دخلت جوليا وبدت الممرضه تسحب منها الدم وجوليا تبكي وخايفه من الابره
جوليا: معليه اهم شي فهد
الممرضه: تخافين؟
جوليا: إيه بس عادي اسحبي
الممرضه: طيب خليني أنادي اخوك
جوليا: ماله داعي بس اسحبي خلينا نلحق فهد لا يصير له شي
الممرضه: لا تخافين وضعه كويس بس محتاج دم ويكون كويس
جوليا: ان شاءالله بس ممكن تستعجلين أبي اروح عنده
الممرضه: ابشري
بدأت الممرضه تسحب الدم وجوليا ترجف
رن جوال جوليا
جوليا: الو
وتين: جوجو حبيبي وينك وش صار لك كيفك الحين
جوليا: بخير بخير بس فهد خايفه عليه
وتين: معليه مارح يصير له شي وأنا الحين في الطريق مع اخوي جايين
جوليا: تكفين تعالي بسرعه محتاجتك
وتين: خمس دقايق واحنا عندك قربنا
جوليا: تمام
في صاله الانتظار
ناصر: خالي خلنا نوديك البيت وأول م يقوم فهد نجيبك تعبت هنا
سيف: صدق يبه معليك بنطمنك ونوصل لك كل شي اول بأول انت ارجع البيت وارتاح وخلك عند ميمتي وخواتي حاول تقوهيم هم بحاجتك الحين
مالك: م اقدر اروح بدون م اتطمن على ولدي
ناصر: ياخالي ولدك بخير ومافيه إلا العافيه فهد ذيب م يصير له وانت لا تهم زي م قال سيف بنعطيك الأخبار اول ب اول لا تشيل هم
مالك: اخ يا فهد في ليله فرحك غدروك الي م يستحون لأكن والله ل أخذ حقك منهم
ناصر: يلا يا خالي
مالك: اسمع ناصر وانا أبوك ابغى ارجع البيت مو الشاليه بلبس البدله واروح المركز أنا بشرف على القضيه بنفسي وناد لي طارق بعد خله يلبس ويلحقني
ناصر: سم
مالك: خلك انت مع أختك سيف يوديني
ناصر: ابشر
مالك: سيف
سيف: سم يبه
مالك: انت بتوديني خل ناصر يجلس عند اخته
ملاحظه: مالك موضف في الشرطه نسيت اقول لكم في بارت التعريف وطارق نفس الشي
قام سيف وطلعو هو ومالك اما ناصر جلس ينتظر جوليا تطلع
دق زيد على ناصر
ناصر: الو
زيد: ناصر
ناصر: هلا
زيد: شصار عليه
ناصر: محتاج دم
زيد: لقيتو متبرع ولا؟
ناصر: أي جوليا بتتبرع له
زيد: تمام وأنا في الطريق
ناصر: ماله داعي أتعبت نفسك
زيد: هذا اخوي مافي تعب وترا جبت اختي معي عشان تكون مع جوليا
ناصر: م قصرت
قفلو الاتصال
بعد دقايق
دخلو زيد واخته
زيد: ها بشر كيفه الحين
ناصر: باقي يسحبون من جوليا دم ويعطونه
وتين: وينها هي ب أي غرفه!!!!
ناصر: وتين
زيد: تعرفها؟
ناصر: إيه صحبت جوليا من زمان
وتين: مو وقتكم جوجو تخاف من الإبر وينها بسرعه!!!
