(عند العيال)
حمد: راكان كم الساعه؟
ركان وهو نايم : مدري يمكن ٧:٣٠ أتوقع
حمد فتح جواله و شاف الساعه بكل برود : الساعه ١٠:٤٥...
راكان وهو منسدح على السرير و حاط يده على عيونه : يولد قم تأخرنا و بدر الزفت بيجي و يقول (يقلد نبرت المدير بدر ) تعال
أنت وياه على المكتب. ويعطيك ذيك المحاضره...
حمد: يابوي يدزها!!
(قام راكان و راح يغسل و يلبس ثوبه)
.....................
(عند البنات بعد ما لبسو المشدات و قصو شعروهم و زورو ملفاتهم وقدمو للمدرسه و تم قبولهم )
وطبعًا الحين لازم البنات يخلون أسمائهم أسماء عيال
سديم: طلال
لآرين: سعد
هديل : سلطان
نوره : عزيز
شادن : حاتم
......................
( الصباح فالمدرسه)
دخلو المدرسه يدورون مكتب المدير و شافهم واحد وسألهم وش تدورون
سديم : وين مكتب المدير؟؟
استغرب من نبرة الصوت وأشر لهم على مكتب المدير
سديم: شكراً
ما رد عليها وراح و كشرت منه!!
هديل : اجل كذا من بدايتها كيف اخرتها؟!
نوره: كنت داريه انه الموضوع صعب مو سهل!
شادن : لا أنشاء الله ...
(عند مكتب المدير بدر)
دخلوه عند المدير بدر و شافو واحد موجود
بدر : هلا انتو الطلاب الجدد؟
شادن : إيه
بدر : طيب بناديكم با سمائكم وكل واحد يرد علي عزيز
نوره: نعم
بدر : سلطان
هديل : نعم
بدر: طلال
سديم : نعم
بدر : حاتم
شادن : نعم
بدر:سعد
لآرين نست اسمها وكانت ساكته طقتها شادن بعدين ردت نعم...
بدر: طيب خذو مفاتيح الغرف وأنت يا مشاري ورهم المدرسه والغرف
مشاري: ابشر
لف على البنات وقال: يلا تعالو
وطلعو وراه
......................
(عند العيال في الفصل)
ناصر حاط رأسه على الطاوله ونايم
حمد قاعد يطق كرسي الي قدامه
نواف قاعد يلعب بالقلم
إبراهيم متلثم وقاعد يناظر السقف
....................
(البنات في الغرفه يرتبون اغراضهم)
نوره وهي تناظر نفسها بالمرايه: اخخخ شعري الطويل راح!!
سديم تتأفف
شادن: خلاص نوره راح يطول ان شاء الله
نوره ناظرتها بحزن وقهر ثم رجعت تناظر المرايه
هديل: كم يوم بنقعد هنا؟؟
سديم: مدري بس مو كثير
لآرين: بنات خايفه...
البنات لفو عليها مستغربين إنها خايفه وهم معها وماراح يتركونها!
نوره بدلع: على أيش خايفه حبيبتي!!
لآرين: بنات احنا بين عيال مستوعبين؟!!
سديم: أنتي عارفه أننا بنكون بين عيال ليش جيتي؟
لآرين: أأنا بس... خلاص ولا شي
سديم رجعت ترتب أغراضها
..................
(البنات خلصو و نزلو و دخلو الفصل)
الأستاذ : ليش متأخرين ؟؟
نوره بدلع: اسفين احنا جداد هنا فا أكيد بنتاخر؟
الأستاذ و الفصل مستغربين من دلعها؟؟! و البنات خايفين إنها تفضحهم!
حمد: أقول اسكت يا الخكري!
(الفصل كلها ضحك)
نوره : أقول اكرمنا بسكوت
الفصل كلهم : أووه
حمد قام وطق الطاوله بقوه : أقول اسحب كلامك عشان لا اتوطا في بطنك !!
نوره : تخسي!!
حمد بانت عروق يده بعد ما سمع كلمه (تخسي)
سديم : أقول حدك عشان أنا لا أوطأ على حلقك!!
ناصر قام على صوت الهوشه : أقول اسكت يا القزم !
(الفصل كله مات ضحك)
سديم كانت بتتكلم لأكن الأستاذ بصوت عالي : على مكتب المدير أنت وياه!
سديم شمقت لأحمد و ناصر وطلعت و نوره راحت وراها وحمد وناصر وراهم...
......................
(مكتب المدير بدر)
سديم و ناصر يتهاوشون مين يدخل اول جات نور بعدتهم و دخلت اول
بدر : خير ان شاء الله مشرفيني بأول يوم لكم ؟
نوره بهمس لسديم : يع يحسبنا ميتين بشوفته (تشمق)
سديم وهي تناظره المدير بدر بكل حقد!!
بدر: حمد و ناصر ما صدقتو على الله يجون طلاب جدد عشان تشرفونهم عندي؟!
حمد : احنا مسالمين ما سوينا شي (وهو يضحك)
بدر : إيه ماشاء الله صدقت خير وش مشكلتكم؟!
ناصر : دخلو متأخر و الأستاذ عصب عليهم واحنا حاولنا نهدي الوضع و لعلها هجت!
سديم : نعم نعم انتو تهدون الوضع ؟! انتو كبرتم الوضع !!
نوره : طيب خلاص مو موضوعنا الحين شنسوي وش المطلوب مننا؟
بدر : وقعو انتم يا طلال و عزيز تحذير وحمد و ناصر تعهد
حمد : خير وش ذا الظلم؟
ناصر : ليش هم تحذير و احنا تعهد؟!
بدر: لا تناقشوني وقعو وروحو فصلكم!
(وقعو و طلعو من مكتب بدر)
حمد : ياخي والله ظلم
ناصر : خلاص ياولد مشها لا تكبر الموضوع
و انتم (يأشر للبنات) ولله لا أوريكم!!
نوره : كاننا بنموت من الخوف لا تكفى ناصر و حمد (تشمق)
حمد : شف شف يشمق بعد ؟!
ناصر بحده : خلاص قلنا و حقك باخذه غصب
سديم : عزيز مشينا بس تأخرنا واجد
نوره : يلا
( عند الفصل )
نوره و سديم بصوت واحد : السلام عليكم
الأستاذ : وعليكم السلام...
( حمد و ناصر طقو كتف نوره و سديم بدون لا سلام و لا كلام و جلسو على الطاوله و نامو )
نوره و سديم مصدومين من الحركه ؟!
نواف : وش صار ؟
إبراهيم : صدق وش صار؟
ناصر : مو الحين...
نواف و إبراهيم ناظرو حمد
حمد : خير وش؟ ( و رجع حط رأسه على الطاوله)
..................
لآرين : ها ووش صار؟
سديم : اسألي نوره انا راسي مصدع أبي انام...
(لآرين و شادن لفو على نوره )
نوره : لا بس في ناس خكاريه (وهي ترفع صوتها ) تبلو علينا و لقمو تعهد (وهي تضحك)
شادن : صدق؟
نواف وهو يقلد نبرت صوتها : صدق؟
شادن لفت عليه و شمقت
الأستاذ : أصص أنت وياه الحين بخلص الدرس!
(بعد ما خلص الأستاذ الدرس و طلع من الفصل)...
