رواية وش حيلتي إذا الشوق صوبك دعاني

النهاية

كانت ساره تبكي بحرارة قلب,,بكأت أكثر من المره الأولى ,,بكأت ولديها أحساس بالضياع للمره الثانيه ,,أحساسها بأنها فقدت شيء ثمين لايمكن استرداده
ساره:وش كان يصير لو قلت له ايه احبك ونرجع لبعض,, وش كان يصير لو ريحت قلبي آآآآآآآآآآآآآآآآآآآه الراحه متحسفه لاتجيني آآآآآآآآآآآآآآآهـ يانايف حبك مالقيت من وراه بيوم الراحه ,,,
وجلست تبكي وتندب حظها
جاها مسج من ريم صديقتها::ردي ساره قلبي من امس وهو معورني عليك
حست ساره انها حابه تشكي لآخر مره وبعدها تطوي صفحة نايف واللي جابوه
اتصلت على ريم,,ريم اول ماشافت المكالمه ردت على طول
ريم:وينك انتي من اول الليل وانا قلبي منشغل عليك
ساره وصوتها يكاد يبين من الشهقات والبكاء:تعبانه
ريم تخرعت على صديقتها:وش فيك بسم الله عليك
ساره وهي تشاهق: ن ن ن اايف
ريم:ياليل وش فيه ذا بعد دق عليك مره ثانيه؟
ساره:ا ايه ويبي يتزوجني
ريم:!!!وش قلتي له؟
ساره:قلت ما أبيــــــــــك
ريم عرفت مربط الفرس صديقتها كابرت على حبها:وانتي ندمانه الحين؟
ساره:ما أدري ما أدري بس قلبي يوجعني
ريم:اسمعيني,, هذا نايف حس بقيمتك متأخر ومو ذنبك انك تتغيرين أو تتركيه
هو أختار غيرك وخل يتحمل قراره ,,والحين هو متزوج وعنده ولد
قاطعتها ساره:بيطلقها قال عشاني
ريم:وطلقهــــــا؟؟ وش بيضمن لك بعد كم شهر من زواجكم يجي الرجال يقول ولدي ابيه يعيش عند امه وأبوه وراح ورجعها وقالك هي ام ولدي بس انتي الحب ,,الرجــــــــال ملعن اعرفهم لا تعلميني فيهم,, شرط ان نايف ذا زوجته نكفت عليه(زعلت) وحب انه يبين لها ان عنده بديل والا وهو الخبل انتي!
كان كلام ريم زي الكف القوي لساره الجمها وأوقف بكائها
ريم وهي معصبه:الو
ساره:يعني ما اندم عليه
ريم:ولا تفكـــــــرين اصلن تندمين عليه ,, ولا تفكرين برضوا تلاقين بديل له خلك على حياتك لاتجبرين نفسك لشي وعيشيها يابنت
ساره:كلهم بيروحون لحنان في المطار بس أنا قلت لهم تعبانه
ريم بحماس:خبله انتي روووووووحي وان كان فيك صياح طلعيه هناك الكل بيصيح,, وخلي آخر دموعك تكون بصالة الوصول للمسافري
GOOOOOOOOOOOOOOOOOOOOOOOOOOO
ساره لوهله حست انها نست المصيبه اللي كانت تبكي منها:صدق اني خبله ما تنتعوض هالفرصه يالله بروح اخذ شاور والبس
ريم:GO GO
ساره:هههههههههههههههههههههه تدرين انك أحلى صديقه بعد أمي
ريم:ادري
ساره:طز بنايف
ريم:طزززززين
ساره:هههههههههههههههههههههههههههههه اصلا انا ما أحبه زي اول بس ابكي على حالي شلون صار اللي ابيه بس بعد فوات الاوان بغاني اتزوجه بوقت انا ما أبيه فهمتي ريوم؟
ريم بصبر على ساره:ايه فاهمه بس انتي لاعاد تبكين لا على نفسك ولا على غيرك
ساره:أحبك
ريم:اروح كوكتيل انا مالقت احد تحبه بتخصبقني معها احييييييييه
ساره:ههههههههههههههههههه يالله تشلو بروح اقولهم اني بروح معهم
ريم:بعد ذا وتشلو
ساره:هههههههههه قصدي تشاااااو
ريم:رقعي رقعي ,,يالله تشاو
سكرت ساره السماعه وتوجهت لدرج اللي يطل على صالة البيت
ساره:ماما
شيخه:لبيه
ساره:رحتوا؟
