Lalremmawii POV
Sawmi leh Vla chuan kal pah chuan an sawi sep sep reng a, Sawmkimi nen hnung lamah thil dang kan lo sawi ve mawlh mawlh bawk.
School kan thlen chuan class room lam kan pan nghal a, thleng an lo la tlem hle lehnghal. "Phone ka pai nia aw" Diki'n a rawn tih chuan "Engtin nge i theih bik a?" ka ti a, min hrilh duh derlo lehnghal.
Accountancy extra class a ni a, kan miss a fel bawk a, kan note lak ang ho chu min ennawn pui a kan inthutpawlh nuai mai. Zuala pawh a hnung bera thuin Diki phone a khawih a, a tlei khawp lehnghal Sawmkimi biakna pawh a chhang tha hman meuhlo.
"Zual, tunge i biak a?" ka tih chuan anu a nihthu sawiin an inbiakna chu min hmuh a, nufa inngai tak zawng anni, hostel ah ka nu hi awmsan ve dawn ta ila keipawhin ka ngaih viau ka ring. Nu te nge nge an lo ngaihawm bik deuh anih dawn hi.
Banah chuan kan awm khawmuang a, thla kan la chuai chuai mai. Kan haw dawn chuan Nicky chuan a tihdan ngai te tein ka chalah a fawp leh a Sawmi chuan a thik ngang mai.
Zuala pawh chuan min kuah velehin gate bul thleng min thlah a, Monday a ken sak leh turin min chah a, pawisa min thawn tel kher bawk. A ngailo timah ila, amah chiahin min ei sak bawklo nen a thiante vanga min chah ani maha hlawh turin 50 min pe tel bawk mahse an shikhar tur leisak nan ka hmang tho ang.
Kan haw kawngah chuan Vla chuan Sawmi hnenah Nicky chuan duh dang a neih thu a sawi tih chu a hrilh phei mawlh mawlh a, min lo en thap leh nghal.
"Eng nge?" ka tih chuan "Ini thei mai angem?" Sawmi chuan a ti a, "Awihawm loh lutuk, keini chu thian chiah kan ni" ka lo ti vat thung. "Mipa leh hmeichhia thian anih reng theihloh" a rawn ti a, "Keini chuan kan thei, kan ni reng bawk" ka ti a, ka kalpel nghal zat bawk. Nicky nena min sawizawm thin hi ka duhlo bur ani, thian chu thian, keini pahnih chu kan ni reng bawk ang.
"Rem, min tumkep rawh. Nidangah ka tum kep ve ang che" tiin Vla chu bus ah a lut tharh a, kea haw kan tum nen a lo lawn fel diam tawh sia, a chuan loh theih ta loh. Kan inzawnah chuan ka chhuk a, midang chuan min bye bye sap sap mai.
"Ka lo hawng e" ka ti lut leh lang lang a, "I lo thleng tawh maw? I u Rinpuia'n i room ah a nghak che han chho rawh" a tihchuan hmanhmawh takin ka chho nghal.
Room ka luh chuan khumah a lo thu a min hmuh chuan a lo nui var var mai, "Eng nge ni ta?" ka ti a, "Lo thu phawt la" a tih chuan couch ah chuan ka thu a, ka melh nghal vat bawk.
"I thiannu kha a no. min lo pe" a tih chuan "Tu zawk maw?" ka lo ti vat. "Sawmi" a tih chuan "Ka hre sual em?" ka ti a, nui hak hian "Hre suallo, ani pawn min duh tih ka hria nia" a ti a, drawer a ka phone dah chu banin ka thawn nghal mai bawk.
"I bem dawm mi?" ka tih chuan "Dawn e mahse tun maiah nilo chuan a no. hi i phone atanga ka lak ruk thu ka sawi dawn nia, lo zep ve ngar ngar ang che" a ti a, "Yes, min hrilh pawn mak ti awm deuhin ka lo awm ang" ka ti a, kutzungpui a rawn ti pir vah mai.
"Chumi te min rawn dil tur chuan mi ilo kal a?" ka ti a, ding hluai hian "Nie, chuan ka kal aw lehkha zir tha la" tiin a chhuak nul nul mai.
Skip**
June thla kan chuang kai a, repeater kan nei nual bawk a Lalthapuia chu ka kawm ngeih fal bik hle bawk. A fel a, a zaidam bawk a, awka vin hi min hman khum ngailo hrim hrim.
"Rem, i MCQ book ka hawn duh nia aw monday eco in test dawn a, keiin ka lo copy ang ka la ve chuanglo" a ti a, phal tak chuan ka pe ve mai bawk.
Nicky chuan pawn lam atang min rawn ko a, ka kal vat a mahse a kawm lai deuhah chuan min pawt rawk rawk mai. "Eng nge a?" ka ti a, "I duh mi khapa kha?" a tih chuan "Tu chu?" ka ti a, "Lalthapuia" a ti a, ka nui hak mai.
"Duhlo" ka ti a, thawveng huai ang mai hian a thaw suai suai mai. "Eng nge a i thik deuh ami ka bulah a awm tam sia?" ka ti a "Ka bialnu i nia mi? Thik tur chhan ka nei hleinem, keiai tawi hmelchhe bawk" a ti hmuk a, ka thiante thusawi kha ka hre chhuak rum rum mai, ani hian min duh chiang ani.
"Rem, inla nei em?" ka hnung lam atanga Zuala'n a rawn tihchuan "Sawmkimi'n a kawl, va dil mai rawh u" ka ti a, "Ka kawllo ati lawm" a ti a, "A kawl alawm" tiin classroom lamah chuan ka phei a, min hmuh chuan "Sawmi zawkin lawm kawl" a ti ti nghal zat a, Sawmi chu Vla nen an lo inbe tui ngang mai.
"Sawm, min lo pe" ka ti a, Vla zawkin min lo pe a, anni zawk hi induhtawn ani mai zawk lo maw an awmdan en hi chuan. "Kha u, extra ei tur dah ula aw" ka ti a, Sawmkimi chu rawn kal hnaiin a kut chu a rawn dawh veleh a, Zuala nen an inpawm leh nghal chawt mai.
A hnung berah kan thu a, Accountancy extra ani bawk a kan bengchheng leh ber tawh. Kan zawnah Zuala te an thu a, an hmaa mipa new comer chu Cc-i kan biak der vel a, kan nui hal hak hlawm mai.
"Monday Accountancy test anih leh tawh kha aw, Eco kha ani leh dawnlo chuvang chuan zir tha hle ang che u Chapter 2 leh 3 kan ti anga, question a har uchhuak lovang" miss chuan a ti a, kan lo naaaa nasa khawp mai.
"Rem naktuk chu pahnih lo keng la, Tutua nen a kan ta tur" Zuala'n ka beng bul seta rawn tih chuan ka lo bu nghat a, Sawmkimi chuan a thutchilh lehnghal der tawh.
Duhtu chu ka ngah lutuk mahse tumah ka duh let ve thei ngailo, mipa hi ka ring zo tawh hlawllo ani. . Hmangaihna chu a awm ka ring hmasa kan hmangaih ani tihhi engtin nge kan hriat theih ang tihhi ka zawhna lian ber pakhat ani.
To be continue...
