قامت روز تجهز أغراضها وأغراض نايف و ناصر عشان يرجعون بيتهم وفاطمه نفس الشي وشوق ودانه راحو يرتبون اغراضهم وأغراض أبوهم وأحلام تجهز أغراضها واغراض عيالها اما بدر ف بيته قريب من الجده م جابو أغراض
عند شوق ودانه
شوق: واضح فهد انغرم ب جوليا ههههههههههه
دانه: اقول لك لو تشوفين نضراته لها شوي ويأكلها
في المجلس
كان سيف و انس يتهاوشون على آخر قطعه معمول
سيف: اااننيسسسس اعطني بموت جوع
انس: وأنت م تشبع أكلت كل اكل البيت هاذي لي
سيف: وربي م تأخذها
ونط عليه وشد شعره وأخذ المعمول وحطها كلها في فمه
انس: وجع ان شاءالله يا كلب
سيف والقمه في فمه: اهم شي اخذتها منك
فجاه غص وقعد يكح
انس: احسن الشي الي مو لك لا تاخذه مره ثانيه
سيف: انخنقت يا كلب عطني مويه
انس: مين عمك؟
سيف: م صار يقدر يتنفس و وجهه حمر
انتبه انس وعرف انه الوضع جد واعطاه وشرب سيف
وبدا يرجع له النفس ونطق: غصبن عنك يا كلب
انس: أحمد ربك وأنا أعطيتك كنت بتودع شوف عيونك كيف كلها دموع
دخلت جوليا: خالو بدر
برد: عيوني سمي
جوليا: فديتهم وش رايك اسوي شاي ونروح عند النياق
فهد: ااااللاعععبببب الدلوعه تبي تروح عند النياق
بدر:تم يلا
جوليا ل فهد : مالك دخل
راحت تسوي الشاي وتغير لبسها
لبست بنطلون اسود و بلوزه رقبه سودا وعبايتها وراحت المجلس
جوليا: يلا جهزت
بدر: تم يلا
جوليا: عادي اطلب طلب؟
بدر: انتي تأمرين امر
حضنت جوليا يده: تكفى خلنا نروح على الشاص
بدر: من عيوني
جو بيطلون و وقفو من صوت فهد: عمي تكفى بروح معكم
جوليا: خالو تكفى لا
بدر : جوجو قالت لا
فهد : تكفى تكفى تهز الرياجيل
جوليا: وش تبي يا النشبه
فهد : أنا نشبه!!!
جوليا: اي
فهد : والله ل اروح عناد فيك
جوليا ناضرت بدر: خالو تكفى لا تخليه يجي بيخرب الجو
بدر: جوجو عشان خاطري خليه لو سوا شي بقطع العقال على ضهره
جوليا: عشان خالو بس
فهد: غصبن عليك
جوليا: ترا بتتصفق
فهد: أتحداك
جوليا جت بتهجم عليه بس انه ركض لبرا وجوليا تركض وراه وأثناء م جوليا تلاحق فهد طاحت وفكها فهد ضحك عليها
فهد:ههههههههههههههه اااححسسسننن تستاهلي
جوليا: انقلع يا كلب
فهد: مسويه فيها قويه هاذي نهايت هياطك هههههههه
صاحت جوليا من الألم وقامت وركبت الشاص وجلست تصيح طلع الخال بدر وشافها تصيح وراح حضنها : جوجو وش فيك
جوليا: كنت اركض ورا فهد وطحت
بدر: تعورتي يا قلبي ؟
جوليا: شوي
بدر: فههههدددد
فهد: سم
بدر: بدال م تساعدها تضحك عليها يا كلب!
فهد: السموحه يا عمي بس هاذي نهايه الهياط ههههه
بدر: والله انك خسيس اركب وانت ساكت يلا
فهد: ابشر
طلعو متوجهين لعند النياق
في الطريق ج فهد تأنيب ضمير: تعورتي مره؟
جوليا: بدري دوبه يشتغل إحساسك!!
فهد: وربي شكلك يضحك شسوي
جوليا: انقلع ل اسمع حسك
فهد: ياليل خلاص أنا آسف
جوليا طبقت معه الصمت العقابي
فهد: بدينا دلع قلت اسف
م ردت جوليا
بدر: بيجيك الحين الصمت العقابي وانت تحمل عاد
فهد: هههههههههه بزره وربي
جوليا: انت البزر
فهد: والله انتي
جوليا: انت
فهد: انتي
بدر: خخخلااااصصص هواش م تطفشون انتم كأنكم توم وجيري
ضحك فهد وضحكت جوليا وبعد مده وصلو
نزلو وتوجهو عند النياق
قامت جوليا تصور النياق وخالها بدر عجبها شكل فهد بين النياق وصورته
فهد: صبر خليني أتعدل وصوري
جوليا توترت: م صورتك
فهد: إلا شفتك
جوليا: لا م صورت
راحت فهد عندها وسحب الجوال: وهاذا وش
توترت جوليا: بالغلط صورت
ضحك فهد على توترها وحب يصير نذل: قولي اني حلو عشان كذا تصوريني عادي ترا
جوليا: واثق من نفسك مره اقلب وجهك بس
فهد: وجهي ذا عاجبك وصورتيه
جوليا : وعع قلت بالغلط وبحذفها شوف ها
فهد: خلاص امزح خليها
جوليا: لا وع وش ابي فيها م ابي جوالي يتلوث
فهد: شتقصدين!!!!
