#الياقوت الأسود
بقلم❥ وردة النرجس
چا ويَن أودي الحچي وأتعاتب وياَمن؟
❍❍❍❍
مُــــــثل
باوعت مرعوبة من منظر الدم وشلون هيچ سوه بنفسه فرات
نزل سند من ايده وراح يركض بلهفة علي ويصيح بصوت عالي
-شسويت بنفسك شسووويت يااااابه جيبلي أي شييي بسررعة لا تصفنون
ما انتضرهم يجون نزع قميصة وشك منة شوية ولف ايد أسامة بي حاضنة لصدرة كلهم التمو عليّ ومرة كعدت بصفة تدك وتلطم على خدهه عرفت من كلامهه أنو هية امة
-عمة كومي طالع بي للمستشفى لا تخافين ماكو شي
-يمه وليدي اروح وياك حبيبي ما اعوفة وحدة يمه سوده بوجهي شجاك ييمه شلون تسوي هيچ
جان هادء حته ما مبين علي يتألم فرات خلة ايدة على كتفة واخذه صارت عيني عليهم باوعلي بنظرة عجرت افسرهه وليش هيچ حاقد احنة منين نعرفة كعدة فرات بالسيارة
اجتي بنية تركض وبيدهه قميص انطته الة وهوه لبسة وشخط السيارة يمشي بكُل سرعتة المرة باقية بس تبچي عمو أبو فرات كومهه يهدي بيهه
-أبو فرات: كولي يالله خوية أم أسامة هذا سبع ما يصير عليّ شي هسه يجون لا تخافين
-ما نام اليل كله ما نام بس يفتر كتله يمه انعل الشيطان وعوف الي صار بس ما سمع مني يمه أسامة سوده بوچهي ولك شعندي غيرك
طبطبو عليهه وحاولو يهدونهه اخذوهه ودخلو جوه وأني والبنات باقين بس نترقب حركاتهم بدون أي ردة فعل اجة صوت بضهرنه
-أبو فرات: بوويه ليش واكفات تغريد صدك جذب غير تدخلين البنات جوه
أجتي المرة تحجي وياه وتعتذر
-تغريد: انشدهنه بـ أسامة والله حته ما ركزت تفضلن فوتن عيوني البيت بيتكم
دخلنة للبيت تحت أنضار الكُل يباوعن علينه بنضرات غريبة
وألي بيهم أصلا ما عاجبة وجودنة عمو أبو فرات كعد ؏
الكروتية وأشر النة كعدنة بصفة
-سون أكل للبنات خلي ياكلن وجهزو الهن الغرفة
عيوني على أم أسامة جانت حيل مقهورة وتبچي وجعني گلبي ألي صار بسبب وجودنة هناا انتبهت عليَّ بسرعة درت وجهي احجي وي عموو
-ما اريد أي شي عمو بس نروح نرتاح اذا ممكن سند تعبان لازم انومة
-أي بوية صار
-تغريد: نجمة تعاي، اخذي البنات للغرفة
دخلت نفس البنيه ألي طلعت قميص لفرات وكفت تباوع علينه بدون ما تحجي استأذنت عموو ودخلنة وياهه للبيت هواي أكو غرف راحت على نهاية الممر فتحت الباب كالت بصوت ناصي
أنت تقرأ
الياقوت الأسود
Actionلازمة اديهم وأمشي سريع وكُل شوي ألتفت يمنة ويسرة أخاف أحد منهم لاحگنا جسمي كُله يرچف ملابسنة ناكعة من المطر ورجلية ما أحس بيهم نترت أيدي - كافي باعي رجليچ دمچ خلص ما اريد اروح لأي مكان خلينة نرجع الهم - مسسستحيل امشن ما بقة شي ونوصل فدوة امشن سحب...