شيخه:ايه حنا بالمطار الحين
ساره:ههههههههههههههههههههههه طيب بروح معكم
شيخه فرحت من قلب :نستناك لك خمس دقايق
ساره:هواااااااااا
شيخه ارتاحت ان بنتها قدرت تجتاز حزنها,,ماحبت شيخه انها تكون مع بنتها ,,فضلت تكون لبنتها خصوصيه في البكى وتواسي نفسها,, وحبت تكون بجنبها صديقتها الصدوق ريم,,فتصلت شيخه على ريم
شيخه:هلا بنتي
ريم:هلا خاله شلونك
شيخه:الحمدلله
ريم:وين ساره اجل اتصل فيها ماترد؟
شيخه:انا كلمتك عشان ساره
ريم:يؤ شفيها؟؟
شيخه:ابيك تتصلين وتوقفين جنبها ,,البنت محتاجه لك
ريم فهمت:والله انا قلبي ناقزني عليها بكلمها اجل
شيخه:انتوا صديقات وانا أثق فيكم
ريم:تسلمين خالتي كلامك ذا يفرح قلبي والله
قطع تفكير شيخه صوت ولدها فهد
فهد:يمه
شيخه:هلا
فهد:شكلك كنتي سرحانه؟
شيخه تبتسم:ايه شوي
فهد:هههههههه يمه حنان ورجعت
شيخه:ههههههههههههههههه من عيوني اليوم اقول لخالتك
فهد فرح من قلبه:زين ,,من بيوديكم المطار؟
شيخه:بنروح كلنا بسيارة عمك عبدالعزيز
فهد:مو ضيق عليكم
شيخه:لا ياولدي الضيق بالقبر ,,نبي كلنا نرجع معها بسياره وحده
فهد:فارس بيروح؟
شيخه:هو قائد المسيره افا عليك,, ومريوم جهزت الطيران
فهد:هههههههههههههههههه او ماني مخلي اجل هالمسيره تفوتني بروح معكم بسيارتي وباخذ فارس والعياال
فارس: من قااال اسمي
فهد:ههههههههه بسم الله علي منك من وين طلعت
فارس:أي احد يقول اسمي اطلع له
شيخه:جني ؟
فارس:ههههههههههههههههههه
مريم:اناااااااا جيت
شيخه: وين العده؟
مريم:عندج الباب
ويدخل ابو فهد:ماشاء الله واعين؟
شيخه:ايه والله ها بتروح تصلي؟
ابو فهد:ايه ماجاكم خبر كان هبطوا بالرياض؟
شيخه:لا والله ماجانا خبر من كلام فيصل 10 دقايق ويجينا خبرك المطار بعيد
ابو فهد:صلوا قبل
شيخه:ايه هذاني بصلي دامني متوضيه
فهد:صلوا ياعيال
فهد:قم توضا يافارس خل نصلي انا معك جماعه قبل لا يجي فيصل
قاموا العيال يتوضون
وفي طريق ابو فهد لقى عند مدخل الفله الداخلي طيران!!!
ابو فهد عقد حواجبه:شيخه
شيــــخه
مريم:امي كبرت تصلي
ابو فهد:امشي انتي
مريم:هلا يبي>>شافت الطار بيديه وضحكت
ابو فهد:ان شاء الله بتفضحونا بالمطار
مريم:هاهاهاهاها لا يبى بالسياره بس
ابو فهد:وين امك ماخلصت
وراح لشيخه وبيده الطار ولقاها تصلي,,وجاه فهد
فهد:هههههههه شفيك يبى؟
ابو فهد:ابي اتأكد من أمك انها مو فاضحتنا في المطار بالطيران
فهد:ههههههههههههههههههه لاتخاف بالسياره ولا انا بخليهم ؟؟يفضحونا بالمطار
بوفهد:انت بتروح ؟؟
فهد:ايه بسيارتي
ابو فهد:انتبه لهم ترى امك مو ضبط
شيخه بعد ماسلمت:انا مو ضبط
ابو فهد يتهرب:السلام عليكم بروح اصلي
العيال:ههههههههههههههههههههههههههههههه
نزلت ساره :انا خلصت جاااهزه
فارس:اوف شفيه وجهك متنفخ كذا
شيخه:من النوم
ساره تحك راسها:هههههههههههههههه وحاطه ليمون بوجهي وحسس فيها وانتفخ >>الله من الكذب
شيخه:صلوا صلوا
خلصوا العيال صلاه ,, وجاهم فيصل بسيارته وأخذهم وانطلق فهد ومعه فارس بسيارته وخلا فارس يسوق لانه تعبان
وتوجهوا للمطار
.............................................