جوليا بدلع: سلامتك
بعدت عنه وراحت جهه لحالها وجلست تتصور
وخلصت وجلست على دبه السياره
بدر : جوجو
جوليا: عيوني
بدر: صبي لي فنجال شاهي
جوليا: ابشر
وهي تصب فجاه جت عندها ناقه وانخرشت جوليا وقامت تركض بعيد عن الناقه والناقه تلحقها وركضت جوليا عند فهد وتخبت ورا ضهره وحضنته من ورا بقوه وتصيح ونطقت: فهد تكفى وخرها تكفى
فهد كان مصنم من حضنها و وخر الناقه عنها
استوعبت جوليا أنها حاضنه فهد: اسفه مو بقصدي
فهد: عادي مو مشكله
وراحت تصب ل بدر و لها شاي: فهد تبغى؟
فهد: اي
صبت لهم وراحت تعطيهم : خالو حبيبي
بدر: وراها بلا
جوليا : تكفى ابي أسوق
بدر : لا
جوليا : تكفى مو تكفى تهز الرياجيل
ضحك فهد لما عرف أنها تقلده
بدر : فهد روح معها انت مالي خلق أنا
فهد : تكفى يا عمي باقي ابغى نفسي ماني بايعها
جوليا: شتقصد؟
فهد: ابد سلامتك
جوليا: طيب سوق انت لأكن بشرط
فهد: شروطك م تخلص انتي
جوليا: مالك شغل ، المهم أبيك تفحط
فهد: لعبتي قدام
بدر: ياويلكم
جوليا: خالو حبيبي لا تخليها في خاطري
بدر: المشكله محد يقدر يرفض لك طلب
جوليا راحت تحضنه: يسلملي خالي العسل
بدر: هههههه
جوليا: ورع يلا
فهد: والله انك انتي الورعه يا بكايه
جوليا: ماني بكايه
فهد: بكايه
بدر : عندكم 10ثواني لو م ترحون بنرجع البيت
ركضو فهد وجوليا للشاص وعلى طول وبدا فهد يطعس وجوليا مبسوطه وتصور
فهد: وش رأيك بس
جوليا بحماس: يجنن تكفى زيد السرعه
فهد: ايه عشان عمي يجلدني
جوليا: فهودي تكفى مارح يسوي لك شي على ضمانتي
فهد: فهودي
جوليا: بالغلط ترا لا تطير بالعجه
فهد: الي يسمعك يقول ميت أبيك تدلعيني
جوليا: تكفى خلنا ننبسط بدون هواش
فهد: طيب
وزاد السرعه وكملو تفحيط
وبعد مده
نزلت جوليا وتركض ل بدر
بدر: ها انبسطتي
جوليا: مممرررهههه شكرا يا أطلق خال
فهد: ترا أنا الي سقت اشكريني أنا
جوليا: تخسي
بدر: طيب يلا نرجع
فهد وجوليا: تمام
رجعو وعلى طول راحو نامو لان الساعه صارت 2 اليل
اليوم الثاني العصر
قامت جوليا بكسل وتحس جسمها كل متكسر
وراحت تأخذ شور وتلبس وخلصت ونزلت المجلس
سيف: وين رحتو امس بدوني
جوليا: رحنا عند النياق
سيف: و وش سويتو هناك
جوليا بحماس: تخيل خالي اعطانا الشاص ورحنا أنا وفهد وجلسنا نفحط وربي كان فله صبر اجيب جوالي وأوريك
سيف: وربي إنكم خونه لا توريني وتقهرني زياده
جوليا: خلاص المره الجايه نأخذك معنا هههههههههه
فهد: لا يغرك حماسها ترا لاحقتها الناقه
سيف : ااخخخ ليتني موجود كان مسكتها طقطقه
جوليا: جدو شوف يضحكون علي
الجد بتمثيل العصبيه: بس انت وياه لا تضحكون على جوجو
فهد: يا جدي ترا واضح انك ماسك الضحكه
ضحك الجد بقوه: تخيلت شكلها وهي تركض والناقه وراها
فهد: وهاذا الي حصل هههههههههه
جوليا: حتى انت يا جدي خلاص زعلت منك
الجد: افا تزعلين من حمودك؟
جوليا: وأنا اقدر؟
الجد:ههههه تعالي عندي
قامت جوليا وجلست جنب الجد وحضنها على جنب
فهد: جدي ترا أغار حتى أنا ابغى شوي حنان منك كله لها
سيف: صدق والله أنا عايش عندكم مفروض تدلعني اكثر منها
ضحك الجد وضحكت جوليا ونطقت: جدو حبيبي م يدلع غيري صح جدو ولا؟
