الياقوت الأسود

part 4 🌪

#الياقوت الأسود

بقلم❥ وردة النرجس

والسوالف كلها تكضي وتبقى سالفتي طويله

              ❍❍❍❍

مُــــــثل

ركضت الهه خليت راسهه على حضني وشجن تصيح عليهم
دخلو الولد اجة فرات يمي

- شصار مُــــــثل احچي.
-ما اعرف فرات اختي اختي راح تمووت

رفعهه من حضني شالهه يركض وأني وراه صاح بصووت
مستعجل على أسامة خليت سند يم شجن وصعدت فرات
خلاهه ؏ رجلي وشغل السيارة أسامة وفرات كعد بصفة

امسح على وجهه بيدي حاضنته راسهه متعور ينزل منه دم
هستونه مشينة وأسامة لزم بريك قووي انضرب راسي
بالكشن باوعت شفت شخص عاكس سيارتة بطريقهم وغلط
عليهم ما ركزت شنو گال

أسامة سحب السلاح ونززل علي وفرات ركض الهم نزل
شخص من السيارة وكف يضحك بأستفزاز أسامة خله السلاح براسه وذاك ولا مهتم واحد يغلط على الثاني وفرات بينهم ما اتحملت أكثر فتحت الباب ونزلت

-فرررات نفسس مو زينة وكت مشاكل هسه الله يخليك
تعال.

فرات باوعلي ويسحب بـ أسامة وذاك رافع أصبعة يتوعد الة
اجوي وثنيهم صايرين نار أسامة خلا المسدس بظهر البنطلون وصعد طبك الباب بكل قوتة

-أسامة: شلوووووون تطلعين وتعلين صوووتج بنص الشارع غبية انتِ؟؟؟

-لعددد وكت مشاكلك هسه واختي بهيچ حال

-فرات: حرگ واطلع أسامة بعدييين هل حجي يلااا

شغل وذاك ابتعد عن طريقنة عبرة أسامة درت وچهي على
الطريق بس لمحتة ورجعت انضاري على نفسس وأسامة
طول الطريق صاير بركان ويسب على فرات

-انتَ انتَ السبب خليته هيچ يتقووووة علينه كتلك طلقة وحدة اخليهه براسه

-فرات: لا تلح أسامة كتلك بعدين نتفاهم

-أسامة: يوووكف بوچهي ما يخليني اكتلة ما يقبل علييي ما يقببببل اسبك هسه انتَ وياه

-شتريد لعد تكتلة شما يصير بينه ما اخليك تلمسة.

-خلي يطبل فوكك روسنة خلي انتَ متووونس بس يجيي يوم تنضرب على راسك انتضرر. 

يحجي ويضرب على الستيرن بحركة والجگارة بيده أذاني
تصفر من صوت صياحة العالي طبگ السيارة على المستشفى واجة فرات شال نفس وهوَّ ويانة

دخلت الدكتوره خلت الهه مغدي وعقمت راسهه جبينهه
مورم لفت راسهه بشاش طلعتني انتضر بره بين ما يخلص
المغدي كعدت واجة فرات بيده بطل مي اخذته منه شربت وأسامة واكف على صفحة سحب فرات من أيده يحچي وياه ومتقصد يسمعني