ماتموت المحبة ولو طال الغياب لسنين وحبي لك يزيد حتى بغيابك

part 3

يت اهل ايلين
عند مهند كان منسدح ويفكر كيف يقول لاهله انه بيخطب ايلين دخلت ام مهند
ام مهند: ها صاحي انزل افطر
مهند: الحين انزل يمة
ام مهند: هلا
مهند: ابغى اكلمك بموضوع
ام مهند: وشو؟
مهند: ابغى اتقدم لايلين وابيك تقولين لابوي
ام مهند بابتسامة: خلاص بقنع ابوك انت انزل افطر الحين وبعدها نتكلم
نزل مهند والكل كان متجمع بالمجلس يفطرون كان يدور ايلين بعيونه الين ما شافها وابتسم ناظرته ايلين ونزلت راسها ضربتها ميار بخفة وقالت بهمس: حبيب قلبك جا
ايلين: والله ان ما سكتي بضربك بالفنجال الي معي
ميار: خلاص بسكت
ايلين: الا قوليلي وش صار عليك😉
ميار: وش بيصير يعني
ايلين: ترا امس ادم كان عندنا
ميار بصدمة: امانة ليه ماقلتيلي؟
ايلين: انا ماكنت ادري الين ما راكان قلي
ميار: طيب هو للحين عندكم؟
ايلين: لا الا بقولك وش رايك نروح انا وانتي وسولار المول بخلي راكان يوصلنا
ميار: تم
ايلين: شبعتي؟
ميار: اي
ايلين: اجل بروح اقول لراكان
ميار: تمام
ـــــــــــــــــــــــــــــــــــــــ
عند مهند وراكان كانوا يتكلمون وجت ايلين
ايلين: راكان ابيك تودينا انا والبنات المول
راكان: ابشري
مهند كان كل شوي يناظر ايلين وايلين كذلك
راحت ايلين لميار وقالت لها وراحوا يتجهزون
مهند: بروح معاكم
راكان: وليه؟
مهند: ياخي طفش هنا وش اسوي
راكان بغمزة: اكيد طفش اذا ايلين مو فيه
ضربه مهند خفيف وقال: انطم
عند البنات تجهزوا وكملوا وكانوا مهند وراكان ينتظروهم بالسيارة بعدها البنات ركبوا
ايلين: راكان مر عند صديقتي
راكان: محسستني ادل بيت صديقتك
ايلين: انت امش وانا ادليك
راكان: طيب مهند شغل لنا شي
مهند: تمام
شغل مهند:
جمالك ماهو بمألوف... ولا مثله عيوني تشوف
واذا بحكي عن الرقة... ياخوفي ما الاقي حروف
بعذر الورد لو يذبل...  يشيل بخاطره يزعل
هنا راكان يناظر مهند وفاطس ضحك
مهند انتبه على راكان: وش فيك اغير الاغنية
راكان: لا حلوة خلها
مهند: اجل ليه تضحك
راكان: لا ولاشي بس تذكرت موقف
راحوا عند بيت سولار(سولار بنت فرفوشة وتجنن صديقة ايلين وميار مرة العمر17)
صعدت سولار وبصوت واطي شوي: السلام عليكم
الكل: وعليكم السلام
هنا راكان كان يعدل المراية وناظر سولار وتنح وهو يناظر الين ما ضربه مهند وصحى على نفسه وهو يقول وشذا ذي البنت متعمدة تخليني اموت بجمالها وعطرها الي منتشر بكل السيارة (راكان الخفيف😂)
هنا البنات جلسوا يتكلمون بهمس ولاحظت سولار نظرات راكان لها وارتبكت بعدها وصلوا المول
راكان: ايلين بننزل معاكم
ايلين: تمام
سولار بهمس لايلين: ليه ينزلون؟
ايلين بنفس الهمس: خليهم ما راح يكونون معنا
سولار: تمام
راحوا البنات وهم يتنقلون من محل لمحل الين ما وقفوا عند محل للفساتين وشافت سولار فستان لونه احمر ورة حلو هنا البنات ناظروا الفستان ايلين وميار: الله ذا الفستان يليقلك يا سولار
سولار: منجد
ايلين: ايه يصير يجنن عليك
ميار: ايه صح احسه لابق لك
سولار: هو حلو بس احسه ضيق
ايلين: لاا مرة حلو بعدين ضيق بس من الخصر
ميار: صح احس بتطلعين ملكة جمال اذا لبستيه واصلا انتي ملكة جمال
سولار ابتسمت واخذت الفستان
ــــــــــــــــــــــــــــــــــــــــــــ
عند راكان ومهند كانوا جالسين
راكان: بقولك شي
مهند: وشو قول؟
راكان: ياخي احس اني مو انا
مهند ضحك وعرف وش بيقول راكان
مهند: جابت راسك اجل وين الي يقول محد يجيب راس راكان
راكان: وش دراني انه بيصير كذا اخخخ يا قلبي
مهند جلس يضحك على حال راكان