اشر لها ناصر وراحت تركض
عند جوليا
كانت تصيح وترجف خايفه من الابره بس تحاول تقوي نفسها عشان فهد
دخلت وتين: جوجو
جوليا: توتو
ركضت وتين عندها وحضنتها: وش فيك يا روحي
جوليا: خايفه
وتين: من الابره
هزت رأسها بالإيجاب
وتين: عادي م تخوف وأنتي قويه وبتصيرين أقوى عشان فهد
جوليا: خايفه عليه خايفه يصير له شي
وتين: فهد قوي م يصير له
جوليا: شوق ودانه كيفهم
وتين: شوق تصيح بس تحاول تمسك نفسها وتقوي خالتي اما دانه م شفناها آخر مره كانت واقفه جنب فهد وترجف بعد م شالوه معد شفناها
جوليا: يا عمري دنو م تحب توضح حزنها أكيد إنها في جلسات الرجال أو في غرفه فهد مقفله على نفسها
وتين: بدق عليها
جوليا: مارح ترد دقي على لانا خليها تروح عندها وتجلس معها
دقت وتين على لانا وكلمتها تروح ل دانه
في الشاليه
ايتن: خاله والله فهد بخير أنتي اهدي الحين وقومي ادعي له
مرام: اخخ في يوم فرحه يغدرون فيه حسبي الله عليهم
شوق: ماما حبيبي قومي غيري واهدي وخلينا نروح عنده
هدت مرام شوي: وين دنو وينها
لانا:في الغرفه وأنا رايحه عندها الحين
مرام: الله يحفضكم نعم الصديقات
ايتن: مشكوره
أخذت شذى المويه وبدت توزع عليهم وحبت تغير مودهم شوي : يلا اشربو واهدو وقليل الخاتمه ذا أنا أوريكم فيه إذا م توطيت في بطنه وخليته دجاجه مشويه م أكون شذى
ايتن: طبعا هاذي المعضله حقتنا صدقوني إذا لقته بتخليه يحب رجل فهد ويعتذر مليون مره وياخذ عمره ومارح ياذي حتى نمله من بعد التصفيق الي بيجيه ههههههههه
ضحكو كلهم بعز دموعهم
روز: يا حظ جوجو فيكم ويا حظي فيكم وانتو صحبات وخوات بنتي وصرتو بناتي
شذى: والله احنا المحظوظين فيكم
ايتن: يلا عاد يكفي بكي م يليق عليكم الزعل قومو يلا
هيا: يلا قومو يلا يكفي صياح حسستوني م تعرفون فهد كيف قوي وما يستسلم بسرعه الحين تروحون عنده تلقونه زي القرد مافيه شي ماشاءالله عليه
قامو كلهم وغيرو فساتينهم واخذو مخور ل جوليا و وتين
وطلعو مع نايف
ايتن: صبر باقي دانه و لانا بروح لهم
نايف: اتصلي عليهم إذا معليك امر
اتصلت ايتن على لانا
لانا: الو
ايتن: وينكم بنروح المستشفى
لانا: بغرفه فهد
ايتن: البسو عباياتكم ويلا الكل في السياره
لانا: أي سياره
ايتن: سياره نايف
لانا: تمام الحين نجي
نايف: وش قالو
ايتن: الحين جايات
روز: السياره م تكفي خلوني اشغل سيارتي وننقسم نص مع نايف ونص معاي
ايتن: تمام أنا والبنات معاك وخالاتي معا نايف
نزلت روز و هيا والبنات وطلعو سياره روز
غاده: نايف اتصل على خالك بدر وقول لهم يلحقونا
نايف:في المركز مو هنا بيخلصون كم اجراء ويروحون
فاطمه: والعيال
نايف: في المجلس
نوره: كلم انس يأخذهم ويلحقونا
نايف: تمام
في سياره روز
ايتن: لانا هنا هنا
طلعت لانا ودانه السياره
روز: دنو حبيبي
دانه: هلا
روز: وين كنتي يا روحي
دانه: كنت في الجلسات الخارجية
روز: طيب كيفك الحين
دانه: بخير وش فيني
روز: دنو يا ماما مو زين الكتمان لا تخفين شي كلنا خايفين عليه ونبكي عادي مافيها شي لا تحبسين مشاعرك
دانه: وليه ابكي واخاف فهد بطل م يصير له شي
