Narcissist Jeon ✨ Special Extra ✨ //Completed//

Special Extra -1

✨ 1

"Choco ရေ Choco ဘယ်ရောက်နေတာလဲ Choco"

မူကြိုပို့ခါနီး ပျောက်နေတဲ့ Choco လေးကို ကင်မ်ထယ်ယောင်း အော်ခေါ်နေရတာ။ လေးနှစ်မပြည့်တတ် ပြည့်တတ်အရွယ်လေးမို့ စကားတွေလည်းတတ်လာသလို လှစ်ကနဲလည်း ပျောက်သွားတတ်တယ်။ အခုလည်း ခြံထဲထိ ဆင်းလာပြီး ရှာရသည်။

"Choco ပါး စိတ်ဆိုးမိတော့မယ် ဒီတခါ မူကြိုနောက်ကျရင် နောက်ရက်တွေ ပါးလိုက်မပို့တော့ဘူးနော်"

ခြံတံခါးနားမှာ ရပ်ပြီး အပြင်ကို မျှော်ကြည့်နေတာမြင်လိုက်ရလို့ လှမ်းပြောလိုက်တော့ ကင်မ်ထယ်ယောင်းဆီ လုံးလုံးလေး ပြေးလာတဲ့ Choco။ လက်ထဲမှာလည်း သကြားလုံးတွေနှင့်မို့ ကင်မ်ထယ်ယောင်း မျက်မှောင်ကြုတ်မိသွားရတယ်။

"Choco ပါး သကြားလုံးစားခွင့်ပိတ်ထားတယ်လေ အဲ့ဒါတွေက ဘယ်ကရတာလဲ"

ကင်မ်ထယ်ယောင်းမေးလိုက်တော့ လက်လေးနှစ်ဖက်ကို နောက်ပို့ပြီး ခေါင်းလေးရမ်းကာ ဖြေလာ၏။

"ဒါက ပါးဟာ မဟုတ်ဘူး ဦးဦးကျွေးတာနော် ဒါက Choco ပိုင်တာ"

"ဘယ်က ဦးဦးလဲ Choco ပါး ဘာမှာထားသလဲ"

"သူများမုန့်ကျွေးတိုင်း စားရဘူး သူစိမ်းနောက် လိုက်ရဘူးလို့ပါ ပါး"

"ဒါဆို Choco လက်ထဲက ဘာတွေလဲ"

"ဟင် ဦးဦးက သူစိမ်းဟုတ်ဖူး ပါးသူငယ်ချင်းပါ Choco ကိုပုံလေးပြတယ် အဲ့မှာ ပါး ပါတယ်လို့"

နှုတ်ခမ်းလေးကို စုလုံးပြီး အပြစ်ကင်းစင်တဲ့ မျက်လုံးလေးတွေနဲ့ ကင်မ်ထယ်ယောင်းကို မော့ကြည့်ကာ ပြန်ပြောနေတဲ့ Choco လေး။ ကင်မ်ထယ်ယောင်း ဆူချင်နေတဲ့စိတ်ကို လျှော့ချလိုက်၏။ Choco လေးရှေ့ဒူးတစ်ဖက်ထောက်ကာ ထိုင်ချပြီး ပါးလေးနှစ်ဖက်ကို အုပ်ကိုင်ကာ ပြောပြရသည်။

"အင်း ဟုတ်ပြီ နောက်တခါ အဲ့ဦးဦးလာရင် ပါးကို အရင် တိတ်တိတ်လေး လာခေါ်ရမယ်နော် Choco"

"ဟုတ် ဒါပေမယ့် ဘာလို့ တိတ်တိတ်လေးလဲ ပါး အကျယ်ကြီးခေါ်လို့ ရဖူးလားဟင်"

"အင်း ပါးကိုတွေ့လို့ ထွက်ပြေးသွားရင် ဘယ်လိုလုပ်မလဲ ပါးသူငယ်ချင်းဆိုရင် ပါးလည်းတွေ့ချင်တယ်လေနော် ကတိပေးမလား"