على قيد الحب ♥️

(البارت التاسع)

عالعلة ابد ما طحت !
بينا الذنب بالهوى
من كلمن لوحدة
تمشي الدقيقة عمر
ومثل السهم لو سوة
وكلشي شفت ما شفت
الساعة ما تستحي
تغار من نلتقي !
تمشي اسرع من الضوة .

__________________________

- ل ابرار ..

اول يوم في نوفمبر ومثل كل يوم كعدت الصبح وبدلت ورحت لجامعتي طبيعي اخذنه محاضرة وبعدها رحنه للنادي وهم نفس الحدث تكرر وسئلني على سالفة العزيمة

وكتلة اعزمك كلي الاجتماع وية العميد راح يبلس خلي نروح وبعدين عود رحنه للاجتماع وضلينه نتناكر علمود سالفة العزيمة وكذا بكل براءة وشقة يعني

قبل لندخل العمادة لزمتني صديقتي من ايدي وكلتلي مبين عليه يحبج يولي اني ابتسمت وخفت كتلها لا يمعودة احنه أصدقاء شسالفة يلا خلي نروح تأخرنه

طبينه جوة وكعدنه اني وياها وهو جانت عيونه عليه كلساع يندار يباوعلي ويدير وجه ويبتسم واني كلبي يدك حسيت بس اريد ارجع للبيت

خلص الاجتماع ومن بعدها ما تشاوفنه هو ملتهي واني رجعت للبيت تعبانة باوعت شفته مراسلني وكذا صار هواية يهتم بية ويتطمن عليه دائما صفنت على الوضع رحت على صديقتي المقربة وكتلها عن الي كاعد يصير

كالت احسه معجب بيج ويحبج يولي بلحضتها حسيت كلشي كاعد يكلي انو  هو يحبني مشاعري مختلطة ومااعرف شنو اسوي

فتحت يوتيوب طلعت اغنية بيني وبينك وبديت ادندن وياها وابتسم واتذكره واتذكر سوالفه وحركاته صفنت للحضة كلبي يدك واحسني طايرة مثل الفراشة بالهوى احسني احبه ايي اني احبه يربييي

استمرينا على هل وضع واحنه نحب بعض من بعيد وماكو اي شي ومستمرين اصدقاء وهو يساعدني وابد ما يضوجني إلى أن اجه يوم

جنة رايحين للمرسم اني وصديقاتي وقبلها مرينة للمكتبة وكتلهم اني ادخل استنسخ واجيكم انتظروني رحت استنسخت ورجعت ورحنه نتمشى للمرسم شوية ودانية كلتلي

دانية:-ابرار راح اكلج شي

ابرار :- كوليلي

دانية:- اني شفت عباس وية وحدة وراحو من هذا الطريق

ابرار:- ضليت صافنة بوجهة احس عيوني غوركت كتلها اهاا منية هاي تعرفيها

دانية :-لا ما اعرفها منيه بس يمكن ويانه بالقسم ماادري

ابرار :-اها اوكي عاديي واني شعلية احنه اصلا اصدقاء وبس