أقتلني برفق "مجنون إزميرالدا" [كاملة]

الجزء الثاني 🍷

الوجع!
كانت حاسة بيه كاينغز فكرشها و لكن مستحملة
عينيها محيطهم احمر بقوة مامزيرة نفسها سنانها مزيراهم مع بعضهم بقوة كبيرة لدرجة تمذقات طعم الدم فلثتها

كاتشوف مباشرة فداك الوشم اللي تحط على ذراعها غير قبل وقت قليل، كان محيط جلدها احمر و الوشم كحل!

هذا هو نفسه داك الوشم اللي رسماته و اللي شافته فرقبة داك الشخص المجهول

تنهدات تنهيدة مسموعة و زفرات زفيير عالي اول ماحسات بالشخص اللي كايوشملها فكرشها حبس .. طلات عليه براسها و نطقات بصوت حاولات تبينو ثابت و قوي رغم انه كان مرعود

زمرد: كملتي؟

الشخص: اللي طلبتيه تنفذ و نفس الرسم اللي عطيتيني توشم فكرشك، نفس العينين و نفس كولشي

حركاتله راسها بالايجاب، فكرة ان عينيه تطبعو فوق من سرتها بالضبط خلات بسمتها توساع، ناضت بسرعة بداك الشورط اللي لابساه و السوتيانات ، قربات للمرايا كاتجري و طلات على بطنها

تحسسات دوك العينين الزوحل كيفما سماتهم و تنهيدة عميقة خرجات من بين شفايفها

زمرد: (بهمس) ماكرهتش نحطكم فوسط قلبي

دارت جيهت واحد الفوطوي، جرات تيشرت واسع و طويل لبساتو، فصالتو اوڤر سايز و طويل حابس حد الشورط اللي لابسة

شافت فالشخص اللي وشملها،  جبدات مبلغ مالي مهم من صاكها و مداتوليه

..............
خرجات من عنده كاتنهد و عينيها كايمشيو للوشم د ذراعها .. تلمساته ببرود و همسات بحقد

زمرد: مانتهنى تانلقاك، وشمت نفس وشمتك فيدي باش غير نشوفها نعرفك و عمرك تمحى من بالي، غانلقاك فينما كنتي غير حتى نساليليك مزيان و نوريك!

كملات طريقها عاقدة حواجبها، طلعات لسيارتها و الحرس تابعينها فنفس الوقت جرات تليفونها شعلاتو و هوما يتوافدو عليها كم من الاتصالات و الميساجات

دوزات مباشرة رقم نجمة و نطقات بجدية

زمرد: فينكم نتي و ديك الشيخة؟
نجمة: (بنرفزة) كانتسناوك من الصباح اصاحبتي، نتي اللي فينك؟

زمرد: انا شادة الطريق، المهم نطلاقاو عند داك المحل، غاناخذ غير لاغوب بلونش ماعندي ماندير بشي تكاشط

نجمة: (عقدات حواجبها) عمرني شفت شي عروسة محاملاش تهز فالعمارية و لا تبرز و تزين و تفرح براسها نهار عرسها!