا ارى الاكِّ
-
قالو ويخُلق اربعين مُشابها
من اربعييينك لا أرُيد سِواك
-
هي البدر حسناً والنّـساء كواكب!
وشتان مابين الكواكب والبدرِ
-
لقد فضلت حسناً على النّاس
مثلما على الف شهر فُضلت ليلة القدرِ
—
ناظرت فيه وسن باستغراب تسمعه يتمتم بس ماتدري بوش يتكلم وكانت هي فقط تسمعه لانها بضبط بالمرتبة اللي وراه تجاهلت ونطقت؛اسمع سلطان
سلطان ابتسم؛امري
وسن؛وقف عند اي بقاله قريبه من هنا
سلطان رفع حواجبة بصدمه ونطق؛بتنزلين بذا الشكل!
ناظرت وسن في شكلها باستغراب؛وش!
سلطان استغفر وهو عارف انو بنسبه لها شي عادي وطبيعي؛وش تبين بجيب لك!
وسن بانزعاج منه؛شفيك بسم الله بنزل اجيب كم غرض وبرجع
ابتسم يوقف السياره وياخذ شبشب كان حاطها في سيارته~يكرم القارئ فتح لها الباب وانحنى ينزل يحط لها الشبب،وسن بصدمه؛وش!!لايكون قصدك البسها
سلطان بتصنع للغضب؛ايه ولا ماتعرفين انه حرام عليك لبس الكعب ويسمعك اي ذكر مايحل لك!
وسن بينها وبين نفسها؛ياليل ذا النشيه يع يع كريه شدخله فيني قاطعها هواش شِيهانه؛يلا وسنوو البسيها وخلصينا الساعه٨،شدت على مقبض باب السياره وهي تستغفر ولبستها ونزلت؛ابعد،ابتعد سلطان عارف ان ودها تصفقه بس ماتبي تتهاوش معاه لأجل اديم اللي زواجها اليوم~لفت نظرها له وهو يلحقها بكل الارجاء خُف عليها اوف وش يبي ذا!ولفت انظارها امام المُحاسب لأجل تحاسب لكن قاطعها من تقدم وغطاء عنها بعرضه ومد سرافتة وحاسب شهقت وسن؛حاسبت!!
سلطان؛يلا اركبي السياره تاخرنا ثمانيه ونص
غضّت شفتها السُفلية؛بردها لك والله! ابتسم يمد يده نحو السياره بمعنى اركبي،وركبت
-
وصلو وابتسم ويسمعون الطقاقه بصوت عالي تُعلن بداء الزواج~
مبروك مبروك يانايف افرح وتـهـنى
مبروك مبروك جبنالك اديم غزال مـحنى
عروستنا اديم طلت وهي نور بدرٍ تجلـى
يالله عسى السعادة والفرح بدربها تمنـى
قامو المعازيم يزغرطون ويرقصون
فاطمه جلست بتعب؛اهخخ الله ياخذ البزارين
شِيهانة كان معها خيزرانه وتصارخ؛مننناك انت وياه وجع يوجعكم،ثم جلست شِيهانه بقرب فاطمة؛وجع صدق الاُمهات غثيثين اش ذا قُلنا ممنوع اصطحاب الاطفال وجايبين كل هالبزارين اجل لو ماقلون وش بيكونون!!
