على قيد الحب ♥️

(البارت الثالث)

أُطيل النظر إِلى وَجهكِ بإعتِبارهُ
طَريقتي الوَحيدة لِلتداوي مِن هذا العالم .

لهناك سمعت صوت صديقتي صارلي شكد ما شايفتها كومتني وحضنتني ووخرت عني وكالتلي ..

ملاك :تعرفين هذا منو ؟
تاليا: صارلي هواية ما مداومة ولا شايفة احد شعرفني بي منوو .
ملاك : هذا دكتور هنا بالجامعة ويدخللنه هم
تاليا : جذبببب هاي صدك عود هذا دكتور ويدخللنه بشنوو يدخل بلةة؟
ملاك :هذا دكتور علي انسان عصبي شايف روحه ومحد يكدر يندك بي يجي ينطي مادة اسمها الحقوق بكليتنا ويروح وهو ما يداوم هنا يعني بداوم بالقانون .
تاليا : بس احنه رابعة وما عدنه مادة اسمها الحقوق
ملاك : اي صحيح احنه القسم الوحيد الي ياخذ الاولى حقوق واحنه أخلاقيات مهنة
تاليا: واويزز لا ربحنه
ملاك : كلتي شي ؟
تاليا : لا بسس يلا نروح حتبدي المحاضرة .
ملاك : ايي يلاا ..

تاليا ..

طبعا مر يومي عاديي ماكو اي فعالية غير انو اني انصدمت بهل جبل هذاا ووكعني رجعت للبيت حجيت الي صار المرت أخوية رفل وهية ضحكت وخزرتهاا عرفت شنو تخيلتت وشنو اجه براسهاا عفتها وكمت صعدت لغرفتي سبحت بدلت ونزلت يمهم تغدينه وكملنه ورحت للمطبخ كتلها الرفل اني اغسل المواعين كالتلي لا دخيلج هسسة تكسريهن كلهنن روحي نامي ارتاحي اكيد تعبانة اليوم جنتي بالدوام هزيت راسي وكتلهاا اي شوية تعبانةة كالتلي اخذي علاجج وروحي نامي جاوبتها كتلها حاضر ماما رفل باوعت عليه ابتسمتلي واني ابتسمت وعفتها ورحت لغرفتي اخذت علاج ومددت ضليت بس اتكلب جتي أبالي سالفة الوكعةة وشلون كومني الدكتور علي وكلي اسف بدم بارد وراح يربي شكد مغرور وفكرة توديني وفكرة تجيبني وعاد عفيت مدري شلون  ..

ساعة ٦:٠٠ مساءا فزيت على صوت اشعار التلفون فتحته وياريت ما فتحته ضليت صافنة استوعب شنو هذااا منو ليشش شمرت التلفون للحظة ضليت افكر يجوز اني دا احلم يربي شنو هذااا معقولة يعني هيج معقولة ..

محتوى الرسالة جان عبارة عن صورة لتميم وية بنيةة ومكتوب جوة الصورة شوفي هذا خطيبي انتي اخذتي وبسببج مات واني صرت يتيمة من بعده ..
ضليت صافنة لدقايق غمضت عيوني حيل وفتحتهااا وبديت ابجي كتلهاا ولججج هو منو الي صار يتيم هو منو الي تأذى غيري شلون هيج سوة بية شلووونن واني الغبية جنت مصدكته لككك شلون هيججج شلون عفتني ورحتتت هسسة اني المن انطي وجهيي منو احاسب على فعلتك هايةة وهاي تكلي بقيت يتيمة يا يمةةة لحكيلي شوفي بنتج شصار بيهااا يمةةة بهل أثناء واني انهاريتتت اجوي اخواني واحد اخذ التلفون يشوف شبي والخ حضني وورفل جتي تهدي بيه طلعوني من الغرفة واني ضلت اناشغ وابجي واحجي اكله الاخوية شلون هيجج سوة بية شلون جذب عليه شلون يكلي بس اني بحياته وطلع عنده غيرييي لك طلع خاطببب حسين خاطببب واني مثل الأطرش بالزفة ماادريي هسسة اني شسوي اني وين اروح يا خوية اني والله تعبت اموتت احسلي ولا احس بهل شعور وانو اني جنت طرف ثالث ...
حاول أخوية يهديني ويخليني اصير قوية بس بعد انهاريت ورجعت اخذ مسكنات قوية مثل قبل ومرت يومين واني تعبانة نفسيا اروح للجامعة بلا روح وبس اريد يومي يخلص وانام مر اسبوع على هل حال لحد ما كعدت وية نفسي واكتشفت اني ضحيةة جنت وماكو داعي اضل بهذا الحال لان تعبت كلش تعبت فة كمت توضيت وصليت وبديت بداية جديدة وية نفسي ووية رب العالمين وبحياتي كلهاا وقررت اصير قوية وما يهمني شي منا ورايح ..