يا حلو الليالي معك

59

عند بنات راشد
روان: بنات الي معها كشاف تجي المطبخ ظلام
حلا: انا اجيك الحين
رجوى: انا بأطلع الحوش الحقوني
طلعت حلا متوجه للمطبخ و رجوى للحوش
روان: حلا اسمعي اليوم بنحتفل برجوى انقبلت بالجامعه
حلا: ليه ما علمتيني من اول؟ المهم بأكلم اسومه تطلع معها الحوش
روان: صار كل شيء سريع سريع وهي ماتدري
حلا: اسسمماااءءء
اسماء: اشفيك فجعتيني انتي وصوتك ما شاء الله صفارة انذار
حلا: انا صفارة انذار؟ هين ي اسماء
روان: هههههههههه معلينا اسومه اطلعي الحوش ورا رجوى وخليها تجلس على الفرشه حتى نجي
اسماء: ابشري رواني
طلعت اسماء عند رجوى وجلسو على الفرشه وحلا و روان يجهزون الخطه وكيف يفاجأنها
روان: اسمعي برا ظلام حاولي تخلين النور كل شوي في مكان قدام رجوى علشان تخاف شوي ونقدر نفاجأها
حلا: على امرك ياحلوه
طلعو برا شوي شوي وحلا تلعب بالنور
رجوى: اسماء شفتن الي شفته
اسماء: مافي شيء شكلك تتواهمين
رجوى: اسومه امشي ندخل خايفه
اول ما ناظرت لورا جاء النور عليها وفجأه نطت روان قدامها واشتغلت الكهرباء وحلا ركضت للمطبخ تجيب شموع
رجوى: رواني مرا شكرا بس وش المناسبه
حلا: مبروك قبولك بالجامعه وبنفس الجامعه الي تدرس فيها ساره
اسماء: الله مبروك رجوتي
رجوى: صدق انقبلت؟
روان طلعت جوالها و ورتها رسالة القبول وفرحو كلهم لها وجلسو يحضنون بعض قاطعهم صوت سعد
سعد: شعندهم الحلوين مبسوطين
روان: رجوى انقبلت بالجامعه
سعد: مبروك رجوى وعقبال ما ازفك عروس
رجوى: الله يبارك فيك يعيوني
رجعو البنات يقطعون الكيكه و روان تصورهم وقامو يحضنون بعض وسعد معهم ويغنون لها
عند العيال
على الساعه 12 من بعد سوالفهم وضحكهم وميانتهم مع مشاري
صقر طلع يشوف الحوش اذا فيه احد البنات وتوجه للعيال
صقر: مافي احد وعادنا بدري خلونا نسمر
سعود: اسف والله ورانا دوام روح انت عند بعارينك مشتاقين لك
صقر: حتى انا مشتاق لهم عبدالله تخاوي بكرا
عبدالله: تمام يالخوي
سعود: يلا عيال انا بمشي معسلامه
رعد: سعود خذني معك
مشاري: وانا بعد
قامو العيال يشكرون صقر على السمره الحلوه وصقر شكر العيال على القهوه ومشو لبيوتهم ينامون
صباح اليوم الثاني
صحى صقر وتوضى واخذ احمد وطلعو للمسجد يصلون وفاطمه صحت البنات
ملاذ: ميلاف رعد ارسل لي قال اعطانا اجازه مافي دوام
ميلاف: اي اكيد انتم معاريس
فاطمه: ميلافف تعالي جهزي الفطور معي
ميلاف: ابشري ي عمه جايتك
ميلاف توجهت للمطبخ تجهز الفطور مع فاطمه و ملاذ راحت تنظف الحوش من مطر امس و جت عندهم زينب وبناتها
زينب: صباح الخير فطومه وش ذي الريحه الحلوه
ميلاف: عمة زينب عاد طبخ فطومه يجننن
زينب: فاطمه ما يجي منها الا الزين والله
فاطمه: تسلمين حبيبتي قاطعهم صوت صقر وهو يتنحنح
ميلاف: ادخل مافي احد
صقر: ميلاف الحقيني الغرفه ابيك
طلعت ميلاف من المطبخ و توجهت غرفة نومهم هي وصقر
فتح صقر ذراعينه يبي ميلاف تحضنه
ميلاف: واضح مشتاق لحضني
صقر: اجل ما تبين اليوم اعرس مع رعد
ناظرت له ميلاف وتوجهت تحضنه شد عليها بقوه بما انه اشتاق لحضنها طلعت ميلاف من حضنه
ميلاف: صقري اشتقت حق نجدي
صقر: والله الحين اكنسل مع عبدالله وتخاويني لنجد
ابتسمت ميلاف ومسكت يده وطلعو متجهين لغرفة ملاذ
ملاذ: شعندهم الحبايب؟ صقر عادي تكلم اختك مو غريبه
ناظر صقر ل ميلاف وابتسم وباسها استحت ميلاف بحكم ملاذ موجوده
صقر: انا وحبيبتي بنروح لنجد كلمي البنات يساعدونك
ملاذ: تمام المهم ميلافي مستانسه
ميلاف طقت تحيه لملاذ وطلعت تحضر الفطور
على الساعه 8
فطرو الكل و ملاك وفاطمه خذو الصحون للمطبخ وملاذ اخذها رعد ومعاها البنات وراحو السوق وميلاف راحت مع صقر للعزبه
عند البنات بسوق
ملاذ: مين تجي معي الدور الثاني
امل: انا اجي معك ملاذي و ساره و روان خلوكم تحت هنا
توجهو الدور الثاني ياخذون الاغراض والمسكه والكعب
عند روان وساره
روان: خلصتن ولا لسا؟
ساره: خلصت بس باقي نروح نحجز الحلويات من محل هنا قريب
نزلو البنات من الدور الثاني وتوجهو محل الحلا يحجزون التوزيعات والحلا ومشو للبيت
عند صقر وميلاف
وصلو للعزبه ونزلت ميلاف وهي تشوف نجد:
يا زين شوف البل في حزه عصير
في ديرتن ماكل طرقي وطاها..
-.-
البل هوا قلبي وأخص المجاهيم
في حبها مالممت شخصً هواها..
صقر: ياكثر حبي لك وحبي لروقانك بس خايف تجيبين العيد
ميلاف: انا اذا روقت اكنسل الشيء الصعب الي بسويه
صقر: شوفي نجد شكلها مشتاقه لك بالحيل
توجهو للناقة نجد وهي تشوفهم وترفس تبي تطلع فتح لها صقر وطلعت وتوجهت مسرعه عند ميلاف وجلست قدامها
وميلاف جلست تمسح على ضهرها وتمسح دموعها
صقر: ترا نجد حامل عبدالله قال لي
ميلاف: الله ترا انا بأسمي الي ببطنها
ناظر لها وجلس على رجليه وحط يديه على بطن ميلاف
صقر: وعقبال اشوفك وانت حامل ب سهم
ميلاف: توي صغيره ماابي عيال الحين يكفيني ابوهم معوضني عن كل شيء
عند فاطمه وزينب
فاطمه: والله مبسوطه لملاذ وعقبال ملاك ومشاعل ان شاء الله
زينب: ان شاء... قاطعتها صوت ملاك وهم عادهم راجعين من السوق
ملاك: انا ماابي اتزوج يع غثى
ملاذ: هههههههه يعني اكنسل واخلع رعد
الكل: ههههههههه
امل: ما تقدرين رعد بياخذك بياخذك مستحيل يعيش بدونك
روان: الله يحفظكم لبعض حبيبتي والله يتمم على خير
ملاذ: امين يقلبي وعقبالك حبيبتي