فاطمه؛وربي يقهرون مرره كثير البزارين ويحسون ويصايحون طول الوقت
شِيهانة؛اهخ الله حسيبهم ضهري يوجعني
ضحكت فاطمه؛اهخ عشقي انتي!تضربينهم بالخيزرانه وربي يضحك المنظر وبعضهم خايف منك وبعض متجاهلك
ضحكت شِيهانه بألم من ظهرها؛بجلس ادعي عليهم هم ومبزارينهم
جات شادن تركض؛ووي!بنات شايفين البزوره من كل مكان مُجودين
ضحكت فاطمه؛تو كننا نسولف عنهم وشِيهانة حبيبتي ظهرها يوجعها
ضحكت شادن؛اهخ معليش ياشوشو ازا ضحكت عليكي بس مراا شكلك يضحِك وانتي تضربيهم
شِيهانه؛حسيبي الله عليكم وعليهم
ثم اجتمعو اكثرية البنات يسولفون ويضحكون على شِيهانه،و شِيهانه مره تضحك معاهم وتمسك ظهرها تتحسب عليهم كيف يطقطقون عليها،
—
الكل متجمهرين حول نايف ويرقصون بتناغم كبير بينهم كانه شخص واحد وريحه العوده واصله لكل مكان هم فيه وضرب السيوف والتراحيب بالضيوف ودلال القهوه اللي ماوقفت توزيع من القهوجيين وبعض الشباب بدات تساعد القهوجيين من كثر حضور الضيوف وماينسمع صوتهم الا لما يرفعونه
ابتسم ساري يبوس راس نايف؛الف مبروك ياخوي وضخري منك المال ومنها العيال
جاهم شادن يضحك؛اهخخ يعايل تعبت اخفظ خالد ايها جاب العيد ويقول منها المال ومنك العيال وماستوعب الا لما سحبته اهاوشهه
ضحك نايف واكتفى يناظر فيهم ونطق ساري؛والله من الفهاوه ياخوك اعرف انطقها يالخكري لاحد يسمعك بينصدم تقدم خالد يتلصق في ساري وينطق؛خلاص يابابا طفشت من ذي الزحمه،فتح عيونه ساري باندهاش حسبي عليك انا توني مادخلت23 عشان اصير ابوك مسك خالد بطنه يضحك بشده ويقول لكل واحد من العيال ويضحكون عليه من ردت فعل ساري واندهاشه
-
نطقت ساره بدموع؛بسم الله عليك يابنتي الله لايضرك ويبعد عيون الحسّاد اهخخ لو امي هنا كيف بتكون ردة فعلها وفرحتها لك اهخ الله يرحمها بكت اديم من طاري اُمه ثم فجاه دخلو البنات يغيرون جوها ويضحكونها ويشرحون لها وش صاير وكيف الكل متحمس لطلتها وحضورها وضحكت من حكو لها كيف شِيهانه ظهرها يوجعهم وهاوشتهم؛ههههههههههه الله يقطع بليسكم كفايه بطني يوجعني من الضحك ولفت لـ شِيهانه تتأسف لها بدال مِينهم
وغمزت شِيهانه؛اذا ضحكتي وغيرت جوك بسبب ظهري تفداك صاحبه الظهر كُلها
دمعت عيون اديم بحُب لهم ولحنانهم؛اووف بنات كفايه كذا تبكوني
شادن؛ايوا بنات انطمو البنت حتموت من الضحك وبدو يهفون وجهها باصحن بلاستيك وكلهم حولها على شكل دائرة وما فاد معاهم بل صارت تضحك اكثر من اشكالهم،بدت الزفه وصارو يسمعون صراخ الرجال بانها بتبداء الزفه ومع طلُوع اديم صدمتهم من اختارت هي بنفسها خصيصًا ذي الاغنيه وبدون علم احد؛
يمة اليوم ليتك حضرتي
وتشوف عينك فرحتي في عيوني
يمة هقيت إن الفرح راح خدي
واليوم كل الناس فيك اذكروني
يمة الفرح باهت وروحك بتحيي
