أنا معك

آهات وحزان

يقول قلبي

يقول قلبي بالشعر جر الألحان
وغناء على حرفه يردد شقاوي

يقول عفت الناس حضرا وبدوان
ولا عاد ليه من هواهم رجاوي

ولا راح همي مع شباباً وشيبان
صاروا سوا فقيرهم والغناوي

اللي جبرني بالصبر كثر الأحزان
والصبر مفتاح الفرج للهواوي

الحب صحراء وراعي الحب ضميان
الا إذا المحبوب عده رهاوي

يا ناس من حيد عن الحب جابان
جابان ما يقدر يحل الدعاوي

الحب يبغى بالبشر تسعه اركان
حتى يسير بسيرته كل راوي

الخوف والتقوى وعزة مع ايمان
والصبر والقوه وبعد الهقاوي

والحكمة اللي كنها هيكل انسان
التاسعه هي الثقة ذيب عاوي

صاير مكاني داخل الصدر ميدان
ميدان للعربان سارح وضاوي

ما اخصصه لفلان وافلان وافلان
مفتوح للي له يسوق الخطاوي

من باعني بعته وبأقل بالأثمان
دايم رخيص معدوم جمع ويساوي

واللي شراني مسكنه وسط الأحضان
بالدم وعروقي لشخصه فداوي

يا قلب وشبك تنثر الشعر زعلان
أثرك مريض وما لهمك مداوي

قلبي نخيتك تاخذ الشعر عنوان
الناس ما ترحم ولا هي بتاوي

من عاتب العالم مضيع وغلطان
كل العرب ترفع عليه الشكاوي

يا قلب خلك تشبه السيف شامان
تاطى على الاعناق يوم العزاوي