روز: أبوكم تعبان
نايف: وش فيه
ناصر: تعبان طيب ليه تبكين كذا
روز: لأنه مو تعب عادي
رجف جسم ناصر وزاد صياح جوليا ونايف يحاول يمسك نفسه : وش تعبه
روز: أبوكم مريض مرض
وانهارت م قدرت تكمل كلامها
حضنها نايف: يا يمه استهدي بالله
روز: أبوك يا نايف أبوك في سرطان الكبد
انصعقو الكل من الخبر
ناصر بصراخ: إيش أبوي أيش فيه
غاده: يا ناصر اهد م تشوق امك كيف منهار
والكل كان عند روز و انتبهو ل جوليا الي
انهارت واغمى عليها ومحد شافها غير فهد وراح لها بسرعه
فهد: جوليا جوليا
مافي أي رد منها
قام فهد وشالها وعلى طول وداها المستشفى
فهد وهو يسوق باقصى سرعه ممكنه: جوليا تكفين قومي جوليا تكفين لا يصير لك شي
وكمل طريقه للمستشفى
في البيت
ناصر : إيش الي اهدى ااييش تقول لك أبوي في سرطان واحنا الحين نعرف يمه ليه م قلتي ليه
نايف: يا ناصر خلاص م تشوف حالتها أنت لا تزيدها!!
طلع ناصر من البيت معصب وركب سياره ومشى باقصى سرعته للبيت
روز : نايف اخوك يا نايف لا يصير له شي
نايف: اهدي يا ميمتي اهدي مارح يصير له شي
روز: جوليا جوليا وين
التفت الكل م لقيوها
شوق: حتى فهد مو موجود
روز: ليكون صار لها شي واحنى م انتبهنا
دانه: اهدي يا عمه اهدي الحين ادق على فهد واشوف وينهم
انهارت روز ونايف يهديها
عند جوليا وفهد
وصلو المستشفى وعلى طول دخلو جوليا غرفه الطوارئ وفهد منتظر برا وخايف ونزلت دموعه
فهد: يارب يارب لا يصيبها أي اذى ياربي يا كريم لا يصير لها شي ، وانهار فهد مقدر يتحمل فكره انه ممكن يصير شي لحبيبه قلبه
رن جوال فهد واعطاه مشغول بدون م يشوف مين
رجع رن مره ثانيه وشاف فهد أنها دانه
فهد بصوت مبحوح: الو
دانه: فهد وينكم جوليا فيها شي
فهد:مادري مادري دخلوها غرفه الطوارئ وأنا حاليا انتظرها
دانه: طيب لما تطلع طمنا
فهد: ان شالله
قفل الخط وكمل انتظار
بعد نص ساعه
طلعت الممرضه: مين أهل جوليا خالد؟
فهد: أنا أنا فيها شي صار لها شي
الممرضة: لا الحمدلله سليمه بس نزل ضغطها واغمى عليها
سجد فهد سجده شكر لله
الممرضه: يمديك تدخل تشوفها
دخل فهد يركض لها
جوليا وعيونها مليانه دموع: فهد
فهد: قلب فهد امري انتي بخير يا قلبي
جوليا: فهد بابا يا فهد
فهد: أبوك بخير معليك انتي الحين كيفك تحسين ب شي يالمك
جوليا: قلبي قلبي يا فهد بابا مريض سرطان وما قل لنا لاحظت كيف صار تعبان اكثر الوقت ودايما مصدع بس م توقعت انه من السرطان توقعت من تعب الشغل
وانهارت
حضنها فهد وبادلتها الحضن كانّها محتاجه حضنه
فهد: هاذا حكم ربي ولا اعتراض على حكم الله وإنتي اهدي الحين عشان تطيبين وبعدين أوديك عنده
جوليا: أنا مافيني شي ودني الحين عنده تكفى يا فهد
فهد: ابشري بس خلي المغذي يخلص
جوليا: ماني بحاجت المغذي أنا بس أبي أشوف بابا وارتاح
فهد: يا قلبي انتي أن كان لي خاطر عندك خلي المغذي يخلص و أوديك له
جوليا : طيب
وكملت تبكي بصمت في حضن فهد