اتخيلك جنبي وتزهر غصوني
ياليت كل العمر ترجع أماني
أضمك بروحي وتبرا حزوني
اقشعر جسم جميع الحاضرين من سمعو الزفه،ابتسم بهذوء يركض لها  والجميع مستغرب هدوءها وضمها بكل حنان وحُب وارتخت فيه ونطق بكل حُب؛
يابخت قلبي يوم جيت وسكنته
ويابخت عيني دامك انت نظرها
نزلت دمعتها من الشعور اللي اجتاحه
وكان بكي وشهقات وصياح البنات كافي بانه ياثر على الجميع وطاحت دموع اخوانها وابوهم اللي كان اسوء منهم شعورًا
-
قبل ساعات سحب الكل على الجادل والسحبه ذي كان مُخطط لها من جِيهه الهنوف وحصة
الجادل؛يُمه!!الساعه9وينكم سحبتو علي؟؟!حرام عليكم مع مين اروح معاه الحين؟؟
حصه؛ييوه حسبتك رحتي اسف والله يابنيتي وحتى نايف مشغول مين تبي يجييك
الجادل؛اوف ياخي وش ذي الورطه يعني ماراح احضر الزواج
غمزت الهنوف لحصة وخذت الجوال؛الوه
ردت الجادل؛هلا عمتي
الهنوف؛شدعوه يابنتي الحين اخليك واحد من العيال يجي ياخذ
الجادل بفرحه؛ايه ياعمتي تكفين لا يتاخر مره ابي اروح لاديمي
ابتسمت ام الهنوف ونطقت لحصه بعد ماقفلت من الجادل؛شفتي كيف ماقلتلك بتضبط الخطه والحمدلله هايف رجع لعقله
ابتسمت حصه؛ياويلتس لو زعلت علي الجادل
سحبتها الهنوف وقامو يرقصون جاهلين كلشي حدث بين الجادل وهايف
فتحت الباب ودخلت ونزلت انظارها لتحت؛السلام عليكم
ماشال عيونه منها من اول ماكنت تمشي لاجل تركب وتكى يتاملها
انتضرت مايُقارب عشر دقائق لاهو اللي رد عليها ولاهو اللي شغل السياره وتحرك
فتحت جوالها تبي تتصل على اُمها لكن شافت راسله محتواها"يمه بالجادل ياحبيبتي هايف جاي ياخذتس ويجيبتس القاعة خليتس جاهزه لاتتأخرين على الرجال وانا اُمك"رفعت نظرها بقرف وفتحت الباب لكن كان هو مسكر التحكُم،لفت نظرها له بقرف؛افتح الباب!
ابتسم هايف بحُب؛
مرحبا يادهر قلبي ورجعانه
ابكي بقربك وبعدك مني يسنيبي
يابو عيون بخمر الحُب سكرانة
ياجرح كبدي عليك ويافري جيبي
دامت حياتي وموتي عندك رهانه
اريح الي الموت من قهري وتعذيبي
تنهد يشوف زولها الي يعشقه ويهيم فيه ثم كمل؛والا اركزي فوق حيد القبر ريحانه
واقضي علي ياجميلة ماعملتي بي
الجادل بعصبيه؛وش تهابد فيه انت!!قلت نزلي ياقليل الخاتمه يالي ماتستحي على وجهك تفوه عليك يالوصخ نزلني قلت!!رد ياتين
تنهد هايف؛والتفت لها بكامل جسمه؛كنت مسحور!ماكنت في عقلي وبعدين بييننا طفل اذا مابترجعين عشاني ارجعي عشانه تكفين يالجادل طلبتس لاتخلين..
خذت كعبها ورمت على وجهه وكانت تصرخ بكلمه وحده فقط واللي هي نزلني!
هايف؛بنت اهدي خلينا نتناقش طيب!اما اني انزلك فالا مُستحيل ناظر فيها واستغرب هدوهاء وحس فيه شي ينزل من عند شعره فز وطالع في المرايه وشهق من شاف ضربتها تورمت ورائع ينزف بشكل كبير؛الله يهديتس ماقلت لتس خليني نتفاهم براحه!
