على قيد الحب ♥️

(البارت الثاني)

وجَانت الصَفنة اعلَى وجهَك
هَية صحَوة وهَية غَفوة
چِنت بَس انتَ الوحِيد
اليَمة احِس ماعِندي قَوة .

- بعد مرور ٤٠ يوم ..

مرت أربعين يوم على وفاته مريت باايام صعبة كلشش تعبت نفسيتي هواية لا اكل ولا شرب وصرت اتخربط هواية ويودوني للمستشفى وكلشي تخربط من بعد ما توفى حبيب قلبي وروحي .

حسين : دكتور وهسة شلونه وضعها صارلها فترة على هل حال تعبت وتعبتنه وياهاا ما تقبل تسوي اي شي حابسة نفسها بهل غرفة .
الدكتور : الأفضل انو تجبروها تطلع تغير جو تسوي اي فعالية واذا عدها دوام ترجعله وتأخذ هاي الأدوية الي راح اكتبها الها لان عدها فقر دم حاد ونقص فيتامينات لازم تتغذى زين .
حسين :تمام دكتور راح نحاول وياهاا وان شاء الله خير
الدكتور : تفضل هاي الورقة مكتوب بيها العلاج الي لازم تاخذه وانته كأخ الأفضل هسة ما ترجعها للبيت وديهاا لمكان تغير جو اختك بحاجة إلى تغيير جو وتطلع من الي هية بي إذا ضلت هيج راح تخسروها وهاي اعتبرها نصيحة مني .
حسين : تمام دكتور شكرا الك .
تاليا :ضليت انتظر برة وحسين طول وية الدكتور بالحجي ورا فترة طلع باوع عليه اني ساكتة صافنة مااعرف شسوي بس احس اريد ابجي صرت مدمنة على البجي كد ما ابجي .
حسين :كومي تاليا نروح للصيدلية ناخذ العلاج ونروح .
تاليا : مااريد اجي وياك للصيدلية روح انته جيب العلاج واني حكعد بالسيارة انتظرك .
حسين : تمام هذا المفاتيح مال السيارة روحي انتظريني بيها اجيب العلاج واجي .
تاليا : هزيت راسي بتمام ورحت فتحت السيارة وكعدت واخذتني الصفنة اباوع على الشارع والسيارات جتني لحضة ادراك انو صار شكد ما طالعة فتحت نزلت هاي الي تكون بالسيارة حتى لتطب الشمس بعيوني احسها تأذيني نزلتها وجان اباوع بمراية صغيرة على روحي ضليت صافنة على شكلي وهاي شصاير بية شكد تعبانة لهناك اجه حسين فتح الباب وفزيتت ..
حسين :شبيج يروح اخوج هاي اني لتخافين بنتي اني يمج .
تاليا :ساكتة ما حجيت شي ضليت صافنة عليه صعد وطلعنه ضل يفتر ويفتر جان اكو حديقة كلي تريدين ننزل ضليت ساكتة ما حجيت وراها رد كال السكوت علامة الرضا فة يعني ننزل صف السيارة ونزل واجه فتح الباب كلي يلا تفضلي نزلي اختي العزيزة صفنت بوجهاا ردت ما انزل بس ضل يقنع بيه ونزلت ويا لزم ايدي حيل ورحنه كعدنه والسكوت سيد المكان ضليت صافنة على الناس والهوى عالي يضرب بوجهي صفن بوجهي وكال ..
حسين : شوفي يا اختي الي راح راح وهذا قدر ومكتوب وما تدرين شنو ممكن باجر يصير خليج قوية اريدج تكومين على حيلج وتكملين دراستج منين ما وكفتي وتعتنين بصحتج وبنفسج وترجعين مثل ما جنتي وردة مفتحة وكل الي عليج تدعيله يا اختي هذا قدره بهل دنياا واحنه ما نكدر نعترض على القدر وانتي يا اختي الحلوة الاحبهاا مااريد اخسرج وما مستعد ابدا تروحين من ايدي حيموتني التفكير وخايف عليج هواية يبعد بيتي انتي ..
