يا حلو الليالي معك

37

صباح اليوم الثاني
صحو البنات متأخرين على دوامهم ومبهذلين مايدرون وش يسون
صقر: بنات تأخرتن على الدوام اصحو بسرعه
فزو البنات مخروشين ومو حاسين بالوقت ومتوترين
ملاذ: الساعه كم صقر وش اسوي الحين
صقر: الساعه 10 تأخرتن ساعتين
توجهو البنات مفزوعين والي تصلي والي تتجهز وصقر يساعدهم وشافتهم فاطمه توها قامت
فاطمه: وش فيكم كذا شوي شوي
صقر: البنات تأخرو على الدوام الحين صحو
تجهزو البنات على السريع وتوجهو للسياره على المركز علطول
وصلو المركز متأخرين وسعد معصب
سعد: وينكم وش ذا التأخر
ميلاف: اءء راحت علينا نومه وتعرف امس الخطبه وروحنا متأخرين وترا حتى الفطور ما فطرنا على طول من السرير للمركز
سعد: اها صح علشان امس معذورين والحين يلا المكتب
توجهو المركز وكل وحده نفسيتها في خشمها وجوعانين وعليهم شغل كثير لازم يخلصوه
ملاذ: ميلاف جوعانه مو عارفه اركز
ميلاف: حتى انا بطني يطلع صوت
ملاذ: لو يكون حامل من اخوي وانا ماادري
ميلاف: فال الله ولا فالك بسم الله عليا جوعانه جوع وين حامل
دق الباب فجأه وفزو البنات مفجوعين
ملاذ: تفضل ادخل
دخل صقر وفي يده اكل للبنات وفرحو
ميلاف: حبيبي الي يحس فيني وجاب لي اكل
صقر: عيوني لك ميلافي
ملاذ: شكرا اخوي حبيبي
صقر: عيوني وروحي وقلبي لكم يلا كلو
ملاذ اخذت اكل وجلست تاكل وصقر جلس يأكل ميلاف وهي تكمل شغلها دخل عليهم رعد
رعد: ما شاءلله صقر موجود وش الجلسه الحلوه ذي
صقر: والله صحو متأخر وما فطرو جبت لهم فطور
رعد: والله لو ادري ي ملاذي كنت جبت لك المطعم عندك
ملاذ: حبيبي رعود ما تقصر حبيبي
رعد: عسى ميلاف وين يدها تاكلها انت
ميلاف: مدخلك انت زوجي ياكلني روح عند ملاذك
ملاذ: وش فيك على رعودي
ميلاف: امسكي رعودك عندك
صقر: هههههههههههههههههههههههههه هواشكم يضحك
رعد: اسكت انت واكل زوجتك وانت ساكت
دق الباب على صوت صقر وهو يضحك وطلع سعد ودخل
سعد: يلا يلا انت وياه واحد على مكتبه وانت دبر نفسك
صقر: هلا والله سعد جيت اجيب اكل لبناتي فيها شيء
سعد: ما فيها شيء بس ما تسولف معهم تعطل شغلهم
رعد: ابشر طال عمرك
طلعو رعد وصقر رعد راح مكتبه وصقر توجه للنياق