الجادل؛وخر وخر وجهك عني عندي فوبيا من الدم فز ولف على جهه الدركسون وثم نطقت الجادل بارتباك؛كبير الجر؟؟عورك!اوجعتك بشي هايف ولد تكلم
ابتسم بالم من خوفها عليه اولاً وثانيًا نطقها لاسمه اللي يحب انها تقوله هايف من مبسمها اللي يعُتبره هايف خمر وشي مُغري بنسبه له؛يفدك هايف وراسه وماهو بس راسه وعقله وقلبه وكله لك
التفت لها؛بسرعه ودني للقاعه وانطم بالع لك راديو انت
ضحك بحُب وهو واحشه هواشه اللي هايف يعتبرها بالهواش هذا تفصح عن حُبها له واكمل الطريقه وهو شوي يسولف لها وترد عليه بانطم وشوي يسولف لها مره اُخرى وماتعطيه وجهه وبالحالتين يكفيه انها جالسه بسيارته وقريبه منه،
-
الجادل؛اهخ الله ينكبكم
فزر البنات؛ليش!!
الجادل بعصبيه؛ليش ماخذتوني معكم!!سحبتو علي وخليتوني اروح مع الزق هايف
شهقت وسن وبدت تغمز؛اااوه حكينا عن اللي صار
لسعتها بضربه وشهقت وسن؛ااوف المتيني يازق
فجاه في نص الحديث تقدمت عجوز ومسكت وسن التفت عليها وسن وابتسمت؛هلا ياخالتي~من باب الاحترام~شفيك تبين اجيب لك شي
ابتسمت العجوز؛لا والله يابنيتي الا بسم الله عليك كامله والكامل الله من يوم حضرت الزواج وانت اناضر فيتس الله لايظرتس يابنتي
وسن بفهاوه؛طيب؟
العجوز؛وودي ازوجك واحدن من احفادي
فزت ريناد ونطقت؛لالا ياعمتي الله يسلمك متزوجه هي
عبست العجوز؛ومنهو سعيد الحظ؟
ابتمست بانتصار ريناد؛سلطان بن منيف بن عبدالله و...
ابتسمت العجوز؛اييه ماشاء الله تبارك الله الله يهنيهم فبعض الله يهني سعيد بـ سعيِدة
ابتسمت بتسليك؛ايه خالي هو
العجوزه؛ماشاء الله ماشاءالله بنت ساره!!كبرتي بسم الله عليتس
ريناد وهي تسحب وسن وتبتسم للعجوز وجلست براحه؛خير ياتين من متى وانا متزوجه الزق خالك
ابتسمت؛من اليوم وانتي زوجته
شادن؛الله مرااا مرااا تُنِاسق حتى فيلهم في اساميهم حرف السين يااي متى الخُطه والزوج من دحين متمحسه
وسن؛هيه وش وش زواج وخرابيط شذا الكلام يابنات!!
ضحكت فاطمه؛انا عاد ابيك تاخذين سلطان ولا تاخذين الزفت ساري
لفت ريناد؛يالله للحين حاقده عليه!نفسك اختك يالاثنين ماتنسون
فاطمه؛ايه طبعًا احقد وليش ماحقد،ثم شهقت ماعلمتكمم!!
الكل بحماس؛وشو
فاطمه؛تخيلو كنت برا انتظر ريناد عشان الفطور اللي كان عندنا وقحاه بدت تمظر ورحت ابي ادخل وصفقـ...وابي قالي اغسله مع انو ساري كان يقول لالا ياعم مايحتاج
اريج؛الله!!!كيدراما على ارض الواقع
وسن؛يييايي شايفه كيف؟؟ممرا كيوت
سُعاد؛لالا انا اقول كانهم ابطال الروايات ذيك واختلفو  في الآراء وفاطمه الملقوفه كانت تختار معاهم🤣
الجادل؛تعالو اقولك وش صار بيني وبين هايف
امجاد؛اااهخ عصافير الحُب بالحلال انتي وياه
الجادل بنصف نظره؛عاد هايف العن واكثر شخص كارهته،تخيلو دقيت على امي وانا منصدمه كلكم سحبتو علي ثم فزعت عمتي الهنوف وبعدها دخلت السياره و........وذا اللي صار وانا متيقنه ومتأكده انهم الثلاثه هذولي مخططين لكل شي والعقل المُدبر بس ودي اعرف انتو ليش سحبتو ياوصخين!