تنهدت روز عارفه انه دانه مستحيل تطلع مشاعرها ل احد وحركو متوجهين للمستشفى
في المركز
وصل مالك و طارق وبدر
مالك: عبدالله
عبدالله: سم
مالك: افتح سجل قضيه قتل الآن
عبدالله: امرك
بدر: وعطني الملف
عبدالله: ابشر
طارق: أنا بروح أكمل الأجراءات على بال م تخلصو ملف القضيه
طلع طارق يكمل الإجراءات وبدو يشتغلون في ملف القضيه
في المستشفى
خلصو سحب الدم وطلعو جوليا و وتين صاله الانتظار
ناصر: جوجو خذي اشربي
جوليا: م أبي
وتين: جوجو حبيبي لازم تشربين تراك تبرعتي بكميه كبيره لو فهد موجود بيزعل منك عشانك م شربتي يلا اشربي يا روحي
جوليا: مالي نفس بس أشوفه واتطمن عليه اشرب
دخلو الخالات والجده والبنات
وتين: جيتو وجابكم الله جوجو تبرعت هي بدم ل فهد والحين مو راضيه تشرب العصير
لانا:لا والله على كيفها هو هاتيه بس الحين أوريكم كيف بتشربه وهي م تشوف الدرب
أعطتها وتين العصير
جوليا: لولي حبيبي والله مالي نفس
لانا: أنا سألتك لك نفس ولا بتشربين غصبن عنك
جوليا: والله م
لانا: ولا اسمع نفس بتشربين ورجلك فوق رأسك يلا
حشرت العصير في فم جوليا
وتين: قلنا تشرب بس مو تخنقيها فيه
ضحكت لانا: م ينفع معها إلا كذا كأنكم م تعرفون عنادها يعني
شربت جوليا شوي: خلاص م أبي
لانا: بتكملينه
جوليا: لولي قلت م أبي
همست ايتن في أذن جوليا: شكلك م تبين تشربين عشان بعدين تدوخين عند حبيب القلب ويشربك هو بيده
سمعتها لانا وقامت تضحك
حمر وجهه جوليا من الخجل
نايف: وش قلتي لها وانقلب لونها صارت طمام
ايتن: ولاشي
نايف: ولاشي وهي شوي وتموت من الحيا
لانا: ها جوجو بتشربين ولا نعلمه؟
شربت جوليا بسرعه
ايتن: ايوا كذا شطوره
نايف: كيف!
ناصر: يابوي لنا ساعه نحاول كيف كذا!!
ايتن: سر المهنه ههههههههه
طلعت الممرضه
مرام: كيفه كيف وضعه
الممرضه: بخير خيطنا الجرح واعطيناه الدم و وضع بخير
مرام: طيب نقدر ندخل عنده؟
الممرضه: بننقله للغرفه الثانيه بعدين تخشون عنده لأكن عندي سؤال
مرام: أيش؟
الممرضه: مين جوليا؟
مرام:هاذي جوليا ليه
الممرضه: نبيها تدخل عنده من وقت م فاق ينادي عليها
مرام: روحي يابنتي وطمنينا عليه
الممرضه: تمام انتي ادخلي واحنا بنجهز غرفته
دخلت جوليا الغرفه
جوليا: فهد
قربت منه بس م قدرت تمسك نفسها اكثر وانهارت
جوليا: فهد تكفى قوم تكفى يلا قوم خل نروح ونسوي جلستنا فهد تكفى يافهد قوم
مافي رد
جوليا: فهد تكفى لا تخليني تكفى مو أنت وعدتني اليوم نجلس سوأ ونفضفض ونسولف يلا قوم فهد الله يخليك فهد قوم يا فهد والله قلبي يعورني من شكلك فهد لا يصير لك شي تكفى تبي تطقطق علي طقطق تبي تصفقني صفقتي الي تبيه سوه الي تبيه بس قوم فهد لا تخليني يا فهد
بكت بقوه وتشاهق
م قدر فهد يمسك نفسه اكثر: بس بس يا قلبي انتي بسم الله عليك هذاني قدامك مافيني شي كنت بشوف رد فعلك بس
زاد صياحها: يا كلب أنا شوي وأموت من خوفك وأنت هنا ولا همك تبي تشوف ردت فعل
فهد: دوبك قايله تبي تطقطق طقطق
جوليا: طقطق بس مو كذا تخوفني عليك
