🛑شروط البارت القادم🛑:
20 تصويت
20 تعليق
مافي شروط = مافي بارت🙇🏻♀️🤎
🛑🛑🛑
------
سُبحان الله والحمد لله ولا إله إلا الله والله أكبر ولا حول ولا قوة إلا بالله
✿لا تشغلك القراءة عن الصلاة وذكر الله✿
----
نبدأ:
**غسان**
اليوم يوم مميز صدقق ، اول شي علي بيطلع من المستشفى ويرجع طبيعي، بس يعني بيجلس الشاش على خشمه لين يتعافى تماما، وعشان كذا بنسوي حفلة استقبال صغييييره، وبرضو الشي الثاني اللي هو ان البراء مجهز مفاجأة لنا كلنا، مادري وش هي بس تتعلق بنوادي الطلاب وكذا
المهم حاليا تونا راجعين من صلاة العصر، ليال جالسه تهاوش بسام لأنه ما يعرف ينظف، لما دخلنا نشوف حسيت ان تنظيفه زييين، بس صدق وين المشكله؟
<الشي اللي يضحكني انها بنت، اكيد البنات بيصيرون دقيقين بهالأشياء اكثر منا>
والحين هي تمشي وراه وتعطيه ملاحظات تنظيف، اما ريان ومشاري جالسين يجهزون اغراض الحفله البسيطه هذي ، البراء رايح يشتري مفرحات من البقاله، وسيف رايح المستشفى يرجع عامر وعلي
انا جالس اتفرج طبعا، وانتظر احد يهاوشني عشان اقوم
-هيه غسان وين مشروب الشيا ذاك؟ ابي اشربه
ناظرت باستغراب لمشاري وعاد كلامه وانا مازلت مستغرب: انت بتشربه؟ بنفسك؟ غريبه مو انت ما تحبه؟
-عالأقلل عشان اذا جاء عامر اقوله شربته
-اهاه طيب، هو في شقتنا بالثلاجه، امسك البطاقه
عطيته بطاقتي ومشى لبرا، تأملت الشباب بملل ورحت لليال وبسام: ياسر ما تحس انك زودتها؟ والله الشقه تلق لق ما يحتاج كل ذا
ناظرتني بحواجب معقوده وهي تأشر عالارض: يعني ذا وشو؟ البُقعة هذي كبر راسي وبسام ما انتبه لها!
أنت تقرأ
فتاة.. ولكن؟
Mystery / Thrillerفتاة بمنتصف عامها السادس عشر؛ تتورط بمهمة خطيره لانقاذ الآلاف من الأشخاص، والاخذ بثأر عائلتها.. تخلت عن طفولتها وانوثتها من عمر مبكر، صارت "ياسر" بعد ان كانت "ليال"، تخوض قرارات مصيرية وتضحيات كبيره ومسؤوليات عديده.. ما مهمتها؟ هل ستنجح بها؟ كيف كان...