اريج؛اح لو تعرفين وش قالت لنا اُمك
الجادل؛وش
اريج بضحكه؛كنا نناديك وجيت انا وسالتها عنك وقالت لي ~وبدت اريج تقلد نبره حصه؛البنت مع رجلها وهو اللي بيوديها لاتدورون لها وروحو
اريج؛اما عاد تصالحو؟
حصه بنظره؛وش عليتس منهم انتي استحي على وجهتتس
فظست تضحك الجادل على تقليد اريج لاُمها والباقين ماقصرو في الضحك والطقطقه؛والله ذا الصدق وخفت وهجيت للسياره لان خالتي الصراحه كانت تخوف وقتها
الجادل؛اهخ ياحبي لتس ههههههههههههههههه واضح انصدمتي اول مره تعاملك بذا الاسلوب
اريج؛ممراا عشان كذا خفت وهجيت
ابتسمت نسرين بخُبث ترسل الفديو اللي كانت الجادل تتمايل فيه لهايف ~ماعرف اذا تذكرون بس في وحده من البارتات صورتها نسرين~ثم قفلت جوالها تكمل سواليف مع الباقي
-
ابتسم بحُب ياخذها للفُندق مابقى احد ماوصاه عليها ويضحك من يتذكر سلطان وساري كيف يهددونه لو بس يكسر بخاطرها بيقطعونه،ابتسم يمسك يدها ويبوسها وبداء يشغل اغاني وابتسم من شغل ذي الاغنيه وشد على يدها ورفعها يبوسها؛
الله يحبنَي وجاب الحظ لعنّدي جابك
ياروحيي هدِيه بأصعب ااوقاتي❤️
رسميًا صارت اديم بنت منيف بن عبدالله حلال وحرم نايف بن نمر بن عبدالله،
نايف؛ودك نتابع شي؟
اديم؛يلا شرايك نتابع فلم ******؟؟
نايف؛لالا انا من اشهُور اخطط اننا نتابع فلم سوا،خلي حقك بعدين
اديم؛يمكن اعرفه؟؟
نايف؛******* تعرفينه؟
اديم؛لا بس كم مره سمعت عنه
نايف؛يلا نتابعه؟
اديم؛يلا تمام بس خلنا نطلب وانا بنزل فستاني الحين وبعدها نرجع نتابع يلا؟
نايف؛يلاا بس اذا احتجتي مُسعادة ناديني ولا تستحين
همست اديم؛تونا عارفين بعض يالغالي كيف ماستحي ههههههههههه مع الايام بتعرف شخصيتي وبنتعود على بعض معليك
نايف التفت؛كلمتيني؟
اديم بوهقه؛اسمع
نايف بحُب؛عيوني
اديم؛تعال فُك السحاب حق الفستان 
ابتسم نايف؛جايك الحين ابشري،ابتسمت له اديم ثُم دخلت دوره المياه~يكرم القارئ~ونزلت الفستان ومسحت الميكب وسوت سكنكير ناعم عالسريع وبدات تحط ميكب خفيف، مِسكرا وبلشر وشوي هايلايت واتممتها بروج احمر وبيجامة بيضاء حرير وابتسمت؛ااه ياحلوي بسس،ابتسم يقرب يبوس خدها وهو جهز المفرش لهم لأجل الفلم اللي مخططين يتابعونه
•وانتهت ليلتهم بسعادة وهنا وراحة💘•
-
