Malsawmkimi POV
"Mate, lehkha zir tur in neilo em ni?" ka nu chuan ka phone khawih lai chuan a rawn ti a, "Neilo, zanin chu ka mu hma dawn" tiin ka room lamah ka lut nghal daih.
Homework chu kan neilo mahse note byheart lawk tur chu a tam tawh lutuk ka zir peih thlawtlo thung. Khumah chuan ka mu a, ka star pa kum 3 dawn ka lo star ve tawh chuan story a lo nei a, ka view nak chuan a bialnu nen an lo ni, ka haw ngawih ngawih.
Nikum lamah pawh ka be tawh a mahse min hnar fithla thak thung mahse eng nge pawi kan class ami hi chu ka chhuah dawn reng reng lo, Zodinmawia angin hmeltha lo mahse ka type ani tlat.
Ka thiante chu ka la hrilh lo, kan school luhtirh tang tawh khan ani kha chu ka melh ngawih ngawih tawh. Anni chuan hmanni deuh lawk khan a hming hi an hre thei chauh keichuan a tir tang khan ka hre tawh thung.
Remi a melh dan hi ka hailo hrim hrim bawk mahse eng nge pawi Remi type a nilo hrim hrim. Ka zar reng anihchuan engtik niah emaw ka ta ani ngei ang, chuthil chu first term exam hma hian a thleng ngei bawk ang.
Skip**
Apa lo haw thawm ka hriat chuan ka room atang ka chhuak a, Ginseng a rawn hawn chu min rawn pe a ka ei nak chuan tui lo rapthlak lutuk mahse taksa tan atha tih ka hriat vang chauhin ka ei lui hram.
Pack khat chu ka thukru a, kan inhmelhriat that deuh hunah Zuala ka pe ve ang, ani hi chuan thil tha apiang hi a phu ngawih ngawih tlat alawm. "Mate, lehkha i zirlo em ni?" ka pa in a rawn tih chuan ka lo bu nghat.
"Board class ini ve tawh a, lehkha zir nachang te hi hre ve rawh. In miss te pawhin note an pe tawhlo che mi? Tlem tlem khan lo zir la nakin lamah zir tawk a awmlo zawk dawn alawm" a ti a, "Chu chu lawm ka lo sawi reng ni mahse i fanu hi chuan a awih chuanglo nihhi" ka nu chuan a rawn ti a, ka ngawi reng ringawt.
Malsawmzuali (Sawmi) POV
In ka thlen chuan ei rawng ka bawl sawk sawk a, ka nau pawh tution a kalna tang a rawn haw tlai hranlo. Ka pa in bazarah damdawi dawr a nghak ve a, ka nu erawh chu Chennai lamah make-up artist niin a awm thung a, Christmas leh Kumthar inkar ah bak a rawn haw ngailo thung.
Chaw chu kan unau chuan kan ei a, ka pa pawh a rawn haw harlo, "Pa lo ei ve nghal la" ka ti a, "Kan awm hahdam deuh phawt ange" tiin a room lamah chuan a lut a, kan eikham hnu rei vak lovah a rawn chhuak a, a kil ve nghal mai bawk.
"Vawiin school lam te eng nge an?" a tih chuan a that vek thu ka sawi mai a, ka nau Ruatte erawh a muhil leh bam tawh. "Bawihte, shikhar i ei thin hi bansan vat rawh aw, a ngawl vei a awl si a i tang thuk lutuk ange" a tih chuan ka bu nghat ringawt.
"I nau kha in room ah mut la nangpawh lehkha zir tur i neih chuan zir vat vat rawh, zan a rei tak tak hmain, dawhkan chu ka lo tifel mai ang" a tih takah chuan ka nau chu ka pawm a, a rit ve zek lehnghal.
