جُنْبَذَة الرَّمَّاحُ

الـرُمـح الـخـامـس عـشر

دُرّة:أخذت الملابس وبعد اصرار من ضُرغام البس هيچ واهم شي لون ماروني علئ اختيارة كملنة مكياج يختار وياي وحذاء
وطلعنة ويا طلعتنة شفتة صارت عيني بعينة لزمت أيد ضُرغام
حتئ اسيطر علئ وگفتي دنگت راسي وهمست وگعتي يا دُرة

ضُرغام أريد اخذ ادوات رسم قلبي

ضُرغام:صار بابا شنو تسوين بيهُم

دُرّة:عندي مُراجعة طفلة هوايتها الرسم لازم استعمل وياها
طريقة الهواية والعلاج

ضُرغام: عاشت ايدج

:السلام عليكم شلونك حبيب

ضُرغام:وعليكُم السلام هلا يابة وين هالغيبة

:تعرف شغل ومالي مجال والله شخبارك

ضُرغام:نحمدالله عيوني تعال يمنة نضيفك علئ يوم

:الله يعزك ماتقصر حبيبي اترخص انا اخذو راحتكُم

ضُرغام:عيوني غالي ماترخص

دُرّة:رحنة صعدنة الاغراض بالسيارة وصعدنة نفتر علئ محل رسم واخيراً بعد تعب وصلنة ونزلنة گدام محل عندة ادوات رسم دخلت واختاريت ستاند لوحات والالوان رسم واقلام فحم
وكم شغلة هم دفعت الحساب وطلعنة صعدت الاغراض بالسيارة وصعدت مشينة قبل لانوصل للبيت ضُرغام گال

ضُرغام:دُرّة انا هواي اعتذر منچ مااعرف شلون افاتحچ بالموضوع بَس يشهد الله خجلان منچ

دُرّة:گول حبيبي لُيش خجلان

ضُرغام:انتِ تعرفين صديقي رادچ وتقدملچ وَبقئ فترة يحاول وياچ ومُصر ياخذچ وانا بالنجف اتصل بية وگلي معزوم أنتَ
والعائلة علئ خطوبتي أنا هنا تفاجئت عبالي وافقتي طلعت
خطوبة صديقي من صديقتچ هنا ماتعرفين شگد انقهرت وضچت لان چان مستقتل عليچ ورافض فكرة يعوفچ
بعدين ماعرفت شنو الي تغير ألي أريدة منچ لاتضوجين
ولاتنقهرين حتى لو صديقي مايستاهلچ اضفر من اضافرچ مايسوة

دُرّة:بالعكس يشهد الله انا لاضايجة ولا مقهورة لان أنا لاواعدتة
بشي ولا عندي علاقة بي ضُرغام كُلش زين تعرف انا تربيتك
والي راح يچي الاحسن منة أذا أكو شي مضوجني فـ هيَ
صديقتي غدرتني تعرفنة يريدني وانا جداً استحقر هيچ
بنية تخلي عينها علئ شي مو الها وجداً اشمئز من شخص يريد
شي وياخذ غير شي هنا فعلاً أحس رب العالمين كشفهم الي أنا بـكُل خطوة أخلي احتمالات وفرضيات قبل لا اخطيها لو
موافقة عليَّ راح يدمر حياتي ويخوني أو مُمكن راح يخليني أتندم وَمُمكن راح يكون سبب بـعذابي لـهذا الله يسعدهم ماعندي شي أگولة أبد لاتهتم ولاتضوج علئ شي مايسوة
التفتت عليه مبتسم

ضُرغام:صدمتيني والله بجوابچ عاشت أيدچ بابا أبد لاتهتمين
بيومها اضحكي وتونسي هنا راح يعرف حجم خسارتة الچ