يا حلو الليالي معك

63

صباح اليوم الثاني
صحو الكل وتوجهو العيال والشيبان للمسجد يصلون والبنات صحو يصلون ويتجهزون للدوام
مشاعل: اللهم لا شماته في وحده بتداوم
ملاك: والله حلو اغير جو من جلسة البيت
زينب: حبيبتي ملاك الي تشتغل مو انتي
مشاعل: بس انا اساعدك واطبخ ولا تبيني اشتغل ما عندي ما... قاطعها صوت احمد
احمد: لا تشتغلين احب طبخك
زينب: انا بأتوظف وخلها تطبخ لك
احمد: افا الوالده زعلانه
توجه احمد عندي وهو يجلس بجنبها ويمسك يدها ويبوسها
زينب: ماني زعلانه يروح امك
ابتسم احمد وهو يقوم يصحي فهد يفطر معهم على الساعه 8
عند فاطمه واحمد
فاطمه: صقر وينه احمد
احمد: جيت وهو يجهز العزبه وين بناتي
فاطمه: يتجهزون للدوام
طلعت ملاذ من غرفتها وهي مروقه ومعاها كوب قهوه وبعدها ميلاف ومعاها اوراق وملفات القضايا
احمد: وش ذي الاوراق معك
ميلاف: اوراق القضايا حمودي
فاطمه: الله يوفقك ويسعدك حبيبتي
ميلاف: تسلمين عمه فطومه
طلعو البنات متوجهين للسياره وجاء عندهم صقر
صقر: اخبار خالة سهم واخبار ام سهم؟
ملاذ: في قمة السعاده والروقان
صقر: وام سهم اشفيها ما ترد
ميلاف: مدام ابو صقر بخير ام سهم بخير
صقر: لو تبون شيء دقو عليا
ابتسمت ميلاف وهي تعطي صقر كرت فيه يوسبي وتمشي تركب السياره
في المركز
رعد وصل قبل الكل و كلم العمال ينظفون كل شيء ومشاري دخل مكتبه وسعود اخذ حلا يوريها المركز
وملاك وصلت قبل البنات وكان فيه هوشه
وصلو البنات على اصوات الهوشه
ملاذ: ميلاف هوشة وش ذي الحين
ميلاف: ماادري بسرعه انزلي يلا
نزلو البنات وهم يشوفون بنتين يتهاوشون في الشارع عند المركز وطلعو العيال للشارع وميلاف تمسك البنت توخرها عند الثانيه وملاذ تاخذ المشرط ممن يد البنت والعيال يضحكون عليهم وعاجبهم الوضع
ملاك: واقفين كذا فزو روحو فكوهم
مشاري: انتي بعد الحقيهم فكيهم معهم
ملاك: مالك دخل انت اسكت!
رعد: اوف قويه بنت تسكت هههههه
مشاري: دزو اومها فكهم من بعض ماني فاضي لكم
توجهو العيال وملاك يفكون بينهم وتنجرح يد ملاك من المشرط ومشاري دخل مكتبه وملاذ تأشر لملاك تدخل تعقهم جرحها وهم يتفاهمون وعلطول دخلت ملاك وشاف مشاري يدها تنزف
مشاري: اذكر وحده لسانها طويل
ملاك: اووف نشبه انت وخر وعع
مشاري: هههههههههه اي نشبه
ملاك: جد انك سخيف تقهرر
عصبت ملاك وشدت على يدها بقوه ونزف دم اكثر ومشاري الي يسحبها المكتب ويسكر الباب ويعقم يديها حتى وقت النزيف والعيال والبنات لحقوهم داخل المركز
ملاك: الحين انت ليه كل ما نجرحت تعقمها لي مالك دخل تلمس يدي
مشاري: في وحده غبيه خلتها تنزف اكثر وما عقمتها من اول
ملاك: انا غبيه!؟ والله اعلم حمودي عليك
مشاري: يزين... قاطعهم صوت الباب يدق وقامت علطول وتخبت تحت طاولة المكتب
مشاري: مين؟
رعد: انا وسعود
مشاري: تفضلو
دخلو العيال وجلسو يسولفون فجأه رعد جاب طاري ملاك
رعد: ذي الموظفه الجديده قويه
سعود: اي والله سكتك
مشاري: غيرو السالفه ما عجبتني
سعود: ايوه علشانها سكتك
رعد: شسالفة المشكله اليوم
مشاري: بنات قليلين ادب
مسكت ملاك يده وعضته ومشاري ماسك على نفسه وساكت ومتحمل ورفصها برجله وضربت في المكتب
رعد: اشفيك معصب!
مشاري: ما فيني شيء بس مقهور
سعود: هههههه يلا انا بأروح اكمل شغلي
