جبروت احــفاد الـنصار

الـجبروت الاول 🦅

الـجَبروت

" لــيڤار الغُبيدي "

" لا تنسون التصويت والتعليق بين الفقرات "

~~~~~~~~~~~~~~~~~~~~~

" عشت مَتعوب تَعب موش بگَد مواليدي "

~~~~~~~~~~~~~

" أستعد الان لنغوص في القراءه "

::- عَـمة كملت شغلي كلوا هساع صاعده تا انظف الحجره محتاجه شي ؟!

::ـ أُمي أنتِ لا يعيوني أخذي راحـتج .

اردفت بصوت:- سالمه عيونـج ، رحت اصعد ع حجرتي فتحت الباب عُمر آه يا عُمر مهوس الحجره هساع تعال ونظفها رحت ع الملابس جمعتهن وخليتهن بالغساله ورجعت ع الفراشات شلتهن وغسلت الغرفه شغلت " سوره يـٓس " كملت ورحت ع القنصور طلعت الي دشداشه لون سمائي ودخلت للحمام سبحت وكملت مشطت شعري وگفت مقابل المرايا ودحگت ع شكلي جبت الكحل وجريت عيوني سحبتهن بالأساس عيوني هنه مسحوبات وكبار خليت مرطب لايدي ورشيت عطر انطي بوسه لنفسي ورحت ع الموبايل ،،

::ـ عُمر شوكت تجي ؟!

::ـ شـكو شصاير يُــــبا !!

::ـ هـيج مصاير شي

::ـ أن شاء الله ما اتاخر ، يلا بويه استودعتج الله اجوني ناس .

::ـ دير بالك ع نفسك

::ـ صار

::ـ سديت الخط منو وبقيت أتصفح شويه وتمددت ع السرير بقيت صافنه بالسقف نزلت دموعي لا أرآدياً مني گُمت وگفت گبال القنصور الخزانه الي محتويه ع ذكرياتي فتحتها وسحبت " المُفكره السوداء التي جمعتُ بيها كُل ما حَل بي في عثرات الماضي " ، كُل شخص من عدنا كان الوا دفتر خاص بيَّ كُل شخص بينا ورا قصه تختلف عن الثاني ،،

" الـذهاب لــعثرات الـماضي "

::ـ أصــفهااان ويـنج وَ ويـن .. ج بَـنت الـ***

- أصــفهان : كـنت جاي انـظف الـصاله الي بكـل مره انضرب وينضربون كُل اخواني اذا دخلوا الها أو فكروا يگربون صوبها الصاله الي تجمع بي كل قذاره الي يتسمى والدي أنـظف وابجي ع حالــنه واشكي لربـي يمته نخلص ونرتاح توني طلعت وهجست صوت بابا يناديني سميت بسم الله وطلعت ...

أردفت بصوت ::ـ هــا هـ هـاا بـابـ ... بعدني ما مكمله وهجم عليه بالضرب والغلط والفشار انواع واشكال الكلام سمعتوا الي يقشعر الجسم