Khumah chuan ka mut a, a sen lai tang tawh a ka enkawl chawt anih vang hian ka bulah lo chuan a mu duh tlat lova pawi tihna pawh ka nei hranlo, ka nau ania ka hmangaih bawk em ani, kum 12 laiin kan inthlau a, tunah kum 8 a hmang ve mek tawh.
Lehkha zir tur kan nei hranlo na chu BS a kan line tawh vangin ka zir melh melh a, note pahnih vel ka thiam chuan ka phone ka en zeuh a, Rinpuia chanchin Remi chuan kan pathum group ah a lo sawi leh nual tawh.
Lalremmawii POV
Chaw kan ei kham hnu rei vak lovah u Rinpuia te chu an haw a, kan thianho group ah chuan ka va rak leh teuh tawh bawk. Sawmi hian u Rinpuia hi a duh ema a rawn kal apiangin a chanchin hi group ka sawi a, a thla ka lak ruk ho leh kan in selfie na ho chu ka thawn tuar bawk.
Dar 10 dawn veleh chuan inti thei lo turin Sawmi chuan min rawn ti a, ka nui hak mai. Rei tak kan pathum chuan kan inbia a, Sawmkimi lah chuan engtin nge a zar buai ang tih min rawn la zawt sek zui... Huii... Engtia han tihpui tur nge pawh ka hrelo.
"Kar khat chauh kan la kal, a nungchang kan la hrechianglo, ngaihven phawt ang" tiin ka voice a, ka rilru diktak ani. Mi hi kan vawikhat hmuhna tang hian an nungchang tur awmang kan hre vek thei tlatlo ani.
"Nang berin i tih tlat chuan le" msg chuan a rawn ti ve a, like in ka react thlap. In mangtha in phone chu ka dah zui a, a la hma deuh tho nangin lehkha ka zir leh ta lo chu nia.
Zuala chu ka ngaihtuahna ah lah chuan a rawn la lang nawlh zui, a polite in a smart bawk a hmeichhe tan chuan hnar a har ve viauin ka ring ani. Mahse anihna diktak kan la hre miau lo a, a lo sual viau maithei asin.
Skip**
Thla khat er awr school pawh kan kal ve ta reng mai, a ni telin Sawmkimi lah chuan a zar buai reng a, Zuala pawhin a duh ve hmel viau bawk. An awmdun tawh hi chuan inhmeh lo titu hi an vang viau bawk.
"Nicky, hei min lo hrilhfiah lawk teh" tiin Nicky hmaah chuan ka Bm note chu ka pharh a, a sawifiah mawlh mawlh a, ka man viau bawk. "Rem, buaina deuh inei em ni?" ka putea ka pu te unau a naupang ber fapa chuan min rawn ti a, "Helai hi ka hre fiah chiahlo a, ka zawt anihhi tunah chuan ka hrethiam tawh" tiin ka nui var var a, kutzungpui a rawn ti pir vah mai.
Vla nena kan inzawmna hi thenkhat hi chuan an hrelo thung a, a then a zar chauhin an hria. Nicky thiantha ber ani bawk a, kan awmkhawm hi chuan mi hian min sawi sep sep thin mahse eng atan mah kan ngai ngailo thung.
"V, naktuk min lo sawm rawh aw" ka ti a, ka kuah leh chung chung tawh. "Ngati maw?" a tih chuan "Kal rualpui che ka chak ve alawm" ka ti a, "Awle, ka rawn kal hma dawn nia" a ti a, "Ka lawm e" tisepin ka thutna lamah ka kir lehnghal.
Sawmi a thianpa tihpui tir kan tum vang ani reng sia pawilo a thiantha ber tan chuan Sawmi hi a tha ber tho tho, a bialnu hlui ai pawhin a tha fe zawk bawk.
"Baby kal rual chu a remti em?" Sawmi'n a tih chuan ka bu nghat a, kan in high five nghal. Ama ruahmanna vek hi nia, sawi buai tumna ka neilo ka thiante pahnih hi inkawp tur annih chuan kan hlawhtling em em ang.
To be continue...