الجد: اكيدد مافيها شك
سيف: خلاص زعلت بهاجر من عندكم
الجد: الله يستر عليك
سيف بصدمه: على طول تبيعني م توقعتها منك جرحتني
الجد: ههههههه تعال بس عندي
وراح سيف وجلس جنب الجد من الجهه الثانيه وحضنه
فهد: وأنا ولد البطه السودا ولا كيف
الجد:هههههههه تعال انت بعد
وجلسو كلهم جنب الجد ويسولفون
وبعد مده قامت جوليا : سيف
سيف : سمي
جوليا : سم الله عدوك ،أبيك توديني عند صحبتي اليوم تكفى لا تردني
سيف : معليش والله بطلع مع العيال
جوليا: طيب وصلني على طريقك
سيف: فين بيتهم؟
جوليا: بيت وتين الي وصلتها هذيك المره
فز قلب سيف من سمع طاريها: طيب تمام يلا تجهزي واوصلك على طريقي
انبسطت جوليا وراحت تركض لغرفتها تتجهز
فهد: إذا م يمديك عادي أوصلها أنا
سيف: لا لا عادي أنا أوصلها اساساً على طريقي بيتها
وبعد ساعتين
جوليا : يلا جهزت
قام سيف وطلع للسياره وجوليا وراه وركبو السياره وحركو متوجهين ل بيت وتين
جوليا: سيف شغل لنا أغاني
سيف : وش تسمعين
جوليا: حط سلطان البريكي
سيف: عشتو والله تسمعين شيلات
جوليا: عندي مليون شخصه وحده تسمع اليسا و وحده خالد عبد الرحمن و وحده سلطان البريكي و هيفاء
سيف: يكفي يكفي شخصيات ولا معرض سيارات ذي
جوليا: ه ه ه ذبتك نايمه تكفى لا تذب مره ثانيه
سيف: اضحكي تكفين حاولت والله
جوليا: حاولت بس مافي م تضحك
سيف: خلاص بنطم احسن
جوليا: اي والله
سيف: ياخي عندي فضول غريب جاني
جوليا: وش هو؟
سيف: لا تفهميني غلط بس صدق فضول جاني
جوليا: طيب اخلص ايش هو
سيف: كم عمر وتين؟
ضحت جوليا : وانت وش تبي في عمرها بتخطبها
سيف: يمكن ههههههه
جوليا انصدمت: منجدك!!!!
سيف : امزح معك بس كذا فضول وتعرفيني عاد فضولي
جوليا : الله يستر منك بس ، عمرها 20
سيف : أمم اوكي مدري وش ذا الفضول الي جاني صراحه بس لما شفتها كيف صفقت الشباب ذيك المره قلت شكلها اكبر منك وتحس نفسها أمك هههههههههه
جوليا : أنا أمها مو هي
سيف: أم يبي لها أم دافعت عنك بدال م تدافعي عنها هههه
جوليا: ااانننن مالك دخل
ضحك سيف : يلا اقلبي وجهك وصلنا
فتحت جوليا باب السياره وضربت كتف سيف وهربت
سيف: يا زق أنا أوريك
جوليا: يلا بس دز أمها هههههههه
سيف: مردك بترجعين البيت وبصفقك
جوليا: اتتحداك
سيف: طيب امشي ولا انتظرك لين تدخلي
جوليا: خليك واقف لين ادخل
سيف: جبانه ههههه
جوليا: سسسييففوووههه ترا بتوطى في بطنك
سيف: اخلصي بس ودقي الجرس
دقت جوليا الجرس وفتحت وتين الباب
جوليا : تتتوووتتتوووو
وتين: جوجو حياتي
جوليا: صبر نسيت سيف برا
طلعت جوليا عند الباب: خلاص بدخل اقلب وجهك
سيف : انقلعي بس وفحط
جوليا: وجع
دخلت وراحت عند البنات تحضنهم
خلوني أعرفكم عليهم
لانا عمرها 21 خجوله وغنوجه شعرها لنص ضهرها وملامحها هاديه وعيونها عيون المها
شذى: عمرها 21 أنسانه م تخاف إلا من الي خلها عصبيه ولسانها اطول منها شعرها قصير ولامحها بيبي فيس تغطي على مصايبها
وآخر وحده ايتن عمرها برضو 21 هاذي أم الكل ومصلح الاجتماعي وتواسي الكل وهي تبي الي يواسها لاكنها مبتسمه رغم الضروف