ابتسم ابو سلطان وعيونه تقُطر دمُع فرح واشتياق لحرمته اللي راحت ومن بعدها راحت السعاده والفرحه والبهجهه بنسبه لمنيف يتخيلها لو كانت حيه!ومعاهم الحين كيف بتكون فرحتها وسعادتها لاديم بنتها وهي غيابها اثر فيه بشكل كبير والكل ملاحظ كان انسان شديد دايم ومايعطي احد وجهه وفقط همه اهله وناسه واحبابه ومع ذالك يقسى عليهم بس بعد موتها تغيير مئه وثمنين درجه وهذا كلام الكل واما عن عياله يحاولون قد مايقدرون يغيرون جوه وهو حالف عليهم مايفكرون فيه ويعيشون حياته وعادي متقبل فكره رحيلهم الي بيتزوج واللي بيتوظف واشغال وهم موجودين حاليًا عشان الاجازة وبيغادرون قريبًا
-
ابتسم يشكرها؛الحمدلله انك موجوده لو انك منتي موجوده كاني ابداً ماقربت منها ولاجيت حولها
ضحكت؛اخلص اخلص عاد ابوي لو يعرف بيذبحني ويذبحك معي،عاد هو يحب الجادل اكثر مني ومنك هههههههههههههههه
غمز هايف؛تلومينه؟؟
نسرين؛اااوف كفايه يالخفيف خلك رزين
حط يده على عيونه بمعنى من عيوني،كانت تمشي ومستعجله خايفه اُمها تنكُبها وتخليها تروح مع هايف وهي بل يالله استحملته يوديها للقاعة رفعت فستانها لاجل تجيب عبايتها وهي شبه تركض،مسكها وناظر فيه؛بسم الله شفيك ياروحي شذا الاستعجال؟؟
الجادل رفعت عيونها بغضب؛غُض بصرك يامُقرف ماحل لك!
ابتسم هايف واخذ كرسي وتكى يتأملها؛بسم الله عليك الله لايظرك ياحلوتي قريتي على نفسك؟؟
الجادل؛فكني لاتمسكني
هايف بهم؛ليش كلذا الاستعجال؟؟
الجادل؛يامريض الله يمرضك في نفسك فكني وروح لزوجتك
هايف؛والله العظيم اني قدام حرمتي وحلوتي واُم نِمر!
عضّت شِفتها السُفلية؛وش تبي مني انت الحين؟؟ياخي خلني بحالي
هايف يستغبي؛طيب منهي زوجتي!انا ماعرف الا حلوتي الجادل!
الجادل؛انزح وراك!
هايف؛يوهه ياذي الهجة وحشتني ووحشني صاحبها
الجادل؛ابعد ابعد ابي اروح مع اُمي قبل تسحب علي
هايف بكذب؛احح عمتي عمتي قدها رايحه!
الجادل؛يييوه مني اقولك من قبل شوي انقلع ماتفهم
هايف؛البسي عبايتس وتعالي نطلع يمكنها للحين ماراحت،فزت الجادل تدفه وتبعده عن طريقها وطيران لبست عبايتها وطلعت تدور امها تنفست بِراحة تشوفها في السياره مع عمتها الهنوف وركض راحتلهم ثم اول ماركبت السياره توها تستوعب انهم رايحين مع هايف؛اااوف!!يمه وش تبين تروحي معه؟؟!
حصه؛اقول اركبي بسرعه مانبي ناخر رجلتس
الجادل بقهر وهي تشوفه يغمز له ويضحك ضحكت المُنتصر قفلت باب السياره باقوى ماعندها ونطقت؛الله لايوفقني ان كان رحتي معه،وفزت تسمع صوت وسن؛جوجو وينك من ساعه ادورلك تعالي اراح مع سلطان ثم انتبهت وسن لهم وسلمت عليهم ثم سلمت على هايف وسحبت الجادل معاها،ضرب الدركسون بغضب ثم دق على سلطان؛الوو
سلطان؛هلا هلا مرحبا والله بابو نمر،عضّت شفتها السُفلية لايجي هايف الحين وينشب الا ياخذها وهي ماتبي تروح
ابتسم سلطان يناظر في الجادل اللي كانت تناظر فيه؛اايه اُم نِمر شُفها معانا...
