الجد : يابنيتي ليان وينك وأنا جدك
عند ليان الي كانت تهوجس بالمطبخ والشاهي يغلي بالغاز وحاطه سماعتها وفجاه تجيها أمها : لياااان ليان !
ليان الي ماكانت تسمع بسبب صوت السماعه العالي
قامت هدى سحبت سماعة ليان بعصبيه : كمّ مره أقولك لا تتجاهليني
ليان بصدمه : مانتبهت يمه معليش
هدى بعصبيه : الله يآخذك ليته ابوك آخذك
ليان بدموع تحاول تمسك نفسها : اسفه يمه
هدى : انقلعي شوفي جدك بس
ليان راحت لجدها وماقدرت تمسك دموعها
الجد: وشبك يبنيتي علامك تبكين
ليان بحزن : مافيني شي يجدي
الجد حس ان بنته هدى لها دخل بالموضوع وجلس يمسد على ظهر ليان بحنان : معليه يبنيتي
ليان مسحت دموعها : ليت الكل نفسك يجدي وحضنته بقوه
الجد : بادلها الحضن
ليان كانت تبعد يدها عن جدها وتقول : عاد اعذرني بقوم اخذلي راحه
الجد: الله معاك يبنيتي
الظهر الساعه 1:47
الكل صحى ومن ظنهم بطلنا سلطان الي كان مأخذ اجازه من دوامه قام سلطان يفرش اسنانه ويتروش طلع من الحمام راح عند الدولاب أخذ له شورت اسود وبلوزه سودا دق الباب وكانت اخته جوري بعصبيه: اخلص علينااا الكل ينتظرك
سلطان : احم احم ادري إنكم ماتقدرون بدوني
جوري رفعت حواجبها : خف علينا يمحور الكون انزل لا ابرك عليك
سلطان بضحك : طيب يبيبي لا تعصبين
جوري : دفته ناحيه الباب وضحكت
الكل كان متجمع بالمجلس يتنظرون الأكل ومن ظمنهم ليان
هدى لفت ولقت ليان جالسه هدى بعصبيه : لياان قومي ساعدي البنات بالمطبخ الكل لف على ليان وليان حست بالإحراج
الجد : خليها البنت تعبانه شفيك عليها
هدى : ييبه مافيها شي بس دلع
ليان الي قامت ناحيه الباب وصقعت بسلطان ليان نزلت عيونها :اسفه ماشفتك
سلطان : لا ماصار شي يبنت العمه
جوري الي كانت ورا سلطان : يليل المسلسلات التركيه
ليان الي ناظرتها بصدمه : انقلعي بس
سلطان : ناظرها بنظرات خلاها تبلع ريقها
جوري : امزح والله شفيكم ههههههه
ليان : يشينك تعالي بس المطبخ نساعدهم
سلطان الي كان يناظر ليان ويحس انه معجب فيها بس مايحب شخصيّتها الضعيفه
__________
بالمطبخ
عند أم بطلنا جميله كانت مسويه مقلوبه والبنات حولها
ليان : صدق صدق تسللللم يدينك الحلوه
جوري : يشيخه اموووت عليك ماميييي
حنان : ياخي طبخ امي مابعده طبخ
سلمى بنت خالهم الثانيه غير هدى : والله انو خالو محظوظ مرررا فيك
سعود يقلد طريقه كلام سلمى : محظوظ مررررررا ياااي
سلمى : اشبو دا
جوري : وي كورنيش يواد
سلمى : ماني كدا ترا
سعود : طيب طيب يزعوله
جميله : خلاص يسعود خل البنت عنك ويلا ود الأكل للمجلس وانتي ي جوري وليان ودو السفره
جوري :على هالخشم
ليان : ابشري
_________
بالمجلس
كانوا الكل متجمع بالمجلس ويسولفون ولاطفال يلعبون سوني والأمهات يسولفون اما الرجال بالمقلط عن شبت النار لفت جوري لليان : ودي السفره عند الرجال ليان : لا تكفين
جوري : ياخي بالله مابي اروح الحين ينشب لي سلطان هاتي وهاتي
ليان : يليل بحطها وبهرب
جوري : لا تستهبلين يورعه
ليان : شمقت لها ماننني ورعه تراها سنه يعجوز
جوري : انااااا عجوز !!!!!!!!!!
ليان : امزح يقلبببو
جوري : انقلعي ودي السفره بس
ليان : طيب ورمت لها بوسه طايره
ليان راحت عند المقلط دقت الباب وطلع لها سلطان سلطان بعصبيه : وش جايبك هنا !
ليان : جوري قالت لي
سلطان : بسرعه روحي لا احد يشوفك اخلصي علي !
ليان بعصبيه : لا تصارخ علييي طيب
سلطان : اقول روحي بس روحي
ليان : شمقت له ولفت وراحت
سلطان بضحك مجنونه قسم بالله راح يفرش السفره الجد : أفرشها هنا وانا جدك سلطان : ابشر على هالخشم
الجد : تسلم يولدي
سلطان لف على سعود : خذ وزع المويا
سعود : احم احم على عرسي
سلطان رفع حواجبه : ههههههههههههههه خذ بس
سعود قام وزع المويا على السفره الجد طراً على باله سالفه الزواج
الجد : ومتى ناوي تعرس ياسلطان
سلطان : ماجت بنت الحلال يجدي
عبدالرحمن : الله يرزقه يعم
سعود : وانا طيب !
عبدالرحمن : انت كمل جامعتك بعدين يصير خير
الجد : ابشر يولدي بنت الحلال موجوده
سلطان حس أنها ليان وحب يغير الموضوع :خلوا عنكم السالفه واقلطوا
الجد : يلا يلا
