الـسرجان "اسرار الغـربان"

part | (8)

             ( بسـم الله الرحـمن الـرحيـم )

            . سائـرة فـي " ضـلام مزدهـر " .

      { ـ وعَـلَـىٰ غيرَك چِـذب ماتِرهَم الـروح . }

الكـاتبة: نـور الــ حـسيـن .

تـصويـت + تـعلـيق
فضلاً وليس أمراً و شكراً

  ••••••••••••••••••••••••••••••••••••••••••

    
                          { زيـنب }

ثاني يوم كعدت نظفت و كملت العصر تقريباً الساعة بـ 4 اندكت الباب اجونه خطار صعدت فوك وره نص ساعة تقريباً صاحولي نزلت ولن اسمع الحجية تحجي ويه نسوان وتكول

الحجية: والله بعد هيه بكيفها إذا توافق أو ترفض

باوعت لـ جنة و اثنينه بنفس الصدمة اردفت

زينب: منو تقصد

جنة: والله مادري

وره شويه طلعت الحجية من الصالة واردفت

الحجية: بنتي زينب جيبي عصير و تعاي قدمي للنسوان

باوعت عليها واردفت

زينب: منو هذولي وشكو جاين

الحجية: يمه هذولي خطابة جاين عليج يردون يشوفوج ابنهم شايفج و منعجب بيج و رايدج على سنة الله ورسوله تذكري هذا نفس الولد الي تقدملج مرتين

الانضار كلها توجهت الي باوعت على الحجية و اردفت واني احس اريد انهار اكرره هيج مواضيع اكرره موضوع الزواج اردفت

زينب: بيبي شتعررفيني انتي اكيد ما اوافق و ارفض واصلا ما اطلع شدتحجين انتي بيبي

جنة: بيبي شسالفة ردي خبر الررفض

زينب: بيبي اول شي اني بعدني صغيره اريد اكمل دراستي و اشوف حياتي احقق احلامي بعدين الزواج و اني رافضة و ماريد

الحجية: يمه بعد بكيفج اني معليه

زينب: تمام كولي الهم رافضة

الحجية: ماشي بنيتي

زينب: ثواني خلي اني اوصل الهم الفكرة لأن هوواي لحوو

دخلت للاستقبال اني و الحجية و امي سلمت و كعدت اردفت

زينب: جيتكم على عيني و راسي بس ياعيني اني تعرفون كل ما تجون ارفض و بدون سبب ابنكم الله يحفظه مابي عيبه ولا ينرفض بس اني ما اريد هسه اتزوج اريد اكمل دراستي و اشوف حياتي احقق احلامي وراي طريق طويل ماريد من هسه تصير عندي مسؤلية الزواج واتمنى ما يزعجكم كلامي و تشرفنا جيتكم وكل الهلا بيكم