ماتموت المحبة ولو طال الغياب لسنين وحبي لك يزيد حتى بغيابك

part 1

يت اهل مهند
كانو يتجهزون عشان يروحون للديرة على اهل ايلين وكان مهند مرة متوتر لان بيشوف حبيبة الطفولة
جت ام مهند وتناظر مهند الي كان جالس وبعالم ثاني
ام مهند: ولد وش فيك
مهند مارد لان كان كل تفكيره وش ردة فعل ايلين اذا شافته
ام مهند ضربت مهند خفيف على راسه هنا الحمدلله صحى على نفسه(مايصحى الا بضربة😂) قام معصب وقال: من الحيوان الي ضربني
ام مهند: الحين صارلي ساعة اناديك ورا ما رديت
مهند: هاا كنت سرحان شوي
ام مهند: يلا تجهز بنروح بيت عمك محمد
مهند: وليه
ام مهند: وش الي ليه ياربي بيجطلني ذا الولد
مهند: وش فيك معصبة ليكون الوالد سوا شي😉
ام مهند: خلاص روح تجهز واترك عنك قلة الادب
راح مهند يلبس لبس ثوب اسود وشماغ وتعطر وكان مز
ام مهند كانت تضحك وهي تقول(يارب تحفظ لي عيالي) طلع مهند من غرفته وصادف عبدالله
عبدالله: وقف وقف
مهند عقد حواجبه: ليه؟
عبدالله: وتسأل ياخي وشذا الحلاوة
مهند بمزح: ولد لاتتحرش
عبدالله ضحك وراح غرفته راح مهند لامه
مهند: يمة وش رايك
ام مهند: ما شاء الله وشذا كبر ابني وصاير مز
مهند ابتسم
ام مهند: اذا وصلنا الديرة ان شاء الله بليقيلك بنت الحلال
مهند: لا يمة ما ابغى
ام مهند: وش الي ماتبغى انت صرت كبير وعندك وظيفة ليه ما تبغى(للمعلومية مهند طبيب اسنان)
مهند: خلاص يالغالية الي تبينه يصير بس البنت انا اختارها
ام مهند: ليه في وحدة ببالك😉
مهند: اي في
ام مهند: من هي؟
مهند: بعدين يمة لما نصل تعرفين كل شيء
جاء ابو مهند وشاف مهند: ما شاء الله يلا تجهزتو جيبوا الاغراض واركبوا السيارة وامش معي يا مهند نصلي الظهر قام مهند مع ابوه للمسجد صلوا صلاة الظهر ومشوا للديرة
ــــــــــــــــــــــــــــــــــــــــــــــــ
عند ايلين جت امها تصحيها: ايلين حبيبتي اصحي يلا عشان تساعديني
صحت ايلين وقالت: ليه مين بيجي عندنا
ام ايلين: عمك فارس وعيلته
صحت ايلين بسرعة لما تذكرت انه مهند بيجي
وراحت تركض للحمام(الله يكرمكم)
ام ايلين: بسم الله من بنات هالايام
ايلين كانت تتجهز تجهزت وطلعت وشافت امها للحين جالسة
ايلين: يمة ليه ما قلتيلي من زمان انهم بيجون
ام ايلين: للحين ما جوا انا صحيتك عشان تساعديني مو تروحين تتجهزين
ايلين: وش اسوي انا بنت ولازم اتكشخ واتضبط
ام ايلين: يلا خلصي وتعالي ساعديني
ايلين: ابشري كم وعد عندي انا
ابتسمت ام ايلين وراحت للمطبخ
عند ايلين الي جالسة تفكر معقولة مهند بيجي يعني بشوفه بعد غياب 10 سنوات معقولة للحين مهند يحبني قاطع تفكيرها لما دخل راكان وقال: اختي المزيونة امي تناديك تحت
ايلين: خلاص الحين انزل راح راكان وبعدها قامت ايلين للمطبخ تساعد امها اندق الباب وراحت وعد تفتح الباب
وكانت ايلين تسمع امها وهي تهلي فيهم ابتسمت وغسلت يدينها وراحت تسلم(ايلين كانت لابسة مخور وكانت فاكة شعرها البني الطويل وحاطة مكياج خفيف)
سلمت عالكل ولما وصلت عند مهند كانت مرة متوترة وقالت: السلام يا مهند
مهند ابتسم لما قالت اسمه وعرف انها للحين تتذكره
وقال: وعليكم السلام هلا فيك ايلين
