أحلام متناثرة

عنوان الجزء

بنت صغيره شدت يدين خوها الكبير وقالت : ايهاب وينه بابا قاعد مروحش
رد عليها : مش عارف ي يقونه اكيده قريب يجي بري ارقدي انتِ جا وقت نومك غدوا عندك مدرسه بتنوضي بكري
يقين: تمام هوبي تصبح على خير
جت الساعة 11 ومردش حسين ع إتصالات اميره خافت وقالت اكيده صارتله حاجه بعد ربع ساعه خش حسين للفيله شاف اميره تستنى فيه في الصاله قتله : وين كنت لهالوقت متردش ع إتصلاتي صاير شي ؟
حسين : مرديتش عليك لانه منبيش نحكي معاك واضحه .
اميره : نبي نفهم شن صاير خيرك هكِ معاي
حسين : مافي شيء غير انتِ تحب النكد بنمشي نرقد
اميره : استنى مكملناش نقاش متمشيش حسين ندوي معاك رَ
رقد حسين ولا كانه فيه حد يدوي وراه
كانت حياتهم حلوه لكن فجاء انقلب كل شي
____________________
تاني يوم الصبح
‏7:00 am
ناضت اميره من النوم وصلت ونزلت تحت ومشت للمطبخ لقت فاطمه تجهز ف الفطور
فاطمه :صباح الخير مدام.
اميره : صباح النور ، شن صار في الفطور واتي؟
فاطمه : اي مدام دقائق بس.
اميره : تمام بنمشي إنوض الصغار وقت ع المدرسه.
مشت للدور التاني اول غرفه ع اليسار كانت لولدها الكبير إيهاب فتحت الباب ومشت جيهت السرير ،
هوبي نوض وقت ع المدرسه.
إيهاب : صباح الخير ماما.
أميرة : صباح الورد هوبي ، هيا نوض خش للحمام اغسل وجهك وتوضى وقت.
إيهاب : تمام ماما.
طلعت أميره من الدار ومشت نوضت باقي صغارها ونزلت توتي مع فاطمه في طاولة الفطور وقعدت تستنى في صغارها وراجلها ينزلو.
بعد ربع ساعة نزلو الصغار ونزل بعدهم حسين.
وهما يفطرو قالت بنتهم الصغيره منتهى : بابا استاحشتك.
حسين : وأنا ي بابا.
وقالت البنت الوسطيه يقين : خيرك ي بابا امس عطلت قعدت نستنا فيك .
حسين : عندي عمل مش فاضي.
حل الصمت بعد كلام حسين وكملو فطورهم وبعدها كل ناض حسين مشا للعمل والصغار وصلهم السواق للمدرسه وأميرة مشت لمكتبها في الدور الاول تراجع في القضايا يلي عندها.
بعد ما كملت مراجعة القضايا ركبت للدور التاني لغرفتها بدلة لبسها ولبست بدله رسميه باللون الاسود وشاح اسود وشنطه باللون الابيض وكعب ابيض ونزلت وخشت للكوجينه قالت لفاطمه شن ادير ع الغداء وطلعت ركبت سيارتها ومشت لمكتبها.
——————————
عند حسين في الشركة
لما وصل للشركه وركب للدور الرابع يلي فيه مكتبه فتح وخش قعمز ع الكرسي يلي ورا المكتب وقعد يقرا في صفقات والاوراق يلي تبي توقيع وشوي وطق الباب وخش السكرتير للمكتب بعد مإدنله حسين بالدخول.
السكرتير : صباح الخير إستاذ حسين.
حسين : صباح الخير أسامه ، شن جدولي اليوم.
السكرتير : عندك اجتماع الساعه 9 وبعدها غداء مع بعض المستثمرين وفي شوية اوراق محتاجه توقيعك.
حسين : تمام أسامه اعطيني الاوراق باش نراجعها ونوقع عليها.
السكرتير : تمام إستاذ تفضل.
وطلع السكرتير من المكتب وقعد حسين يراجع في الاوراق ووقع عليهم لين جت الساعه تسعه طلع من مكتبه ومشا لقاعة الاجتماعات وبعد ساعتين تم الاجتماع .
وبعد رجع لمكتبه وكمل باقي شغله شويه ورن تيلفونه طلع المتصل امه.
ام حسين : صباح الخير وليدي.
حسين : صباح الخير ي أمي ، كيف حالك اليوم.
أم حسين : بخير ي ولدي ، كيف حالك انت تعال اليوم انت واميره والصغار ليا فتره ماشفتهم.
حسين : دوم يا أمي، بخير الحمدلله، تمام تو نشوف أميره والصغار كان معندهم شيء تو نجو العشيه.
أم حسين : نستنى فيكم ي ولدي حتى أختك حنان استاحشتهم.
