ماتموت المحبة ولو طال الغياب لسنين وحبي لك يزيد حتى بغيابك

part 2

جلست ملاك تتدلع قدام مهند وهذا الشي ازعج ايلين مرة ايلين كانت جالسة جنب ميار قربت وقالت بهمس: هذي الي تبيني اروح انتف شوشتها شوفي كيف جالسة تتدلع قدامه
ميار بنفس الهمس: معليك منها اسفهيها بعدين شوفي نظرات مهند واضح انه متقرف منها
ايلين: اي واضح انه متقرف
ميار: دقيقة بديتي تغارين بسم الله ما امداك
ايلين: وش الي ما امداني بعدين انا ما غرت وانتي تعرفين اني اكره ذي الحركات
ميار: اي واضح انك مو غيرانة
ايلين: يعني مبين علي اني غيرانة
ميار: اي واضح حتى ان مهند ضحك لما شاف شكلك وانتي كذا
ايلين: منجد بروح شوي اهدي نفسي لا انفضح
ميار بضحك: اي روحي واشربي موية مع ليمون
ايلين ضحكت وراحت للمطبخ تشرب موية وتحاول تهدي نفسها دخل مهند المطبخ وايلين كانت صادة وجا من وراها واخذ كوب وكان مرة قريب منها بعدت ايلين وهي مخروشة وقالت: بسم الله من ذا
مهند: انا جيت باخذ كوب
ايلين: الواحد يتكلم قبل لا يدخل
كانت تبي تروح الا مهند يسحبها ومسك خصرها: وين
بتروحين
ايلين بأرتباك: ا ا بروح المجلس
مهند: ما تروحين الين ما تقوليلي وش فيك وليه معصبة
ايلين: ماني معصبة
مهند: الا معصبة
ايلين هنا انفجرت وجلست تقولو عن كيف ملاك كانت تتدلع ووضحت انها غيرانة وقالت لا شعوريا: ليه انت حلو وليه كلهم يتدلعون عندك مهند كان مصدوم منها وقال: وشو؟
ايلين هنا استوعبت: ولا شي
مهند ضحك وبدا يقرب منها وقال:طلع كل ذا غيرة ياربي وش اسوي بنفسي اخخخ جعل محد يغار غيرك فداك انا والله
ايلين انصدمت منه وقالت: وش قلة الادب هذي اقول بعد بس
راحت وهي بصدمتها ومهند كان مبسوط
عند العيال كانوا جالسين برا بالحوش وجا مهند
راكان: تعال ياخي وين كنت
مهند: كنت داخل
راحوا وجلسو حول شبة النار مهند وراكان وعمر وادم وناصر
وجالسين يتكلمون بعدها عمر قال: ياخي طفش ليه مانلعب
راكان: وش تلعب تستهبل
عمر:نلعب لعبة صراحة
هنا العيال كلهم وافقوا وجا سؤال لناصر
ادم: منهي اطلق وحدة بالبنات؟
ناصر: ايلين
هنا مهند جن جنونه لما سمع الاسم وقال بحدة: ليه انت وين شايفها؟
ناصر: امس جت تسلم على امي وشفتها البنت مزة بشكل شعرها حلو وهي صاروخ
قام مهند ومسك ناصر من تيشيرته: وش تخبص انت ها
ناصر: وش قلت انا تراني ما قلت شي
مهند عطى ناصر بوكس وطاح بالارض وقام وصار فوكه وجلس يضربو الين ما نزف انفو هنا راكان سحب مهند: هدي يا مهند
مهند بصراخ: انت تسمع وش جالس يقول قليل الادب ذا
راكان دخل مهند للصالة وكان فيها ايلين وميار
دخل مهند وهو معصب ولما ناظر ايلين هدى شوي
قام راكان وجاب له موية وهنا ميار وايلين مصدومات ولا يعرفون وش فيه مهند
ايلين: وش فيك ليه وجهك كذا؟
مهند: ما فيني شي
راكان: متهاوش مع عيال الحارة
هنا البنات طلعوا من الصالة
ميار: امشي نروح المجلس يمكن نفهم وش الي صاير
ايلين: طيب
راحو المجلس وكانوا كلهم يتكلمون
ناصر وهو جالس وحاط منديل على انفه: انا ما قلت شي يا عم بس مهند جا ضربني
فارس: عبدالله روح نادي مهند وراكان عشان نفهم وش السالفة
راح عبدالله وناداهم
فارس: ليه يا مهند تسوي كذا بولد عمتك؟
مهند ماكان يقدر يقول انه عشان ايلين لان هي كانت جالسة وقال: هو جلس يخبص وانا ضربتو
فارس: انتم ما بنفع معاكم كم مرة وانتم تتهاوشون على اسباب سخيفة وش الي جلس يخبص وانا ضربتو ناصر قولي وش صار
ناصر قالهم السالفة
الكل كان مصدوم من السالفة وكانت بنظرهم سخيفة مرة هنا ميار سحبت ايلين وطلعوا للحوش
ايلين: وش فيك خلينا نفهم السالفة
ميار: السالفة واضحة معقولة ما عرفتي ليه مهند سوا كذا
ايلين: لا ليه سوا كذا
ميار: لانه غار عليك يا غبية
ايلين: وشو غار
ميار: ايوة غار عشان كذا كفخ ناصر لانه تكلم عنك
ايلين كانت بحالة صدمة حرفيا
ميار: امشي ندخل عشان محد يشك
دخلوا وهم داخلين صادفوا مهند ناظر ايلين وابتسم
