Lalremmawii POV
"Tpa kha a na zual lutuk a, tunah pawh hospital ah a awm a" kal pah chuan ka thiante chu ka hrilh a, "Ani maw, a khawilai nge na a?" Sawmi'n a tihchuan a ke lam anih thu chu ka hrilh a, an khawngaih ve hmel khawp mai.
"Tunah July kan thleng tep tawh a, tun ang huna lo damloh chu ava zia lo dawn ve aw" Sawmkimi chuan a ti ve ngei a midang hi a ngaihtuah vak ngailo sin le.
Hmanni kan extra ban khan ruah a rawn sur thut a, nihliap kan inzawn a, a sur hnem em vang khan kan chawl a a dar nghengin ka lo muthlu hman anihkha, ka ngai ngawih ngawih tunah hi chuan. Nie, keihian Tpa kha ka duh, ka duh tihhi ka chiang hle bawk mahse ka hmangaih em tih chu ka hre chuang lo thung.
Khami ni atang khan kan inkawm nasa a, break hi chuan kan awmdun chawt ka ti thei ang, Arts lam atang rawn star tu pawh a nei a Arts ami hnenah lah chuan a thiante chuan a bialnu ka nihthu an lo la sawi zui hahthlak bet bet tak ani.
Lo star tu lah chu nikum lama Science a awm mahse kumina rawn change ania, nikum lam atang tawhin kan inngeih teh chiam lo, a chapo in mi hnuai en a ching em a, heng ang mi hi ka mil thei hrep love.
Classroom kan lut a, bell a rawn rik chuan kan class teacher chu a rawn lut "In classmate Tpa kha ana zual lutuk a tunah pawh a kal tha thei tawh lova, in tawngtaina ah te inlo hre ve reng dawn ania" a ti a, ka khawngaih zual sauh tawh.
Skip**
Kan exam nan pawn kar khat chiahin a dal tawh, Monday ani a eng emaw hian min hnawh tup tup mai hian ka hria ka tho nuam thlawtlo ani e.
"Bawihte, i va diklo ve eng nge na i nei em ni?" ka nu in a tih chuan "Nei chuanglo mahse eng emaw hian min hnawh tup tup mai hian ka hria" ka ti a, ka nu ngaih chu a thatloh hmel viau mai.
"Doctor kan call ange" tiin a phone a phawrh a, "In class official group ah notice a awm nihhi" tiin a ngawi zui vung vung mai. "Eng nge an lo sawi a nu?" ka ti a, a phone chu min pe in "Hmanni kan ina i thianpa rawn hruai kha ani tiraw?" a tih chuan ka bu nghat ka tawng chhuak theilo, ka mipa duh leh awmchhun chuan min kalsan lehsi a maw chupawh ka duh thu ka la hrilh hmanlo asin.
"Nu" ka ti a, ka mittui chu a rawn baw zawih bawk, ka nu chuan ka sam chu a chul hliau hliau a kei erawh ka tap hlawp hlawp reng mai. "Matei chu ngati nge zing kar kar atang a tah tak mai" ka pa aw a manganna ri tel chu ka hriat hmaih lo chiang hle.
"Hmanni a thianpa rawn hruai kha a thi a" ka nu chuan a lo ti a, "Ava pawi ve aw, kan nun kan fimkhur lo thin hi chu a pawi ani" ka pa in a tihchuan "Pa, khatiang lam anilo. Hmanah a accident tawh a, a ruh lam a chian tawhloh mai bakah a nerve a thalo tel bawk a" insut pah chuan ka ti a, min kalsan ta mai hi awih har ka la ti ani.
"Ava pawi ve aw" ka pa chuan a ti a, thu dang a sawi tawh lemlo. "Bawihte, han insiam ta che, inzirtirtute'n tunah form leh pawndum nen kal nghal tur an ti ania" ka nu in a tihchuan ka bu nghat a, ka room lamah ka chho lehnghal.
Tpa hi ka duh tih mi pakhat chauhin a hria chu chu Nicky ani, ka hrilh ve vek a ka secret keeper ka tih tawh kha. Chuvanga nia kan awmdun tawh hi chuan ka bul hnaiah a awmduh ngailoh ni, hun thawl min pe ah ka ngai mai zel.
