نبداء روابتنا بيوم الجمعه يوم جمعه العائله قامو من الصباح يتجهزون عشان يروحون عند الجده وعد والجد أحمد
عند البطله كانت نايمه وجت عندها أمها تصحيها
روز:جوليا يلا قومي بنروح عند جدتك
جوليا:تمتم بكلمات مو مفهومه
روز: ججوووللياااا قومي بسرعه ولا والله ل اروح واخليك
جوليا: ها وش فيه
روز : قومي تجهزي وجهزي أغراضك بنروح عند أمي
جوليا : نطت بسرعه وهي تضحك وفرحانه إنها بتروح عند جدتها وطلعت شنطتها وحطت فيها لبس ناعم و بجامه وأغراضها وجلست ترتبتها
روز: لما تخلصي روحي صحي اخوانك وطلعي لهم ثيابهم عشان صلاه الجمعه
جوليا: من عيوني
روز : تسلمي يا قلبي يالله أنا بروح اجهز ثوب أبوك وأغراضه عشان صلاه الجمعه
جوليا: تمام
وجلست ترتب أغراضها بعدين رتبت غرفتها وراحت الحمام(يكرم القارئ) واخذت شور وطلعت سوت سكن كير لبشرتها ولبست بجامه وخلت المنشفه على شعرها وراحت تصحي اخوانها
جوليا :ناصر ناصر قوم يالله
ناصر : ايش فيه خليني انام
جوليا: قوم تجهز بنروح عند جدتي وترا اليوم جمعه يالا مافي وقت
قام ناصر وراح يأخذ شور وراحت جوليا غرفه نايف تصحيه
جوليا: نايف وضربت بخفه على كتفه عشان يصحى
نايف: ايش تبغين
جوليا: قوم تجهز ترا الساعه صارت 8 بنروح عند جدتي
نايف: طيب تمام
راحت جوليا غرفتها وجلست تنشف شعرها وتستشوره وسوت شعرها ويفي وحطت ميكب خفيف ولبست فستان بيبي بلو ناعم وراحت تطلع ثوب ناصر وعطته ونفس الشي مع نايف لبسو وراحو عند امهم
ناصر: صباح الخير يمه
روز : صباح النور
نايف:جاهزين عشان نطلع تأخرنا والله
روز: أنا جاهزه بس مدري جوجو جاهزه ولا باقي
ناصر: بروح أشوفها
راح ناصر غرفه جوليا ودق الباب
جوليا:ادخل
ناصر: جهزتي؟
لفت جوليا على ناصر: ايه جاهزه
ناصر: ايش ذا الجمال يا حظي وأنا اختي جوجو
استحت جوليا وراحت حضنت ناصر وقالت ويا حظي وأنا عندي أخ زي نصوري
ناصر: يا قلبي انتي يلا البسي عبايتك والحقيني
جوليا: اوكي
راح ناصر عند أمه
ناصر: جوجو جاهزه يلا بروح احمي السياره على م تجون
نايف : بنروح على سيارتي
ناصر: تمام روح شغلها واحنا الحين نلحقك
نايف: تمام
روز: أنا بروح البس عباتي
ناصر : تمام
راحت روز تلبس عبايتها وراح ناصر السياره وبعد دقيقتين طلعو روز و جوليا وركبو السياره وتوجهو لبيت الجده
اما عند بطلنا فكان نايم ودخلت عنده دانه وقومته وقالت له بسرعه تأخرنا قام وراح أخذ شور وطلع لبس ثوبه وأخذ أمه وخواته وابوه وتوجهو عند الجده
في بيت الجده كانت الخاله غاده والخاله نوره يجهزون القهوه والشاهي لأنه اساسا هم ساكنين مع بعض مو بيت واحد لاكن بيوتهم في حوش واحد
الخاله غاده: خلصنا يلا نروح نتجهز قبل يجون
الخاله نوره تمام
طلعو وكل وحده راحت بيتها لبسو وحطو ميكب خفيف ورجعو عند الجده
واخيراً وصلو
ديما و دينا وشوق و دانه و وجوليا وخلود وفرح على طول راحو عند الجده يسلمون عليها
جوليا :تتتيييتتههههه
الجده: ههههههه هلا والله ب جوجو
دينا: افا يا جده تقولي لها هلا والله وتدلعيها وأنا لا ومثلت الزعل
الجده: تعالو كلكم حبايبي وقامت تحضنهم
ديما:كيفك يا جده
الجده: الحمدلله بخير دامكم بخير
