سِــهامُ الأَنتــِقام " القَــوس "

- السَـهُم السَـادس ،

- عمَـل مُشتَـرك

- بـ قَـلم الكاتِـبة : زَيـنَــب مُـحَـــمد
- والكاتبة : لَارا الرُبيــعي ، lali_42

- البِدايــة : 2024/7/4 ،

- بنات عَـلقوا بيت الفقـرات وتابعوا الحساب علمود استمـر 🩶.

-غَدًا تُسبى النساء
وتُحرق الخِيم
وتُعلق الرؤوس الطاهرة
وتُضرب الأطفال
وتُقتل الرجِال على ايدي الذكور
غدًا تحمرُ السماء لأجل الحُسين

استَـمتعـــعوا نَجمــاتي !

________________________

حركتها صيحت حتى تسمعني عفتها وصعدت فوك ابدل هدومي واني نازله على الدرج ضربت جبيني استوعبت انو امي مدتكعد! ركضت للغرفة حطيت ايدي على المكان مال نبض طخيته
ودموعي تنزل لا ارادياً،

- آيار : ماما حبيبتي البارحه كُلشي مابـيج!!

قنعت نفسي امي متخربطه، كل هاي الافكار تجي براسي واني ابچي وافتر بالبيت جبت مي وعطر وكعدت يمهاا وذبيت عليها المي ورشيـت العُـطر اثناء ما جاي اخابُـر خالتي ، جنت دائما اللجـئ الها بوقت الي يتخربـط وضعي، ردت علـيه خالتي واردفت،

- رنا : هلو حبيبتي شلونـج؟

صوت شهگاتـي تِتسابَـق مَع كلماتـي وبالگـوة حجيت،

- آيـار : خاله امـي امـي مَـا جاي تكعُـد عَفيه تعالوا بسرعه صار عدها اغماء يمـكن ..

- رنا : صخام الصخمنيي يُمه بنتي مابيها شي هاي مسافة الطريق جاييـن

سديت التليفون منها واني احاول بكُل طريقه اكعـد امـي احس رجليناتـي متشيلني بعد بس كعدت يمها ودموعي تنزل
نقطة ضعفي امي مجرد ما اشوفها تعبانه احس ما اكدر اسوي شـيء وعقلي يروح ولا اكدر افكر بشي، شوية و وصلوا بيت خالتي بسرعه فتحت الباب واجوي كلهم خالتي وزوجها واولادها ريان وسند وامير، احمد بقه يم وتين،
دخلوا على امي وشالوها ريان وامير واني ركـضت كدامُـهم منعوني اجي وياهم بس مقبلت بنُـص صفنتي ودموعي سمعت صوت خالتي وهيَ تگـول،

- رَنا : يُمه اخيتي بس لا ماتت جبار ماكو نبض

زوج خالتـي اشربها علية وعض شفتـه عود اسكتـي

- جبار : لا لا لا لتفكرون هيج هسة نوصل ومابيها شيء ، امشي بسرعه ابني

•

وصَـلنا للمستـشفى نزلنـه ودخلناهـا بَعد فتـره مِن التفكـير والبَچـي والتوتـر طلـَع الدكتـور واردَف بصوت مسمـوع بعد ما تنهَـد ،