يا حلو الليالي معك

61

عند الرياجيل
سعود متوهق من كثر المعازيم وفهد مسكه احمد يرحب في اهل مشاري
وصقر شغل سيارته وتوجه عند رعد الي كان متوتر وميلاف تعبت واعطت رجوى تكمل توزع على المعازيم
على الساعه 12 وصلت ملاذ القاعه مع ملاك ومشاعل
بدت زفة ملاذ
خذها امانه يا حفيظ الامانات

اغلى الغوالي في يمينك امانه

تصونها صون الكرام العفيفات

ولها في قلبك قبل بيتك مكانه

الجوهره بدر السما بلسم الذات

ان قلت ملاذ وان قلت امل

من نورها تزخر بلاد ومجرات

الكل كان منبهر من طلتها الحلوه وكانت المصوره تصورها و وصلت الكوشه وجو الحريم يسلمون عليها
المطربه: الف الف مبروك حبايبي
البنات يرقصون وبعض الحريم يرقصون مع البنات
عند ميلاف والمطربه
ميلاف: اسمعي على الساعه 2 حطي صوت البيبي
المطربه: ليه عرس ذا يحلوه؟
ميلاف: ابغى افاجأه العروسه بأنها بتصير عمه
فهمت المطربه على ميلاف وتوجهت تجلس ميلاف بجنب ملاذ على الكوشه
عند الرياجيل
وصل العريس مع صقر
بدت الفعاليات والطراطيع والسامري
وقف مشاري وهو يناظر للكل ويقول
مشاري: الحين سامري لعيون رعد وبعده شوط خاص حق اخوياء العريس
ضحكو الكل عليه وسعود ضرب كتف مشاري ويضحك
صقر: اليوم زواج اختي وعضيدتي ولعوو الدنيا
بدأ السامري     
ليتني وياه في وادي

والغيوم من فوقنا مظله. 

يا بعد حي والاجدادي

ارحم الي صابته عله

لو ذبحني يا عوض عادي

من يحاسب ي عوض خله!؟
دخلو الكل في الجو وجلسو يرقصون سامري وصقر اخذ رعد يرقص معهم
بعد الرقص السامري جلسو يرتاحون
احمد: تفضلو على العشاء
توجه احمد ومشاري وهم يخلون المعازيم يدخلون غرفة العشاء وكانت كبيره مرا وسعود وعبدالله يجيبون البخور من عند الحريم وصقر يسولف مع رعد وجالس يخفف عليه التوتر
عند الحريم
الكل بعد الرقص جلسو على كراسيهم والمطربه غمزت ل ميلاف وفجأه طفى النور و وقفت ميلاف على الكوشه ومعها فاطمه والمطربه شغلت الصوت والكل كان مستغرب ومو فاهم شيء
ميلاف بصوت عاااليي: عروستنا بتصير عمه لأول مرا انااا حامللل
انصدمو الكل و ملاذ دمعت عيونها وفاطمه وزينب وفاتن يزغرطون ومستانسين
المطربه: مبروك عروستنا بتصير افضل عمه مبروكين حبايبي وتشرفت شاركت معكم فرحتكم
توجهت ميلاف عند ملاذ وتحضنها وتحط يدها على بطنها والبنات اجتمعو عليها يباركون لها ويحضنونها
فاطمه: بالمناسبه الحلوه ذي انا اهدي هديه للعروسه وزوجة اخ العروسه
جت ثنتين من المساعدات وهم معهم طقم ذهب
ميلاف: ليه ي عمه تكلفين على نفسك انتي افضل هديه ونعمة في حياتي
فاطمه: تستاهلون اكثر من كذا حبيبتي عيوني لكم حبايبي والله
اخذت ميلاف 500 وتحطها في جيب فاطمه وهي ما تحس
زينب: تفضلو على العشاء يالحريم
دخلو المعازيم غرفة العشاء وملاك تفتح ثلاجات العصير والماء ومشاعل و نور يجهزون طاوله البخور والهدايا وميلاف اخذت جوالها تبي تخلي ملاذ تشوف الرساله
ملاذ: افضل اخت وصديقه وخويه
ميلاف: بتصيرين عمه يروحي انتي
ملاذ: عقبال ما اشوف سهومي واخذه بحضني
ضحكت ميلاف وجلست تسولف معها
على الساعه 3 الفجر
بدت زفة العريس علشان ياخذ عروسته
دخل رعد ومعه ابوه واحمد وصقر وهم يمشون بخطوات بطيئه حتى يوصلون الكوشه ملاذ سلمت فوق راس احمد وصقر وبعده رعد ومسكت يده
صقر: مبروك يالخوي ومبروك حبيبتي
رعد: الله يبارك فيك وعقبال ما اشوف ابنك بحضنك
ملاذ: موجود ب بطن ميلافي
انصدم رعد وابتسم
فاطمه: مبروكين حبايبي عقبال النونو
فاتن: مبروك رعد ومبروك ملاذ حبيبتي
رعد: الله يبارك فيكم
شريفه: مبروك ياولدي ومبروك ملاذ حبيبتي
ملاذ: الله يبارك فيكم عماتي الحلوين انتم
زفو العريس والعروسه لسيارتهم والمعازيم صارو ناس ورا ناس يروحون وصقر اخذ ميلاف وفاطمه واحمد و مشو للبيت ينامون
واهل العريس اخذو اغراضهم ومشو المتوظفات نظفو القاعه وطلعو لبيوتهم