Skip**
An in thleng chuan ka pa in min thlah a, ka classmate thenkhat chu an lo che ve sup sup tawh a, ka nu in puan min ken tir ve tlat vang chuan ruang kilna bulah ka va kal a, puan chu a nu ka pe a ka kalchhuak lehnghal vat.
A hmel kha chiang takin ka hmu tlat ani, rei tak min la dampui ve se ka ti a, ka duh ani tih pawh hi hrilh hman ve ngei ila tha tur ania. "In tih pachan tum hram hram tur aw" Nicky-a'n ka hnung lam atang chuan a rawn ti a, ka mittui chu ka khap let sak sak mai.
Vuina hun chu an hmang a, anu thusawi te chuan ka mittui a ko chhuak a toilet lamah ka kal daih thung. Toilet ah chuan Zuala te an lo awm a, min hmuh chuan an zial zuk lai chu an thukru sap sap mai.
"Tih chhunzawm ru, a ho lutuk saw lai boruak kha a rit em a ka ni deuh nghulh mai" ka ti luam a, anni pawn he lam a nawm zawk thu an lo sawi ve sup sup mai.
Thlana an kalpui dawn chuan anu chu a tap nasa ngang mai, a kuang chhin pawh a phal lova YMA lam chuan thlan lamah pawh kal ve an phal ta lo. Kan thianho chu ka pa in thlan thleng chuan min phur thla a, hunserh an hmang leh te te a paangpar pawh kan thlakthla diat diat mai.
Kan zawh chuan ka pa in kan in hnaih ber vang chuan min dah hmasa ber a, ka thiante ho erawh a thlah kual thung ang. Inchhung ka luh chuan ka nu in min lo pan vat a, naktuk lama ka pa nen an va lan leh tur thu a sawi ve sep sep mai.
Ka room ah inthlak turin ka chho a, keima ka awm reng chuan ka damlo thei mai ang, zing atang ka ka ah engmah la lut lova ka ril lah a tam heklo. Tilui dawn pawh ni ila ka theilo hrim hrim tui takngial pawh lem a har ngawih ngawih mai si a.
A lo len tuma kan thlalak ho chu ka en a hemi ni hi chuan a la dam tha vek asin le, hetiang hian kan chan hma dawntih hria ilang chuan ka hrilh vat mai tur ania. Ka phone a ri a, no. hlang anih vang chuan ka la vat;
"Hello?"
"Remmawii i ni em le?"
"Aw nie, tunge i nih zawk a?"
"Tpa u ka nia"
"Anihchu, eng nge ni ta?"
"Eng ni love, ka nu hian nangmah vang chauhva treatment a lak duh thu leh rei tak min la dampui chhan kha nangmah i nih vangin lawmthu ka rawn hrilh duh che a.
Ka nau thiannu inih vang hian kan lawm takzet ani, nang awmlo la chu tunthla pawh hi kan chuangkai miahlo ang, kan lawm takzet zet ani e" a ti a ka bo tual tual mai.
"Aa.. Engvanga ---?"
"I zawhna chu ka hria e, ka nau khan school a rawn kal tirhni tang khan a sawi char char zel che a, a lo duh ve che niin alang. Kha khan dam ve chakna a pe a, treatment te pawh ala ve tan alawm mawle mahse kan lo tlai deuh tawh a" a ti zuai raih a, engmah ka sawi thei tawhlo hrim hrim.
A rawn tawng leh pawh chuan ka chhang lova, beidawngin call a cut zui bawk. Keimah chauhin ka duh emaw ka lo ti a mahse ani pawn min lo duh ve reng si, hringnun hi chu a mak zozai ngawt mai.
Kan duhte apiang hi nei thei ve thin ila chu rilru na tak te hi kan awmlo mai tur mahse kan awmna hi khawvel ani tlat kan beisei leh kan rindan ang hian engmah hi a thleng thei ngailo chu anihhi.
Kan beisei thin thilte hi engtikah emaw chuan a lo thleng ve ngeiin ka ring a, chumi niah chuan tumah hi thinlung na leh rilru na kan awm tawh lo ang.
To be continue...
