خذلان اليتيمه

البارت 3

📌الكاتبه ريهام

📌 خذلان اليتيمه

بريهان:  صحيت  من النوم  ماكو اي احد يمي خفت لان وحدي  صحت  افراح وينج افراح   ماكو صوت خفت و الدموع اجمعت بعيني و اني ما اكدر  اوكف على رجليه  ضليت اصيح و انفتح الباب قوي

ـ ابتسام:  خير شكو بس اتصيحين كاعده ابيت ابوج   راسي صار يوجعني من وراج ماريد اسمع صوتج بعد

ـ بريهان:  اريد افراح وينهَ

ـ ابتسام:  والله بزعتيني بـ افراح  راحت ولت  للشغل

ـ بريهان:   يا شغل

ـ ابتسام:  راحت الزرع هيه و اخواتها يشتغلن و انتِ
هم بس اتصيريً زينه اتروحين وياهن تشتغلين ما تضلين  كاعده  لا شغله ولا عمله

ـ   عافتني و راحت انصدمت  يعني اني هم لازم اشتغل  زين اشلون و اني ما اعرف و بعدني صغيره

ـ زين افراح ليش هيج تحجي عليهَ امهَ المفروض اتحبهن  اتذكرت امي شلون جانت اتمشطلي و اجيبلي الي اريده و اتسويلي الاكل الي اشتهي

ـ نزلن ادموعي ضليت ابجي اباوع على روحي وين  چنت و ين صرت  و ما اكدر حتى احجي كلمه و ماعندي ام من اخاف انام بحضنهَ و تحجيلي قصه

ـ شنو راح يصير بيه بعد خايفه من الي جاي و اشلون اضل بدون اهلي و اني عمامي ما يريدوني وين اروح افكر انهزم احسن اروح ادور لاهلي ايجوز عايشين ضليت ابجي  ساعتين  و ميته من العطش صحت

ـ بريهان:  عمه ابتسام.  ورة اشوي اجتي

ـ ابتسام:  هاا شكو اتصيحن اني ما فاضيتلج  كلساع جايه على مودج

ـ بريهان:  اريد مي عطشانه

ـ ابتسام:  روحي انتِ اخذي اني  ما اشتغل يمج

ـ بريهان:   باوعت على رجليه   بقهر حتى ما اكدر احركهن.  ما اكدر  امشي شلون اجيب

ـ   ابتسام:  ما دخلني اني الي يريد يروح  يجيب لنفسه

ـ بريهان:  عمه الله عيج والله عطشانه

ـ ابتسام:  ما دخلني

ـ مشت و عافتني متت من القهر ضليت ابجي ما بيدي حيله غير البجي   مر الوقت و اني  على كعدتي ما اكدر اتحرك و ميته من العطش ليمن ما صارت بـ 12 الضهور  سمعت الباب انفتح سمعت صوت افراح  طرت من الفرح راح تجي و تنطيني مي

ـ افراح:  السلام وعليكم  هاا حبيتي شلونج اليوم  زينه انشاء لله

ـ بريهان:  من كد ما عطشانه ما جابتهة بس كلت الهة.   اريد  مي عسريع راح اموت من العطش