راحت ايلين وجلست جنب امها وكان مهند كل شوي يناظرها رغد لاحظت(ام مهند) قالت بهمس لمهند: الي ببالك ايلين صح ابتسم مهند وناظر ايلين: اي ايلين
قام مهند وقال: وين الحمام
التفتت وعد على ايلين وقالت: ايلين قومي دليه عالحمام
انصدمت ايلين وقالت بهمس: خلي عبود يدليه
وعد بنفس الهمس: لا انتي قومي
ايلين: طيب
قامت وقام وراها مهند وصلت جنب الحمام وقالت: ذا الحمام
مهند: ما ابغى الحمام
ايلين: تستهبل جايبني لين هنا وتقول ما ابغى
كانت ايلين تتكلم بسرعة وهي معصبة وسكتت لما مهند قال: التقينا بعد وقت طويل يا ايلين
هنا ايلين سكتت ولا عرفت وش ترد
مهند ضحك وقال: تمونين
ايلين سكتت وهي متفشلة
مهند كان يقرب وايلين تبعد الين ما لصقت بالجدار ومهند حط يدينه حاجز وكان يناظرها: وش تبيني اتكلم عن جمالك ولا عن جمال شعرك
ايلين: وش جالس تخربط انت ابعد الحين احد يجي ويشوفنا
مهند: واذا ما بعدت وش بتسوين
ايلين: بنحاش
انحاشت ايلين ومهند كان يضحك عليها
بعدها جا راكان: هلا بولد العم وش اخبارك
مهند: الحمدلله بخير
راكان: شكلك تعبان من الطريق امش معاي اشوفك وين الغرفة الي بتنام فيها
مهند: اي والله اني تعبان
راحوا وبعدها الكل نام الا ايلين ومهند
مع ان مهند كان تعبان لكن ما نام كان يفكر بأيلين وايلين كانت تفكر فيه بعدها ناموا ابطالنا بعد ماكانوا يفكرون ببعض
ـــــــــــــــــــــــــــــــــــــــــــــــــــــــــ
اليوم الثاني
عند اهل ميار
عند ميار بغرفتها تطقطق بجوالها رن جوالها وكانت ايلين ردت وقالت: هلا والله
ايلين: هلا فيك تعالي عندنا
ميار: ليه؟
ايلين: ابد عمي فارس هنا هو وعيلته
ميار: طيب
راحت ميار لبيت عمها محمد
وصلت ودقت على ايلين: وينك انا عند الباب
ايلين: جيت
راحت تفتح الباب فتحت الباب وحظنت ميار
ايلين: يا حمارة مشتاقتلك
ميار: وانا بعد يا حمارة
جلسوا بالصالة بعد ما ميار سلمت على عمها فارس واهله
وكان مهند مار وراح للمطبخ ناظرت ميار ايلين وغمزت لها ايلين ضحكت طلع مهند من المطبخ وقال: ايلين ابغى سكر يا سكر استوعب الي قاله وقال: اقصد سكر
ناظرتهم ميار وضحكت
راحت ايلين للمطبخ ولحقها مهند السكر كان بعيد وايلين قصيرة ما تلحقه(طول ايلين 155 وطول مهند 187)
ناظرت علبة السُكر وقف وراها مهند وكان قريب منها و اخذ العلبة والتفتت ولقته وراها
وقالت:  وش تسوي؟
مهند: وش اسوي يعني؟  باخذ العلبة يا قصيرة
ايلين: اسكت ماني قصيرة
مهند:  خلاص وش قلنة ياقصيرة
وراح للمجلس وبعدها راحت ايلين للصاله
ميار: فين كنتي يابنت طولتي
ايلين قالت لها السالفه
ميار:  والله ان‌َ حبيب القلب طويل ويلحق😉
ايلين: اسكتي يرحم امك
ميار:  خلاص خلاص سكتت
ميار: بنت شرايك نروح المجلس؟
ايلين: اي والله طفشت هنا
ميار: طبعاً بتطفشين دام حبيب القلب مو معك😉
ايلين: كلي زق يلا يلا قومي
راحو المجلس وكان في نظرات بين مهند و ايلين
بعدها وصلت غادة الي هي عمت ايلين وكانت معها ملاك(كريهة مرة هي وامنة صديقات وتحب مهند عمرها 19) وجلست ملاك تتدلع قدام مهند
عند مهند الي كان قرفان من حركاتها وناظر ايلين الي كانت غيرانة مرة وابتسم على ملامحها وكيف هي غيرانة
خلص البارت الاول
احبكممم💗💗