Lalremmawii POV
"Anu in Remi te school ah i lut dawn, thutawp anihchu ati" tiin Sawmkimi chuan min beng pawp a, "Ka tuar chhan tur tahchuan eng nge awm a, khati vaka mi ben" ka ti hmuk a, "Aw... Eng nge school tha ah te ilo luh bik ni" a ti ringawt a, ka van ngei reuh tak.
"I luh duh loh leh lo lut lo la nimai lawm" ka ti a, "Ka duh leh duhlohah a inngat tawhlo anu in admission ati vek tawh" a ti a, Sawmi sawm ve ila tha ang, kan pathuma kan awm theih te chuan a tha viau ang.
"Sawmi sawm ve ang, kan lut ho anga nuam dawn alawm" ka tih chuan min pawmpui hle a, kan call nghal zat bawk.
"Sawmi"
"Aw"
"Lut ho ila, school khatah"
"Admission kan ti tawh a, in rawn sawi tlai e"
"Nge min rawn rawn hmasak loh"
"Apa thu thu alawm, ka hriat lovin admission a lo ti a"
"I pa chu aw.. Aw pawilo, kan rawn leng dawn.. Inah i awm em?"
"Aw, awm e.. Lo leng ngei ngei rawh u"
"Imm, kan lo chhuak nghal ang.. Sawmkimi te inah ka awm lawm"
"Rawn chhuk vat ru aw"
"Awle"
call chu kan ti tawp a, Sawmi te in lamah kan inzui thla nghal zat.
Skip**
School luhni alo nihchuan Sawmkimi kan inah lo kalin kan chhuak dun a, kan school la hrechiang velo tih takah a zam zia chu a sawi sawi mai.
School chu kan thleng a, class kan luh ruala kan mi hmuh vang chuan kan au chul mai. "Malsawmzual" tiin ka kuah thlawp a, Sawmkimi pawh chuti tho chu.
"Nge min bum a?" kan ti rual a, kan han nui leh rih, nikuma ka thiante pahnih pawh an lo la lut a, ka hmuh chuan anni pawh ka be vat a, ka thiante pahnih te nen ka inhmelhriat tir thlap bawk.
"Lalremi alaiah thu rawh se" Sawmkimi chuan tiin an inkarah chuan ka thu a, ka ding lamah Sawmkimi thuin ka vei lamah Sawmi a thu ve nghal bawk.
Hosteller an rawn thlen chuan ka classmate hlui te chuan min hmuin min lo au chul a, a then lahin min rawn kuah nawk nawk mai.
"I cher lehzual tlat, i in diet mi?" tia Nicky-a'n min zawh chuan "Diet lo e" ka ti mai a, tlar hmalamah kan thu dun daih bawk. Nikum atang kan inkawm ngaih bika, ka secret keeper ani a thian ang bakin kan awm ngailo, ani pawh hian bialnu a nei bawk, kei erawh ka la single thung.
"Chuan ani khan a rawn be leh tawh che em?" a tih chuan a sawi chu ka hre nghal, Sammy, ka bialpa hmasa ber kha ni 18 bak kan inzui hmanlo. Min bumin zu a in ngaihloh thu min hrilh a, kei aiin kum 4a a upat zawk thu min hrilh bawk mahse engkim kha dawt vek, min kawp lai reng pawh khan bialnu a nei bawk.
"Ka block tawh lawm, ka hriat leh dan phei chuan hmanni khan nupui a ru, fa an nei tep tawh bawk" ka tih chuan "Sawisak a va phu ve" a ti a, ka nuih ringawt.
Pawn lamah chuan kan chhuak dun a, midang hriata thil sawi vak hi kan duh lemlo. "Chuan bialpa dang ila nei leh tawhlo tihna mi?" a tih chuan ka bu nghauh nghauh mai, "Biak lai i nei em?" a tih chuan ka nui hak a "Hmeichhia te chuan biak lai kan nei reng alawm" ka tih chuan kan dinna bulah dawhkanah chuan a thu a, a kapkarah a hma lam hawiin min kuai her lawp mai.
"I a mi?" ka ti that a, a nui suk duh chauh. "I la duh em?" a tih chuan "Duh e mahse khatiang mizia nen ni lovin" ka ti a, a rawn kun hniam riai riai chuan ka lo kuk lawlh mai. "Ching tam suh" ka ti a, nikum tang tawh kan awm fal hi chuan min kiss a tum ziah "Eng nge bestie te pawn an ti ziah alawm" a sawi leh kha ka ring reng a.
"Chupawh nise, khatiang chu ka duh ziahlo. A chiang em?" ka tih chuan uang thuang deuh tak hian "Yess boss" a ti a, ka nui leh hak hak mai.
Bell a rik chuan kan lut dun a, min lo en he haw hlawm mai. Kan newcomer ho chuan inngaizawng emaw min ti ngei ngei ang mahse kan inngaizawng tlat lo, Nicky hi lo star pawh nise an ta ani thei lutuk mahse Nicky hian a bialnu hi a kalsan mai mai lovang tih ka chiang.
Miss Angaihi a rawn lut a, nikum lama kan BS teacher chu kan class teacher ni hem mai. "Awle, in class teacher tur ka ni a, Miss Angaih min ti dawn nia.. School rules hrang hrang in hrilh ve ila tiraw, lut tawh ho kha chuan in hre tawh tho nangin newcomer kan ngah ve sia sawi ve hrim hrim angai tlat" a tih rual chuan paper hi la chhuakin a sawi mawlh mawlh mai.
First period ah chuan Accountancy class kan nei a, miss erawh chuan eng vak mah a sawilo in hmelhriattirna a nei nimai. Zirtirtu hrang hrang an rawn lut a, kan zirtur ang te an sawi mawlh mawlh a, zir tak tak chu kan la nei chuanglo.
School ban chuan kan class mipa ho chuan min kuah leh chung chung tawh, ka haw phallo in min kuah bet hneh khawp mai. Nikum lam atanga lut mipa ho chu hostel ah an lut vek a, hmeichhia erawh pathum kha kan nia tumah kan lut lo vek. A tawp a tawpah chuan min thlah ve hram a, Nicky chuan a tihziah danin ka chal ah a fawp leh thlap bawk.
"Tunge i chal a fawptu che kha? A hmeltha ka choice tawp" Sawmi'n a tih chuan "Nicky anihkha ka hrilh thin cheu kha nia, a fel lutuk.. Ka lo tihpui dawn che mi?" ka ti zat a, "Han lut rei deuh phawt ila, nih te pawh kan la ni ve mahna" a ti mai a, ka lo bu nghat.
"Shikhar ka ei chak e" ka tih chuan "Kan lei nge" tiin Sawmi chu dawrah a lut nghal a, Sawmkimi nen kan lo phur ngang mai. A rawn chhuah rual chuan Sawmkimi chuan lo chhuh sakin a kheh nghal hmiah a, haw kawngah chuan hlim deuh hian a mix phei mawlh mawlh mai.
Kan ei vek hnu chuan ka kawl a, school hrechiang ber tiin naktuk lama pai turin min chah thlap bawk. Kan inzawn kan thlen chuan ka lut nghal mai a, anni erawh kan veng nen a inhlat ve em a mahse veng khatah an awm a, a zia viau mai haw dun thei anni bawk a extra haw tlai chang a awm dawn a an haw dun thei zel ang.
To be continue...