شوق: دوم يارب
جوليا : إلا وين خالاتي
الجده: الحين بيجون
دخلو الخاله غاده والخاله نوره
الجده هذول هم جو
جوليا راحت تركض لهم وتضحك:خخخااالللتتووووو
نوره وغاده :ههههههههه تعالي تعالي
راحت جوليا حضنتهم وسلمت عليهم بعدين جت روز سلمت عليهم وراحت تسلم على الجده والبنات
جوليا :بنات يلا نروح نسلم على جدي وخوالي
البنات مع بعض:يلا
توجهو ل المجلس الكبير وطبعا جوليا تركض عشان توصل اول وحده وهي تركض صدمت في ضهر واحد وانخرشت
فهد: ايش فيك تركضين كذا
جوليا : مالك دخل و وخر يلا
فهد : استغفر الله ادخلي ادخلي
جوليا دفته من كتفه ودخلت المجلس والبنات وراها يضحكون
جوليا : جددوو
الجد: هلا والله تعالي تعالي
راحت حضنته وسلمت عليه وراحت سلمت على باقي خوالها و وصلت ل خالها بدر
بدر: هلا والله ب جوجو وش ذا الزين
جوليا : حبيبي خالو وحضنته وجلست جنبه
بدر : بنروح نصلي وارجع ابغى شاهي من تحت يدينك
جوليا:ههههههه ابشر من عيوني كم بدور عندي
بدر: بدور!!
جوليا: ههه اايي
بدر: احترمي الشنب طيب
جوليا:ههههههه طيب طيب
البنات سلمو وطلعو إلا جوليا جلست عند خوالها
دخل فهد المجلس وشافها وانعجب بشكلها كيف تسولف وتضحك مع عمه وشكلها يجننن جلس يتأملها بعدين استوعب نفسه
فهد: يلا نروح نصلي
الكل يلا
قامو وقامت جوليا معهم عشان تروح عند البنات
فهد: وش بتروحين تصلين معنا
جوليا : اي بروح اصلي معكم عندك مانع؟
فهد : اقول روحي عند البنات ولا يكثر
جوليا: خال مالك امسك ولدك ل اتوطى في بطنه
مالك:ههههههههه يا فهد خلها اشبك عليها مشخصنها معها
فهد: تتوطي بطن مين؟؟
جوليا:بطنك
فهد: تهايط بعدين تهرب ورا ضهر عمي بدر
الجد: فهد إلا جوجو اقلب وجهك عنها وانقلع شغل السياره
جوليا طلعت لسانها عشان تقهر فهد وطلعت وراحت عند البنات
فهد وهو يمثل الحزن: افا يا جدي أنا انقلع
الجد:هههههه امزح معك
فهد حضن جده : مو كل مره توقف معها تراني حفيدك بعد
الجد: بس ذي دلوعتي
فهد: اااخخ طيب بنقلع صدق اشغل السياره الصلاه بتروح علينا الصلاه من ورا ذي النتفه
مالك:ههههههههههههههههههههه
بدر وهو يمثل العصبيه: م اسمح لك تغلط على جوجو
فهد : خلاص آسف أنا النتفه
الكل ضحك عليه وطلعو يصلون
عند الخالات والبنات
غاده:يلا نروح نسوي الغدا عشان يرجعو وهو جاهز
الكل يلا
دخلو الخالات فاطمه و روز و نوره و غاده وأحلام المطبخ وبدو يجهزون الغدا
البنات كأنو جالسين على شكل دائره ويسولفون قامو جولياوخلود
ديما: على وين؟
خلود:بنروح نساعد خالاتي تجون ؟
البنات يلا
راحو المطبخ
جوليا:مامي
روز: هلا
جوليا: عادي اسوي حلا؟
روز: اي عادي
جوليا:اااحححببكككك
غاده: وش بتسوين
جوليا: كيكه شوكلت
غاده:تمام روحي المطبخ الي في الدور الثاني وسويها هناك
جوليان:تمام بنات تجون معي؟
ديما :والله مافيني حيل وبساعد عماتي
دينا:حتى أنا
شوق: وأنا بعد
دانه: أنا بجي معك
خلود:بساعد ماما
فرح :والله أنا بروح عند جدتي
جوليان :تمام
راحت هي ودانه فوق يسون الكيكه وشغلو اليسا ودانه جالسه على الطاوله وتطقطق بجوالها و جوليان تغني وتتمايل وتسوي الكيكه
بعد نص ساعه