تاليا : هو يحجي واني دموعي تصب مااعرف شكول ساكتة حاولت امسح دموعي ولزمت ايده وكتله ان شاء الله يصير خير ولتخاف عليه اني قوية وكد هاي الايام كلها .
حسين : ان شاء الله حبيبتي
تاليا : صفن شوية وكال كومي وياية كومي كتله وين نرجع للبيت كلي لا يا بيت امشي صعدي بالمرجوحة وادفعج خل الهوى يطير شعرج الحلو ضليت اباوع عليه شوية وما كسرت بخاطره وكتله يلا خل نروح اصعد وانتي تدفعني بس خفيف لا قوي كلي يلا ميخالف بسس امشي ..
مشينه واني كوة امشي كل خطواتي ثكيلة صارت وتعبانة كلش صعدت بعدم مبالاة وهو دفعني وضلينه هيج لحد ما صارت عندي طاقة غريبةةة بحيث لزمت المرجوحة بكل قوتي وغمضت حيل وكمت اعيط بعلو صوتي واشهك وابجي طلعت كل الي بداخلي وهو مستمر يدفع بية واسمع صوت بجيه علية لحد ما سكتت وكف المرجوحة اجه يمي حضني قوي وكلي اني يمج يروح اخوج انتي ضليت حاضنته وابجي بسكوت احس حمل جبير انزاح عن كلبي وخرت من عنده كتله عادي نرجع للبيت كلي يلا حتى تاكلين وتشربين علاجج وتنامين خوش كتله خوش وكمنه رحنه للسيارة ضليت طول الطريق ساكتة ما احجي شي لحد ما حجيت وكتله طلع قصيدة باسم الكربلائي مال خطار اجاني حباب وكلي تمام دور عليها وطلعهااا ..
ورا ما طلعهاا وضليت اسمعهاا كلها إلى أن وصل للبيت الي يكول بي
- (احجي شحجي بعض المصايب صعبة تتفصل ، صعبة وكلبه حنين ولا يقبل عليه انذل )
صفنت دموعيي كامت تجري وفقد بديت اعيط واكول ليش عفتني ورحتتت ليشش حموتتت بدونك انيي حموتت تعال ارجعلي يلا ارجع واضرب على وجهي بقوة بحيث أخوية وكف السيارة وحاوطني حضني وكلي ابجي طلعي كل الي بداخلج لا تخلين شي حتى بعدها تخطين خطوة جديدة بحياتج وصفحة جديدة لكلشي لخاطري تاليا لخاطري ..
سكتت شوية وكتله يلا نرجع للبيت ، شغل السيارة ورجعنه للبيت وصلت اخذت شهيق زفير صرت اكره اتواجد بغرفتي وكلشي يذكرني بي تعبت من يوم الي راح اني تعبت وهواية هم ..
طبيت للبيت جتي بنت أخوية تركض اسمها جمانة جتي عليه وتصيح على امهاا ماما عمةة جتيي وصايرة زينةة وامها جتي تركض عليه وحضنتني وكالت انتي قوية توت وراح تعدين هل ايام واني يمج وكل احنه يمج ،مااعرف حسيت باامان صار صمت وشوية وحجيت كتلها وين العشة مرت اخي ،صفنت باوعت بوجهي كالت صدك تريدين عششةة كتلها ايي اريد عشة اني يمكن جوعانة صفنت وكالت تباوعلي وعيونها تلمع ولج يا جوعانة انتي صارلج ايام وليالي ما تاكلين شي بعيوني هسة احضرلكم العشة يلا كومي اخذ شاور وتعالي نكعد كلنه ونتعشة هزيت راسي بتمام باوعت الاخوية فرح من شافني ردت اكل ..
- رحت لغرفتي تذكرت الي صار قبل ٤٠ يوم بس هل مرة ما بجيت حسيت تعبت من البجي وتعبت من كلشي وأريد ابدي بداية جديدة صفنت على شكلي بالمرايا وشكد تعبان توكلت على الله ورحت اخذ حمام حار احسني ذبيت تعب كل هاي الايام طلعت فتحت الكنتور شفت بجامة لونها وردي وهاي حيل احبهاا لبستها وتعطرت ومشطت وطلعت يمهم جانو كلهم كاعدين وكلت احم احم الكل التفت ويباوعلي بصدمةة ..