في مطار الرياض
في الطائره بالاخص:
المضيفه:الحمدلله على السلامه تم الهبوط بسلام وراح ننتظر نصف ساعه لزوم تشييك الطائره
سعود:اوكي
نايف فتح جواله ,,وجاته رساله من خدمة موجود,,اخوه ناصر متصل عليه 3 مرات ونجود زوجته مرتين,, ومسج من نجود
أنا بأمس الحاجة لك ... لا تبتعد محتاج لك كلي وله مشتاق لك ... أرجوك لا تبعد بعيد ...تعال يا عمـــر الهنا ... أنا بــدونك من أنا؟
انتظرك في شقتنا (أشتقت لك)
المرسل:نجود
قرى نايف المسج وارتاح لأن نجود رجعت لعقلها ,, ولو ان ساره مقرره انها ترجع له وش كان بيسوي مع نجود الحين؟؟الله مايسوي الا الزين
نايف:يالله ياطارق فتحوا البوابه
طارق كان يصارع فرحته وحزنه:وأترك حنان؟
سعود التفت له:بأمان رح لأهلك اللي مشتاقين لك
طارق بتردد:ممكن اكلمها
سعود حس بطارق وعذابه,, واذا قال له لأ ماعرف وش يقول,, بس تذكر اخته اكيد تبي تشوفه
المضيفه:الدرج وصل تفضلوا
طارق:ممكن؟
سعود جلس على الكرسي وحرك يده بتفضل
أما نايف سلم على سعود وطلع وحب انه ينتظر اخوه بالخرطوم
دخل طارق على حنان:لقاها حاطه يدها على وجهها وتبكي
جلس على ركبته مقابلها ,, ومسك يدينها ووخرهم عن وجها اللي منتفخ من البكى ولقى دموعها على يدينها
حط يدها على وجهه وباس ها ,,ومسح باقي الدمع على تيشيرته
ومسح باقي دموعها بيده:ماقلت لك دمعك غالي عليّ
حنان:ما أقدر امسكهم
طارق :بهالمكان التقينا وبنفس المكان بنفترق ,, بس دام راسي يشم الهوا بكره أو عقبه جايك اذا ماصار اليوم بعد
حنان رجعت تبكي
طارق:قولي انك تبيني والله لاأجلس معك الى الخبر وارجع لأهلي بعدها
حنان وهي تمسح دموعها بسرعه:لالالا اهلك يبونك الحين,,رح لهم بس طمني عليك
طارق بإبتسامه هادئه:بشتاق لك
حنان ماقدرت وضمته وضمها طارق لصدره وعطها جرعه قويه عشان تتحمل,, وبنفس الحال عطته حنان جرعه قويه عشان يتحمل
سعود من برى:يالله اخلصوووا
حنان وهي تضحك وتمسح دموعها:تو اكتشف ان اخوي فري
طارق:هههههه أشوفك على خير يالغلا
حنان:بحفظ الكريم
جلس طارق يطالع محبوبته يملي عينه منها,, وكانت حنان تسوي نفس الشي
:S_042:
جلست حنان على كرسيها ,, وطلع طارق وهو يطالعها ويأشر لها :باي
طارق لسعود:شكرا
سعود:لا تتأخر عليها
طارق هز راسه لسعود:قل عسى ما اسلم على اهلي وامسك خط الشرقيه
سعود:ههههههههههههههههه الحب جنوون
طارق:هههههههههههههههههه
دق جوال سعود وكان ابوه
سعود:هذا ابوي
طارق:ممكن اكلمه؟
سعود :تفضل
طارق اخذ الجوال ورد:مرحبا
ابو فيصل:ها وينكم؟
طارق:ههههههه بمطار الرياض
حس بو فيصل مو صوت سعود:من؟
طارق:ماعرفتني ياعم؟
غمض ابو فيصل :طارق
طارق:ايه ولدك طارق
ابو فيصل:هلا والله بولدي الحمدلله على سلامتك,,سامحني على القصور الحق لك ادق واسلم عليك,,قلت لسعود مير ان قلبه ميت
طارق:وش هالكلام ياعم الحق لك انت الكبير,,
ابو فيصل:تسلم ياولدي
طارق:ياعمي
ابو فيصل:سم
طارق:أمانتك بترجع لك زي ماعطيتني اياها
ابو فيصل:الله يجزاك خير وانت قدها ياولدي
طارق:آمرني تبي اجيبها لك ولا أسلمها لأخوها
ابو فيصل:الله يجزاك خير ويسلمك لا ياولدي رح لأهلك واخوها بيوصلها
طارق:تامرني شي ياعم
ابو فيصل:انتبه على روحك ,, تراك غالي على قلبي
طارق:ابشر ,,السلام عليكم
سكر طارق,, وسلم على سعود وطلع بسرعه مايبي يجلس اكثر قلبه يتقطع
طلع للباب وكان الجو حلو وقت شروق الشمس والهوا الحار استقبله بالمطار
نزل بسرعه لقى اخوه نايف ينتظره ,,ضم اخوه وسجد سجود شكر لله في ارض المطار,,
كان الكابتن على الدرج واقف يسلم عليهم ويأشر
طارق اشر له ولقى سعود يطل عليه من النافذه ,, وحنان من النافذه الثانيه
دق لها التحيه وحط يده على قلبه وركب السياره اللي توصله لمبنى المطار
*
/
هلت دموع السما عند الـــوداع
وارسلت غيومها شوق وحنيـن مد لي يمناه وانهى الاجتمـــــاع
والهنا تبدل بدمـــــــع حزيــــــن
/
*
كانت حنان تمسح دموعها وتطالع السما كيف حلوه
حنان:يارب احفظه لي وفرح قلبي برجعته يارب
دخل عليها سعود:شفتي لو ماجاك انا بنفسي بروح اجيبه لك ,,بس لاتبكين ياختي
ضمت حنان أخوها,,في اليوم هذا عرفت حب الاخوان ,, وحب ولوعة العشاق
حنان:الله لايحرمني منك
سعود:ولا منك,, قومي معي هناك
راحت حنان وجلست بمكان طارق
المضيفه:ربع ساعه ونقلع
سعود:اوكي بس لو سمحتي قهوه
المضيفه:حاضر