بدت ضرب صدرها بقوه: اخخ هنا صار يعورني قلبي عورني من شكلك ااخخخ يافهد لو صار لك شي وش كنت بسوي
فهد: بسم الله عليك وبسم الله على قلبك يا روحي
حضنته بقوه وبدت تشاهق
فهد:خلاص يا روحي انتِ مافي شي تكفين لا تصيحين والله م تهون علي دموعك
جوليا بصوت مبحوح: خ خفت عليك
حب فهد يغير الجو شوي
فهد: افا طلعتي م تعرفين زوجك انا فهد أسم على مسمى م يصير لي شي مجرد طعنه كأنها قرصه
جوليا: خفت يا فهد خفت يصير لك شي
فهد: خلاص طيب هذاني قدامك مافيني شي
جوليا: بس شكلك والسكين في بطنك اخخ وربي مره خفت
غمز فهد: تخافين علي
جوليا: مو وقت سخافتك
فهد: طيب خلاص بكي مافيني شي ماله داعي تخلصين دموعك
جوليا: كيف تحس الحين
فهد: بخير بس في الألم بسيط تعرفين وش يخليه يروح
جوليا: وش
اشر فهد على خده
جوليا: وش فيه
فهد: تعرفين قصه الاميره النائمه
جوليا: ايه ليه
فهد: تعرفين وش الي خلاها تقوم؟
جوليا: ايه بس وش دخلها الحين
فهد: أنا الحين زيها احتاج الدواء الي قدمه الامير لها
جوليا: طيب تعرف انك وسخ حتى وانت تعبان
حاوط خصرها: عادي أنا وسخ عطيني يلا عطيني
ضربته بخفه على صدره: تدري الشره مو عليك الشره علي أنا الي خايفه عليك و وخليتهم يسحبون مني دم رغم خوفي من الابره بس عشان م يصير لك شي لأكنك م استاهل وخر بطلع
فهد: انتي الي متبرعه لي دم
جوليا: ايه يلا وخر
شد عليها زياده: يالبيه دم زوجتي يمشي في جسمي
جوليا: فهد وخخرر
دخلت الممرضه: الغرفه جـ
وخر فهد بسرعه عنها
الممرضه: معليش معليش
تفشلت جوليا وما نطقت بكلمه
فهد: عادي مو مشكله
الممرضه: الغرفه جاهزه الحين بننقلك فيها
فهد: غرفه إيش
الممرضه: التنويم
فهد: وشوله تنويم مافيني شي
الممرضه: لازم تكون تحت الملاحظه حتى نتأكد انك سليم
فهد: م يحتاج مافيني إلا العافيه بطلع الحين
الممرضه: بنادي الدكتوره وأنت كلمها م اقدر اسوي شي أنا
فهد: تمام ناديها
طلعت الممرضه
فهد: وش فيك انتي قلبتي النمر الوردي
جوليا: انقلع يا حيوان ارتحت لما تفشلت!
فهد: وش الي يفشل تراك زوجتي
جوليا: تراك طاير بالعجه زوجتي زوجتي حتى ملكه م صارت هد شوي
فهد: عادي بتكونين زوجتي اليوم أو بكره م تفرق
جوليا: طيب اسكت الحين وقلي كيف م تبي تتنوم
فهد: ماله داعي
جوليا: وش الي ماله داعي تراك انطعت فاهم إيش يعني انطعنت؟
فهد: عادي انتي تهتمين فيني
جوليا: ترا مو وقت الطقطقه بتتنوم فاهم
فهد: اوكي عادي خلي الممرضات يهتمون فيني
جوليا: طبعا بيهتمون تراك مريض
فهد: بس بالله عليك مو مزز؟
جوليا:ايه مره مزز أنا خايفه عليك وأنت عينك على الممرضات توكل يا شيخ بحريقه الشره علي جالسه عندك وخايف عليك
طلعت وقفلت الباب بقوه
ضحك فهد بقوه: ااخخخ أموت على غيرتها
في صاله الانتظار
مرام: كيفه ان شاءالله بخير
جوليا: لا تخافين عليه ذا التيس مافيه إلا العافيه
مرام: وش فيك معصبه؟
جوليا: اسألي ولدك المقرود
ضحكت هيا: م قلت لكم بيقوم زي القرد مافيه شي
ضحكو الكل
شوق: تبيني ادخل اصفقه لك
جوليا: تسوين خير يحمد ربه وأنا مسكت نفسي وطلعت ولا كنت ذبحته جوا الخسيس