حسين : كيف حالها حنان سلميلي عليها، شكلها قعده في الحوش اليوم معندهاش عمل في العياده.
أم حسين : اي اليوم عطلتها.
حسين : اي تمام تو بالسلامه أمي .
أم حسين : سلامتك وليدي .
صكر حسين الفون وكمل عمله وبعت لأميره مسج متستنونيش ع الغداء وإنه بنمشو لحوش عيلته بعدين ولما جت الساعه 12:30 طلع من المكتب ومشا للمطعم قعد يستنى في المستثمرين شويه وجو وتغدو وحكو ع العمل وتم الاجتماع ع خير.
———————————
عند الصغار بعد ماكملو حصصهم وطلعو من المدرسه لقو أميره تستنى فيهم البرا بتروح بيهم اليوم بدل السواق.
البنات لما شافو امهم مشو يجرو حضنوها، وقالو استاحشناك ماما.
أميره : وحتى أنا ي ماما.
محمد قال لأمه : اليوم معندكش عمل هلبا ؟
أميره : إي ي ماما هذا هذا علاش لما لقيت روحي مكمله عمل بكري قولت إنجي نروح بيكم ، هي اركبو في السياره نهدرزو تمام.
ركبو الصغار في السيارة وقعدو يهدرزو لأمهم شن صار معاهم اليوم في المدرسه ونص ساعه وصلو للحوش نزلو من السياره وخشو قتلهم أميره : اركبو بدلو لبسكم وصلو الظهر وانزلو بنتغدو.
ردت البنت التانيه وإسمها دانيا : مش مستنين بابا ي ماما.
أميره : بابا بعتلي مسج قال اليوم بيتغدى في العمل وبعدين العشيه بنمشو لحوش حنينه زينب وعميمه حنان.
منتهى : هيي عميمه حنان .
يقين : استاحشت جدو سالم وحنينه زينب.
محمد : حتى انا ي يقونه.
إيهاب : ساعه كم بنمشو ي ماما.
أميره : الساعه 5 ي ماما ، هي بسرعه اركبو باش تنزلو ونتغدو ركبو الصغار لغرفهم وبدلو لبسهم وتوضو وصلو وأميرة مشت لغرفتها وبدلت لبسها ونزلت هيا والصغار بعد ربع ساعه ولقو الغداء جاهز ع الطاوله تغدو وبعد الغداء ركبو لغرفهم يكتبو في واجباتهم تحت إشراف أميره ، بعد ماكملت اميره مشت لغرفتها ترتاح وتوتي في روحها باش يمشو لحوش أهل حسين.
في الوقت هذا روح حسين للحوش وركب لغرفته لقا أميره توتي في روحها شافلها شويه وبعدين خش للحمام دوش وتوضى وطلع صلى صلاته وقعمز ع السرير
اميره : الي امتي حنقعدو ع هذا الحال
حسين : سكت قعد يشوف ل اميره وساكت
اميره وقفت : تمام حسين
وطلعت مشت عند صغارها
حسين : اسف ومسح ع وجهه ورقد
يقين : دانيا شن بتلبسي ؟
دانيا : قفطاني الوردي اهو
يقين : به هيا خلي نديرلك شعرك
دانيا : هي هي ومشت تجري فرحانه لبست وجت عند يقين تسرحلها ف شعرها
لبست يقين وجهزت روحها ونزلت هيا ودانيا قعمزو ف صالون وشويا و نزل مهاب ومحمد وقعدو يستنو ف اميره وحسين
نزلو وكا العاده يمثلو انه كل شي تمام
ركبو ومشو عند حوش جدهم وادهمو محل حلويات نزل حسين شراء سفرة حلاوات
نزلو وسلمو ع حناهم وعمتهم وجدهم وقعد حسين يهدرز مع بوه ف المربوعه ومنسجمين ويشربو ف قهوتهم
واميره وام حسين وحنان قعمزو ف جنان حتي هما ويشربو ف قهوتهم مع حلاوات يلي جابتها اميره وقعدو ويهدرزو وجنبهم صغار يلعبو وفرحانين
ام حسين : اميرة بنيتي خيرك حاسه انه فيك شي صاير حاجه بنيتي ؟
حنان :اي اميره من وجهك واضح رَ
اميره : تنهدت والدموع فعيونها : لالا مفيش شيء ضغط خدمه بس الفتره هادي
ام حسين : شافت ل بنتها حنان بمعنا انهم مش مصدقين
ام حسين : تمام يبنيتي ربي يسهلك ويعاونك لكن ف اي وقت تعالي انتِ بحسبت حنان بنيتي ومسكت يدها
ابتسمت أميره بوجع: حتي انتِ والله زي اميمتي يغاليه
كملو هدرزو وضحك ويهدرزو
بعدين حسين طلع قالهم عنده خدمه برا
فات الوقت بسرعه وجاء الليل
.
.
.
.
.
يتبع