دانه: أنا بنزل طفشت وانتي كمليها والحقي
جواليا وهي تغني هزت رأسها بالاجاب
نزلت دانه تحت وراحت مجلس الحريم وجلست على جوالها
رجعو الرجال من المسجد وراحو المجلس
فهد: ابغى آخذ غفوه على بال م يخلص الغدا
الجد: تمام
طلع فهد للدور الثاني عشان يرتاح سمع صوت أغاني في المطبخ وجاه فضول يشوف
جواليا وهي تحشي الكيكه ب الشوكلت ومعطيه الباب ضهرها وتتمايل مع الاغنيه دخل فهد وانصدم من شكلها وصنم مكانه لفت جوليا بتنزل تجيب صحن من تحت وانصدمت لما شافت فهد يناضرها ومصنم في مكانه
جوليا:وجع وش جابك
فهد وهو منلخم: جيب بآخذ مويه وارجع الغرفه بأخذ غفوه
جوليا م اهتمت ونزلت تأخذ الصحن و فهد راح الغرفه ورما نفسه على السرير وجلس يتذكر شكلها وهي تتمايل وشعرها كيف لين نهايه ضهرها وتنهد وحاول ينسى ونام
جوليا نزلت أخذت الصحن ورجعت فوق وحطت الكيكه في الصحن وحطتها في الثلاجه ونزلت
نوره : ها جوجو خلصتي
جوليان : ايه حطيتها في الثلاجه تبرد وبعد الغداء نحلي فيها
الكل: تمام
جوليا : بنات يلا نجهز السفره عشان نحط الغداء
البنات :تمام
طلعو وجهزو السفره ودخلو المطبخ واخذو الاكل ورتبوه على السفره ونادو الجد والخوال يجون يأكلون
مالك : وين فهد
سيف :طلع يأخذ غفوه
انس: ذا م يشبع من النوم
محمد: الواضح لا ههههه
ضحكو الكل بخفيف
بدر : دانه روحي صحي اخوك خليه يجي يتغدا
دانه: تمام
وطلعت تصحي فهد وبعد دقيقتين نزلت هي وفهد
الجد: سمو بالله وكلو
بدأ الكل ياكل وخلصو ولمو البنات السفره ونضفو المكان وراحت جوليا تسوي ل خالها بدر شاهي مثل م طلبها
و دينا تسوي القهوه والخالات والخوال يسولفون والبنات جالسين مع بعض يسولفون رجعو دينا و جوليا المجلس وحطو القهوه والشاهي على الطاوله وطلعت جوليا تجيب الكيكه
الجد: وين راحت جوجو
روز: تجيب الكيكه الي سوتها
الجد: تمام
رجع جوليا وحطت الكيكه وقطتها و وزعت على الخوال والخالات والجد والجده والبنات والعيال يعني وزعت على الكل
طارق: تسلم يدك طعمها يجنن
جوليا ابتسمت له
الجد: اكيد حلوه وجوجو مسويتها
جوليا: حبيبي يا جدو
خلود : جوجو وش ذا الزين طعها يهبل
شوق :صدق تسلم يدك مره طعمه
دانه: حبيبي جوجو تكفين دايما سوي لنا
فرح : وربي طعمها خخييااللل أهنيك صراحه
جوليا: حياتي انتو وعطتهم بوسه في الهوا
فهد حب يرفع ضغطها ويستفزها
فهد: وش ذي المبالغه طعمها عادي مره ومو حلوه
جوليا: م طلبت رأيك
فهد : ترا الكل يسلك لك طعمها مخيس بس يقولون لك كذا عشان م تزعلين
جوليا: صدق طعمها مو حلو؟
فهد: اي مخيس مره
بدر: جوجو معليك منه والله إنها رهيبه
جوليا والدموع تجمعت في عيونها بسبب فهد مشخصنها معها من وقت وصلو: فهد وش فيك علي وش سويت لك عشان تشخصنها معي كذا؟
فهد: مو شخصنه بس صدق طبخك مخيس لعد تطبخين
قامت جوليا وطلعت من المجلس وراحت غرفه من الغرف وجلست تصيح
مالك: ارتحت الحين لما خليتها تصيح؟
فهد: أما تصيح م قلت شي يخليها تصيح
بدر : من وقت م جيت وأنا مشخصنها معها
دينا: ماله داعي ذي الحركات والله زعلتها
فهد: شدعوه م سويت شي ولا م ينمزح معها ذي
شوق بعصبيه: تدري إنها تصيح على طول ومو كل شي مزح!
