ما بين الماضي والمستقبل

البارت الرابع

(بسم الله الرحمن الرحيم)
"الـــــبـــــارت الرابع"✨.
اللهم صَل وسلم علي نبينا محمد.
(ما بين الماضي والمستقبل حكايا
خبايا الحقيقه في درب العدم).
"في مكان اخر بالرياض"
كانو عدة شباب متجمعين في استراحه
ومتفرقين اللي يلعبون بلوت وفيفا
واللي على جولاتهم مشغولين فيها
قاطعهم صوت ياسر
وقال:اقول شباب الجوع كافر ما تبون
نجيب لنا العشاء الان
سلطان وقف فيفا ولف عليه:يا ليت والله
ذابحني الجوع مثلك
خالد:ياولد العب ماني فاضي لك
يوسف:شفيكم شباب اثقلوا تونا بدري
اذا اكلنا الان بنجوع شوي
احمد:انا اقول جيبوا خفايف الان تصبيره
وشوي الضربه القاضيه
يوسف:شوي شوي تراه اقصاه اكل
سلطان:سوى اللي تبونه وانا بجلد خالد
خالد:طالع زين وش مين المجلود
سلطان:يا غشاش سجلت وانا اكلمهم
خالد:العيال يشهدون انك دايم مجلود
فلا تعتذر بوهم من راسك
ياسر:خلصت انت وياه وش نسوي الحين
احمد قام من مكانه
وقال:امش بس لاتشاورنهم ذولي
انا اقولك بالطريق
ياسر:زين يلا مشينا واطلعوا من الاستراحه
"في مكان اخر"
نزل من سيارته وهو شايل معه اغراض
ودخل البيت لين وقفه صوت خالته
وهي تقول:يا فارس تعال بكلمك
نزل الاغراض فارس واتجه لعند
خالته وقال:امريني وش بغيتي مني
ام بدر :انت الان المسوؤل الاول
عن هالعايله عن عيالي وعيال
اختي اللي ماعندهم احد بعدي غيرك
فارس: لاتشيلين هم انا بقوم بكل
شيء اقدر عليه وعيالك يا خاله
وعيال خالتي الله يرحمها بعيوني
واي شيء يحتاجونه بوفره لهم
قبل لا يطلبونه حتى بس المهم
انتي بهالفتره ذي الصعبه
هم يحتاجون وقفتك اكثر مني
بهتمامك فيهم وحرسك عليهم
مالهم اسبوع وهم فاقدين امهم
وابوهم بيوم واحد
ام بدر: هاذي سنة الحياه وامر ربك
وحنا بنسوي اللي علينا لهم
وروح ارتاح وراك دوام بكره
ودع خالته واتجه للغرفه
الخارجيه المخصص له
وهو شايل هم العايله اللي اصبح
هو المسؤول عنها ولازم يكون
شخص مسؤول ومهتم بكل صغيره
وكبيره عشان ما يحتاجون اي احد
"عند عبدالله"
كان يمشي صوب بيته وهو يحمل
هم فوق عاتقه بعد ما دار الشوارع
ولا لقاء وظيفه تعينه وتعين اهله
دخل بهدوء بيتهم واتجه لمكان نومه
كانت امه تناديه ولا رد عليها
دخل وانسدح بتعب وغمض عينه
بقوه وهو مرهق جسده وعقله
من التفكير ومن الحركه
هاذي كانت حياة عبدالله اغلب
الايام يروح من بدري ويرجع مرهق
ولا كان فيه شيء جديد
مر هاليوم ومن بكره الصباح
"في بيت ابو مشعل "
كانو متجمعين على طاولة الطعام العائله
ام مشعل:زي ما انتم عارفين
بنهاية الاسبوع بنجتمع بالمزرعه
ولا اشوف احد يتعذر اين كان السبب
رغد:ما اظن تواجدي معكم
ام مشعل:ما ابي امور كلامي
ابو مشعل:لاتراددين امك
مشعل:ماعليك كلنا بنجي تطمني
ام مشعل:يكون احسن
ابو مشعل:جراح شفيك ما تتكلم
جراح:ها لا ما فيه شيء اقوله
رغد:يمه باخذ السواق اليوم
ام مشعل:انا ابيه بشغله روحي
مع احد من اخوانك
رغد:سمعت كلام امي مشعل
مشعل:انا ما اقدر بتاخر قولي لجراح
وقام من مكانه
رغد:ها جراح موافق
جراح:زين قومي الان ولا بسحب عليك
رغد:بس ترى بنمر صديقتي
جراح***^^^
*************
#انتهى