تشاء الأقدار و تشاء الصدف لقائنا

Part 2

في الناحيه التانيه بعيدا عن البنات كانو في شله شباب الي هم
عبدالله العمر 23 بارد وعصبي لكنه مع شلته فلاوي وراعي سوالف و طقطقه و جميل و كل البنات خاقين عليه لكنه مطنشهم وبعضهم يحبونه عشان فلوسه عندهم شركات و منصب عالي و ابوه مدير شركات معروفه و أمه صاحبه محلات و مديرتهم
عبدالعزيز العمر 24انسان مفهي وكل شي عنده طقطقه و فله لكن لو عصب يقلب 180 درجه خويي عبدالله و أقرب واحد له و يحب كل اخوياه و ما يقل جمال عن عبد الله
تركي العمر 22بارد نوعا ما حنون ولكن اخذ الدنيا على مزاجه متفائل و اهبل و ما يقل جمال عن باقي اخوياه
فيصل: 20 سنه ذا الفلاوي حق الشله و الي يونسهم و ما يقدر يحبس لسانه ملقوف و يتدخل بالي ما يخصه و خواف لكنه يمكن يخوف الجني مو الجني يخوفه
اخر واحد خالد العمر 21ذا الهادي و الحكيم فيهم و دايم يرجعون له بالقرارات
نروح عند ابطالنا كانو متجمعين في الاستراحه عبدالله جالس بكل برود و يشرب قهوه و فيصل بس كل شوي يناقز و يقول عندي فكره و أفكاره كلها بيض عبد العزيز كان يتكلم مع عبدالله الا فيصل ينقز و يصارخ انكبت القهوه على ثوب عبدالله و عبد العزيز يناظر فيصل بشماته الا عبدالله يقوم و يقرب من فيصل و فيصل يرجع لورا و يقول استهدي بالله لحظه شيطان ويركض و يتخبى ورا تركي
تركي/يا ولدي انت كل ما سويت مشكله تخبيت وراي كأني امك وخر شدخلني انا روح تفاهم معه هو
قام عبد العزيز وهو يضحك و مسك عبدالله قال له عادي الموضوع مو مستاهل قال عبدالله بضحك هو خواف انا كنت جاي ابعد الحشره الي على ملابسه الا يقوم فيصل وهو يصارخ وينها وينها رح عبدالله عطاه بكس لين طيحه على الأرض
فيصل/آخ يا راسي آخ يا بطني
تركي/وشدخل بطنك
فيصل/الفاصوليا مسويه لي حموضه
ضحكو الشباب
قام فيصل و قال للشباب شرايكم في مكان اسمه *** يقولون انه حلو و مناسب العطلات شرايكم نقضي هناك يومين ثمن نرجع بس في مشكله
قالو الشباب وش هي؟
فيصل/قبل ما نوصل هذا المكان بنمر من عند وادي مهجور و في كلام طلع عنه انه حدثت جرايم هناك و قتل و في كائنات غريبه تسكن بهذاك المكان وكل من مر من جنب هاذا المكان سمع أصوات بنات تغريهم عشان يتعمقو في المكان ثم يختفو
ضحكو الشباب على هبل فيصل و قالو يا رجال هاذي اشاعات وانت بزر تصدق هذا الكلام
فيصل بخوف مدري والله بس هذا الي سمعته
المهم لمو الشباب عفشهم و انطلقوا
"وفي مكان ثاني عند البنات".  
كانت سندس تسوق السياره و مستانسين و يرقصون و مشغلين اغاني وحور تزغرط و فالينها
مريم بخوف/يا بنات احنا بمكان منقطع عن الناس و مهجور و انتم مشغلين اغاني يا قو قلبكم
قالت حور من صدقك تصدقي ذا الإشاعات يا شيخه فكك و استانسي معنا
وصلو المكان و نزلو
سندس/بنات الحين بنحط الخيمه و نريح و بكره ان شاء الله نكمل جلسو وحطو المفرحات حقهم و قعدو يسولفو و يضحكو
"عند الشباب"
كان خالد يسوق الا شوي و يصرخ خالد يا عيال البنزين بيخلص
عبدالله وهو معصب/وانت صاحي تودينا لمكان منعزل عن الناس بدون ما تتأكد من البنزين
خالد/و انا شيدريني مفروض كان انتبهتم معي
عبد العزيز /ياليل ما وقفت السياره الا هنا
فيصل وهو يرتجف/يا عيال ذا الوادي الي كلمتكم عنه
تركي/انت اخر واحد تتكلم كفايه اننا جينا ذا المكان بسبتك
الا شويه يسمعون ضحك بنات
فيصل بخوف/شفتم يا عيال قلت لكم الحين صوت البنات يستدرجنا و ياكلنا و انا لحمي مر
عبدالله وهو يدور اي شي يهبد فيصل فيه يا عيال مافي شي حديده هنا عشان اهف هذا البزر فيها
خالد /يا عيال ترا مو وقته
تركي/وش السوات الحين
عبدالله/يا عيال خلونا ننزل و نشوف اي احد يساعدنا
عبد العزيز/صاحي انت بذا المكان المقطوع بتلاقي احد يساعدك
نزل عبدالله من السياره وهو يناظر يمين و يسار يحاول يشوف اي احد يساعدهم
الا شويه يسمعون صوت تصفيق و بنات يقولو حور حور حور
"عند البنات"
كانو مسوين مسابقه بين حور و شهد مين يوصل اول للناحيه الثانيه و بداو يركضو
نرجع عند الشباب
بعد ما سمعو صوت بنات الا شوي يشوفو ضل يركض بناحيتهم بسرعه
الا بنت تنخبط بعبدالله و تطيح على الارض
شهد/بسم الله عليك يا حور صار لك شي حور و هي منزله راسه مين ذا الصاحي الي يبني جدار بنص الطريق
عبدالله/عفوا شقصدك رفعت حور راسه الا تلاقي واحد طويل عريض و وسيم بشكل حور وهي مبققه اوف اوف وش ذا الجمال انت صاروخ أرض جو
شهد/ضربت حور على راسها قومي الله يفشلك يا ثور
حور/احيه شكلي جبت العيد
نزلو الشباب من السياره و تجمعو كل الشباب
عبدالله/وش جابكم بذا المكان المقطوع مهبولات انتم
حور/ انت شدخلك فينا لتكون ابونا ولا اخونا احنا بكيفنا نجي المكان الي نبي
عبدالله/اولا احترمي نفسك و انتي تكلميني احسن ما اسوي شي ما يعجبك
حور جت تتكلم مسكتها سندس قالت خلاص اقطعي الشر احنا بوضع ما يسمح نتهاوش فيه
نزل فيصل من السياره وهو يقول جنيااات
صرخت مريم وهي تقول وينهم وينهم
فيصل/انتم الجنيات الي تبون تستترجونا و تاكلونا
تركي وهو يعطي فيصل كف و يقول انت شايفنا بمسلسل هندي
شهد/ومن ذا الصاحي الي بياكلكم
رهف/بنات جوعانه
سندس وهي تحط ايدها على راسها مو وقتك يا ام بطنين
رهف/وي شسوي عاد جوعانه
تركي/تبون الصدق يا عيال حتى انا جوعان
عبدالله/وكيس الحلويات الي بالعه
تركي/ذاك سناكس خفيف