رعد: بروح اشوف ملاذ اشوفك بعدين يالخوي
طلعو العيال من مكتب مشاري ونزل راسه مشاري لتحت المكتب وهو يشوفها تناظر له
مشاري: ليه تعضيني وش سويت
ملاك: كتمني داخل وطفشت وانتم تسولفون
مشاري: يالقويه لا تصدقين نفسك
ملاك: دز اومها يشيخ
مشاري الي كان يناظر لها ويتأملها ويناظر عيونها من برا النقاب لأول مرا من قريب
ملاك: هوب هوب وين وصلت؟
مشاري: هاا وش تقولين
طلعت ملاك من تحت المكتب وهي تضرب كتفه بخفيف وطلعت توجهت مكتبها ومشاري الي طاح بدروب المحبه
عند البنات
رعد: اخبار ملاذي وام سهم
ميلاف: تمام الحمدلله وانت؟
ملاذ: بخير الحمدلله ورعودي حبيب القلب شلونه
رعد: بخير مدامك قدامي
تقدم وهو يحضنها وميلاف طلعت وراحت عند ملاك وملاك كلمتها عن الي صار معها
ميلاف: اوف الحب افعالل
ملاك: وشو يع مااحبه
ميلاف: اي كذا ببدايه وبعدين تحبينه تبين الصدق هو حلو
ملاك: وعوه متكبر غيري السالفه
جلسو سوالف وكل وحده خلصت شغلها وطلعو للبيت على الساعه 4 العصر
عند مشاعل ومحمد
محمد: رجوى داومت اليوم؟
مشاعل: ايوه باقي لها ساعه وتوصل
محمد: كلمني سعود يبي ملكه وزواج سوا محفوفه بيننا
مشاعل: اهم شيء راضاهم والله يتمم على خير
اسماء: مبروك اختي اجمل عروس
حلا: الله يبارك فيك وعقبالك
اسماء: لا لا ماابي عادني صغيره وما افكر صراحه
محمد: اسومتي الحلوه بتجلس عندي ان شاء الله
عند فاطمه واحمد
وصلو البنات ومعاهم رعد وملاك
فاطمه: حياكم اخبارك رعد يولدي
رعد: تمام الحمدلله اخبارك واخبار عمي
احمد: بخير الحمدالله تفضل معانا
دخل رعد واحمد للمجلس والبنات توجهو غرفهم وفاطمه سوت القهوه ولحقتها ملاذ تسوي حلا وتحطه في مجلس الرجال وصلو صقر واحمد وفهد من العزبه ومعاهم تمريه
صقر: عمي جبنا لك تمريه اعطانا ابو مشاري
احمد: كثر الله خيره
فهد: رعد اليوم عندنا حياك
رعد: الله يحييك
صقر: هلا والله الخوي والعشير اخبارك؟
رعد: بخير الحمدلله اخبار النسيب
صقر: تمام الحم... قاطعهم صوت سيارة سعود وعو ينزل منها ومعاه مشاري ويتوجهون للمجلس ويسلمون عليهم
سعود: اخبارك خالي وترا معزوم اليوم انت والعيال على زواجي
احمد: بخير الحمدلله الله يتم على خير وابشر
مشاري: اخبارك عمي؟ وين عشيري
احمد: انت جاي علشان عشيرك مو علشاننا
ضحكو العيال وجاء احمد ومشاري الي يحضنه ويسولف معه وعلاقتهم حلوه مع بعض
بعد صلاة العشاء
تجهزو البنات وراحو يساعدون فاتن والحريم الي يفرشون الفرشه في حوش الرجال والعيال اخذو القهوه و ودوها حوش الرجال وحلا الي كانت بالمشغل تتجهز وسعود عند الحلاق هو وعبدالله وميلاف الي تهاوش سهم في بطنها
زينب: اشفيك على الولد تهاوشينه
ميلاف: ازعجني يرفس بس
فاتن: ما شاء الله اي شهر الحين
ميلاف: الشهر الخامس ياخاله
زينب: ما شاء الله الله يقومك بالسلامه
ابتسمت ميلاف وهي تقوم تساعد البنات وجو حريم الحاره وام مشاري وخواته وخوات رعد وامهم
عند الرياجيل
مشاري واحمد يضيفونهم وصقر ورعد يقونهم ويعطونهم تمر وفهد معاه البخور يبخر المعازيم
مشاري: اول مرا احضر زواج في الديره
صقر: اي انت متعود في قاعات يحلو
رعد: والله زواج الديره حلو بس متعب
راشد: خلو عنكم السوالف ويلا ورايا
مشاري: يوه تعبت
راشد: وش قلت؟ يلا امشى قدامي
