الـسرجان "اسرار الغـربان"

part |(14)

( بسـم الله الرحمن الرحيم )

. الســرجان "اسرار الغـربـان" .

- البارت: 14

- الكاتبة: نـور الـ حـسيـن .

- علمني أنسى الجرح
وارتاح من دونك
علمني أفز الصبح
ما مَشتهي عيونك .

- تــصويت + تـعليق بيـن الفقرات .
- فضلاً وليس أمراً و شكراً .

- قـراءة ممـتعــة .

ـــــــــــــــــــــــــــــــــــــــــــــــــــــــــــــــــــــــــ

{ ســارة }

فرحانين و ما منطين فرحتنه لـ احد كعدو اهلي يتفقون على كلشي اردف جدي بـ شي صدمنه

الجد: هتان تحب البنية

هتان: اكيد حجي لعد شلون اخذها اذا ما احبها

الجد: اريد العرس فخم

هتان: من الاول كلت هيج انته حجي

الجد: اقصد غير شي

سارة: حجي قصدك من يا ناحية وضح

الجد: قصدي نعزم بي كل كرايبنه

هتان: ماشي

عرفت جدي يريد يتباها بين الناس سكتت ما علقت
مشه اليوم بسلام شفت الساعة بـ 11 باليل صعدت لغرفتي احس بـ خنكة و تعب تقدمت على صورة امي نزلن دموعي عشرة عشرة اخذت نفس رحت توضيت و صليت كعدت على السجادة (المصلاية) ادعي

سارة: ياربي ساعدني كون وياي دائما دليني على الطريق الصحيح تعبت يا الهي وانته اعلم بيه ربي كمت احس بـ تعب و خنكه تعبت ربي لا اعتراض على حكمك الهي اريدك تريح بالي و كلبي اريد اعيش يوم حلو بدون اي شي لكن لا اعتراض على حكمك ما اجازي فضلك الي اليهمني عائلتي يمي و احنه بسلام ربي ما اجازي فضلك و نعمتك الي

اجت عيني على القرأن متوسط الميز شكله يجذب الواحد صدقت و كمت جبته و رجعت على السجادة كعدت سميت بسم الله و فتحت القرأن ضليت اقرأ مادري بـ نفسي لحد ما حسيت نفسي نعست صدقت و بست القران رجعته لمكانه و لميت السجادة و نزعت المئزر مال صلاة تقدمت لفراشي و نمت مادري بنفسي

كعدت ثاني يوم دك المنبه الساعة بـ 7 ضبط اليوم اروح للمركز صحصحت و كمت غسلت و توضيت صليت و اردفت بدعائي

سارة: يارب كون وياي اليوم انطيني القوة و حافز حتى انتقم اليوم اوجههم واحد واحد يارب ادري راح تكون وياي و تنطيني القوة ايماني بيك قوي

صدقت و كمت طلعتلي لبسة مثل العادة رسمي بالانتقامات لبست اسود و ابيض القميص اسود و السترة لون ابيض و البنطرون لون ابيض الشال لون اسود و حذاء (تكرمون) لون اسود الجنطة لون اسود وبيها خطوط بيضة حطيت مكياج بسيط مثل العادة و رشيت عطر