راكان: وش فيك تضحك هذي مسألة حياة وموت
مهند: اسكت وش تهبد انت شكله جاك
راكان: وش الي جاني
مهند: الحب😉
راكان: يمكن جاني
مهند: شفت من عاب ابتلى كنت تضحك علي والحين جاك الحب
راكان وهو حاط يده على قلبه: والله لو ادري انه بيصير كذا كان خليته يجيني من زمان
مهند: يلا يالعاشق الولهان قوم نشوف البنات خلصوا ولا لا
قاموا وهم يتمشون للمحل الي فيه البنات وقبل لا يصلون وقف راكان
مهند: وش فيك ليه وقفت؟
راكان: دقيقة خلني اضبط نفسي
مهند سحبه: امش بس لا تضبط نفسك ولاشي
وصلوا المحل
مهند: روح يا راكان وقلهم اذا خلصوا لو بعد
راكان: طيب
راح راكان لايلين الي كانت تتكلم مع سولار وماسكة يدها ومن الجهة الثانية ماسكة يد ميار
راكان وهو يناظر سولار: ايلين خلصتوا
ايلين: ايوة بس بناخذ كم غرض
راكان: خلاص بنتظركم بالسيارة
ايلين: طيب
طلع راكان من المحل
مهند: ها وش قالوا
راكان: الحين يجون امش نسبقهم للسيارة
راحوا للسيارة ويعدها جو البنات
راكان كان يغني بصوت واطي:
الصدفة الي خذتني... يومها صوبة
لابوها لابو... الي صحى قلبي الساهي
يلي كلامه عسل.. وعيونه اعجوبة
ميار: هاا راكان صاير في صدف😂😉
راكان ناظر سولار بالمراية: وش اسوي هذي الحياة
ايلين: لا شكلك وقعت وبشدة
ايلين وهي تتكلم مع سولار: ابقي عندنا وبعدين بخلي راكان يوصلك
سولار: لاا
ايلين: اذا على امك انا بكلمها
كلمت ايلين ام سولار و وافقت
هنا راكان ابتسم ناظره مهند وضحك
بعدها وصلوا والكل كان يرحب بسولار وهم من قبل يعرفونها ويحبونها مرة بس بالنسبة لراكان هذي اول مرة يشوفها لانه كان برا بلده
جلسوا البنات يتكلمون عن الفساتين وسولار كانت طول الوقت تفكر براكان وليه يناظرها كثير
عند ايلين راحت للمطبخ وصادفت راكان
راكان: ايلين
ايلين: هلا
راكان: ذي صديقتك وش اسمها
ايلين ناظرت راكان وكانت فرحانة: ليه تسأل اول مرة تسألني عن صديقاتي
راكان: الحين قوليلي وش اسمها
ايلين: اسمها سولار لا يكون خقيت يا اخوي
راكان: تعرفين يعني الانسان لازم يمر بكذا اشياء
هنا ايلين فطست ضحك وقالت: ياربي وين الي يقول محد يجيب راسي
راكان: تراكم ازعجتوني ليتني ما قلت
ايلين: ليه من قالك غيري؟
راكان: مهند
ايلين ابتسمت لما سمعت الاسم وراكان لاحظ
راكان: ليكون تحبينه
ايلين بربكة: هاا لا وش تقول انت
راكان ناظرها بطرف عين: الا تحبينه وابتسمتي على طول لما سمعتي الاسم
ايلين: يوووه خلاص اي احبه
ـــــــــــــــــــــــــــــــ
عند رغد(ام مهند) قالت لفارس(ابو مهند) عن ان مهند يبي يخطب ايلين
فارس: ان شاء الله بكلم اخوي
رغد: ايه كلمه واضح ان مهند يحبها
فارس: ايه الاحظ نظراتهم لبعض نفس نظراتنا انا وانتي زمان(للمعلومية فارس ورغد متزوجين عن حب)
هنا رغد استحت
دخل مهند وقال: ها يبة شكل امي كلمتك بالموضوع
فارس ابتسم: ايه كلمتتي بقول لاخوي وان شاء الله بكرا تملكون
راح فارس يكلم محمد(ابو ايلين) عند مهند كان فرحان مرة واخيرا حبيبة الطفولة بتصير حلاله
ـــــــــــــــــــــــــــــــــــــ
عند فارس ومحمد
فارس: بقولك شي يا اخوي
محمد: قول
فارس: ابي اخطب مهند لايلين
محمد: مدري وش اقولك يا اخوي بس الرأي الاول والاخير لايلين
قام محمد وراح للمجلس الي فيه البنات دخل وقال: ايلين حبيبتي تعالي ابغى اتكلم معاك
راحت ايلين وقالها ابوها عن ان مهند خطبها
محمد: ها وش قلتي موافقة
ايلين: موافقة
راحت للبنات وقالت لهم
البنات جلسوا يصارخون
ايلين: بكرا الملكة
هنا البنات جلسوا يضمونها
خلص البارت الفجر بنزل البارت الرابع ان شاء الله