توجهو الكل ورا راشد ومشاري قرر ينحاش وانحاش وراح حوش الحريم من ورا بالغلط بحكم ما يعرف من وين يطلع ويشوف ذيك البنت الي فاتحه شعرها الاسود ويشوف عيونها ولبسها الموفي وشعرها الي يلعب فيه الهوا وكانت جميله حيل وهو يناظر لها ويعرفها بعيونها وكيف انها حلووه
ويقول
ادارم حبك سر والسر مكبوت
خلك هنا بالقلب، وش دخل الناس
لو ضمة لو ضلوعك يجي عقبها الموت
لا اضم صدرك دام باقي لي انفاس
قاطعه صوت ام ملاك تناديها
زينب: ملاوكوه تعالي ساعديني بسرعه
ملاك: ابشري ماما من عيوني
دخلت ملاك تساعد امها ومشاري الي واقف مصنم من كثر جمالها
مشاري: سبحان الله ملاك نازل على الارض
طلع مشاري ويركب سيارته ويتوجه للحلاق عند سعود وعبدالله
عند الرياجيل
لف راشد وهو ما يشوف مشاري وراه
راشد: اح يالخسيس هرب وانتم ليه ما انتبهتو
صقر: سمعنا كلامك وجينا وراك
رعد: لو هربنا بتعاقبنا زي عمي احمد
راشد: خلو عنكم الكلام الزايد ويلا روحو شوفو العشاء وصقر تعال ساعدني في المعازيم
احمد بينه وبين نفسه وهو يقول: كيف هرب مشار... قاطعه صوت فهد
فهد: هوب وينك قلت لك بتطيح بدروبه
احمد: وين انا وانت وين
رعد: وش السالفه
احمد: مشاري كيف هرب بينجلد من خالي راشد
فهد: ماادري احنا مشينا وراه مالنا دخل
رعد: محد قال له يهرب
احمد: والله مااخليه انا بروح اشوف وينه واجي
طلع احمد يدور مشاري ومشغول تفكيره عليه
عند الحريم
ميلاف: حلا تعالي ساعديني تدرين اني حامل مااقدر
مشاعل: من عيوني ام سهومي
ملاذ: ام سهم في الشهر الخامس بتولد قريب وبصير خاله
مشاعل: الله يونس الله يقومك بالسلامه
ميلاف: امين
رجوى: تبوني اساعدكم
ملاذ: اي خذي التوزيعات و وزعيها
رجوى: ابشرو من عيوني
خذو التوزيعات يوزعوها وميلاف اخذت القهوه تقهوي الحريم وفاطمه وفاتن وزينب يرقصون و امل مع حلا بالمشغل تتجهز
على الساعه 12
وصلت حلا مع امل بسيارتها وسعود مع عبدالله بسيارته بدو الرجال يرحبون في العريس ويرقصون قدامه والعيال يبخرونه ويقهونه والعروسه تساعدها امل حتى وصلو غرفة العروسه وسوت لها الطرحه والفستان وكانت متوتره مرا
امل: لا تتوترين عادي ياقلبي
حلا: ماادري متوتره شوي
امل: اوف ام غيثي متوتره اهدي حبيبتي مافي توتر عادي
حلا: حبيبتي انتي امولي
عند الرياجيل
رعد: الليله زواج خوينا وعيشرينا باركو له
احمد: نبي شوط خاص لنا
صقر: حي عينك يالخوي
راشد: الله يستر منهم
محمد: وش بلاك عليهم خلهم فرحانين بخويهم
رعد شغل الاغنية:
انا اللي كان شاغلني
واللي كان قاتلني
اديتهم كل حاجه
وهما استغنوا عني
وهما استغنوا عني وهما استغنوا عني
بكرة الايام تبين
مین قاسي ومين حنين
وساعتها هتعرفوني لما الايام تبين
لما الايام تبين
لما الايام تبين
الكل كان منبهر من جمال رقص صقر ورعد وهزهم ودخل معهم فهد يهز واحمد يعزز لهم وكان محترفين في الرقص وهم يهزون والشباب الباقين يعززون لهم ودخل نايف يرقص معهم
راشد: وش بلاهم ذولا فشلونا
محمد: خلهم يرقصون يزين رقصهم ما شاء الله
احمد: شغلهم بعدين معايا
طفى راشد الاغنيه وراحو يجلسون يريحون
رعد: الحين السامري هزاع حبيبي ابدا
بدا السامري عندهم وقامو الكل يرقصون عبدالله مسك يد سعود ويدخله يرقص معهم والرجال والعيال الي كانو مولعين الزواج والاغني الي واصله اخر الحاره
عند مشاري