هايف؛نزلها ابيها تروح معي
سلطان؛المعذره والله والسموحه يالغالي ماهيب رايحتن معك خلها مع ريناد والبنات ثم قفل في وجهه بدون مايسمع رد هايف، والتفت على الجادل؛اُم نِمر
الجادل؛وش!
ابتسم سلطان؛قفلت في وجهه عشانك وماضنتي بسلم منه لا انا ولا انتي
الجادل بتوتر؛وش بتنزلني!
سلطان؛لا اخسي،بس اقولك تناقشي معه وحلو الموضوع اللي بينكم بِنزاهه وراحه بال وان شاء الله تنحل
ابتمست الجادل؛اييه تسلم ماقصرت
سلطان اكتفى بانه يبتسم فقط وتذكر قبل دقائق
وسن؛اسمع سلطان
سلطان فز قلبه من نادته؛امري
وسن باحراج؛اسمع نبي ناخذ الجادل معانا واذا نشب هايف لها لاتعطيه وجهه وانا متأكده لو راحت معانا بيقولك تنزلها بس انتي لاتنزلها وقفل على وجهه
ابتسم سلطان؛على خشمي،بس وينها هي؟؟جيبيها عشان نروح قبله وناخذها
ابتمست وسن؛شكررا مرا بروح ادورها ونجيك
،رفع نظره لها وهو وهايف اعز اثنين لبعضهم لكن عشانها عطى هايف سيفون وسحب عليه،رفعت عيونها له وادركت انها فقط مُتجبه ماهي لابسه النقاب عشان تأخذ راحتها وتناظر فيه•بديت تحب 😉• توترت منه ورفعت عيونها لاجل يستحي ويشيلها لكن هو بالعكس استانس يوم رفعت عيونها له..
-
الجُوهرة؛ميثاء حبيبي؟منجدك انتي خلاص تبين تتزوجين!!
ميثاء بهم واخذت نفس ونطقت؛مو بيدي! ياهل انتي مين يبي مسلط اخوك معليش ياجوهرتي بس هو ليش من الاساس يوافق!وهو عارف بكل شي فيني وانها ماهي بكيفي ومع ذالك وافق علي؟؟!
الجُوهرةاهههخ ليتك تعرفين انه يحب وحده غيرك وكان يبيها؛امي غاصبتة
ميثاء؛ياهل هو ماعنده رايي
الجُوهرة؛طيب هو نفسك مغصوب
ميثاء؛اعرف بس امي وامك بيسمعون له
الجُوهره؛معرف معرف لاتدخلوني فيكم
ميثاء؛نكلم يدتي؟
الجُوهرة؛مين؟؟يدتي عبير؟
ميثاء؛اااايه
الجُوهره؛هههههههههههههههه عشقي يدتي عبير بس هي من السعوديه جنوبية!
ميثاء؛عادي انا اصلاً ماعرف للامارات كثير اميل للسعودية عشاني دايم فيها،وخوالي سعوديين يعني بيضبطوننا
ابتسمت الجُوهرة؛ايوا فجِدة الحُب
ميثاء؛صحح
الجُوهرة بغمزه؛سبحان الله نفس اخوي يحب السعوديه اكثر
ميثاء؛ويع مسلط!اكرهه
ضحكت الجُوهرة؛انتي وهو اكثر اثنين من المُراهقة معتدمين على انفُسكم وعلى طول توضفتو ورحتو السعوديه سوا ثم رجعتي للامارات وهو للحين بالرياض
ضحكت ميثاء؛شايفه كيف؟بديت احس اننا مكتوبين لبعض•كانت كلمه ميثاء طقطقه لكن للأسف سمعها مسلط ودخلت الفكره براسهه•
-
السلام عليكم ياحبانييي كيفكم💓💘؟؟والله واحشيني اعتذر عن البارت هذا قصير كان ودي اطوله مممره بس اشوفكم عندي في الانستا وتيك واتباد تعلقون اني اكمل وقررت اكمل،رايكم،النجمه ياحباني تراها تشدني لكم وتخيلي انزل⭐️💗.