خذلان اليتيمه

البارت 9

📌 الكاتبه ريهام

📌 خذلان اليتيمه

هلي وعيونكم ضايع

هلي انسدت ابوجهي الدنيا و البيبان

و يذبني العمر من شارع لشارع

،،،،،،،،،،،

ـ سليم. عندج ابن عم اسمه علي

ـ اتذكرته و ابتسمت.. ايي

ـ زين هسه اشويه و نطلع انروح عليه

ـ تعرفه

ـ صديقي من زمان

ـ اممم

ـ اشوكت انروح

ـ هسه اشوي و نطلع

ـ تمام

ضليت كاعده و هوَ صافن عليه كلش اتلبكت ما اعرف وين اضم وجهي انتبه لنفسه و كام طلع

اشوي و طب.... يله صار لازم انروح حتى نوصل لبغداد من وقت

ـ  باوعت الساعه 3 اليل.. ايي

ردت اكوم بس رجلي توجع من الوجع اعيوني دمعن باوعتله .... ما اكد امشي

ـ تعالي اشيلج

ـ لا لا

ـ لعد اشلون تمشين

ـ هسه احاول

ـ حاولت نزلت من السرير بصعوبه و وكفت على تك رجل و لازمه السرير بس افلته اوكع

ـ باوعلي.... يله امشي

ـ ما كدرت امشي بس حليت السرير ردت اوكع لزمني

ـ هااا بعدج اتريدين تمشين

ـ لا رد

ـ راح اشيلج

ـ لا رد

حط ايد جوه رجلي و ايد جوه راسي و شالني و طلعني من الفرفه كل الناس اتباوع عليه

ضميت راسي بصدره من المستحه و صلني للسياره حطني بيها و راح من الجه الثانيه صعد و شغل السياره

الدنيه ليلي و اني فرحانه راح ارجع بلكت اشوف اهلي بلكت يطلعون ما ميتين و ارجع البيتنه

و بعد ما اشتغل و اضل نايمه بعد ماكو لا هارون ولا ابو ولا شعيب بعد ما يضربوني

بس اني اريد على اخواتي اشلون راح اعوفهن اتعودت عليهن اصلن هسه مشتاقتلهن

زين ابوهن انسجن شلون راح يعيشن اريد اجيبهن يمي

و كف السياره و نزل اجه جايب اكل حطه كدامي

ـ يله اكلي خسرتي دم اهواي اليوم

ـ باوعتله صح مستحيه منه بس اني ميته جوع احس راح اوكع من الجوع و ما ماكله صار يومين