Narcissist Jeon ✨ Special Extra ✨ //Completed//

Special Extra - 4

✨✨✨✨ 4

ဂျွန်ဂျောင်ကု ပြေးလာတဲ့ Choco လေးကို ကောက်ချီလိုက်တော့ ပခုံးပေါ်မျက်မှာလေးအပ်ကာ ငိုနေ၏။ Choco လေး အများကြီး ဝမ်းနည်းသွားတာကို ဂျွန်ဂျောင်ကု ခံစားမိပါသည်။

"ငိုလိုက် ငိုလိုက် Choco လေး ဒယ်ဒီ့ကို ကတိတစ်ခုပေးရမယ် ဘာကြောင့်ပဲဖြစ်ဖြစ် ငိုချင်ရင် ဒယ်ဒီ့ဆီမှာ လာငိုပါမယ်လို့ ဟင် Choco လေး ကတိပေးနိုင်မလား ဒယ်ဒီက မင်းသမီးလေးကို နှစ်သိမ့်ပေးချင်လို့ပါ ဟင်"

"ဟုတ် အီးးး ဟီးးးး Choco မငိုချင်ပေမယ့် မျက်ရည်က ကျလာနေတယ် ဒယ်ဒီရေ ဟီးးး"

"ဒယ်ဒီ့မင်းသမီးလေး အများကြီး ဝမ်းနည်းသွားတာပဲ သကြားလုံး‌အသစ် ဝယ်ကျွေးရမလားဟင်"

"ဟင့်အင်း Choco ဘယ်တော့မှ သကြားလုံးမစားတော့ဘူး ဒယ်ဒီ သကြားလုံးတွေကိုမြင်ရင် ဦးဦးကို သတိရနေမှာမို့ပါ အဟင့် ဟင့်"

"ဪ Choco လေးရယ် အင်းပါ အင်း ငိုတာက စိတ်သက်သာရင် ငိုလိုက်ပါ မင်းသမီးလေးရယ်"

Choco လေးကို ချီထားလျက်ကနေ ကျောပြင်ကိုပုတ်ပေးကာ စကားတွေနဲ့ ဖြေသိမ့်နေတဲ့ ဂျွန်ဂျောင်ကုရယ်ပါ။

အိမ်တံခါးမကြီးအကွယ်ကနေ လှမ်းကြည့်နေမိတဲ့ ကင်မ်ထယ်ယောင်းရင်ထဲမှာ နာကျင်လာရတယ်။ ကင်မ်ထယ်ယောင်း အရမ်းများ အတ္တကြီးနေသလား။ နုနယ်တဲ့ Choco လေးရဲ့ နှလုံးသားလေးမှာ ဒဏ်ရာများ ဖြစ်သွားပြီလား။ တကယ်ဆိုရင် Choco လေးကို အထိအခိုက်ကင်းကင်း ဝမ်းနည်းခြင်းကင်းကင်းနဲ့ ရှင်သန်စေချင်ခဲ့တာ။ လက်နဲ့ရွယ်ဖို့ မဆိုထားနဲ့...ကင်မ်ထယ်ယောင်း လေသံမာမာနဲ့တောင် တခါမှ မပြောခဲ့ဖူးပါ။

ဒီလိုမျိုး ထားလာတဲ့ Choco လေးကို ကင်မ်ထယ်ယောင်းက ဝမ်းနည်းအောင်လုပ်မိပြီ ထင်ပါရဲ့။

ဂျွန်ဂျောင်ကု ပခုံးပေါ်မျက်နှာလေးအပ်ကာ ငိုနေတဲ့ Choco လေး။ Choco လေးငိုနေတော့ ချော့နေရင်းက မျက်ရည်ခိုးကျနေတဲ့ ဂျွန်ဂျောင်ကု။ နှစ်ယောက်စလုံးက ကင်မ်ထယ်ယောင်းဘဝရဲ့ အချစ်ရဆုံးတွေပါ။ အခုတော့ ကင်မ်ထယ်ယောင်းကြောင့် မျက်ရည်ကျနေရပြီပဲ။