خذلان اليتيمه

البارت 6

📌الكاتبه ريهام

📌  خذلان اليتيمه

ـ افراح:  طبيت على بابا كاعد هوه و ابتسام يشفون التلفزيون....  بابا  اريد احجي وياك بشغله

ـ شعيب:  كولي عسريع مالي واهس

ـ افراح:  بابا  انتَ تعرف اجت المدرسه و بريهان اتريد اتكمل دراستها

ـ شعيب :  هيه هسه صارت بنتنه  و احنه ما عدنه ابنيه اتكمل دراسه

ـ افراح:  بس بابا احنه مو من حقنه نبطلها هاي مستقبلها

ـ شعيب: كلت ماكو دراسه تكعد و تسكت  و من تمشي تشتغل شيكولون العالم علينه   امخلي بناته بل مدرسه ويه الولد انته النقاش

ـ افراح: تمام

ـ رحت على بريهان ما ادري اشلون اكللها  خطيه البنيه راح تدمر احلامها من ورا ابوي

َ ـ  فتحت  الباب   

ـ بريهان:  هاا افراح  شنو كلچ

ـ افراح:  باوعتلها و الدمع بعيني خطيه هلبنيه شنو ذنبها هيج يصير بيها.....  ما قبل بس عادي انتي لا تزعلين نفسج.  

ـ بريهان:  ش شنو ما قبل

ـ افراح:  ما يقبل تدرسين ايكول العالم تحجي علينه

ـ بريهان:  نزلت ادموعي و بيت اعيط ..... شنو ما يقبل مو بكيفه هاذا مستقبلي 

مو هوه يدخل بي اني اكمل دراسه مو من حقه يمنعني

ـ افراح:  باعي حبيبتي انتي لا تزعلين نفسج لان مو زين على حالتج راح تتراجع و بعد ما تمشين

َ ـ بريهان:  اني اريد ادرس حتى اطلع منا و اروح  لعمامي  ما اضل يمكم حتى تضربوني

ـ فات شعيب و اني اصارخ

ـ شعيب  :  شنو هاذا العياط

ـ بريهان: حجيت بنبره عاليه   و ادموعي تنزل..... اريد ادرس انته مو من حقك تمنعني اكمل و غصب عنك

ـ اتقدم بنتجاهي شعيب و عاط و لزمني من شعري

ـ  شعيب:  اخصب عله منو عليه  بت الكلب اني هيج تحجين وياي

ـ بريهان: اني خايفه بس لازم احجي ما اكدر اسكت و هوه يدمر مستقبلي كدام عيوني...  اكمل دراسه  اتريد ترضه او ما ترضه اني اكمل دراسه

ـ ضربني راشدجي حسيت صار وجهي نار  و لزمني من شعري و يسحب بي احس كطع شعري 

ـ و اني اصرخ  و اغلط عليه كل ما اغلط يزيد بلضرب  حسيته وحش ماكو بكلبه رحمه

ـ بريهان:  اااه شعري عوفني يا همجي عوفني

صار يضرب بيه  اكثر و الدم نزل من خشمي و البنات يصرخن حتى يعوفني يخافن يتقربن لا يضربهن