Narcissist Jeon ✨ Special Extra ✨ //Completed//

Special Extra - 3

✨✨✨ 3

"ဒယ်ဒီရေ ဒယ်ဒီ"

မူကြိုကျောင်းက ပြန်ရောက်လာတဲ့ Choco‌ က ဒယ်ဒီ့ကို အော်ခေါ်ရင်း အပေါ်တက်လာလိုက်တယ်။ ဒီနေ့ကျောင်းမှာ တစ်နေ့လုံး သေချာစဉ်းစားခဲ့ပြီးပြီမို့ Choco မှာ သေချာတဲ့အဖြေရှိနေပါပြီ။

"Choco လေး ပြန်ရောက်ပြီပေါ့ ရေတစ်ခွက်သောက် ခဏနားပြီး ‌ရေချိုးရမယ်နော် လိုအပ်တာကို အဒေါ်ကြီးကို သွားပြောရမယ် ဒယ်ဒီ ဒီတစ်ည စိတ်ချလို့ဖြစ်ရဲ့လား ဟင်"

ဒယ်ဒီ့မျက်နှာခပ်နွမ်းနွမ်းကိုမြင်ရတော့ Choco  မြန်မြန်အရွယ်ရောက်ချင်လာသည်။ ဒါဆိုရင် ပါးနေမကောင်းရင် Choco ပါ ဝိုင်းပြုစုပေးလို့ရမှာ။

"ဟုတ် စိတ်ချလို့ရပါတယ် Choco က အသက်ကြီးလာပါပြီ ဒယ်ဒီရဲ့"

"လိမ္မာလိုက်တာကွာ ဒယ်ဒီ့သမီးလေးက ဒါနဲ့ အဖြေရော ကြားရတော့မှာလား Choco လေး"

"ဟုတ် ညကျမှ ပြောပြတော့မယ်လေ ပြီးတော့ ပါးက အရမ်းနေမကောင်းဖြစ်နေတာလားဟင်"

"ပါးကို တွေ့ချင်တာလား ဒယ်ဒီနဲ့အတူတူ ဝင်ကြည့်ကြမယ်နော် ပါးကအိပ်ပျော်နေတာမို့ တိုးတိုးလေးပဲ စကားပြောရမယ် နော် Choco"

"ဟုတ် ဒယ်ဒီ"

ဒယ်ဒီက Choco လက်လေးတစ်ဖက်ကို ကိုင်ပြီး အခန်းထဲ ခေါ်သွားပေး၏။ အိပ်ပျော်နေတဲ့ပါးရဲ့ မျက်နှာက ရဲနေတာမို့ Choco လက်လေးနဲ့ ပါးပြင်လေးကို တို့ကြည့်မိသည်။

"ပူတယ် ဒယ်ဒီ"

"ကိုယ်ပူနေတာမို့ပါ Choco ရဲ့ ဆေးထပ်တိုက်ထားတာမို့ ချွေးထွက်လာရင် အပူကျသွားမှာပါ"

"ဒါဆို ပါးက ဘယ်တော့ နေပြန်ကောင်းမှာလဲဟင် ဒယ်ဒီ"

Choco အသံတိုးတိုးလေးနဲ့ မေးမိတော့ ဒယ်ဒီက ကောက်ချီပြီး အခန်းပြင် ပြန်ထွက်လာတယ်။

"မနက်ဖြန်လောက်ဆို နေပြန်ကောင်းလာမှာပါ Choco လေးရဲ့ ဒီည ညစာကို တစ်ယောက်တည်းစားလို့ ဖြစ်ရဲ့လားဟင် အကူအညီလိုရင် ဒယ်ဒီ့ကို လာခေါ်ရမယ် ဟုတ်ပြီလား"

"ဟုတ် ဒယ်ဒီ Choco ပြီးရင် ရေချိုးတော့မယ်လေ အောက်ချပေးပါဦး"

"အင်း ဒယ်ဒီ့မင်းသမီးလေးကို အခန်းထဲထိ လိုက်ပို့ချင်လို့ပါ ခင်ဗျ"