فهد: خلاص بطلع أشوفها
شوق بعصبيه: ماله داعي تطلع بتزيدها أنا بطلع أشوفها
فهد:طيب
طلعت شوق عند جوليا وطقت الباب
جوليا:مين؟
شوق: أنا شوق
قامت جوليا وفتحت الباب وجهه كان كله دموع وخشمها و خدودها محمره من كثر الصياح
شوق حضنتها: جوجو معليك منه ذا الحيوان
جوليا وهي تصيح: وربي جرحني من وقت م وصلنا وهو يهاوش فيني بدون سبب
شوق: قلك يمزح معك
جوليا:ذا مو مزح
شوق: معليك منه يلا غسلي وجهك وتعالي تحت
جوليا طيب وراحت غسلت وجهه وعدلت الميكب حقها ونزلو وجلسو جنب بعض
سيف: فهد
فهد:هلا
سيف: اعتذر منها حرام عليك والله كسرت خاطرها
فهد: تمام
وقام وقال جوليا تعالي الصاله
جوليا: لا وش تبغى تكلم هنا
فهد بحده: قلت تعالي
قامت وراحو الصاله
الجد: وش يبغى فيها
سيف: بيعتذر منها
الجد : زين
عند ابطالنا
فهد: جوليا اسف كنت بمزح معك والله ولا الكيكه تجنن وربي
جوليا: بس ذا مو مزح من وقت وصلنا وأنت تهاوش فيني
فهد: ياخي يعجبني استفزك
جوليا تخصرت وقالت: لا يا شيخ
فهد وهم مبتسم: اي والله ههههه
جوليا: دام السالفه كذا معد بعطيك وجهه
فهد: طيب سامحتيني؟
جوليا : اعتذر مره ثانيه وافكر أسامحك ولا
فهد بصدمه : لا والله مذله هي
جوليا وهي تضحك: امزح مع سامحتك بس لا تعيدها ويلا روح جيب لي رضاوه
فهد ضحك وعرف انه قصدها
دخلت جوليا المجلس وراح فهد البقاله وأخذ حلويات ورجع بيت الجد
دخل المجلس واعطاها
جوليا وهي مبتسمه :شكرا
فهد: العفو
الجد: للحين كذا تراضيها هههههه
فهد: شسوي م ترضى إلا كذا هههههههه
وجلسو يسولفون ويضحكون والبنات على جهه لحالهم يسولفون والعيال في جهه يلعبون بلوت والخوال والخالات يسولفون والجد والجده راحو ينامون
بعد مده صارت الساعه 12 اليل
بدر: يلا نوم تاخر الوقت
قامو البنات وراحو غرفه وطلعو بجايمهم ولبسو ومسحو الميكب وسو سكن كير لبشرتهم وفرشو الفرش واخذت كل وحده لحاف وانخمدو والعيال نفس الشي في الغرفه الثانيه وانتهى اليوم بسلام
