ما بين الماضي والمستقبل

البارت الخامس

(بسم الله الرحمن الرحيم)
"الـــــبـــــارت الخامس"✨.
اللهم صَل وسلم علي نبينا محمد.
(ما بين الماضي والمستقبل حكايا
خبايا الحقيقه في درب العدم).
جراح:يا ليل وهي ما عندها احد يوديها
رغد:الا بس وعدتها انا اليوم احتاجها
قبل لا ندخل القاعه
جراح:زين زين فهمتك اخلصي بسرعه يلا
رغد قامت:طيب طيب انتظر
وراحت تجهز نفسها بسرعه
وطلع جراح بعد ما ودع والديه
دقايق واركبت رغد جنبه
ومشى جراح بسيارته
متجه صوب بيت صديقة رغد
"في بيت ابو فاطمه"
كانت فاطمه جالسه تفطر مع ابوها
والصمت كان سيد المكان
ليه نطق وتكلم ابو فاطمه
وقال:بسالك
فاطمه:هلا يبه وش بغيت
ابو فاطمه:وراك ما نزلتي امس للغداء
فاطمه:يعني ما انت عارف
ابو فاطمه ناظرها:عشان جراح؟.
فاطمه:اي طبعا ما ارتاح يوم اجلس
معه يتكلم واجد ولا اقدر ارد
ابو فاطمه يضحك:عادي لا تكبرين الموضوع
تراه ولد عمك بالاخير
فاطمه:عارفه بس مدري ما ارتاح انا
طبعي كذا شسوي ما اقدر اغيره
ابو فاطمه:طيب ما انتي ناويه تكملين دراستك
فاطمه:تكلمنا بهالموضوع كثير يبه
ابي ارتاح فتره وبعدها اقرر اكمل او لا
قام ابو فاطمه:خذي وقتك لكن الدراسه
شيء مهم لا تتركينها وراح
"عند جراح"
جراح:دقي عليها تطلع بسرعه
رغد:طيب صبر وتاشر بيدها
هاذي جت
ثواني وانفتح باب السياره
وادخلت ذكرى وبهدوء سلمت عليهم
رغد:علينا هالحركات
ذكرى ما حبت ترد عليها وبوجود جراح
جراح:رغد ما تعرفين تسكتين البنت
مستحيه قدريها شوي
رغد:شوي شوي ما نمزح يعني
جراح:انا ليه اناقش وشغل المسجل
ذكرى ارسلت رساله لرغد
رغد شافتها ولفت عليها
وقالت:وش اسوي فيك تراني جنبك
قسم بالله جنبك
جراح يرفع صوت المسجل اكثر
رغد قصرته:بتزعج الناس كذا وانا بسكت خلاص
جراح:زين اكرمينا بسكوتك
"في دار الايتام"
ساره بدت تفتح عينها شوي شوي
بعد ما صحصحت لاحظت اسماء
اللي كانت مشغوله بجوالها
وقالت لها:الساعه كم
اسماء:٦ وعليها يعني باقي نص ساعه
وتبدا الحصص بالمختصر
ساره فزت من مكانها:ليه ما صحيتيني
اسماء:شفيك عادي فيه وقت
ساره:ما احب اصحى واروح للدرس
لازم اكون مصحصحه من اول
ولفت وشافت رحاب
وكملت كلامها ياربي من منك
يا اسماء وبدت تمشي
وتقول لي اسماء صحيها
قامت اسماء من مكانها وهي
مو معطيه اهميه كبيره لكلام ساره
لين وصلت عند رحاب
وبدت تحركها وتقول اصحي
رحاب بحركه خاطفه خوفت اسماء
اللي طاحت على الارض مباشره
اسماء اللي تحاول تهدي نفسها
وتقول:يمه خوفتني حرام عليك
رحاب تقوم من مكانها وهي تضحك
وترد عليها:ما قصرت ساره صوتها
صحاني ولا احد يصحي احد بهالطريقه
اسماء قامت ورمت المخده على رحاب
وتقول:وانا وش دخلني كل وحده
مسؤوله عن نفسها ولا تبيني اوكلك بعد
رحاب:يعني بالله عجزانه تصحين بني ادم نايم
اسماء:اكيد بصحيكم بالاخير
والوقت توه
رحاب شافت الساعه:ذي مطفوقه ماعليك
منها ام سـسـسـوري
اسماء:اي زين انك عارفه بدون لا اتكلم
في بيت ام عبدالله***^^^
*************
#انتهى