دخل مشاري الزواج وهو خايف من راشد وش بيسوي فيه ودق على جوال نور
مشاري: الو نور اذا خلصتن دقو عليا
نور: وين رايح انت اجلس معنا نروح سوا
مشاري: تبين الصدق انحشت من خالي راشد بيعاقبني
نور: اها! منجدك ليه وش سويت
مشاري: سالفه بعدين اقولها لك باي
قفل مشاري المكالمه وهو يشوف راشد طالع عند السياره وناظرو بعض
راشد: يالخسيس منحاش والحين راجع
مشاري: اسف والله ما قصدي
راشد: اسف اجل تعال معايا بسرعه ولا عقاب اقوى
مشاري سمع كلام راشد وراح وراه وراشد خلاه ينظف حوش حسن من التراب وسكر الباب عليه وطلع
مشاري بينه وبين نفسه: ليه انا غبي ليه ما انفذ كلامه من البدايه... قاطعه صوت الباب ينفتح وتدخل ملاك وبسرعه يدخل رجل وراها يقفل الباب
ملاك: ابعد عني لا تلمسني والله اعلم ابوي
رجال1: ابوك مع الرجال هناك مو فاضي لك تعالي
ملاك: والله ترا اصرخ ابعد عني
تقرب الرجال من ملاك ويمسك يدها وبسرعه مشاري اخذ المكنسه وضربه على راسه وانفجعت ملاك وبلعت ريقها
ملاك: لو انت بعد من العصابه ابعدو عني
انصدم مشاري من خوفها وكيف كانت خايفه وضمنها لصدره
ملاك: تكفى خايفه ساعدني
مشاري: انتي بحضن مشاري لا تخافين
ملاك: مشاري وش تسوي هنا وليه ثوبك وصخان
مشاري: مو بيدي بحزن والله اني حمار كان سمعت كلام خالي راشد ولا ما توصخ ثوبي والحمدالله جيت هنا ولا كان رحتي فيها
ملاك: لا تزعل ادري عمي راشد قاسي شوي تحمل
حضنها مشاري وما كان يعرف انه ملاك بترد له الحضن طلعت من حضنها بسرعه واخذت اغراض ولبست عبايتها وبتطلع وناظرت لمشاري
ملاك: بتجلس انت هنا ترا وصخان من تراب العصر
مشاري: مغصوب والله
ملاك: انتبه لنفسك باي
طلعت ملاك و مشاري مصدوم منها وهي مصدومه منه ومن جرأتها
عند الحريم
زينب: شفتن ملاك وصيتها البيت ولسا ما جت
امل: لا والله خاله شوي بتجي لا تخافين خالتي
ملاذ: ذي جت
زينب: وينك تأخرتن خفت عليك!؟
ملاك: جبت الاغراض وجيت
عند الرياجيل
احمد: وين مشاري في احد شافه منكم
راشد: في حوش بيتكم تبيه روح له ولا ترجع
صقر: ليه ي عمي ما يصلح
راشد: عقاب علشان معاد ينحاش
احمد: والله ذا عشيري ما اخليه بأروح له
راشد: روح له ولا اشوفك ترجع هنا تفهم!
طلع احمد متوجه بيتهم ويدخل ويسكر الباب وهو يشوف مشاري جالس بزاويه الحوش من الظل ويهوجس
احمد: مشاري وينك! انا احمد تكفى اطلع
مشاري الي سمع صوته وقام يمشي على صوته و وصل عنده وحضنه بأقوى شيء
مشاري: انا غلطان انا غبي ليه اسوي كذا
احمد: قول لا إله الا الله معليك عشيرك معك
مشاري: حمودي مو عشيري احمد عشيري وخوي وااخوي الي ما جابته امي
احمد: والله خفت عليك تعال اعطيك ثوب ثاني تغير
مشاري: بأقول لك سالفه ودي افاتحها معك
جلس مشتري وهو يقول له السالفه ويوصف ملاك لأحمد وكيف كان تعارفه ببعض ومو عارفه شعوره ولا مشاعره واحمد يناظر له وهو عارف انه يقصد اخته ملاك
احمد: اويلي طحت بحب ملاكي تراها حقتي
مشاري: ما طحت يالخوي لحد الان ما فهمت مشاري وقت اكرها و وقت احبها مااعرف
احمد: لا تضايق صدرك وامشى غير ملابسك ونطلع
مشاري: خذ معي الرجال ضربته كان بيلمس ملاك
انصدم احمد من كلام مشاري وهو ياخذ العصاه ويضرب الرجال اكثر وياخذوه يرمونه برا ودخلو يغيرون ملابسهم
على الساعه 1 الليل
بدت زفة العروس والعريس:

خذها امانه يا حفيظ الامانات

اغلى الغوالي في يمينك امانه

تصونها صون الكرام العفيفات

ولها في قلبك قبل بيتك مكانه

قامو اهل العريس والعروسه يسلمون على العروسه ويغطرفون وخوات العريس يرقصون قدامه والكل منصدم من جمالهم وكيف كانت العروسه مرا جميله وتجننن
فاتن: مبروك حبايبي الله يوفقكم ويسعدكم
حلا: امين خالتي تلسمين حبيبتي
فاطمه: الف الف مبروك حبيبتي
بدو الحريم يدخلون صالة العشاء يتعشون
ملاذ: ميلاف شوفي ذيك مشفوحه
ميلاف: ههههههههه خليها تاكل شكلها لها يومين ما اكلت
رجوى: بطلو حش انتم وراكم عيال يطلعون زيها
ميلاف: بسم الله على ابني تفجعني من الحين
على الساعه 3 الفجر
اخذها سعود واتوجهو يركبها السياره وخواتها يساعدونها تركب السياره وسلمو عليها وخوانها حضنوها
مشاعل: احفظ بنتي حبيبتي تراها معك
سعود: ابشري خاله حلاوي بعيوني وقلبي
فاتن: اول ما توصلون دقو علينا
شغلو السياره ومشو والحريم مشو ناس ورا ناس وبدت الحاره تمطر
رجوى: الله زواج اختي ومطرر يونس
امل: يزين اختك وخويتي ويزين المطر بيوم زواجها
فاتن: اللهم اجعلها مطر بركه يارب
مشاعل: امين الله يسمع منك حبيبتي
فاطمه: انا والبنات بنمشي نشوفكم برا ان شاء الله
زينب: احنا بعد حسن واقف برا يلا معسلامه حبايبي
مشاعل: ان شاء الله نشوفكم على خير
روحو الجميع بذي الليله سعيدين زواج بنت الشيخ ومطر والاجواء حلوه والزواج احلا بكثير

اسفه حبايبي ما نزلت كثير بس مشغوله ودراسه وعندنا امطار وما امداني اكتب بس العوض ان شاء الله ❤😢.

بإذن الله تعجبكم الروايه والبارتات واحبكم واحب دعمكم لي وكلامكم الي يسعدني الله يوفقكم ويسعدكم حبايبي🌷.