الياقوت الأسود

part 2 🌪

#الياقوت الأسود

بقلم❥ وردة النرجس

مَا ذَنب الوردِ إذا كانُو الأحباب خائِنين؟

               ❍❍❍❍

مُــــــثل

ما كدرت اتحمل أكثر دفعت أيده ودخلت للأستقبال وهوَّ
وراي ردت احجي گال

-فرات: مُــــــثل انتِ هناا اريد احجي وياج بشي مهم ممكن

يحجي وعيونه عليهم ويرجع يباوع عليه عفتهم وطلعت وهوَّ
وكف مقابيلي

-فرات: ما اتوقع الة داعي تدخلج بينهم هوَّ وياهه كبار وثنينهم واعين واذا يردون هل شي فـ طبيعي

-اذا طبيعي بالنسبة الك فـ احنة ما نقبل ما وصلنة لهيچ مرحلة لازم نخلي حد لهل شي وييين احنة وبعدين لا تدخل شي خاص بينه

- فرات: صح بس الوقت مو مناسب هسه

-انتَ ما تعرف شي احنة هواي تأذينة ومستحيل اسمح الهه ترخص نفسهه بهيچ طريقة خلي تفكر بالزواج بس مو بهيچ طريقة

دخلت جوه من غير لا اجاوبه مقهوره من ماما شگد اتأذينه
بحياتنه وياهه وحته بابا جانت ما تحترم وجوده وتذب علينه
كلام سم ونتحمل بس ما توصل بيهه هيچ مرحلة ترخص نفسهه ويم منو يم اهل بابا

حضنت سند ونمت كم ساعة فزيت ؏ صوت المنبة كعدت حته أصلي واكوم وراهه احضر الأكل غسلت وتوضيت رحت للمطبخ حته أشرب مي واشوف خيال شخص بره فتحت الباب شفته فرات

-فرات: صــباح الخير دورت على تربة ما لكيت واستحي ادخل جوه

-هسه اجيبلك

اخذتله سجادة وتربة انطيتهن الة ودخلت صليت جنت حيل
مختنكة خليت راسي على السجادة وصرت ابچي تراكمات الي بداخلي جنت اشهك بصوت عالي اتذكر بابا ولادله النة لمن عافنة وراح نهدم كُلشي بينه وياه

- يارب قويني أكثر حته اكدر اصير سند لأخواتي ولأبني كُلشي ديصير تعبني

كعدت يمي وايدهه حاوطتني حاضنتي ودموعهه تنزل وياية

-شجن: اتمنى انو الله يعوضج عن كُلشي عشتي ودا تعيشي ويانة هواي تعبناج احنة

-لتحجين هيچ انتم مصدر قوتي شعندي غيركم

-الله لا يحرمنه منج انتِ امي واختي وكُل اهلي

-ولا منكم ياروحي شعندج كاعدة

-فزيت عطشانة وسمعت شهكاتج واجيت يمج

-يلا كومي صلي ونامي

طلعت شجن من الغرفة وأني لميت السجادة وكمت للمطبخ
أسوي گهوة كالت وراية

-احسبي حسابي وياج بعد ما يجيني نوم

صبيت الگهوة ألي والهه وهيه طلعت مكسرات وجوز الهند كعدت تاكل وياهه صفنت عليَّ وبعدين گالت