لما راح مهند للحوش ميار صرخت
ايلين: وش فيك ليه تصرخين؟
ميار: شفتيه كيف ناظرك وابتسم
ايلين ابتسمت هنا ميار قالت: دقيقة لا يكون انتي بعد.. هنا ايلين هزت راسها وهي مبتسمة
ميار: والله انكم لايقين لبعض مرة
ايلين: منجد
ميار: ايه
راحوا وجلسوا مع البنات وكانت ملاك تناظر ايلين بنظرات غريبة ايلين طنشتها وجالسة تسولف مع ميار
هنا ملاك جلست تتكلم بصوت عالي وقالت:والله مدري وش يشوف فيها مهند هالحية
ميار: على مين جالسة تتكلمي
ملاك: على الي جبنك(قصدها ايلين)
ايلين:ادري اني قاهرتك مرة
هنا ملاك انجنت ومدت يدها تبغى تعطي ايلين كف مسكت ايلين يدها وقالت: مين انتِ عشان تمدين يدك
قامت ايلين وسحبتها من شوشتها ملاك كانت تقاوم لكن ما قدرت بحكم ان ايلين اقوة منها بكثير هنا ميار مسكت ضحكتها وهي تحاول تفك ايلين عن ملاك لكن ما قدرت قامت امنة وراحت للعيال
عند العيال جالسين ما عدا ناصر جت امنة: يا عيال الحقوا
العيال: وش؟
امنة: مو وقت اسألتكم الحين امشوا راحوا العيال وشافوا منظر ايلين وملاك هنا مهند جا وفكهم عن بعض: وش فيكم انتم بزران؟
ايلين: اي بزران
ملاك بدلع: تخيل يا مهند كنت اتكلم مع امنة وجت ذي(قصدها على ايلين) وجلست تضربني
ايلين: يا كذابة انتي الي بديتي بالاول
مهند: خلاص ايلين تعالي معي
راحوا للمطبخ وجلسوا عالطاولة
مهند: ليه تهاوشتو؟
ايلين: هي سبتني وتهاوشنا
مهند: تصدقين والله انها تستاهل
ايلين بصدمة: وشو؟
مهند: تراني جالس اتكلم جد ملاك انسانة حقيرة مرة
ايلين: طيب تبيني اقولك وش قالت
مهند:وش قالت؟
ايلين: قالت مدري وش يشوف فيها مهند هالحية
مهند: معليك فيها هي مقهورة طيب ايلين بقول شي
ايلين: قول
مهند: اذا تقدمت لك بتوافقين؟
ايلين هنا انصدمت وقالت: ا ا مدري
مهند بابتسامة: فكري بالموضوع وانا بكلم اهلي وبتقدم لك ان شاء الله
راح وايلين هنا على صدمتها وهي وقول بينها وبين نفسها على اساس جا يحل المشكلة (قصدها على مشكلتها هي وملاك) جت ميار وايلين للحين واقفة ومصدومة
ميار: بنت ايلين يهوو
هنا ميار ضربتها
ايلين: اخخخ احد ينادي كذا
ميار حطت يدها على خصرها: لا والله صارلي ساعة وانا انادي وين كنتي
ايلين: هنا وين كنت
ميار: وش قالك حبيب القلب😉
ايلين وهي فرحانة: قال انه بيتقدم لي
ميار صرخت: امانة
ايلين: والله
ايلين حظنت ميار
ايلين وهي حاظنة ميار: احس الارض ما سايعتني من كثر ما اني فرحانة
ـــــــــــــــــــــــــــــــــــــــــــــــــــــــ
عند مهند كان منسدح ويفكر فيها والابتسامة شاقة وجهه وكان راكان كل شوي يناظره
راكان: وش فيك يالعاشق الولهان
مهند وهو يناظر السقف وحاط يدينه تحت راسة ويبتسم: الحين انا عاشق ولهان
راكان: ايوة بس ما قلتلي من الي تحبها؟
مهند: بعدين بعدين
راكان: طيب خليني احزر
مهند: طيب
راكان: هي من بنات العيلة؟
مهند: اي
راكان: اخت واحد من الشلة؟
مهند: اي
راكان: ملاك بنت عمتي صح
مهند: لا مو ملاك انت اكثر واحد يدري شكثر اكرها
راكان: اجل مين؟
مهند: ايلين
هنا راكان انصدم: وشو طلعت تحب ايليني
مهند تنرفز من كلمة"ايليني"وقال: اي ايلين بس لا تجلس تدلعها
راكان: اخس طلعت تغار
مهند ابتسم
راكان: من متى وانت على ذا الحال يا عاشق
مهند: لما كان عمري7
راكان:اوووه 7 وللحين تحبها
مهند: وش اسوي اختك ما خلت فيني عقل
راكان ضحك: عاد ما لقيت الا ايلين الصاروخ
هنا مهند ضحك وهو يتذكر شكلها وكان هيمان فيها مرة
راكان: اقول نام يالعاشق الولهان
مهند: ليه انا اقدر انام
راكان: اوووف يعني اختي حتى نوم ما تخليك تنام
مهند ابتسم
راكان: شوف ترا ايلين غالية علي واذا كسرت قلبها يا ويلك يا مهند
مهند: لا ذي حبيبتي ما اكسر قلبها واصلا انا من بكرا بكلم اهلي اني بتقدم
راكان: اي اشوى
ناموا كلهم الا مهند عجز ينام وهو يفكر كيف بيتكلم مع ابوه بعد تفكير طويل نام ونفس الحل عند ايلين الي جالسة تفكر فيه وبعد وقت طويل نامت
خلص البارت الثاني