وتين: هاذي هي الي قبل كم ساعه منهاره وخايفه على فهد
لانا: يقولون
جوليا: انطمو انتو الثنين وانقلعو قدامي بنرجع الشاليه
روز: ابوكي سلمه وجدك جاب عمال اخذو الأغراض وحطوها في القصر
جوليا: ياليل أبي اطلع من هنا م أبي اجلس
وتين: وين تبين واحنا الحين نوديك
جوليا: ودوني جهنم
ايتن: لا شكل الموضوع كبير
شذى: جدااا
لانا: بيتي قريب خلونا نروحه
جوليا: امشو طيب اهم شي اطلع
ايتن: مين بيودينا
وتين: زيد
شذى: طيب ناديه قبل م تنفجر ذي علينا
ضحكت وتين وراحت تنادي زيد
لانا: ايتن
ايتن: معليك عندي
لانا: كفو
شذى: وش ترطنون انتو
لانا: بس نوصل تفهمين
وتين: يلا
طلعت جوليا اول وحده
وتين: مدري ليه أحساسي يقول انه فهد قال شي خلاها تولع
لانا: هو يبي لها احساس أكيد انه كذا بس الحين احنا علينا نعرف وش قال وطبعا بنعرف بواسطة المحقق كونان
ضحكت وتين: طبعا ايتن شاطره في التحقيق بتخليها تكب العفش
ايتن: ههه لا داعي لا داعي
شذى: امشي يالله عليك
طلعو السياره وتوجهو ل بيت لانا
في المستشفى
شوق: بموت واعرف وش صار
مرام: كان خوفكم اختفى
شوق: ياماما ليه نخاف وعلى قوله جوليا المقرود ذا مافيه شي
ضحكت مرام وضحكو الكل
دينا: يا خساره دموعنا على ذا الحيوان اول م قام خلى البنت شوي وتنفجر الله يعينها عليه
شوق: ااممميينننن
دينا: عمه نصيحه لا تخليها تتزوج منه صدقيني بيجيلها جلطه ثاني يوم بسم الله عليها
ضحكت روز: معليك فهد يعرف كيف يزعلها وكيف يراضيها وشوق موجوده بتصفقه لو زعلها صح ولا أنا غلطانه
شوق: افا عليك إذا م خليته يصيح والحين عن اذنكم بروح أحقق معه واعرف السالفه لأنه بموت من فضولي
مرام: أقول انثبري هنا اخوك تعبانه وأنتي بتحققين معه
شوق: ياماما مافيه شي خليني اروح امسكه
مرام: مافي انثبري هنا
شوق: الوعد في البيت والله ل م اخليه
مرام: أنا بروح عنده
شوق: روحي روحي
دخلت مرام عند فهد: وش سويت أنت
ضحك فهد لما عرف قصدها: بدال م تقولين الحمدلله على السلامه تقولين وش سويت زعلت منك يمه
مسكت اذنه: فهد اخلص وش سويت ل البنت ليه طلعت معصبه؟
فهد: أي أي يمه أذني تراني مصاب
مرام: تستاهل يلا بتقول ولا بقطعها لك
حضنها فهد: ميمتي حبيبتي بس مزحت معها وهي عصبت
مرام: فهد تراها بنت مو واحد من اخوياك كل شوي تمزح معها وكل شوي رافع ضغطها تراك ثقيل دم مره
فهد: افا أنا ثقيل دم
حضنته مرام: ايه والحين قولي وش سويت
فهد: والله بس مزحت معها وقلت لها وش رأيك في الممرضات مزز صح وهي ولعت
ضربته كف خفيف: يا حيوان تراها تغار عليك ليه تقول كذا
فهد: لأني احب غيرتها وأحب شكلها لما يرتفع ضغطها
مرام: بس مو كذا يا أمي حرام تزعلها كذا تدري إنها راحت بيت صحبتها رفضت تجلس هنا؟
فهد: أما عاد
مرام: والله
فهد: معليه خليني بس اطلع واعرف كيف اراضيها
مرام: والله حرام عليك تأسف مسكينه لها ست ساعات في المستشفى وتبكي وخايفه وتبرعت لك بدم ورفضت تأكل أو تشرب لين تشوفك وهاذا جزاها يا حيوان
فهد: خلاص يمه قلت لك ب أراضيها لا تخلين يجي لي تأنيب ضمير
مرام: احسن خله يجيك لأكن عديم ضمير
