أقتلني برفق "مجنون إزميرالدا" [كاملة]

الجزء الرابع🍷

الاخ وقف يديه فجيابه، قرب تا لعندها بخطوات بطيئة، تقابل معاها بوقفته و هي كارزة على ضروسها مع بعضهم بقوة، مد يده تا لخذها .. حطها عليها و تلمسها بطريقة خلاتها تبغي تخشي يدها وسط صدره و تحيدليه قلبه من بلاصته!

نظرتها ليه كانت كاتنبئ بالموت و هو نظرته ليها ماخفات على حتى راجل فهاد المجلس هذا!

تحدر بيده ببطئ و هدوء حتى وصل بيها لمؤخرتها، تحسسهالها بلمسة مقززة خلاتها باغا تهجم عليه و تخربشليه وجهه كامل، شاف جيهت الموردر اللي كان حاضيهم بنظرة هادئة و نطق بخشونة صوته

الاخ: فكرتك عجباتني بزاف خصوصا مع هاد الزوينة ضربلها مؤخرتها بيده تا تقصحات حيت محرودالها و جلدها كايحرقها ديال بصح، قربها عنده من مؤخرتها تا تضغط صدرها مع صدره و يديها زيرات عليهم بقوة الوجع، مابغاتش تبينو و لكن كان باين فملامحها و فعينيها الخضرين

الاخ: غناخذها و نعذبها مزيااان و لكن بانلي خاصني فالاول نتمتع شوية، حشومة هاد الزين نخسرو غير هكاك!

شاف فيها و هو مقرب بوجهه من وجهها بطريقة كبيرة، قريب يلصق شفايفه مع شفايفها، شافت فعينيه بنظرة خالية من المشاعر و تمتمات بخفوت

زمرد: تا نكونو بوحدنا و عذبني كيفما بغيتي (تبسماتليه ابتسامة عذبة و قربات بشفايفها حطاتهم جنب شفايفه، باسته جنب فمه بطريقة مغرية خلات رغبته فيها تزيد و فنفس الوقت بلاك و جوني كانو قابطين فتايغر بقوة كايهدنوه باش مايديرش شي تصرف غالط بسبابه غايخسر حياته)

الاب: (بجدية) مدام فكرتك عجبات ولدي غاتنفذ (شاف فولده و كمل بحدة) من بعد مايسالي و يشبع منها العقاب غايتضاعف اكثر

زمرد شافت فالاب بنظرة مثيرة، رغم منظرها المثير للشفقة الا ان السحر اللي فعيونها كان كايسلب، و حتى داك الرجل الهرِم بانت عينه فيها رغم انها هي اللي قتلات بنته غير البارح!

حولات نظرتها بكل هداوة ل الموردر اللي كان مراقب المنظر باستهزاء

ناض وقف من مكانه و دار الحركة اللي ماتوقعاتهاش هي!

خرج من تما بلا ماينطق بكلمة دليل على موافقته للشي اللي غايطرا!

ماعياش راسه حتى ينهيهم على خيالاتهم القذرة اتجاهها!

عضات سنانها بقوة و همسات بحدة

زمرد: لاكان هادشي اللي باغي انت! ف هو اللي غايوقع .. اي حاجة غاتبغيها غانديرها و بطريقتي انا غاتدار!