رواية وش حيلتي إذا الشوق صوبك دعاني

الجزء 14

في المستشفى

وصل ناصر ومعه امه وأبوه عشان يزورون ولدهم ويشوفون البيبي

راحوا لجهة الحضانه ,, حب ناصر انه يفرح اهله بالولد قبل ما يتفاجأون بنايف وزوجته

ناصر لممرضه:لو سمحتي ولد نجود
الممرضه:هنا ولا تبون داخل
ابو ناصر:لا داخل خل أأذن بأذنه
الممرضه اوكي تعالوا

دخلوا,, وجابت لهم الولد ,, وشالته ام ناصر وسمت عليه وعطته جده,, اللي أذن بأذنه وأقام ,,
ام ناصر: وجيهه اصفر لايكون فيه بوصفار
الممرضه:لا حضرتك هو من تعب الحادث
ابو ناصر لولده:حادثهم كبير يا ناصر؟
ناصر وهو ياخذ نفس عميق:لا بس يعني,, بس هم بخير اهم شي
ام ناصر حطت الولد بسريره:ودني لودي ومرته
ناصر :ابشري

راحوا لجناح العنايه اللي فيها نايف وكان الدكتور توه طالع
ابو ناصر: انت دكتور ولدي؟
الدكتور:ايوه
ام ناصر:وشلون وليدي ابي اشوفه
الدكتور: تفضلوا ارتاحوا

جلسوا ع الكراسي
الدكتور كان واقف ويكلمهم
: الحادث اكثر شي من جهة زوجته,, واللي صاب نايف هوكسر بضلع أدى الى جرح للرئه والحمدلله عملنا له اللازم بس تقريبا لمدة اسبوع مانبيه يتحرك عشان رقبته وصدره,, وعشان كذا حنا نعطيه منوم ومسكن يعني الحين بتشوفونه بس ,,يعني ماراح يتكلم معكم الا بعد اسبوع
ابو ناصر:لاحول ولا قوة الا بالله لا حول لولا قوة الا بالله,, ومرته
الدكتور:مرته هي اللي تقريبا كلت الحادث بس سوينا لها اللازم,, بس أسألوا دكتورها المسئول دكتور عادل ودكتوره سهير
ام ناصر وصوتها بالكاد يطلع:ابي اشوف وليدي ابي اشوفه
الدكتور عوره قلبه على ام ناصر وابو ناصر اللي كلام الدكتور له تقريبا كسر ظهره ع الاخر
الدكتور:قومي يا خاله ,, بس شوفوه لا تلمسونه لانه ممنوع عليه اللمس والحركه ع الاقل اسبوع
دخلوا كلهم داخل,, وأنفجعوا من شكل الجهاز اللي مركب على صدره وموصل لخشمه,, هذا غير تجبيرو الرقبه الطويله نظرا لان رقبة نايف طويله وعريضه بنفس الوقت>>نايف شكله يميل للأجانب
هنا ام نا صار ماقدرت تتحمل انهارت وطاحت ع الارض وقامت تبكي عليه وانفتحت الجروح على بعض جرح فقدان ولدها الغالي,, وإصابة ولدها اللي مافرح بمولوده الجديد
ابو ناصر :لا حول ولا قوة الا بالله
ناصر :يمه لا تنهارين كذا اذكري ربتس,,
الدكتور وهو يساعد ناصر انه يرفعون امه ويطلعونها برى الغرفه
اما ابو ناصر ماقدر يتحمل منظر ولده,, وعلى ماطلع برى الغرفه طالح عليهم مغمى عليه

الدكتور:ياعم
راح له بسرعه الدكتور ونادى الممرضات,, وشالوه بسرعه وأسعفوه,
ام ناصر وهي تطالعه يشيلون رجالها
ام ناصر وهي تدعي ربها وترفع يدها:يارب قبل لا تفجعني بأبو عيال,, أخذني قبله,, يارب لاتفجعنا ولا تزيد همنا,, يارب كلنا من عبادك الصالحين ,,مافي منا ظالم,,ولا فاسق,,وكلنا عبادك,ياربي لاتفجعني ياااربي
ناصر كان محتار مابين أمه وأبوه :نييييرس تعالي