فهد: حرام عليك
مرام: قول لي الحين كيف تحس في شي يعورك؟
فهد: اخخ بطني يميمتي يعورني
مرام: بسم الله عليك
فهد: خليني في حضنك ابغى حنان
ضحكت مرام: جفاف عاطفي
دخلت الدكتوره: السلام عليكم
فهد و مرام: وعليكم السلام
الدكتوره: كلمتني الممرضه تقول انك رافض التنويم
فهد: ايه ماله داعي بخير مافيني شي م يحتاج تنويم
الدكتوره: بس مسؤليه إذا خليناك تطلع لازم تتنوم على م نتأكد من استقرار حالتك
فهد: بطلع على مسؤليتي
الدكتوره: بكيفك لأكن الأفضل تجلس بس الي يريحك
مرام: يا أمي اجلس خل يتأكدون ان وضعك كويس واطلع
فهد: يمه ولدك بطل م يصير له شي معليك
تنهدت مرام: طيب
الدكتوره: انتي أمه؟
مرام: ايه
الدكتوره: ممكن تجين معي عشان توقعين اوراق الخروج
قامت مرام وطلعت معها ودخلت الممرضه وفكت المغضي وقام فهد ودخل الحمام(يكرم القارئ) غير ملابسه
بيت لانا
ايتن: ايوه انسه جوليا ماذا حصل
جوليا: تخيلو انه يقول وش رأيك في الممرضات مزز صح وكمان اول م دخلت عمل فيني مقلب الحيوان!!!!
لانا: م تعبت حتى ولا حاولت تحقق على طول انفجرت
شذى: من الغبنه والغيره
جوليا : مو وقت الطقطقه ترا من جد يقهر
بدت تصيح
وتين: جوجو حبيبي أكيد يمزح ولا احد يتغزل في احد وعنده ذا الجمال كله؟
جوليا: حتى لو يمزح مرا يقهر
كملت تصيح والبنات يواسونها
في المركز
دق عبدالله الباب
مالك: تفضل
عبدالله: سيدي في احد شاكين فيه بشأن قضيه فهد؟
مالك: أنا بنسبه لي لا طارق أنت شاك ب احد
طارق: مو شاك متاكد
مالك: مين هو!!!
طارق: مهند بن*****
مالك: عبدالله بلغ الفريق يجيبونه الآن
عبدالله: امرك
طلع عبدالله
بدر: مهند هاذا خبري انه كان خوي فهد بس صار بينهم خلاف وانقطعت علاقتهم صح ولا
طارق: صح
بدر: وش جابه الحين
طارق: امس لما كنا في المول جا
كمل يقول لهم السالفه
مالك: الخسيس إذا م خليته يعفن في السجن م أكون مالك
بدر: بس م عندنا أي دليل يثبت انه هو
طارق: الآن برسل مساعدي للمستشفى يأخذ أقوال فهد وأنت بتحقق معه وبتخليه يتكلم والشاليه في كاميرا يكفي
بدر: ممتاز ارسل مساعدك وانا بمسك ابن**
طلعو طارق و بدر اما مالك جلس في مكتبه يرتب الأوراق
في المستشفى
نوره: تمام الحين اكلمه
فاطمه: وش فيه؟
نوره: بيجون الشرطه يأخذون أقوال فهد
فاطمه: اها تمام
مرام: خالتي انتي ارجعي البيت تعبتي فهد الحين بيرجع معنا اسبقينا انتي تعبتي هنا
الجده: بيطلعونه اليوم؟
مرام: لا بس هو بيطلع على مسؤليته
الجده: لاحول ولا قوه الابالله وش مستعجل عليه؟
مرام: والله مادري مو راضي يجلس
نوره: مرام كلمي فهد انه بيجون الحين الشرطه يأخذون اقواله
مرام: تمام
روز: طيب يلا قومو خلونا نرجع البيت جلستنا مالها فايده
قامو كلهم وطلعو م بقى إلا نايف و مرام
في السياره
شوق: الحين صدق مين الي طعنه؟
روز: ما ندري بس أكيد بينعرف وبيمسكونه
الجده: حسبي الله فيه من ما كان
الكل: آمين
حبايبي م انتهى البارت لأكن عشان طولت عليكم مره نزلت لكم ذا وان شاءالله بكره أو بعده أكمله لكم لان والله م امداني أكمله اليوم.
